Sarah magaling sumagot!

Kapansin-pansin ang mahusay na pag­sagot ni Sarah Geronimo sa mga tanong sa presscon na ipinatawag para sa kanilang dalawa ni Sen. Loren Legarda. Very truthful din si Sarah na nang ta­nungin siya kung gusto rin niyang kumandidato, sagot niya, “why not, kung loloobin po ng Diyos na magkaroon ako ng enough know­ledge, siguro po ay magpapaturo ako kay Sen. Loren.” Basta siya raw ay believe sa pagiging totoong tao ni Sen. Loren.

Kaya si Sarah, sa kabila ng busy sche­dules niya, hindi siya tumatalikod sa mga obligasyon niya bilang endorser nina Sen. Manny Villar, Sen. Loren at si Ms. Joy Belmonte, kandidatong Vice-Mayor ng Quezon City.

read more "Sarah magaling sumagot!"

Dennis at Jennylyn magkasama sa Cebu?!

Kasama pa rin si Dennis Trillo sa Party Pilipinas, pero semi-regular na lang ang labas nito o twice a month. Ito ang napag-usapan ng kam­po ng aktor at ng mga taga-Party Pilipinas.

Walang publicity photo si Dennis at wala rin siya sa TV plugging ng show dahil after the shoot at pictorial ng Party Pilipinas na lang nito tinanggap ang offer na mag-semi regular siya sa show.

Hindi pa namin natatanong si Dennis sa tsikang nagka­kamabutihan sila ni Jennylyn Mercado mula nang magkasama sa Gumapang Ka Sa Lusak, nag-deny na si Jennylyn, nali-link daw sila dahil magkasama sa show. After niyang mag-deny, nakita silang magkasamang nanood ng basketball sa The Arena sa San Juan City, after Party Pilipinas. Nasa Cebu si Jennylyn this Holy Week, ‘di kami magugulat ‘pag nalamang pumunta rin sa Cebu si Dennis?

read more "Dennis at Jennylyn magkasama sa Cebu?!"

Juday, hindi violent ang paglilihi!

AYAW i-entertain pa ni Ryan Agoncillo ang tungkol sa taong walang magawa sa Twitter account. Kaya kung mapapansin, walang anumang reaction na narinig both from Ryan and Judy Ann Santos kahit may mga friends sila na nag-worry rin noong una.


Agree kami sa dahilan ni Ryan kung bakit ayaw na nga naman nila itong pa­tulan pa.


Anyway, sabi ni Ryan, instead na matuloy ang supposedly plano sana nila ni Juday na parang second honeymoon na rin nila sa ibang bansa, mas minabuti na nga lang nila na mag-stay na lang sa bansa at huwag nang magbiyahe pa ng out-of-the country.Hindi naman daw sila pinagbawalan ng O.B. Gyne ni Juday na magbiyahe, pero siyempre, nag-decide na rin silang mag-asawa not to take any risk pa nga naman lalo pa nga’t three months na rin ang baby na nasa tummy ni Juday ngayon.


“Hindi muna!” sey niya.


“The way pregnancy goes, sabi naman ng doctor, puwede namang mag-travel. Hindi naman ‘yan 100% sure na may mangyayari at hindi rin naman niya maibigay na 100% sure, walang mangyayari.

So, all the risk is our own. So, didiskartehan mo lang.


“Naubusan kami ng resort for Holy Week. Dapat naka-booked na kami by this time. Medyo hindi kasi madali ang requirements namin. We need a pool for Yohan. At hindi puwedeng public pool ang buntis.

‘Yung iba naman may private, masyadong mahaba ang biyahe, may lipad na, may boat pa.”


By this time, posible namang nakahanap na rin ang mag-asawa ng perfect place for them and with Yohan, of course.


Masaya naman si Ryan sa pagbubuntis ni Juday. Hindi naman daw ito maselang magbuntis.


“’Yung pagsusuka niya, hindi naman madalas, hindi naman violent. Pero, madali lang siyang antukin ngayon which I think is usual. Merong mga cravings at mga amoy na hindi niya ma-take. She doesn’t eat beef and pork. Now, she does. Biglang ayaw niya ng fish,” kuwento ni Ryan.


May mga balitang lumalabas na kahit magti-three months pa lang ang baby sa tummy ni Juday, inuulan na raw ito ng mga endorsement offers at TV commercial. Pero sey ni Ryan, wala pa naman daw nakakarating sa kanya.


“Well, kung meron man, hindi pa nakakarating sa akin. Hindi ko pa alam sa totoo lang. Baka nasa level pa lang na hindi pa tinatanong ni Juday sa akin.”


If ever, okay ba sa kanya na mag-TV commercial agad ang baby nila? “Naku, pag-aralan na lang natin kapag nandiyan na, ‘di ba?”


Sa isang banda, masaya si Ryan na nakikita niyang growing na ang TV5 bilang isa sa mga pioneer na artistang nagtiwala sa network.


“Gusto ko nga mas marami pang artista, masaya! Nu’ng nag-launched kami noon, kami-kami lang.

Now, you see more faces. So, it’s a little happier. Masaya kasi nakikita ko na lumalaki ang pamilya ng TV5.”


Naniniwala si Ryan na kakayanin ng TV5 under Manny V. Pangilinan na makipag-compete with two giant networks. Sa ngayon, patuloy pa rin mapapanood si Ryan sa Talentadong Pinoy every Sa­turday and Sunday na at ang Sunday variety show na PO5.

read more "Juday, hindi violent ang paglilihi!"

JC de Vera, pinaliligaya ng non-showbiz girl!

KARAMAY ni JC de Vera ang kanyang non-showbiz girl na kaibi­gan nu’ng panahong mabi­gat ang dibdib niya sa nalalapit na paglipat niya sa TV5 mula sa GMA Network na ilang taon din niyang pinamaha­yan.


Idagdag pa riyan ang pagmamahal niya sa last series niyang Panday Kids kung saan pumalit sa role niya si Paulo Avelino.“Wala akong girlfriend ngayon although may nakakasama akong non-showbiz girl na kaibigan. But not to the point na…Hindi naman papunta na sa relationship. May nagpapasaya sa akin. May nag-i-entertain sa akin. Kaya lang ‘yung utak ko ngayon, masyadong cloudy. Pre-occupied ako ngayon sa work,” pahayag ni JC.


So, pinaliligaya siya ng babaing ‘yon nu’ng panahong magulo ang utak niya?


“Isa siya sa nagpapagaan ng loob ko.”


Paano siya pinaliligaya?


“Minamasahe ako! Ha! Ha! Ha!” bulalas ng actor.


Anyway, siguradong mami-miss si JC ng vie­wers ng Panday Kids na ngayong gabi, lulusubin ni Li­zardo (Marvin Agustin) ang pulahang tribo at nakuha nila ang sinaunang setro. Maghaharap muli sina
Aureus at Cicero habang hahanapin ni Oswaldo si Maria Makiling at magkikita sila ni Ola!

read more "JC de Vera, pinaliligaya ng non-showbiz girl!"

Luis, bilib na bilib sa tapang ni Edu

DAHIL time-out muna sina Juday at Sarah Geronimo sa syuting ng Hating Kapatid, focus naman sa kani-kanilang work ang mga leading men nila.


Si Luis na leading man ni Sarah ay busy sa pagkakampanya sa tatay niyang si Edu Manzano, na tumatakbong vice-president ngayon.


Aminado si Luis, nagulat daw siya sa desisyon ng tatay niya na kumandidato bilang bise-presidente.“Nasa Las Vegas ako noon at nanonood ng laban nina Manny Pacquiao at Miguel Cotto sa MGM Garden Arena, when I got 50 text messages from friends. Sila ang nagsabi sa akin na tatakbo nga raw ang daddy ko,” kuwento ni Luis.


“Then, I got the text message from Dad, simply telling me that he’s running for vice-president. Sa text message niyang `yon, parang sina­sabi lang niya na pupunta siya sa grocery. Ganun lang kakaswal niyang sinabi sa akin,” dugtong na kuwento pa rin ni Luis.


Pag-amin pa rin ni Luis, hindi siya ready sa ibinalita sa kanya ng tatay niya noon. Pero, sure naman daw siya na alam na alam ng tatay niya ang pinasok nito, at bilib na bilib siya sa lakas ng loob at tapang ng tatay niya.


“My dad will not enter a battle na hindi siya ready. He is ready for its consequences. I believe in his integrity. I know his intentions. I believe he is sincere,” paliwanag pa rin ni Lusi.


Well, aware naman si Luis na hindi madali ang laban na ito na pinasok ng kanyang tatay. At kahit ako nga, sinabihan ko na si Edu na hindi talaga madali ang laban na ito.


Pero, bilang isang masunuring anak, suportado niya ang tatay niya. Unang-una, alam naman daw niya ang track record ng kanyang tatay.


Si Edu ay exposed to military discipline nu’ng 17-years old pa lang siya. Sumali nga siya sa U.S. military at apat na taon siyang nagsilbi roon.


He became first chair of Optical Media Board, a government agency tasked with combating optical media piracy. At pinaniniwalaan ko nga na ang mga Muslim na­ting kapatid ang nagpanalo kay Edu noon, ha!


Ipinagmalaki rin ni Luis ang mga awards ng kanyang tatay. Bilang public servant daw ay naparangalan si Edu bilang Outstanding and Unblemished Vice Ma­yor mula sa Natio­nal Press Club during his term as Makati vice-mayor.


Edu established the Anti-Child Abuse and Pornography (ACAP) Foundation after finding out that many of the pirated DVD materials the OMB had confiscated from retailers, featured children, including Pinoy and Pinay toddlers as young as five in lurid sex scenes.


Kung mananalo si Edu, ang edukasyon daw ang isa sa kanyang tututukan.


“To be globally competitive as a country, we must address head on the major challenges in our economy, particularly weak government finan­ces and low levels of investment, failure of economic growth to translate to poverty when elected, I will come up with a national strategy that would prioritize public spending on education, health and housing; improve quality of governance so cost of doing business is low and extend which account for 90 percent of labor employment,” say ni Edu.

read more "Luis, bilib na bilib sa tapang ni Edu"

Rochelle, aminadong naiinggit kay Jopay!

DAPAT ay si Sexbomb Jopay Paguia ang magbibida sa season 26 ng Daisy Siete. Pero biglang nag-backout si Jopay at si Rochelle Pangilinan ulit ang ginawang bida. May balita ngang nagdadalantao na raw si Jopay kaya tumanggi itong magbida sa Daisy Siete.


“Dapat nga na alternate kami ni Jopay sa pagbida sa Daisy Siete. Kakatapos ko lang kasi ng Bebe & Me.

Pero sinabihan nga ako na hindi puwede si Jopay kaya dumiretso na ako sa paggawa nitong Adam Or Eve.


“Ako na ang nagsasabi na hindi buntis si Jopay. Naku, ilang beses na siyang nababalitang buntis.

Nakausap ko nga siya at sinabi niya na sanay na siya na matsismis siyang buntis. Hindi talaga niya magagawa ang Daisy Siete kasi nga may sinimulan na siyang food business kasama si Joshua (Zamora).


“Nag-invest nga si Jopay sa negosyo na iyon kaya gusto niyang tutukan muna. Ayaw nga raw niyang ipagkatiwala sa iba ang negosyo niya at ‘yun din ang advice ni Ate Joy sa kanya. Ako man, kung magnenegosyo, gusto ko na ako muna ang mag-aasikaso.


“Understanding naman si Ate Joy at natutuwa nga ito na may negosyo na si Jopay. Anytime raw na ready na ulit na mag-work sa Daisy Siete si Jopay, wala raw problema,” pahayag ni Rochelle.


Next year nga ay may plano na raw pakasal sina Jopay at Joshua. Hindi ba naiinggit si Rochelle?


“Sa totoo lang, natutuwa ako for Jopay kasi nahanap niya ang la­lake na para sa kanya. I mean, through thick and thin, nandiyan si Joshua para sa kanya at nagtutulungan sila.


“Masaya ako para sa kaibigan ko. Marami na kaming pinagdaanan ni Jopay at mabalitaan ko lang na magpapakasal siya, parang ang saya-saya ko rin.


“Siyempre naman, nakakainggit iyon. Kaso wala pa ‘yan sa mga plano ko. Unang-una, wala naman akong pakakasalan pa at wala namang nagpo-propose pa sa akin. Kaya habang wala, trabaho muna tayo. Marami pa akong gustong gawin para sa pamilya ko at sa sa­rili ko. Darating din ang pagpapakasal kapag handa na ako.”


Sa nalalapit na Holy Week nga, hindi maiwasan na itanong kay Rochelle kung ano na ang nangyari sa naging kaso nila sa Boracay. Last year kasi ay nasangkot sila sa isang gulo sa isang bar, kasama si Sexbomb Aifha Medina at ang non-showbiz friend nilang si Mitch Villanueva. Ang nakabangga nila ay isang nagngangalang Joshua Calixto Formentera.


Ayon kay Rochelle ay hindi siya puwedeng magbigay ng anumang detalye sa nagaganap nilang hearing sa Boracay. Naka-attend na raw si Rochelle ng isang hearing pero hindi naman daw nakarating ‘yung nagsampa ng kaso sa kanila na si Joshua.


“Ang dasal ko lang ay maayos na iyon. Unang-una, malaking abala para sa aming lahat. Sa Boracay pa iyon, eh nandito ako sa Manila. Hindi namin alam kung saan ‘yung Joshua naka-base. Gusto ko lang na maayos na ito para may peace of mind na kaming lahat,” saad na lang ni Rochelle.

read more "Rochelle, aminadong naiinggit kay Jopay!"

Venus Raj, tinanggalan ng korona!

ANJANETTE Abayari, Tisha Silang at Janelle Bautista.

Sila ang mga Bb. Pilipinas-Universe title-holder na hindi nagkaroon ng pagkakataon na lumaban sa Miss Universe Pageant nang bawiin ng Bb. Pilipinas Charities Inc. ang kanilang mga korona dahil sa isyu ng lack of residency.


Sumusunod sa yapak ng tatlo si Maria Venus Raj, ang newly-crowned Bb. Pilipinas-Universe na tinanggalan ng title noong Lunes dahil sa isyu ng kanyang tunay na nationality. Nakita ng BPCI na may inconsistencies sa statement ni Venus at ng kanyang ina at sa mga dokumento na ibinigay nila. Nakalagay sa documents na isinilang si Venus sa Pilipinas pero sinabi nila ng kanyang ina na ipinanganak siya sa Qatar.


Sa text message na ipina­dala nila sa PEP, ipinaha­yag ng BPCI na mabigat sa kanilang puso na pakawalan si Venus pagkatapos ma­laman ng organization ang inconsistencies sa kanyang birth records at sa personal account nila ng nanay niya.


As of presstime, hindi pa naglalabas ng official statement ang kampo ni Venus pero may nakapagsabi sa amin na iyak siya nang iyak noong Lunes dahil sa malungkot na pangyayari.


Marami ang na-disappoint, lalo na ang mga tao na naniniwala na malaki ang tsansa ni Venus na mapansin sa Miss Universe Contest. Si Venus ang isa sa mga top favorite contestant nang sumali siya sa Bb. Pilipinas Contest at walang nagreklamo nang siya ang manalo ng 2010 Bb. Pilipinas-Universe title.

read more "Venus Raj, tinanggalan ng korona!"