Professional gaka, umeksena sa ‘Yes’ party!

May guest list ang event, mahigpit ang security pero nakalusot pa rin ang mga gatecrasher. Isang lalake na malakas ang loob ang lumapit sa media registration table at nagpakilala na member siya ng media.


Nang magtanong kami kung saan siya konektado, buong ningning na sinabi ng lalake na empleyado siya ng GMA 7. Sinabi namin sa mystery gatecrasher na hindi namin siya kilala at wala kaming natatandaan na inimbitahan namin siya.


Nanindigan ang lalake. Taga-GMA 7 siya at empleyado ng Artist Center, sabay pakita sa amin ng kanyang Artist Center ID.


“Hindi kita kilala. Hindi kita nakikita sa Artist Center,” ang aming sagot.


Nagkataon na malapit sa aming puwesto si Gen Magno, isa sa mga senior staff member ng Artist Center. Tinawag namin si Gen at ipinaalam sa kanya ang sitwasyon.


“Taga-Artist Center po ako pero hindi ko kayo kilala,” ang sabi ni Gen sa makulit na unwanted guest.


Muling ipinakita ng lalake ang kanyang ID at dahil ayaw niya na magpaawat, tinawag na ang security people para palabasin siya. Kinuha rin ng security men ang fake Ar­tist Center ID ng lalake.


Ayon sa mga photographer na nakiusyoso sa insidente, professional gatecrasher ang lalake na nagngangalang Manny at sa tuwing nakakalusot ito sa mga showbiz event, nagbabalot siya ng mga pagkain mula sa buffet table. Ang mga litrato ng gatecrasher na kuha ng mga photographer ang ebidensya.


Hindi si Manny ang u­nang tao na nagpanggap na empleyado ng Artist Center. Several months back, ipinakita sa Imbestigador ang kaso ng isang talent scout na nagpanggap na empleyado ng Artist Center at nambiktima ng mga aspiring star. Hiningan ng pera at laptop ng impostor na talent scout ang mga applicant at dahil sa rami ng reklamo laban sa kanya, sinampahan siya ng mga kaso at ikinulong.

read more "Professional gaka, umeksena sa ‘Yes’ party!"

Jake, ‘di nakaiwas sa ‘kasal-buntis’ isyu ni Roxanne!

HINDI nakaiwas si Jake Cuenca sa mga tanong ng press sa kanya during the Yes! 10th year anniversary celebration sa NBC Tent. Iisa nga lang ang naiisip na itanong halos ng mga press kay Jake nang makita siyang dumating.


May kaugnayan pa rin ito sa kanyang ex-girlfriend na si Roxanne Guinoo na ngayon nga ay nagpaplano na raw magpakasal at nababalitang on the family way na raw.


Ano nga ba ang reaction niya sa balitang magpapakasal na ito sa non-showbiz boyfriend?


“Well, congratulation and I’m very happy for her,” say lang ni Jake.Nagulat ba siya nang malaman niya?


“Well, ako, I’m very happy for her. Kung anuman ang makakapagpasaya kay Roxanne, masaya na rin ako roon at saka, congratulation.”


Napapabalitang buntis na ito, pero, nangiti si Jake sabay sabi nang, “wala na akong alam sa ganyan.”


Nagkikita pa rin daw sila minsan kapag nagkakasabay or nagkakasalubong sila sa ABS-CBN at para sa kanya, okey naman daw silang dalawa.


“Sa nakikita ko naman sa kanya, mukha naman siyang masaya at kilala ko naman siya kapag masaya siya.”


May nagtanong kung hindi raw ba siya nanghihinayang na hindi na tala­ga sila nagkatuluyan?


“Well, paulit-ulit na lang din ako, pero, tulad nga nang sinabi ko, kung ano ang makakapagpasaya sa kanya, doon ako. Ang sa akin naman, matagal nang natapos kung anuman ang me­ron sa amin.


“Dapat lang na hayaan siyang mag-move-on to better things in life. So, congratulation to her and to her future husband.”


On his part, wala pa naman daw sa isipan niya ang lumagay sa tahimik.


“Naku, wala pa! Ha! Ha! Ha! Bata pa naman tayo. Trabaho muna. Mara­ming blessing na pumapasok.

So, doon muna ko. At masaya ako na mataas ang rating ng Rubi at gayundin ang ginawa namin ni Angel Locsin na MMK, bukod sa mataas din ang na­ging rating, natutuwa ako na marami ang nagsabi na nagustuhan ang ginawa namin ni Angel,” say na lang ni Jake.

read more "Jake, ‘di nakaiwas sa ‘kasal-buntis’ isyu ni Roxanne!"

Aga-Charlene, ayaw pang sundan sina Atasha at Andres

HINDI namin matukoy kung seryoso lang o biro lang kay Aga Muhlach na naninibago raw siya sa mga kamerang nakatutok sa kanya nang dumating sila sa NBC Tent noong Martes ng gabi para sa YES! 10th year anniversary party.


Dumating si Aga kasama ang asawang si Charlene Gonzalez at sey nga niya, “parang naninibago ako sa mga kamera na nakatutok. Ha! Ha! Ha!”


As much as possible kasi, kung wala rin lang naman siyang ipino-promote, mas gusto pa ni Aga to spend more time with his family, especially sa kanilang rest house sa Batangas.


Pero ngayon, siguradong mas magi­ging visible nga ang actor dahil sa movie na ginagawa nila ni Regine Velasquez under Viva Films, ang Of All The Things at ang sisimulan naman niyang movie with Angel Locsin under Star Cinema.


‘Yung movie nila ni Regine ay umabot na ng ilang buwan at hindi rin natuloy sa supposedly playdate nito na Valentine’s Day. Ano na nga ba ang nangyari rito?


“We started shooting last year and we’ve been doing it for six months already, ‘no. There’s so many delays, for one, ‘yung sa akin, I was overweight last year and I had to lose weight first. And then, schedule-schedule namin. Tapos si Reg naman, this year.


“But then, we talked about it, sina Direk Joyce (Bernal) and sina Regine, basta importante, let’s just come out with a good movie. Kahit matagal gawin, basta maganda lang.”


Sa isang banda, kinumpirma naman ni Aga na bagama’t hindi pa tapos i-shoot ang movie nila ni Regine, sisimulan naman niyang gawin ang movie na pagsasamahan nga nila ni Angel.


“We’re starting the movie on March 23. So, mag-o-overlap na siya.”


Sa huli, tinanong din si Aga at Charlene kung wala pa rin ba silang planong sundan ang kanilang kambal na sina Atasha at Andres lalo na at malalaki na ang kambal?


“Well, we’re happy with our set-up right now. We’re happy with the way things are. So, we leave it that way, ganu’n lang,” say na lang ni Aga.

read more "Aga-Charlene, ayaw pang sundan sina Atasha at Andres"

Richard, dumalo sa party ng dating kaaway!

MARAMI ang nag-aabang sa pamilya Gutierrez, lalung-lalo na kay Richard Gutierrez kung darating nga ba ito sa YES! 10th year anniversary party noong Tuesday ng gabi sa NBC Tent.


Kung matatandaan, nagkaroon ng kaso sa pagitan nina Richard at ng YES! Editor-In-Chief na si Ms. Jo-Anne Maglipon at sa on-line site ng YES! magazine na PEP.ph.


Pero kailan lang, naresolbahan na ang kaso at nagkaroon ng amicable settlement sa dalawang kampo.


At ‘yun na nga, dumalo ang pamil­ya Gutierrez sa party ng Yes. Ayon nga kay Richard nang makausapng press bago ito umalis sa NBC Tent, kung ano ang natutuhan niya sa mga nangyari, “It feels great to be able to forgive and forget and to move forward and be positive.”


Nakatanggap naman daw sila ng imbitasyon kung kaya’t they made sure na lahat sila halos sa pa­milya, kasama ang kanyang ina na si Ms. Annabelle Rama at iba pang Royale Era ta­lents ay dadalo sa event.


Nang araw rin na ‘yun naganap ang story conference para sa pagsasamahan nilang movie for the first time nina Claudine Barretto at Anne Curtis for Viva Films, ang In Your Eyes.


“It’s gonna be a really good film. Very challenging for all of us and very exciting kasi, kakaibang pamilya ‘to.”


Paano raw kaya ang magiging billing nila ni Claudine?


“Ah, hindi pa namin napag-uusapan ‘yun. But of course, it’s an honor for me to work with Ms. Claudine Barretto because you know, when I was growing-up, si Ms. Claudine, she’s Superstar and up to now, she’s one of the best actresses. So, it’s an honor to be working with her.


“So, I never thought that I’ll be working with her.”


Love triangle raw ang kuwento ng pelikula nila na isang pure drama.

read more "Richard, dumalo sa party ng dating kaaway!"

KC, ‘di makapaniwalang ayaw siyang ligawan ni Jericho!

HALATANG gulat na gulat si KC Concepcion nang hingan ito ng reaction sa sinabi raw ni Jericho Rosales na never siyang liligawan. Sina KC at Echo ang magkasama sa movie under Star Cinema, kung saan sa kauna-unahang pagkakataon ay makakasama rin niya ang kanyang Papa na si Gabby Concepcion.


“Talaga? Sinabi niya ‘yun? Bakit niya sinabi ‘yun?”

natatawang tila hindi rin makapaniwalang sagot naman ni KC.


Ipinaliwanag naman kay KC na kaya raw nasabi ‘yun ni Echo, parang respeto na nito sa napapabalita namang rumored boyfriend daw niya ngayon na si Piolo Pascual.


“Well, I don’t know kung ano ang napag-usapan nila, sa totoo lang. Wala talaga akong alam about that. And siguro, ewan ko? Ang dating sa akin, parang usapang lalaki. Ewan ko. Ha! Ha! Ha!”


Hindi pa raw sila masyadong nakakapag-shooting dahil ina-eye pa rin daw na magkaroon sila ng bakanteng schedule na sabay-sabay na tatlo.


“Pero sa tingin ko, they will beat the deadline na by May, matutuloy pa rin ang showing ng movie.”


Last Valentine’s Day naman, ini-spent ito ni KC sa Los Angeles. Ang naka-date raw niya ay isa sa kanyang mga bestfriend na babae at ang kanyang lola na naroon din that time.


Paano si Piolo?


“Ay, ewan ko sa kanya? Hindi ko alam kung ano ang ginawa niya noon. Ha! Ha! Ha! Ha!”


Wala ba itong pagpaparamdam na ginawa sa kanya?


“Well, pareho kasi kaming nasa ibang trip. But he calls naman, nagkakausap naman sa phone.”


Hindi raw niya naging ugali ang magbigay ng Valentine’s gift. Feeling niya, mas ang lalaki talaga ang gumagawa ng ganitong bagay. So, may iniabot na ba sa kanyang Valentine’s gift si Piolo?


“Wala pa, baka parating pa lang. Ha! Ha! Ha! Naku, kayo talaga, ‘yung mga tanong n’yo!,” natatawa na lang niyang sabi.

read more "KC, ‘di makapaniwalang ayaw siyang ligawan ni Jericho!"

Jennylyn Mercado and Valerie Concepcion bagong modelo ng Belo Medical Group

Natuloy na rin ang launching kina Jennylyn Mercado at Valerie Concepcion bilang modelo ng Belo Medical Group na bilang Hot Mamas, huh! Halos pareho nga ng kapalaran sina Jen at Val nang magsimula sa showbiz.


Aba, sa murang edad nila, agad silang nabiyayaan ng mga anak, huh! Una nga lang si Val na naging mother dahil four years old na ang anak niyang si Fiona. Si Jen naman, isang taon pa lang ang anak na si Alex Jazz.


But still, katakam-takam pa rin ang kanilang pigura, sa totoo lang! Pinagpipiyestahan pa rin ang alindog nila sa mga covers ng men’s magazines.


Eh, bukod sa proper diet at exercise, kapwa pumupunta sina Jen at Val sa Belo para sa non-invasive body contouring sessions with Novashape. Kaya naman hindi kataka-takang ang mga young moms na ito ay perfect endorsers ng most trusted beauty clinic ni Dra. Vicki Belo.

read more "Jennylyn Mercado and Valerie Concepcion bagong modelo ng Belo Medical Group"

Marvin, natawa sa bagong image ni Jolina!

HIWALAY muna sina Marvin Agustin at Jolina Magdangal bilang magkapareha sa Panday Kids na humataw nang husto sa ra­tings nu’ng initial telecast nito last Monday.


“Hindi muna kami magkasama ni Jolina. Magkahiwalay ang mga eksena namin. Magkaibang-magkaiba ang mundo na ginagalawan namin. Maybe in other show but definitely, we will not be linked romantically sa Panday Kids sa istorya,” paliwanag ni Marvin na special guest celebrity judge ngayong Huwebes sa Diz Iz It.


Pinakamasama ba niyang role ang Lizardo sa fantaserye?


“Ha! Ha! Ha! Hindi ito masama. Demonyo talaga ang role ko rito!

Ha! Ha! Ha! Lagpas-lagpasan ang kasamaan!” bulalas ng aktor.


Teka, ano ang masasabi niya sa bagong image ng dating ka-loveteam na ala-Lady Gaga?


“Well, okey kasi, we should always welcome change. ‘Yun naman ang dapat nating ginagawa. We reinvent! Sa akin, okey ang ginagawa niya. At least, may bago siyang ino-offer sa tao. Mula doon sa dati na colorful, heto nga­yon, medyo sophisticated na Jolina ang nakikita,” paliwanag ni Marvin.


So, natuwa o natawa ba siya sa bagong image ni Jolina?


“Yeah, natuwa at natawa…”


Nabanggit ba sa kanya ni Jolens na babaguhin niya ang packaging nito?


“Oo, tapos, tinawagan ko siya. Tinanong ko kung Lady Gaga na siya. Sabi niya, hindi naman daw.

Naglagay lang siya ng mga borloloy ulit. Okey naman ang performance niya sa SOP. Sa Dear Friend, may konting dagdag lang sa make up,” pahayag niya.


Siyanga pala, totoo bang ending na ng SOP this Sunday? Kasama ba siya sa masisibak?


“Yes, there’s a re-launch this March! I cannot tell you yet kung ano ang title at kung sinu-sino ang makakasama. Reformat. Secret kung kasama ako. Basta abangan na lang nila,” biting say ni Marvin.


Ibinalita rin ni Marvin na ipalalabas na ang pelikulang nagawa niya under Unitel Productions na Red Shoes kasama si Nikki Gil.

read more "Marvin, natawa sa bagong image ni Jolina!"

Regine Velasquez, pinapangit sa Diva

GINANAP kagabi ang presscon ng Diva sa Studio 7 ng GMA 7. At tulad ng dati, bongga ang presentation ng Siyete, na maaliw ka talaga sa mga gimik nila.


Si Regine Velasquez ang bida sa Diva, at sa title pa lang, obyus na puro kantahan, tawanan ang laman nito. At para mas lalong maging katawa-tawa, pinapa­ngit nga nila si Regine.Makikita nga sa picture ang mukha ni Regine, na bukod sa medyo pinaitim siya, hayun at nilagyan pa ng bukol o tagyawat ba `yon, ang kanyang mukha. At in fairness, carry ni Regine ang maging chaka, ha!


Makakasama ni Re­gine sa Diva sina Mark Anthony Fernandez, TJ Trinidad, Rufa Mae Quinto, Glaiza de Castro, Mark Herras, Ynna Asistio at Gloria Diaz.


At dahil kantahan ito, dapat kasama ang mga singers na tulad nina Buboy Garovillo, Randy Santiago at Jaya, sa kanyang kauna-unahang acting stint.


Marami nga ang nag-enjoy sa unang pagtatambal nina Regine at Mark noon, sa Koreanovelang Ako si Kim Sam Soon nu’ng 2008. Kaya tiwala ang GMA na muling mai-in love sa kanila ang mga fans.
Ang Diva ay mula sa direksyon ni Dominic Zapata.

read more "Regine Velasquez, pinapangit sa Diva"

Francine, tutulungan ni Bongbong

Present kahapon si Francine Prieto sa presscon ng Ever Bilena para kay Bongbong Marcos. I­mage model si Francine ng Ever Bilena products at si Bongbong ang endorser ng EB Blackwater Cologne.


Matagal nang kaibigan ni Bongbong si Deocildo Sy, ang President at CEO ng Ever Bilena Cosmetics.

Idea ni Mr. Sy na imbitahan ang dating presidential son para maging official endorser ng Blackwater Cologne.


Tiniyak ni Mr. Sy na hindi magkakaroon ng problema sa COMELEC ang product endorsement ni Bongbong dahil inalam muna nila ang lahat ng legalidad bago sila nagpatawag ng presscon.
Inimbitahan ni Mr. Sy at Khristine Gabriel (EB PR Director) sa presscon si Francine para personal ito na makilala ni Bongbong. Ang kawalan ng trabaho ang reklamo ni Francine. Ipinakilala siya kay Bongbong dahil kailangan ng artista sa campaign sorties ng ex-presidential son na kumakandidatong senador.

read more "Francine, tutulungan ni Bongbong"

Richard, iiwan na si Heart

ATLONG araw na lang ang Full House nina Richard Gutierrez at Heart Evangelista, at siyempre, abot-tenga ang ngiti o halakhak ba, ng nanay ni Chard na si Annabelle Rama.


Eh kasi naman, matatapos ang Full House na maganda ang ratings, at sabi nga ni Bisaya, may time na ang anak niya na makapagpahinga. Eh, dapat daw sulitin ni Chard ang pahinga, dahil after noon ay raratsada na naman si Chard sa taping ng Captain Barbell.


Eh, mukhang mas excited pa si Bisaya na simu­lan ni Chard ang Captain Barbell. Pero, at the same time, medyo kabado rin daw siya, dahil alam niyang mas maraming stunts at fight scenes si Chard dito.
Well, iiwan na nga ni Richard si Heart bilang leading lady. At ngayon pa lang, iba’t ibang pangalan na ang pinipili na makapareha ni Chard.


Anyway, sa mga huling araw ng Full House, malalaman na natin kung may pag-asa pa bang matuloy sa totohanan ang “kasal” nina Justin (Richard) at Jessie (Heart) o kung mauuwi lang ba sila sa hiwalayan? Lakas loob kasing nag-alok ng kasal si Elaine (Isabel Oli) kay Justin. At walang choice si Justin kundi tanggapin ang alok ni Elaine dahil ginagamit nitong pang-blackmail ang kondisyon niya.


Samantala, malapit na ring tanggapin ni Jessie ang alok na kasal ni Luigi (Patrick Garcia).


Lumipad na nga papuntang States ang buong pamilya ni Justin dahil nami-miss na daw ni Mamita (Pilita Corrales) si Justin. Matapos maramdaman ang pangungulila ni Justin kay Jessie, pinayuhan ni Lorenzo (Ronaldo Valdez) ang anak na sundin kung ano ang nilalaman ng puso nito. Umuwi kaya pabalik ng Pilipinas si Justin?


Sa kabilang banda, pinayuhan naman ni Lisette (Sheena Halili) ang kaibigan na talikuran na ng tuluyan si Justin. Tutal naman daw, mas mahal siya ni Luigi kaya ito na lang ang piliin niya. Sa mahirap na desisyong ito, ano kaya ang gagamitin ni Jessie, ang kanyang utak o ang kanyang puso?


Alamin ang mga kasagutan sa nalalapit na pagtatapos ng Full House.

read more "Richard, iiwan na si Heart"

Nancy, mistulang katulong sa Canada

SEKSING-SEKSI at parang hindi nanganak sa kambal na lalake si Nancy Castiglione. Isa nga si Nancy sa naging special host ng Starstruck V: The Final Judgment last Sunday sa Araneta Colisuem.


Si Nancy kasi ang original host ng unang season ng Starstruck kunsaan kasama niya si Dingdong Dantes.


Magwa-one year old na nga this year ang kanyang twin boys na sina Matteo at Joaquin. Malilikot na raw sila at tuwang-tuwa si Nancy pati na ang kanyang mister na si Nacho Dominguez.


“It’s so fun to be a pa­rent, lalo if your kids are so cute and very bibo. My twins, they run around a lot. Nakakatuwa silang habulin. Kaya siguro hindi ako tumaba kasi I have no time to eat at hands-on ako sa pag-alaga sa kanila.


“Wala kaming maids or yayas sa Canada kaya I do lots of chores like cooking, doing the laundry, cleaning the house and taking care of twin boys na sobrang cute at makukulit.


“But no regrets, this is the life that I chose and I am enjoying motherhood so much. Akala ko noong una mahirap, oo mahirap pero masarap siyang gawin kasi you see your kids growing up and learning so many things,” kuwento ni Nancy.


Matagal na palang nasa Pilipinas si Nancy at ang kanyang pamilya at dito na nga sila naka-base. Kaya naman unti-unti raw siyang magbabalik sa showbiz.


“But of course, priority ko pa rin ang aking mga babies. Kapag kailangan nila ako, sila ang uunahin ko.”


Nagkita na ba sila ng ex-boyfriend niyang si Paolo Contis na magkakaroon na rin ng sarili niyang pamilya?


“Hindi pa nga kami nagkikita or accidentally na nagkakasalubong. But I am happy for the news na magkakaroon na siya ng baby niya and I heard it’s a baby girl.


“I know that Paolo will be a good father. Mabait siyang tao and I know na he will be okay as a dad and husband.


“Siguro kapag nagkita kami, ang pag-uusapan na lang namin ay tungkol sa mga anak namin. And I want our kids to be good friends kasi halos magkakasing-edad lang sila, ‘di ba? That would be so nice!” say na lang ni Nancy.

read more "Nancy, mistulang katulong sa Canada"

Angelika at Oreo, malamig ang pulot-gata sa Korea

Kumuha na ng yaya si Angelika dela Cruz para sa anak niya, ngayong abala na naman siya sa kanyang career. Sabi ni Angelika, ayaw sanang ipagkatiwala ang anak niya sa yaya, pero kailangan daw niyang gawin ’yon para maka­ratsada siya sa mga projects na gagawin. Siyempre, lalo na at pumirma na naman siya ng panibagong kontrata.


Dalawang taon ang kontrata niya sa Siyete, at apat hanggang lima ang shows na gagawin niya.


“Dati ako yung nag-aalaga sa baby namin. Pero ngayong nagti-taping na ako, kumuha na ako ng yaya. Hindi ko naman puwedeng isama sa locations ang anak ko dahil baka magkasakit, lalo na nga­yong mainit ang panahon.


“Pero kapag puwede siyang papuntahin sa taping, ginagawa ko naman. Gusto ko kasing maramdaman ng anak ko kung ano ang trabaho ko. Importante kasi sa mga baby na iparamdam mo kung ano ang ginagawa mo,” esplika ni Angelika.


Kuwento ni Angelika, kahit nagtatrabaho na siya ngayon, pag-uwi niya ay pinipilit pa rin niyang asikasuhin ang anak. Gusto raw niya na laging nararamdaman ng baby niya ang kanyang presence at hindi lang lagi sa yaya.


Obyus na happy si Angel sa buhay may-asawa niya. Napakabait at supportive raw ng kanyang asawa.

Nu’ng sinabi raw niyang nami-miss niya ang showbiz, pinayagan daw siya agad nito na bumalik.


Kagagaling lang sa honeymoon sa Korea nina Angelika at ng mister niya. Naabutan daw sila ng snow roon, kaya sobrang nag-enjoy sila.


Isang mariing ‘NO muna’ ang sagot ni Angelika sa tanong namin na kung masusundan agad ang baby nila, lalo na at kagagaling lang nila sa honeymoon.


Maliit pa raw ang baby nila at ngayon pa lang daw bumabalik ang pigura ng kanyang katawan, kaya ayaw muna niyang mabuntis.

read more "Angelika at Oreo, malamig ang pulot-gata sa Korea"

Bayani Agbayani at Vhong Navarro, walang imbiyernahan!

HINDI nawawala ang friendship sa pagitan nina Bayani Agbayani at Vhong Navarro, kahit na nga magkalaban ang kanilang mga shows, ang Diz Iz It sa GMA 7, at Showtime sa ABS CBN 2.


“Trabahador lang kami sa mga shows namin. Kung ano ang dapat naming gawin bilang mga empleyado sa mga shows namin kailangang gawin namin ng mahusay. Diyan kami nabubuhay. Pero siyempre, hindi puwedeng maapektuhan ang pagkakaibigan namin ni Bayani.


“Hindi man kami madalas magsama sa mga lakaran o gimik, pag nagkita naman kami nagkukuwentuhan kami,” bungad na kuwento ni Vhong.


Sabi ni Vhong, natuwa siya sa magandang pagwi-welcome ng GMA kay Bayani.


“Nabalitaan ko nga na ang dami niyang shows sa GMA. Natutuwa ako para kay Bayani. Napakasipag na tao niyan, tapos very creative pa. Lahat naman tayo nagta-trabaho para mabuhay natin ng maayos ang pamilya natin. Naiintindihan ko ang desisyon niyang lumipat. Kaya natutuwa ako dahil successful ang paglipat niya at sana magtuluy-tuloy ‘yan,” sey pa ni Vhong.


Bilang pagpapatunay na wala talagang namamagitang imbiyernahan sa kanilang dalawa ni Bayani, ibinalita pa ni Vhong na tini-text niya si Bayani.


“Lagi ko siyang tini-text pag may time ako. Kinukumusta ko siya. Nu’ng mag-start ang airing ng show nila, tinext ko pa siya.


“Wala sa aming inggitan. Hindi naman kami mga baguhan sa showbiz na magkakainsekyuran pa. Ang importante sa amin trabaho at kung sino ‘yung kaibigan namin noong nagsisimula pa lang kami, ‘yun pa rin ang kaibigan namin hanggang ngayon.”


Samantala, deadma muna si Vhong sa love life. Natatawa nga siya kapag inili-link siya kay Anne Curtis.

read more "Bayani Agbayani at Vhong Navarro, walang imbiyernahan!"

Rich Asuncion, kinontra ni Dindi Gallardo!

NAKAKITA ng kakampi kay Dindi Gallardo ang Bb. Pilipinas Charities Inc., ang beauty pa­geant organizer na inaakusahan ni Rich Asuncion ng hindi pagbibigay ng cash prize na napanalunan niya bilang 1st runner-up sa 2009 Bb. Pilipinas Contest.


Si Dindi ang 1993 Bb. Pilipinas-Universe at isa siya sa mga pinakakontrobersyal na winner noon.


New-York based na si Dindi at nang magkausap kami noong Lunes, tinanong namin ang da­ting beauty queen-actress kung nagkaroon din siya ng problema sa pagkuha ng kanyang mga premyo mula sa BPCI.


“Hindi” ang sagot ni Dindi. Wala raw siyang naging problema sa BPCI. Hindi rin niya mali­limutan ang kabutihan na ipinakita sa kanya ng buong staff ng organization na inirereklamo ni Rich.


Tinanong namin si Dindi sa mga naging karanasan at trato sa kanya ng BPCI dahil nakita namin si Rich sa Araneta Coliseum noong Linggo.


“One of those” performers si Rich sa Final Judgment Night ng Starstruck V. Teritoryo ng BPCI ang Araneta Coliseum at sa mismong stage nito nagkaroon si Rich ng sariling 15-minute fame.

read more "Rich Asuncion, kinontra ni Dindi Gallardo!"

Aljur, inaming nag-MU sila ni Rich!

NAKARATING na kay Aljur Abrenica ang binitiwang salita ni Rich Asuncion na hindi sila nagkaroon ng relas­yon, at may sagot din siya, “Hindi naman talaga.”


Ipinaliwanag ni Aljur na “mutual understanding” lang ang namagitan sa kanila ni Rich at naging malapit sila sa isa’t isa dahil kapwa sila produkto ng Starstruck Season IV.


Kabilang si Aljur sa mga performer sa Final Judgment Night ng Starstruck V. Ayon kay Aljur, wala siyang nararamdaman na threat sa pagpasok ng mga bagong artista sa GMA Artist Center. Masaya raw siya dahil sa mga bagong kasama niya sa pagbibigay ng entertainment sa mga tao.


Sa male finalists ng Starstruck V, nakita ni Aljur ang sarili kay Rocco Na­cino, ang 2nd Prince title-holder. Pareho raw sila ni Rocco ng determinasyon nang maging contestant siya noon ng Starstruck IV. Ang pagkakaiba lang, Se­cond Prince si Rocco at si Aljur ang bida ng The Last Prince.


Hindi rin threatened si Aljur sa pagpasok ng Panday Kids. Buo ang paniniwala ni Aljur na pa­nonoorin ng televiewers ang Panday Kids at ang The Last Prince, kahit parehong mga fantaserye ang mga nabanggit na primetime show ng GMA 7.

read more "Aljur, inaming nag-MU sila ni Rich!"

Bigay na sapatos ni Marian, ‘di kasya kay Diva!

May mala-Cinderella story si Diva Montelaba, ang 1st Princess ng Starstruck V. Ang pagkakaiba lang, si Marian Rivera at hindi isang prinsipe ang nagbigay sa kanya ng sapatos.


Sa Final V ng Starstruck V, si Diva ang pinakitaan ni Marian ng pagkagiliw dahil nang magkaharap sila, sinabi ni Marian kay Diva na size 7 ang kanyang paa at gusto niya na bigyan ng sapatos ang aspiring actress from Cebu.


Tuwang-tuwa si Diva at nang itanong ni Ma­rian ang sukat ng paa niya, “size 7” din ang kanyang isinagot.


Hindi naging Cinde­rella si Diva nang isukat niya ang sapatos na ibinigay ni Marian. Sa kagustuhan niya na magkaroon ng gamit mula sa isang sikat na celebrity, sinabi niya na size 7 ang kanyang paa. Hindi nagkasya kay Diva ang sapatos. In reality, 9 ang sukat ng kanyang paa.

read more "Bigay na sapatos ni Marian, ‘di kasya kay Diva!"