GAWAD PARANGAL SA MGA NATATANGING BITUIN NG PELIKULANG PILIPINO, PANGUNGUNAHAN NI JUDAY

GAWAD Parangal sa mga ginintuang bituin ng pelikulang Pilipino, reads the brochure sent to me by event organizer director Nick Lizaso honoring 8 decades of the lead stars of their Golden Era as in the 1930’s pa to the pre­sent. Wala pang pormal na katawagan ang unang parangal na ito like Oscar or Famas.

A historic first in the field of cinema, the awards will pay tribute to acting talents who not only contributed to the golden age of Philippine cinema, but who also epitomize such values as dedication, discipline, excellence and professional integrity. They are being extolled to provide models and exemplars for the new generation to emulate.
The event is hosted by our friend Butch Francisco with Nick J. Lizaso as exe­cutive director. It will be held today, Friday, March 5, 2010 at the Mo. Consuelo Barcelo Theatre, La Consolacion College Manila, Mendiola Manila.
Judy Ann Santos was given the single honor to hand the awards to all the honorees since Judy Ann is the only one representing her generation of today. Such honor ay ipinagpapasalamat ni Juday as another blessings na bumubuhos pa rin sa kanya.

From the 1930s stars Mila del Sol, Anita Linda, Delia Razon, Rosa Rosal, Gloria Romero, Lolita Rodriguez, Marlene Dauden, Lilia Dizon, Emma Alegre, Gloria Sevilla, Perla Bautista, Caridad Sanchez.

Isang dosenang bituin na naging kinatawan ng kani-kanilang dekada.

***

Sa palagay ko naman sa loob ng dalawang dekada ay namemorya na ninyo o napansin na ‘pag naka­tambal ni Juday sa TV man o sa movies ay nagiging sikat at matindi rin ang staying power ‘pag inalagaan ng la­lake ng tamang diskarte.

Siguro naman ay alam na rin ninyo na mula kay Wowie de Guzman to Derek Ram­say ay nabigyan na ang ABS-CBN at Star Cinema ng mga leading men na pinakikinabangan nila until now. Si Derek na huling nakatambal ni Juday sa teleserye na “Ysabella” at nga­yon ay sa “Habang May Buhay” ay buhay na buhay pa rin at naging ultimate international leading man na. Kasi tanging si Derek among Juday’s leading men ang very vocal sa pagsasabing kundi kay Juday ay wala sana siyang tinatamasa ngayong tagumpay.

Kung nangyayari man ang “milagro” nga­yon ng sobra-sobra sa mga kasama niya ngayon sa “Habang May Buhay” ‘yun ay dahil sa tumagal ng two years and one month bago naisa-himpapawid ang nurserye nila. Dapat kasi taun-taon ay may bagong napapasikat si Juday, pero naipon nga ngayon kumbaga parang every year din ang dating ng grasya.

Si Bangs Garcia na introducing dapat sa “Habang May Buhay” ay nainip na yata kaya humayo na at nagparami ng raket kaya hayan at may sarili na ring afternoon soap at bida na sa “Magkano Ang Iyong Dangal?”

“Extra” pa lang sa “Habang May Buhay” si PBB big winner Ejay Falcon, hayun at nauna pa siyang nakatapos ng “Katorse” at may “Ta­nging Yaman” na ngayon!

Sumikat na rin si Joem Bascon at nagbida na sa indie films and thru direk Jerry Sineneng’s gui­dance ay humusay na sa pag-arte.

Si Will Devaughn na akala eh hindi lalabasan, hayan siya at bida na rin sa “Loving Me, Loving You” at nahasa na rin sa Tagalog niya.

Pati si Marc Abaya ay may “Pilipinas Got More talents”, ha! Extra lang din si Marc sa “Habang May Buhay”.

Wish ko lang kay direk Jerry na pati sana si Josh Superdakota ay mabigyan na rin ng big break sa ABS. Uhum, baka naman nagmamaramot si direk Jerry?

Ha! Ha! Ha! Ha!

Mula sa “George & Cecil” ay natangay pa ni Juday ang “Mara Clara” kontrabida niyang si Gladys Reyes dito sa “Habang May Buhay”. At ang direktor niya sa “Habang May Buhay” na si Wenn Deramas ay siya pa ring direktor niya ngayon sa Juday-Sarah movie nilang “Hating Kapatid” sa Viva Films at kabi-kabila na ang iba pang movies at teleserye ang dinidirek ngayon ni Wenndy.

Ang lahat ng mga ‘yan ay nagdaan sa pinagpalang mga kamay ni Juday! So, ano pang mga proofs ang kailangan para mawala na ang pag-aalinlangan ninyo sa sinasabi kong good luck na dala ni Juday sa TV at pelikula?

Ah, kailangan nga pala “with my blessings” or else may maghahain ng isang platong kamote! Ha! Ha! Ha! Ha! Ha!

read more "GAWAD PARANGAL SA MGA NATATANGING BITUIN NG PELIKULANG PILIPINO, PANGUNGUNAHAN NI JUDAY"

Ruffa, bagong reyna ng TV5!

Si Ruffa Gutierrez na nga raw ang magiging bagong Reyna ng TV5. Kahit masasabing maganda naman ang mga nangyayari sa kanya sa ABS-CBN especially bilang co-host ng The Buzz, nakapagdesisyon na nga ito at noong Miyerkules ng 4:30 ng hapon ay pumirma na ng kontrata sa TV5.

Kasama ni Ruffa na dumating sa PLDT Main Building sa Makati ang kanyang ina at tumatayong manager na si Annabelle Rama. Present sa naturang contract signing ang bagong may-ari ng TV5 na si Manny V. Pangilinan.

Ine-expect ng ilang nakasaksi ng contract signing na kasama na rin ni Ruffa si JC de Vera, another Royale Era talent sa signing of contract, pero, wala ang huli.

Anyway, non-exclusive naman daw ang kontratang pinirmahan ni Ruffa sa TV5. Ibig sabihin, puwede pa rin siyang mapanood sa ibang network. ‘Yun nga lang, pagdating sa The Buzz, mawawala na ito at ang nakarating sa aming balita, hanggang sa susunod na Linggo na lang siya mapapanood doon.

Hindi pa masabi sa amin kung ano ang mga programang gagawin ni Ruffa sa TV5, pero, sigurado raw na bukod sa TV, may movie rin itong gagawin. Puwede naman daw mag-guest si Ruffa sa ibang network as long as hindi kasabay ng magiging shows niya sa network.

read more "Ruffa, bagong reyna ng TV5!"

Roxanne, welcome na welcome sa pamilya Yap!

PINSAN ng TV host at eventologist na si Tim Yap ang mapapangasawa ni Ro­xanne Guinoo na si Angelo Elton Yap. Very close si Tim kay Angelo dahil halos sabay silang lumaki.

Matagal na raw niyang alam na may relasyon ang kanyang pinsan kay Roxanne. Dumadalo raw ang aktres sa mga family gatherings nila.

“Kapag nakikita ko silang dalawa, lagi naman kaming naghe-hello sa isa’t isa. I just learned nga sa January 2011 na sila ikakasal because kakakasal lang ng sister ni Angelo last January lang,” sabi ni Tim.

Okey raw sa kanya si Roxanne dahil mabait ito at nararamdaman niyang gusto nitong mag-reach out sa buong pamilya nila.
“Mabait siyang tao. Siya ‘yung lumalapit para mangumusta. Nakikita ko na mahiyain si Roxanne. Pero yung effort na ‘yun ng paglapit at pag-reach out, super na-appreciate ko yun, kaya gustung-gusto ko siya. Kaya tawag ko na sa kanya ngayon ay pinsan,” nakangiting kuwento pa ni Tim.

Wala raw problema sa pagtanggap kay Roxanne dahil welcome na welcome ito sa kanila.

“She’s very welcome to our family. When Roxanne is there, parang sanay na sanay na kami sa presence niya. Kasi matagal na nga namin siyang nakakasama, nakaka-dinner, nakaka-hang out. Pag weekends sa Tagaytay with the whole family, except me, sila magkakasama talaga sila.”
Ano ang pakiramdam niya sa pag-amin ni Roxanne na buntis na ito?

“Para sa akin, basta masaya naman sila, okay na yun,” sabi na lang ni Tim.

read more "Roxanne, welcome na welcome sa pamilya Yap!"

Vilma, malabong ikampaniya ni Angel!

MASAYANG humarap si Gov. Vilma Santos sa entertainment press last Wednesday night. Si Mother Lily Monterverde ang nagpasimuno ng presscon na `yon, bilang suporta na rin ng producer sa kandidatura ni Ate Vi, at ni Sen. Ralph Recto

Bungad na kuwento ni Ate Vi, kagagaling lang nila sa Gawad Tanglaw Awards, na kung saan ay nanalo nga siyang best actress para sa pelikulang In My Life, at ganun din ang anak niyang si Luis Manzano na nanalo naman bilang best supporting actor para pa rin sa In My Life.

“I was excited when I got the best actress award. Pero siyempre, umiral ‘yung pagka-nanay ko, first time. Na-excite ako sa anak ko. Marami na rin siyang award pero sa hosting. Pero ito, acting award. I’m very-very proud of him,” say ni Ate Vi.

Kasama ni Ate Vi sa presscon na `yon ang bunso niyang anak na si Ryan Christian na 13-years old na ngayon. Sa tingin ni Ate Vi ay mas mahilig sa pulitika si Ryan kesa sa showbiz.

“Mukhang may leaning sa politics. Nakikita niya sa klase ng trabaho ko, kaya ‘yun parang nai-influence siya. Baka politics din? Puwede rin siya sa showbiz, dahil mahilig din siya. Pero, bahala na kung saan niya gusto. We will support him all the way,” pahayag pa ni Ate Vi.

Siyempre, natanong di si Ate Vi tungkol sa nalalapit na pagbabalik ng Pilipinas ng kumare niyang si Nora Aunor, at pati na sa pagpapaayos ng mukha nito sa Japan.
“Hindi lang naman si Mare ko ang gumawa niyan. Marami nga riyan not for anything mas bata sa akin nagpapaayos na. There’s nothing wrong with that. Ako kung sa tingin ko kailangan na bakit naman hindi? Walang masama na i-enhance mo ang beauty mo,” sabi niya.

Buong-puso raw na iwi-welcome ni Ate Vi si Ate Guy sa pababalik nito sa bansa.

“Oo naman, welcome na welcome siya. Nu’ng nagkaroon kami ng premiere night ng In My Life sa States, nagkausap kami. Dapat manonood siya, kaya lang biglang nagkaroon ng bisita sa kanila. Kaya ang pinapunta niya ay ang mga close friends niya. May communications kami.”

Handa pa rin daw siyang tuparin ang napag-usapan nila ni Nora na siya mismo ang susundo sa superstar sa airport.

“Kung tatawagan niya ako, susunduin ko siya. Dadalhin ko siya sa Batangas! Ha! Ha! Ha! Ha! Biro lang. ‘Yun ang usapan namin. Alam niya ang number ko.”

Isa nga raw sa mga gusto ng Superstar ay ang makagawa sila uli ng pelikula ni Ate Vi. Gusto rin daw ni Ate Vi, pero hindi raw niya alam kung kailan mangyayari `yon.

“Sa totoo lang gusto ko talagang gumawa ng mara­ming movies. In fact ang daming naka-line up. Ang nangyayari ngayon priority. Ang priority ko kasi still ay ‘yung pagiging public servant.”
Siyempre, inusisa na rin ng media ang tungkol sa Malabo na talagang magkabalikan pa ang anak niyang si Luis at si Angel Locsin.

“Basta ang alam ko matiyaga ang anak ko. Pero kung anuman ang mangyari, respect lang. Gusto ko kung matapos man o magkabalikan man, maiwan lang ang respeto nila sa isa’t-isa dahil may pinagsamahan sila. Sabi nga nila, don’t burn bridges.”

“I don’t want to meddle sa kanila. Nagkakausap kami pag magkasama, but to tell them what to do, ayoko,” dugtong na sambit pa ni Ate Vi.

Anyway, si Ate Vi na rin mismo ang nagsabi na ma­labong ikampaniya siya ni Angel.
“Wala! Dahil hindi rin naman ako nag-i-invite. Ah, kasi pag may nangampanya sa iyo dapat nanggagaling sa puso nila kasi naniniwala sila sa iyo. So, hindi pa namang namin napag-uusapan. Saka hindi pa naman start ang local campaign. Sa March 26 pa,” sabi na lang ni Ate Vi.

read more "Vilma, malabong ikampaniya ni Angel!"

Ehra, aminadong ‘di ka-level si Anne!

AMINADO si Ehra Madrigal na sa mga unang araw niya bilang isa sa hosts ng GMA morning program na Diz Iz It! ay nahirapan siya. Pero sa ngayon, makikita na relax na siya sa harap ng kamera, at nakakasabay na siya sa iba pang hosts na tulad nina Bayani Agbayani, Grace Lee, Sam YG/Shivaker.

“Nakakasabay na rin ako! Nu’ng una parang natitensyon ako. Iniisip kung tama ba ang spiels! ‘Yung energy at kung paano makipag-connect sa ibang hosts, sa audience. Ngayon, medyo gamay na ng konti!” pahayag niya.

Mukhang mas enjoy na siyang mag-host kesa umarte?
“Oo kasi hindi ako napupuyat masyado! Ang mahirap lang, hindi talaga ako morning person. May insomnia ako kaya hirap na hirap ako nu’ng si­mula na mag-adjust. Hirap ako bumangon, although until now, may ganoon pa rin, pero nasasanay na rin ako. Maaga pa lang nga­yon, inaantok na ako at maaga na akong nagigi­sing! Dati, hindi ako mahilig sa coffee. Sa taping kasi, may time na makakaidlip ka kung wala kang eksena. Inom lang ako ng juice. Ngayon, paggising ko, dapat may coffee na ako!” kuwento niya.

Para nga lalo pa siyang mahasa sa hosting, kumuha si Ehra ng hosting workshop kay direk Gina Alajar. Pero, ano ba ang reaksiyon ng manager niyang si Tita Annabelle Rama at mga co-artists niya sa kuwadra nito sa pagiging host niya?
“Natutuwa naman sila dahil bago raw. Pero, nu’ng una, tinatalak-ta­lakan ako ni Tita Annabelle! Ano raw ba ‘yung hosting ko? Ma­tinis kasi ang boses ko lalo na kapag nai-excite ako kaya hindi ko alam kung paano magiging malakas ang impact without magsa-sound na hindi ako energetic! When I get exci­ted, sumisigaw ako! Kaya iniisip ko kung paano ‘yung energetic ako pero hindi matining ang boses ko!” sabi pa ng sister ni Michelle Madrigal.

Teka, paano niya tinatanggap ang mga intriga sa kanya na hindi naman siya marunong mag-host at ta­lbog siya kay Anne Curtis?

“Actually, for five years, wala akong intriga. Hindi ko alam kung bakit sa show na ito, naiintriga ako! May Twitter account ako para sa fans. Eh, nang mag-pilot episode ang Diz Iz It, ang daming nag-comment.

Ngayon ko lang na-feel, ang dami kong haters! Parang pati suot ko, pinapansin. Ang daming nega! Meron pang, hindi ko raw ka-level si Anne. Teka, wait lang! Ha! Ha! Ha!

“Parang ngayon ko lang na-feel na merong ganoon talaga! Doon ako nagugulat na marami ang nagagalit!

“Nu’ng una, apektado ako. Nagkataon lang siguro na kami ni Grace ‘yung dalawang babae. Si Anne lang ang nandoon, pero wala talagang isyu! Hello, ako ba ang itapat kay Anne? Hindi talaga kami magka-level, dahil iba na ang level niya! Ako, first time lang mag-host! Mabuti naman at ngayon ay medyo wala na namang kumo-comment! Dedma na lang.

“I’m here para matutong mag-host. Makipag-connect sa audience. Doon ang focus ko ngayon. Si­yempre ngayon, mas gusto ko pang matutong mag-host. Nandiyan naman si Sam para i-guide ako.”

Ano naman ang masasabi niya sa mga nagsasabing hindi siya seksi?
“Hindi ko alam? ‘Yung iba hindi ko ma-please. Before kasi, pag payat, sabi nila, gusto nilang ‘yung malaman ako. Ako ‘yung voluptuous! Kaya hindi ko alam kung saan ako lulugar! May message sa aking mataba ako at meron naman nagsasabi na okey ang dating ko. Gusto ng iba na malaman ako. Hindi ko nga alam kung ano ang susundin ko. Basta, maintenance na lang. Huwag akong masyadong papayat o tataba! Sakto lang na proportion sa katawan ko!” sabi na lang ni Ehra.

read more "Ehra, aminadong ‘di ka-level si Anne!"