Nag-guest ang Kapamilya young stars na sina Kim Chiu, Gerald Anderson, Melissa Ricks, at Robi Domingo sa The Buzz last Sunday, January 14, para sa promo ng tinatampukan nilang pelikula sa Star Cinema, Paano Na Kaya?. Si Kris Aquino ang nag-interview sa kanila.
KIM CHIU & GERALD ANDERSON. Kim and Gerald play the roles of Mae and Bogs, respectively, in Paano Na Kaya?. Mag-best friend sila dito na magiging mag-boyfriend. Lalabas na rebound girl o panakip-butas si Mae matapos hiwalayan si Bogs ng una nitong girlfriend na si Anna, played by Melissa.
Tinanong ni Kris si Kim kung totoo ba na pag nagmamahal ay nagpapakatanga talaga ang isang tao?
"Oo naman. Lahat ng mga gustong magmahal, gusto nilang magpakatanga sa taong minamahal nila," sagot ni Kim.
"Ako hindi!" natatawang pagkontra ni Kris sa sinabi ni Kim, na tila nakaka-relate siya dahil sa kinaharap nilang problema ng asawa niyang si James Yap. (CLICK HERE to read related story.)
Dahil katrabaho ni Kris sina Kim at Gerald sa ABS-CBN primetime soap na Kung Tayo'y Magkakalayo kaya madalas din silang magkausap ni Kim. Mag-nanay sina Kris at Kim sa naturang soap.
Ayon nga kay Kris, "Alam ko nakakadagdag ako sa pressure. Pag nagte-taping tayo, sinasabi ko sa iyo [Kim] na napakahalaga nito [Paano Na Kaya] sa buhay mo. So, nakakatulog ka pa ba? O dahil talagang nandun na yung patung-patong na trabaho, nandun pa yung sobrang kaba? Dahil nakasalalay talaga sa balikat niyo ang success ng Paano Na Kaya?"
"Actually, this week, sobrang naging hectic yung schedule namin," pag-amin ni Kim. "Shooting, dubbing... At last, kagabi, kaninang madaling-araw, 6 a.m. [Jan. 24], natapos na namin lahat. So, bahala na yung editing. Sabi nga namin, 'At last, nakahinga na tayo. At last, tapos na yung lahat-lahat ng pagod. Yung mga tao na lang yung bahala talaga.' Siyempre, sobra kaming nagpe-pray ni Gerald na talagang mag-hit sana yung pelikula."
Si Gerald naman ang sunod na tinanong ni Kris kung kinakabahan ba ito?
"Oo naman," sambit ng young actor. "Yung pressure nandun. Nandun talaga. Pero me and Kim, si Direk Ruel [Bayani] at ang buong staff, we're very proud sa ginawa namin... sa istorya ng Paano Na Kaya?. We're very excited at the same time."
Sa pelikula ay mararamdaman na si Kim ang mas in love kay Gerald at talagang naghintay para ibigin siya. Sa totoong buhay, sino sa kanilang dalawa ang mas malakas ang feeling for the other?
"Ako, ako po!" madiing tugon ni Gerald. "Kasi, siyempre, hindi pa handa si Kim. So, ginagawa ko ang lahat. Ipinapakita ko sa kanya na I'm ready, handa ako. Maghihintay ako."
Bakit, hindi pa ba handa si Kim?
"Bakit ka nagagalit, Mommy?" biro ni Kim kay Kris. "Siyempre, marami pa namang bagay na dapat niya i-enjoy kasi bata pa naman siya. Siyempre, dapat meron din akong mga bagay na dapat enjoy-in. Pero siyempre, masaya naman kami sa isa't isa and masaya naman kami kung ano ang meron kami ngayon. Ano, masaya lang."
Pinilit namang paaminin ni Kris si Kim na aside from Gerald na nakahalikan na niya on screen, sa totoong buhay ba ay may iba pa siyang nahalikan o wala pa?
"Sa cheeks o labi?" tanong ni Kim.
Kagaya ng eksena niyo...
"Meron, pero dati pa yun, testing lang. Fourteen years old pa lang ako noon. Pero sandali lang yun, ha. Nakakahiya tuloy!" natatawang sabi ni Kim.
Nag-react naman si Kris at sinabing, "Kinabog mo ang nanay mo! My gosh!"
MELISSA RICKS. Ginagampanan naman ni Melissa sa Paano Na Kaya? ang role ni Anna na unang magiging girlfriend ni Bogs. Pero nakipag-break siya kay Bogs.
"I was looking for someone more mature. And then when he matured, he was with Kim na," paliwanag ni Melissa sa role niya.
So, gusto mo siyang agawin?
"Hindi naman sa nang-aagaw. No, no... Pero in the end, gusto ko na magkatuluyan sila."
So, babait din siya rito?
"Maybe, tingnan natin."
Kilalang very protective ang mga Kimerald fans sa kanilang idolong sina Kim at Gerald. Hindi ba nag-alinlangan si Melissa na baka maging "most hated girl in the Philippines" siya dahil sa pakikipag-love triangle kina Kim at Gerald?
"Oh, my gosh, huwag naman!" sambit ni Melissa. "When the movie was offered to me, unang ni-reply ko sa handler ko, 'Baka magalit sa akin ang Kimerald.' Pero my handler said, 'No. They know na you're friends [with Kim] and the role is very good.' It's my first also for Star Cinema. So, I'm happy na my first movie was with Kim and Gerald."
Hindi naman napigilan si Kris na intrigahin si Melissa sa pagsasabing parang may common denominator sila ng Pinoy Big Brother Double Up ex-housemate na si Sam Pinto. Ang tinutukoy nga ni Kris ay si Jake Cuenca, na inamin ni Sam na dati siyang idine-date ng aktor. Ngayon naman ay nanliligaw si Jake kay Melissa.
Ang tanong ni Kris kay Melissa: "Nagagandahan ka sa kanya [Sam]?"
"Yes, she's very pretty," sagot ni Melissa.
But does Melissa think she's prettier than Sam?
"I don't know," ani Melissa.
Bigla namang sumingit si Kim at sinabing:"Oo naman [mas maganda si Melissa]! Siyempre friend ko si Mimi [palayaw ni Melissa]."
Kung friends sila ni Kim, ayaw niya bang maging friend si Sam?
"Siyempre, gusto din," sagot ni Melissa.
ROBI DOMINGO. Robi plays the role of JC sa movie, na family friend ng character ni Kim. Binubuyo sila ng mga parents nila para maging sila.
Ayon kay Robi, nag-enjoy siya sa kanyang first movie.
"Ang galing po kasing magdirek ni Direk Ruel. Tapos ang ganda po ng cast, especially kasama ko po sina Gerald at Kim. Na-overwhelm po talaga ako," wika ni Robi.
Bakit siya na-overwhelm?
"Kasi yung parang iba po yung taping sa shooting, e. Iba po yung camera... yung angle niya. Lahat po iba."
Bukod sa apat na young stars, kasama rin sa cast ng Paano Na Kaya? sina Ricky Davao, Rio Locsin, Janus del Prado, Alwyn Uytingco, IC Mendoza, Jon Avila, Bernard Palanca, Cai Cortez, Empoy Marquez, Guji Lorenzana, with the special participation of Rica Peralejo and Zsa Zsa Padilla.
Directed by Ruel S. Bayani, ipalalabas ang Paano Na Kaya? sa mga sinehan simula sa January 27.
0 comments:
Post a Comment