“Ang sarap pala na binabastos-bastos ka!” -- Eugene Domingo

GRABE sa sunud-sunod or rather, sabay-sabay na shows meron si Eugene Domingo ngayon. Sa GMA-7 na lang, bukod sa pang-teen show na First Time at Comedy Bar, heto at reunited muli sila ng director na si Joyce Bernal para sa kiddie show na Wachamakulit.
First time raw ni Uge na mag-host ng game show na pambata.

“So, talagang pigil ako sa mga words, sa mga sasabihin ko dahil mga bata ang kasama ko, eh. Iba-iba rin ang moods nila, may kanya-kanyang drama pero nakakatuwa. Kapag nakita na nila ko, para na silang nakakita ng Santa Claus.“Pero maganda kasi, parang napaka-fresh naman this time ng ginagawa ko. Kumbaga, mga bagets-bagets naman,” sabi ni Uge.

Tawa nang tawa si Uge dahil puro bagets daw talaga ang nakapaligid sa kanya. Mula sa totoong “batang” bagets, mga “binatang” bagets naman ang kasama niya sa Comedy Bar, tulad nina Wendell Ramos at Brazilian Hunk na si Fabio Idel.

“Nakakahaba talaga ng hair! Kumukulot nang kumukulot ang buhok ko. Hindi lang sila mga guwapo, may sense of humor pa.”

Teka, ‘yung Hot Mama na show niya, sa lakas daw nito, parang gusto pang i-extend ng management, anong sey niya?

“Oo nga! Natutuwa nga ako. Parang dumami ang mga fans kong lalaki at masama ang tingin nila sa akin. ‘Yung tingin nila sa akin ngayon, Hot Mama! Ang sarap pala na paminsan-minsan, nababastos ka,” natatawa niyang sabi.

So, nararamdaman niyang may pagnanasa na sa kanya ang mga kalalakihan nga­yon?
“Nararamdaman ko! Ang mga karpintero ngayon, iba na ang tingin sa akin. ‘Yung mga set man, panay na ang alalay sa akin. Ha! Ha! Ha!”

Sa sobrang busy raw ni Uge ngayon, wala na raw siya lalong time na asikasuhin ang lovelife niya. Hirit niya, ang schedule na raw niya ngayon ay trabaho, tulog, bangko.

“Trabaho, tulog, bangko and then, pautang, ah hindi, pamigay! Ha! Ha! Ha!”
So, paano na nga ang lovelife niya?

“Alam ng Diyos ang pangangailangan ng bawat isa at alam din niya kung kalian ibibigay. Siguro ngayon, ang pangangailangan ko talaga ay ibigay ang pangangailangan ng mga naghihintay ng entertainment at ng susunod kong ipapakita. So, doon tayo mag-focus. Tutal, binigyan naman tayo ng pagkakataon na aliwin ang manonood. Aaliwin ko po kayo. Doon na lang muna,” say na lang ni Uge.

read more "“Ang sarap pala na binabastos-bastos ka!” -- Eugene Domingo"

Problema sa datung, itinanggi ni Eugene!

Itinanggi ni Eugene Domingo ang tsismis na hindi siya nagbibigay ng komisyon sa dati niyang manager na si Rikki Gallardo kaya sila nagkahiwalay.


“Hindi totoo ‘yon! ‘Yung secretary ko nga, sinusuwelduhan ko ngayon. Ang gusto ko lang mangyari, diretso ang usapan sa producer, sa creative team. May sekretarya ako pagdating sa schedules kaya hindi totoo ‘yung tsimis na komisyon ang dahilan ng hiwalayan namin,” paliwanag ni Eugene na kasama sa pelikulang Working Girls.


Ngayong tapos na ang WG, dalawang movies pa ang ginagawa ni Eugene, ‘yung sa Star Cinema at sa Regal Films. Pagda­ting naman sa TV, on-going pa rin siyang napapanood sa SRO: Hot Mama at sa pagtatapos ng Cool Center, kapalit nito ang reality comedy show nila ni Allan K na Laugh Kita! simula sa April 10.

read more "Problema sa datung, itinanggi ni Eugene!"

Goma, Mark, Piolo at Boyet, type biktimahin ni Eugene!

HANGGANG ngayon, nai-stress pa rin si Eugene Domingo sa pagbibida niya sa SRO Presents Hot Mama. Hindi raw niya akalain na magbibida siya rito.


Tanong kay Eugene, kung magiging hot mama nga siya sa totoong buhay, hindi raw sina Wendell Ramos at Dingdong Dantes ang kanyang mga bibiktimahin.


“Unang-una si Richard Gomez. Naku hindi ako susuko hanggang hindi ko nakakatambal si Goma! Masarap pa rin siya! Ha! Ha! Ha! Ha!


“Susunod ay si Mark Anthony Fernandez. Bukod sa magaling umarte, sexy ang batang ‘yan. Parang bagay kami! Ha! Ha! Ha! Ha!


“Pangatlo siyempre si Papa P! Piolo Pascual! Jusko, may pedestal na siyang nakahanda sa bahay ko! Ha! Ha! Ha! Ha!


“At siyempre, last but not the least, si Christopher de Leon. Original ‘yan para sa akin. Gusto ko siyang maka-partner para kumpleto na ang paggaya ko kay Ate Vi (Vilma Santos). Feeling ko magiging tunay akong Ate Vi kapag nakaeksena ko na si Papa Boyet! Jusko! Ha! Ha! Ha! Ha!” natawang pagtatapos ni Eugene.

read more "Goma, Mark, Piolo at Boyet, type biktimahin ni Eugene!"

Eugene Domingo, nag-init kay Wendell Ramos!

ag-init siya sa mga eksena nila ni Wendell Ramos sa SRO Cinemaserye Presents Hot Mama. Sex therapist kasi ang role niya rito na nagbibigay na advice sa sex at sensuwalidad ng tao.

“Sari-sari na ang role models ko rito. Margarita Holmes. Merong Agnes Bueno at higit sa lahat, Mr. Cariñoso! Ha! Ha! Ha!” natatawang bungad na sambit ni Uge.

Teka, eh virgin pa siya kaya paano siya nag-internalize sa role niya?

“Siyempre, pagagandahin mo ang role mo. Parang kaakit-akit! Ahhh... Hmmm... Uhhhhh Laging ganoon na para kang pinapasukan ng kung anu-ano! Ha! Ha! Ha!
“Akala mo laging sinasapian. Kasi sa radyo siya nagbibigay ng advice,” kuwento ng komedyana.
Mabuti naman at naisingit niya itong sa SRO sa dami ng kanyang ginagawa?

“Katatapos ko lang ng Working Girls at nagsimula na ako sa Here Comes The Bride. Magsisimula na rin ako kay Mother Lily. Naayos na naman (ang problema nila ni Mother Lily) sa awa ng Diyos.

“Excited din ako dahil dadaan ako sa campus ng First Time. Kaya naman! Kelan tayo magsisipag kung uugud-ugod na tayo?” sambit niya.

Paano natapos ang alitan nila ni Mother Lily?

“Basta, tapos na tapos na ‘yon? Alam mo kung kanino galit si Mot­her ngayon? Sa iyo, kasi inuungkat mo pa! Ha! Ha! Ha!” buwelta sa akin ni Eugene.

Ano ba ang ginawa nila ni Wendell at nag-init siya rito?

“Kinaya ko naman si Wendell! Pero, nag-init talaga ako! Aaminin ko, nag-init ako sa kanya! Ha! Ha! Ha! Tao naman ako, ‘no?” pag-amin ni Eugene.

Pero, wala pa ba siyang boyfriend ngayon?

“Wala! Sabi kasi nila, nai-intimidate ang mga lalaki kasi mala­kas daw ang dating ko. Artista raw. Ngayon, nananawagan ako. Huwag na kayong ma-intimidate! Puwede na kayong lumapit! Ha! Ha! Ha!” natatawang panawagan pa ni Eugene sa mga lalaki.

read more "Eugene Domingo, nag-init kay Wendell Ramos!"