Glaiza at Kris, agawan kay Carlo?

KAPANSIN-PANSIN ang pagiging blooming ni Glaiza de Castro ngayon. Mukha nga raw itong in-love at siyempre, ang young actor na si Carlo Aquino ang tinutukoy.


“Natatawa lang ako, kasi dati ko pang kabarkada si Carlo. Hindi ko alam kung bakit kami nali-link ngayon.”


Eh, may nakakakita nga kasi sa kanila na sinusundo siya ni Carlo sa GMA.


“Eh, matagal na namang ganun. Dati pa rin naman. Pero bakit naman dati, hindi naman kami nai-isyu?”


Nililigawan ba siya nito ngayon?


“Hindi ko alam? Kasi, parang ang hirap namang i-define kung nililigawan ka nga ng isang lalaki. Mahirap magsalita, tapos, hindi naman pala. At saka, parehas lang naman, na kung ano ‘yung dati, ganun pa rin naman ngayon.”


So, kung manligaw sa kanya si Carlo, magugustuhan ba niya?


“Tingnan na lang natin,” ang nangi­ngiting sagot niya.


Kumusta naman sila ni Kris Bernal na nali-link din kay Carlo? Bakit parang nag-a­agawan sila kay Carlo ngayon?


“Kami ni Kris? Okey lang? Bakit naman?”


Nagdi-dedmahan daw sila kapag nagkikita?


“Bakit naman kami magdi-dedmahan? Wala namang reason para magdedmahan kami!”


Sa kabilang banda, pinaninindigan ni Glaiza na hanggang ngayon, nananatili pa rin siyang NBSB, which means, “no boyfriend since birth.” Hindi nito itinanggi na ‘yung episode ni Patrick Garcia sa buhay niya, ito raw ang puwedeng sabihin na muntik na, pero, hindi rin nauwi sa pagiging sila.


“Matagal ko na siyang hindi nakikita o nakakausap. I think last year pa yata ang last. Ewan ko, bigla na lang siyang nawala. Ganun yata talaga! Ha! Ha! Ha!” say na lang ni Glaiza, na kon­trabida ni Regine Velasquez sa Diva.

read more "Glaiza at Kris, agawan kay Carlo?"

Relasyon kay Carlo, itinanggi ni Glaiza!

Deny agad si Glaiza de Castro nang tanungin namin siya tungkol sa balitang boyfriend na niya si Carlo Aquino.

“Hindi po!” sambit ni Glaiza nang mag-guest sa Diz Iz It kamakailan.
Eh, bakit nakita siyang sinusundo ni Carlo?

“Ha! Ha! Ha!” tugon lang ni Glaiza pero walang paliwanag sa sagot niya sa tsismis.
Anyway, ngayong umaga sa Diz Iz It!, si Iza Calzado naman ang celebrity judge. Pumalit muna si Ate Gay kina Michell O’ Bombshell at Gie Kinis bilang special judges.

Sa third week ng Diz Iz It na hinu-host nina Bayani Agbayani, Ehra Madrigal, Grace Lee at Sam YG/Shivaker, iba’t ibang talents ang ipamamalas ng mga kalahok para hindi masabi ng pangit na judge na ginagaya sila ng show sa GMA, huh! Aba, para namang hindi sila poor copycat ng mga foreign shows, huh!

Well, hintayin na lang nating ma-ban ang flash in the pan na judge na ito dahil sa walang preno niyang pahayag tungkol sa mga writers. Hindi raw siya natatakot sa mga nagsusulat ng negatibo sa kanya, huh!

read more "Relasyon kay Carlo, itinanggi ni Glaiza!"