Guess Who??

NAAWA naman kami sa kuwento ng male singer na produkto ng talent search ng isang network. Komo nga wala na siyang regular show, nagpatulong umano ito sa isang taong involved sa network kung saan nakakontrata siya.

Nangako naman daw na tutulungan ng taong ito ang male singer. ‘Yun nga lang, ang kapalit ng tulong ay ikakama siya, huh!

Siyempre, shocked si male singer dahil hindi niya akalaing ang pagkalalaki niya ang magiging kapalit ng trabahong hinihingi niya. Sinumbong daw ni male singer sa isang tao sa network ang gustong mangyari sa kanya ng taong ‘yon. Pero sa halip na magalit sa kuwento, napagsabihan pa raw si male singer na parte na ng pagsikat o pagkakaroon ng trabaho ang pumatol sa bading, huh!
Parang hindi naman tama ‘yon dahil may talent naman ang singer, huh!

So, para magkatrabaho, obviously, lumapit ang bagets sa isang TV host. Pero, natawa na lang ang nagkuwento sa amin dahil kilala rin niya ang TV host na natsitsismis ding nagkakaroon ng kaugnayan sa nakakasama niya sa show.

“A case of from the frying pan to the fire!” daw kasi ang nangyari sa male singer! Ha! Ha! Ha!

read more "Guess Who??"

Dingdong-Marian, umaatikabong lambingan ang ginawa sa Madrid

ANG pakikipaglaban sa malamig na panahon sa Madrid ang maitutu­ring ni Dingdong Dantes na isa sa mga memorable moments nila ni Ma­rian Rivera.

Nahiya lang si Dingdong na magde­talye sa kung anong ibig sabihin niya sa pakikipag­laban nila ni Marian sa lamig. Pero, napangiti at kinilig siya nu’ng sabihin namin na katakut-takot na yapakan at lambingan ang ginagawa nila ni Marian sa Madrid.

Pero, sundot na biro ni Dingdong, hindi raw umubra ang mainit na pagmamahalan nila ni Marian sa malamig na panahon sa Madrid.

“Hindi umubra. Hindi kinaya. Siyempre, nakakagulat sa umpisa. Pero kailangang labanan. Sa­yang din naman kung hindi ka lalabas. Very-very fun. Magandang expe­rience,” say ni Dingdong.
Sa lahat daw ng mga pinuntahang bansa nila ni Marian, hindi nila mali­limutan ang Madrid, dahil doon nagkakilala ang mga pamilya nila.

“‘Yung iba kasi, trabaho pero wala doon ang pamilya or relatives na­ming na sasadyain mo talaga. Kaya unique itong last trip namin,” say pa ni Dong.

Anyway, nadiskub­re raw ni Dingdong na minana ni Marian sa kanyang daddy ang pagiging down to earth, at hilig sa pagluluto.

“Although, ang mommy niya magaling ding magluto.Nakikita ko kung saan nanggaling ang kalahati niya.”

Bagama’t wala raw ibini­gay na souvenir ang tatay ni Marian sa ka­nilang dalawa, sobra-sobra na raw ang ibinigay ni­tong pag-aasikaso sa kanila.

Hindi makakalimutan ni Dingdong ang gina­wang paga-asikaso ng tatay ni Marian sa kanilang accommodation kaya naging kumportable sila sa kanilang tinuluyan.
Balak din ba ng tatay ni Marian na magpunta ng Pilipinas?
“Nasabi niya. And we hope that when the time comes, kami naman ang magpapakita sa kanya ng isang goodtime,” say ng aktor.

Sa tantiya ni Dingdong, tanggap daw siya ng tatay ni Marian. Sabi nga ni Dong, napakabuting tao ng tatay ni Marian.

read more "Dingdong-Marian, umaatikabong lambingan ang ginawa sa Madrid"

Kris, nadulas at na-confine sa ospital!

FOLLOWER kami ni Kris Aquino sa kanyang Tweeter account at aktibo ang actress/host sa kanyang Tweeter. Dito namin nalaman na naka-confine sa kasalukuyan ang aktres sa hospital dahil sa pagkakadulas niya sa kanilang banyo noong Biyernes ng ala-una ng umaga.

Base nga sa tweet ni Kris, “My gosh! Super exhaustion and my lack of balance while scrubbing my legs, I slipped in the shower. Super banged my head around 1:30 AM. So stayed up till 3 am because not supposed to sleep after a bad untog! I’m still dizzy today.”Ang family doctor raw nila na si Doctor Aye Nuguid wanted to make sure na walang concussion na nangyari sa kanya dahil kahit ilang oras na ang lumipas, hilo pa rin daw ang pakiramdam ni Kris.
Pero base pa rin sa tweeter post ni Kris, sinabi niya rito kung ano eksakto ang naging epekto ng pagkakadulas niyang ‘yun kung kaya’t expected na hanggang ngayong araw na ito, Lunes, naka-confine pa rin siya sa Makati Medical Center.

Nag-suffer nga raw si Kris ng concussion. Sey niya sa kanyang tweet, “Forcing myself to update you all. I suffered a concussion. Cerebral and inner ear. Must’ve fallen that hard. Had CT scan. My BP shot up to 180/100. Confined next 3 nights. Good night. Will rest, promise.”

Nasabi rin ni Kris sa kanyang tweet na dumaan na ang kapatid na si Sen. Noynoy Aquino sa kanya sa Hospital on his way to his dinner forum. Ang mga kapatid na sina Ballsy and Pinky naman daw ay nasa Baguio kung kaya’t si Viel lang daw ang nakadalaw pa sa kanya bukod kay Sen. Noynoy.

At sa huling tweet ni Kris, “still dizzy but OK my EEG for brain activity. OK my ECG for heart. Inner ear affected that’s why still so dizzy. Confined till Monday.”

Dahil sa nangyaring aksidente kay Kris, stop taping muna nga siya ng kanilang seryeng Kung Tayo’y Magkakalayo. Hindi rin daw muna ito makakalabas sa SNN at gayundin sa The Buzz kahapon. Minimum of at least three days daw na rest ang order ng doctor kay Kris.

read more "Kris, nadulas at na-confine sa ospital!"

Aljur, iniwan ang girlfriend para kay Kris!

Matapos umaming mahal si Kris Bernal, iniwan na ni Aljur Abrenica ang kanyang girlfriend. Inamin na nga ni Aljur kamakailan na mahal na mahal niya si Kris at sa sobrang saya ay nauwi sa halikan ang pag-amin nila ng pag-ibig sa isa’t isa.

Matagal na pala nilang nararamdam ang atraksyon para sa isa’t isa, pero dahil sa mga taong nakapaligid sa kanila at sa mga nangyayari sa buhay nila, hindi nila ito agad maamin.Hindi na nga napigilan ni Aljur ang pag-amin sa nararamdaman sa takot na mawala muli sa kanya si Kris.
Anyway, sa The Last Prince, isang malaking problema ang haharapin ni Kris. Babalik na sa dating anyo niya bilang Prinsipe Almiro si Aljur at mawawala na ang sumpa.

Sobrang saya ni Almiro samantalang hindi naman makapaniwala si Lara (Kris) na si Almiro at Ramil ay iisa.

Ang hindi alam ng bagong magkasintahan na hindi pa tapos ang malaki nilang problema -- hihigupin si Prinsipe Almiro pabalik ng Paladino pati na rin sina Anexi (Paolo Ballesteros), Dama Rosata (Chanda Romero), Onuro (Francis Magundayao) at pati na ang bahay, samantalang maiiwan naman mag-isa sa baybayin si Lara.

Anong buhay ang naghihintay kay Lara ngayong iniwan siya ng kasintahang prinsipe pala? At paano kung madiskrubre niyang nalipat pala sa kanya ang sumpa!

Subaybayan ang pag-iibigang langit at lupa ang pagitan kasama sina Aljur at Kris sa The Last Prince sa GMA Telebabad.

read more "Aljur, iniwan ang girlfriend para kay Kris!"

Relasyon kay Carlo, itinanggi ni Glaiza!

Deny agad si Glaiza de Castro nang tanungin namin siya tungkol sa balitang boyfriend na niya si Carlo Aquino.

“Hindi po!” sambit ni Glaiza nang mag-guest sa Diz Iz It kamakailan.
Eh, bakit nakita siyang sinusundo ni Carlo?

“Ha! Ha! Ha!” tugon lang ni Glaiza pero walang paliwanag sa sagot niya sa tsismis.
Anyway, ngayong umaga sa Diz Iz It!, si Iza Calzado naman ang celebrity judge. Pumalit muna si Ate Gay kina Michell O’ Bombshell at Gie Kinis bilang special judges.

Sa third week ng Diz Iz It na hinu-host nina Bayani Agbayani, Ehra Madrigal, Grace Lee at Sam YG/Shivaker, iba’t ibang talents ang ipamamalas ng mga kalahok para hindi masabi ng pangit na judge na ginagaya sila ng show sa GMA, huh! Aba, para namang hindi sila poor copycat ng mga foreign shows, huh!

Well, hintayin na lang nating ma-ban ang flash in the pan na judge na ito dahil sa walang preno niyang pahayag tungkol sa mga writers. Hindi raw siya natatakot sa mga nagsusulat ng negatibo sa kanya, huh!

read more "Relasyon kay Carlo, itinanggi ni Glaiza!"

Ruffa, ‘binastos-binaboy’ sa text messages!

NAPILITAN si Ruffa Gutierrez na magpalit ng cellphone number dahil sa mga nasty text message na kanyang natatanggap. Hindi masabi ni Ruffa ang mga text message na ipinadala sa kanya dahil masyado itong bastos at baboy.

Walang binanggit na pangalan si Ruffa pero tiniyak niya na babae ang nanggugulo sa kanya.
“Vulgar ang text messages. It came to a point na I had to change my phone. Talagang itinapon ko na ‘yung sim card ko na ‘yon. Kumuha ako ng bagong line kasi ayo­kong naha-harass ako.
“Whenever I receive messages, nasisira ‘yung araw ko. It’s either patulan mo ‘yon and then, magiging low-life ka naman kung patulan mo,” ang pagtatapat ni Ruffa.Tatlong linggo nang nakakatanggap si Ruffa ng mga text message ng paninira. Nagkaroon siya ng idea sa katauhan ng sender dahil iisang tao ang topic nito.

“May idea na ako. It’s strange, ‘yung topic na ipinadadala niya sa akin about this certain topic.
“The whole last year naman, wala akong natanggap na bad text messages. In three weeks time, ang dami kong nakukuha na mga nasty text messages regarding this topic,” ani Ruffa.
May mensahe si Ruffa para sa tao na kanyang tinutukoy, ang tigilan na ang pagpapadala sa kanya ng mga malalaswang text message.

“Hindi ‘yon galing kung kani-kanino eh, kasi kokonti lang ang tao na nakakaalam sa number ng phone ko.
“Sana doon sa mga nagpapadala ng text messages, whoever you are, sana tigilan mo na. Small world (ang showbiz). It’s a small industry. I believe people should still peacefully co-exist.
“Wala akong sinasabing name. Basta, alam na niya kung sino siya. Kung hindi naman siya, si­guro ‘yung mga kasamahan niya, mga alalay niya.

“Alam na rin ng mga tao na nasa paligid ko. Alam na rin ng mommy ko. Alam na rin ng mga kapatid ko. Mabuti na lang, ‘wag kong patulan so nagpalit na lang ako ng number.”
Walang maisip na dahilan si Ruffa para guluhin siya ng suspect.

“Hindi ko talaga alam. Ayoko na lang patulan. Super cheap.
“Basta ako, Im doing my job. I’m taking care of my kids. I really told myself, ang mantra ko for 2010 is to work and alagaan ‘yung mga anak ko.Wala munang pag-ibig whatsoever dahil nakakasira lang ‘yon sa concentration ng gusto kong marating sa buhay ko. It’s all about work.

“For me, ang gusto ko lang talaga peace. Huwag naman akong i-harass dahil hindi naman ako papatol kasi I choose my battle. When I choose my battle, they’re for the right reasons.”

read more "Ruffa, ‘binastos-binaboy’ sa text messages!"