Jackie, katakam-takam ang alindog!

TEASER pa lang ng Dear Friend Presents Tisay, siguradong mag-iiba na ang pakiramdam ng mga kalalakihan kay Jackie Rice. Kasi naman, may eksena na gumigiling-giling siya na bikini at bra na kulay pula o pink lang na natatakpan lang ng manipis na kamison ang suot niya.


Eh, bonggang-bongga pa ang paggiling niya, at pati ang ekpresyon ng kanyang mukha ay kakaiba na rin. Sabi nga, mistula talaga siyang sexy dancer na ang husay-husay mang-akit ng lalaking kostumer.


At sa presscon nga ng Tisay, lahat ng kalalakihan sa paligid ay tila natulala ng ilang minuto habang pinagmamasdan ang medyo hubad na alindog ni Jac­kie. Talaga raw katakam-takam ang alindog ni Jackie ngayon, na kahit sinong lalaki ay hindi siya kayang talikuran o isnabin.


At talaga naman na habang tumatagal ay mas lalo siyang gumanda at sumeksi. ‘Yun nga siguro ang lamang ni Jackie sa mga baguhang artista ngayon, na hindi lang talaga siya makinis, bagkus ay sobrang ganda pa ng mukha, at alam na alam mong fresh na fresh ang kaseksihan at walang retoke.


Ang Tisay ay tumatalakay sa kuwento ng isang estudyanteng babae na napilitang magtrabaho bilang sexy dancer sa isang club para matustusan ang pag-aaral.


Kuwento ni Jackie, sa set ng Tisay na siya mismo tinuruan sa kung paano ba gumiling-giling o mang-akit habang nagsasayaw sa stage.

“May nagturo sa akin sa set. Pero, hindi naman siya sobrang sexy. At kung sa tingin ng iba ay sobrang sexy na ito, I guess, okey lang naman dahil nag-mature na rin ako.


“Kumbaga, hindi na ako pa-tweetums, na kung kaya ko namang gawin, gagawin ko. Hindi na rin ako nagpaalam sa parents ko, dahil alam naman nila na trabaho lang ito, at TV naman ito, kaya hindi ako mabababoy.


“Kahit sa boyfriend, hindi rin dapat magpaalam. Kumbaga, kanya-kanya kami, na pagdating sa career, walang pakialaman,” sambit ni Jackie.


Hangang-hanga naman si direk Jun Lana kay Jac­kie, na hindi lang daw itsura ang nag-improve, na pati sa pag-arte ay puwedeng-puwede na talagang isabak o ilaban sa mga mahuhusay at sikat na aktres ngayon.


“She’s a revelation,” say pa ni direk Jun.

read more "Jackie, katakam-takam ang alindog!"

Jackie Rice, bumalik sa pagiging pasaway!

Ginagawa ng GMA Artist Center ang lahat para mabigyan ng trabaho ang kanilang mga contract star pero may mga talent sila na natural na pasaway at nangunguna sa listahan si Jackie Rice.


Reportedly, bumalik ang unprofessionalism ni Jackie sa kabila ng pangako nito na hindi na siya magiging pasaway dahil ayaw niya na masayang ang malalaking break na ibinibigay ng GMA 7.


Ang hindi pagsipot ni Jackie sa Final Judgment Night ng Starstuck V ang isa sa mga sign na nakalimot siya sa pangako na seseryosohin ang pag-aartista.Si Jackie ang Ultimate Female Survivor ng Starstruck 3 pero hindi niya sinuportahan ang Final Judgment Night ng Starstruck V. Ang brilliant excuse ni Jackie, birthday ng kanyang kapatid.


Regular nang napapanood si Jackie sa Bubble Gang at may balita na nahihirapan sa kanya ang staff ng show. Diumano, ayaw ni Jackie na sumama sa taping ng summer episode ng nasabing gag show.


Marami sa contract stars ng Artist Center ang naghihintay ng malaking break. Sila ang mga artista na propesyonal at mas malaki ang potensyal na sumikat kesa kay Jackie.


Kung ipagpapatuloy ng sexy star ang pagiging pasaway, nanganganib na mawala sa kanyang kamay ang magagandang oportunidad na hindi niya pinahahalagahan.

read more "Jackie Rice, bumalik sa pagiging pasaway!"

Jackie, hinding-hindi na babalikan si Biboy!

KINILIG si Jackie Rice nang malaman niyang bumili ng FHM si JC de Vera para makita ang kaseksihan niya. Malutong na halakhak ang reaksiyon ni Jackie nu’ng sabihin namin sa kanya na baka ginawang poster ni JC sa kuwarto nito ang magazine na siya ang cover.


“Ganun?! Ha! Ha! Ha! Ha! Hindi niya sinabi sa akin ‘yon, ah!”


Bakit parang kinikilig siya kay JC?


“Siyempre, JC de Vera ‘yan, eh. Iniidolo na ‘yan ng lahat at isa na yan sa mga big stars ng GMA 7. So, masaya ako. Ha! Ha! Ha! Ha!


Okey lang ba sa kanya na pagpantasyahan siya ni JC?


“Teka, paano ba ‘yang klase ng pagpapantasya? Ha! Ha! Ha!” hirit na tanong ni Jackie sa akin na siinundan ng malulutong na halakhak.


Sabi namin kay Jackie, hindi lahat ng babae ay pinagpapantasyahan ng mga lalaki.


“Happy ako, at least hindi lalake ang tingin nila sa akin o hindi tomboy!” sagot niya.


Okey rin ba sa kanya kung pagpantasyahan siya ng mga tomboy?


“Wala naman akong magagawa kung ‘yun ang gusto nilang gawin. Kanya-kanyang feelings lang ‘yan,” sagot niya.


Posible bang magkagustuhan sila ni JC, lalo na at halos araw-araw silang magkasama sa Panday Kids?


“Friends po kami, pero ayoko muna nu’ng may something, kasi baka makaapekto sa trabaho namin,” say niya.


Anyway, tungkol naman sa ex-boyfriend niyang si Biboy Ramirez, sinigurado ni Jackie na hinding-hindi na siya makikipagbalikan pa rito. Nakapag-move on na raw siya, at okey na `yon.

read more "Jackie, hinding-hindi na babalikan si Biboy!"