Vilma, malabong ikampaniya ni Angel!

MASAYANG humarap si Gov. Vilma Santos sa entertainment press last Wednesday night. Si Mother Lily Monterverde ang nagpasimuno ng presscon na `yon, bilang suporta na rin ng producer sa kandidatura ni Ate Vi, at ni Sen. Ralph Recto

Bungad na kuwento ni Ate Vi, kagagaling lang nila sa Gawad Tanglaw Awards, na kung saan ay nanalo nga siyang best actress para sa pelikulang In My Life, at ganun din ang anak niyang si Luis Manzano na nanalo naman bilang best supporting actor para pa rin sa In My Life.

“I was excited when I got the best actress award. Pero siyempre, umiral ‘yung pagka-nanay ko, first time. Na-excite ako sa anak ko. Marami na rin siyang award pero sa hosting. Pero ito, acting award. I’m very-very proud of him,” say ni Ate Vi.

Kasama ni Ate Vi sa presscon na `yon ang bunso niyang anak na si Ryan Christian na 13-years old na ngayon. Sa tingin ni Ate Vi ay mas mahilig sa pulitika si Ryan kesa sa showbiz.

“Mukhang may leaning sa politics. Nakikita niya sa klase ng trabaho ko, kaya ‘yun parang nai-influence siya. Baka politics din? Puwede rin siya sa showbiz, dahil mahilig din siya. Pero, bahala na kung saan niya gusto. We will support him all the way,” pahayag pa ni Ate Vi.

Siyempre, natanong di si Ate Vi tungkol sa nalalapit na pagbabalik ng Pilipinas ng kumare niyang si Nora Aunor, at pati na sa pagpapaayos ng mukha nito sa Japan.
“Hindi lang naman si Mare ko ang gumawa niyan. Marami nga riyan not for anything mas bata sa akin nagpapaayos na. There’s nothing wrong with that. Ako kung sa tingin ko kailangan na bakit naman hindi? Walang masama na i-enhance mo ang beauty mo,” sabi niya.

Buong-puso raw na iwi-welcome ni Ate Vi si Ate Guy sa pababalik nito sa bansa.

“Oo naman, welcome na welcome siya. Nu’ng nagkaroon kami ng premiere night ng In My Life sa States, nagkausap kami. Dapat manonood siya, kaya lang biglang nagkaroon ng bisita sa kanila. Kaya ang pinapunta niya ay ang mga close friends niya. May communications kami.”

Handa pa rin daw siyang tuparin ang napag-usapan nila ni Nora na siya mismo ang susundo sa superstar sa airport.

“Kung tatawagan niya ako, susunduin ko siya. Dadalhin ko siya sa Batangas! Ha! Ha! Ha! Ha! Biro lang. ‘Yun ang usapan namin. Alam niya ang number ko.”

Isa nga raw sa mga gusto ng Superstar ay ang makagawa sila uli ng pelikula ni Ate Vi. Gusto rin daw ni Ate Vi, pero hindi raw niya alam kung kailan mangyayari `yon.

“Sa totoo lang gusto ko talagang gumawa ng mara­ming movies. In fact ang daming naka-line up. Ang nangyayari ngayon priority. Ang priority ko kasi still ay ‘yung pagiging public servant.”
Siyempre, inusisa na rin ng media ang tungkol sa Malabo na talagang magkabalikan pa ang anak niyang si Luis at si Angel Locsin.

“Basta ang alam ko matiyaga ang anak ko. Pero kung anuman ang mangyari, respect lang. Gusto ko kung matapos man o magkabalikan man, maiwan lang ang respeto nila sa isa’t-isa dahil may pinagsamahan sila. Sabi nga nila, don’t burn bridges.”

“I don’t want to meddle sa kanila. Nagkakausap kami pag magkasama, but to tell them what to do, ayoko,” dugtong na sambit pa ni Ate Vi.

Anyway, si Ate Vi na rin mismo ang nagsabi na ma­labong ikampaniya siya ni Angel.
“Wala! Dahil hindi rin naman ako nag-i-invite. Ah, kasi pag may nangampanya sa iyo dapat nanggagaling sa puso nila kasi naniniwala sila sa iyo. So, hindi pa namang namin napag-uusapan. Saka hindi pa naman start ang local campaign. Sa March 26 pa,” sabi na lang ni Ate Vi.

read more "Vilma, malabong ikampaniya ni Angel!"

Si Vilma, hindi nagpasuweldo ng mga doctors at nurses?

UHUMMMM, ngayong gabi raw ay may preskon si Mother Lily para sa mahal niyang artista na dinala sa New York nu’ng 1979 para mag-shoot ng “Pinay American Style” 31 years ago now which now became my basis for super hatred for the young girl we helped propel to stardom and politics!


Hindi ako puwedeng dumalo sa preskon na ‘yan bagaman last week pa ako pinipilit ni Mother Lily na um-attend. Kasi baka maagawan ng eksena ang Velma na ‘yan dahil tiyak na ako ang dudumugin ng mga reporters to let me spill the basket of beans about Velma and the snobbery of Velma in New York nu’ng 2009 na nagkita kami sa lobby ng Radisson Hotel where we were both staying.


Huwag na at baka lalo lamang maging maliwanag pa sa sikat ng araw ang pagiging mang-iiwan o manggagamit ng Velma na ‘yan. Iniiwan niya ang mga taong nakatulong na sa kanya at nagbabakasakali sa mga bagong kakilala na hindi naman siya sure kung matutulungan nga siya ng mga newbees na ‘yan tulad ng malaking naitulong ko sa kanya eversince she got paired with Edgar “Bobot” Mortiz.


Sino bang nagluklok kay Velma sa Batangas bilang mayor ng Lipa City? At sino rin ang nagluklok kay Velma bilang gobernadora ng Batangas? Hindi ba si Pangulong Gloria Macapagal-Arroyo? At ngayon ay tinalikuran na rin ng Velma na ‘yan si Ate Glo at su­m­abit naman siya ngayon sa tiket ni Noynoy Aquino? Para masiguro niya ang kanyang panalo bilang gobernadora uli?


Uhummm, sigurado kaya siya sa choice niya o baka pulutin lang siya sa pansitan?


Marami at dagsa ang mga natatanggap naming emails at text messa­ges mula sa mga disgruntled people of Batangas na nagsasabing Monday lang nila nakikita si Velma sa flag ceremony and the rest of the week ay hindi nila ito malapitan para sa immediate na pangangailangan nila dahil wala nga ito sa munisipyo?


And now, heto na ang grabeng akusasyon o bintang kay Velma na mga provincial health workers daw na hindi niya sinuwelduhan! At bakit, si Ate Velma ko ba ang nagpapasweldo sa mga doctors, nurses, technician at administrative staff sa apat na hospital districts ng probinsya at ang provincial government daw ay financially in the red? At bakit na naman, kasalanan ba ‘yan ng Ate Velma ko?


Ibinunyag ni Meynard Melo, personnel head daw ng provincial government daw ay dumaranas ng kakapusan ng gamot pati na ‘yung mga dialysis at CT scan machines na inilagay ng dating governor na si Armand Sanchez ay pinabayaan lang daw na mabulok dahil sa kakulangan ng kailangang spare parts.


Hindi naman yata kapani-paniwala na ni minsan daw mula nu’ng manungkulan si Velma ay hindi ito dumalaw sa ospital para tingnan ang sitwasyon?


May mga nurses daw na nagsabing nu’ng gumawa ng surprise vi­sit ang Velma sa provincial hospital, akala nila ay para pakinggan ang daing nila at mga reklamo –‘yun pala raw ay para lang magkampanya para sa kanyang mister na kandidato para sa senado. Si Recto na naglagay ng VAT sa mga taxpayers.


“Pag may dumating na gamot sabihin ninyo galing sa amin ni Ralph,” sinabi raw ni Velma ‘yun?


Ibinilin sa mga nurses na ‘di nasusuwelduhan? Sabi pa nu’ng isang nurse na “Hindi alam ni Velma ang mga nangyayari sa kapitolyo dahil nga palaging absent ay naparaliza tuloy ang mga ope­rations ng provincial government”


Ows? Tutoo ba yan? Syempre ngayon na kikilos ang Ate Velma ko para magpabango sa pangalan niya lalo na at muli siyang kumakandidato bitbit pa ang mister niya.


Ay, kami po ay nagtatanong lang. Wala na kaming panahon sa gobernadora na ‘yan that the Batanguenos deserved. Eh bakit n’yo kasi ibinoto in the first place tapos ngayon magrereklamo kayo?

Kayo rin pala ang maysala, debah Ate Guy?


Ay, speaking of my Ate Guy, ang Velma na ‘yan kung magsalita akala mo hindi siya nagpa-“salamat po doc” anoh? Tingnan n’yo nga ang mga mata niyang deep set? Ganyan ba ang mga mata ni Velma nu’ng dalagita pa siya ha, Bobot? Eh ang mga ngi­pin ni Velma, hoy, hindi pustiso ang mga ‘yun ha!

Implants kaya ang mga ngipin ni Velma? Teka at matanong nga si Gina Alajar!


At least, ang Ate Guy ko hindi plastic. Siya mismo ang nagsabi na nagparetoke siya sa Japan. ‘Yan ang gusto ko sa Ate Guy ko, pareho kami - call a spade a spade. Doon lang siya sa tutoo. Hindi beating around George Bush. Tutoong-tutoong tao ang Nora Aunor!


‘Yung iba diyan - malaking tse at pwe!

read more "Si Vilma, hindi nagpasuweldo ng mga doctors at nurses?"