Rich Asuncion, kinontra ni Dindi Gallardo!

NAKAKITA ng kakampi kay Dindi Gallardo ang Bb. Pilipinas Charities Inc., ang beauty pa­geant organizer na inaakusahan ni Rich Asuncion ng hindi pagbibigay ng cash prize na napanalunan niya bilang 1st runner-up sa 2009 Bb. Pilipinas Contest.


Si Dindi ang 1993 Bb. Pilipinas-Universe at isa siya sa mga pinakakontrobersyal na winner noon.


New-York based na si Dindi at nang magkausap kami noong Lunes, tinanong namin ang da­ting beauty queen-actress kung nagkaroon din siya ng problema sa pagkuha ng kanyang mga premyo mula sa BPCI.


“Hindi” ang sagot ni Dindi. Wala raw siyang naging problema sa BPCI. Hindi rin niya mali­limutan ang kabutihan na ipinakita sa kanya ng buong staff ng organization na inirereklamo ni Rich.


Tinanong namin si Dindi sa mga naging karanasan at trato sa kanya ng BPCI dahil nakita namin si Rich sa Araneta Coliseum noong Linggo.


“One of those” performers si Rich sa Final Judgment Night ng Starstruck V. Teritoryo ng BPCI ang Araneta Coliseum at sa mismong stage nito nagkaroon si Rich ng sariling 15-minute fame.

read more "Rich Asuncion, kinontra ni Dindi Gallardo!"

Rich, nagpadalus-dalos sa reklamo laban sa Bb. Pilipinas!

PUNO pa ng pangarap si Rich Asuncion nang makausap namin siya noong nakaraang taon, ilang araw pagkatapos ng coronation night ng 2009 Bb. Pilipinas Contest.

Si Rich ang 1st runner-up sa nabanggit na contest at sa interbyu namin noon sa kanya, nagsalita ang Starstruck Avenger na may plano pa siya na sumali sa Bb. Pilipinas Contest.

Nangako si Rich na paghahandaan niya ang kanyang susunod na laban para makuha niya ang isa sa mga beauty title ng contest. That was then.This is now. Tinanggalan ni Rich ng karapatan ang sarili na muling maging kandidata ng Bb. Pilipinas Contest dahil sa kanyang kontrobersyal na deklarasyon sa presscon ng Panday Kids na hindi pa ibinibigay ng Bb. Pilipinas Charities Inc. ang cash prize niya.

Ang Bb. Pilipinas Charities Inc. ang organizer ng Bb. Pilipinas Contest at ang GMA 7 ang media partner nila. Contract star si Rich ng Artist Center, ang talent management arm ng GMA 7.
Sa tingin namin, naging padalos-dalos si Rich sa pagsasalita o pagrereklamo laban sa BPCI. Binasa ba niya ng mabuti ang kanyang kontrata sa BPCI? Tiniyak ba ni Rich na walang nakalagay sa kontrata na hindi niya makukuha ang kabuuan ng kanyang premyo hangga’t hindi tapos ang kanilang term?

At kung totoo na pinahihirapan si Rich ng BPCI sa pagkuha sa kanyang premyo, bakit hindi niya hiningi ang tulong ng Artist Center o ng GMA 7 bago siya nagsalita sa media? Tiyak na may magagawa ang GMA 7 dahil ito nga ang media partner ng BPCI.

Isang malaking organisasyon ang BPCI. Hindi pa man isinisilang si Rich, nandiyan na ang BPCI at siguro naman, hindi magtatagal ang organisasyon ni Stella Marquez de Araneta kung nang-aagrabyado sila ng mga beauty queen.

Narinig at nabasa na natin ang mga reklamo ni Rich at dapat din nating malaman ang panig ng BPCI dahil siguradong may mga sapat na dahilan at sagot sila sa isyu na iniipit nila ang cash prize ni Rich na hindi tumutugma sa pangalan ang reklamo.

read more "Rich, nagpadalus-dalos sa reklamo laban sa Bb. Pilipinas!"

Rich Asuncion has yet to get her cash prize as last year's Bb. Pilipinas 1st runner-up

Last year ay naging first runner-up sa Binibining Pilipinas ang StarStruck alumna na si Rich Asuncion. Pero nang tanungin ng PEP (Philippine Entertainment Portal) kung sasali siya ulit para makakuha ng title ay lumabas ang mga hinaing niya.



"Hindi, hindi na ako sasali...stress! Hindi ko pa nakukuha ang premyo nila, hindi pa. As in wala pa," pagsisiwalat ni Rich nang makausap namin siya sa presscon ng Panday Kids kagabi, February 16, sa Studio 5 ng GMA Network Center.



Ayon kay Rich, P175,000 daw ang kabuuang premyo niya mula sa Bb. Pilipinas. Bilang first runner-up ay P75,000 ang cash prize na matatanggap niya at bilang Ms. Natasha, isang special award, ay makakakuha rin daw siya dapat ng P100,000. Pero wala pa raw nakukuha maski singko.



"Kaya nga, e, di ba? Pina-follow-up ko lagi. Tumatawag ako lagi, e. Sabi nga nila... Kasi may Boardwalk ako [endorsement], tapos Natasha yung napanalunan ko, yung 100 thousand cash kaya sinasabi nila... Sabi ko, 'Ayoko, hindi ako papayag.' Pinaglalaban ko. Dapat bukod yun.



"Tapos yung 75,000 naman, sinasabi nila na hindi daw ibibigay sa akin kasi hindi daw ako sumasali sa mga events nila. Well, in fact, hindi naman nila ako tinatawagan. At saka okay na rin kasi gusto ko ring magtrabaho, di ba, para makaipon naman ako. Kung nandun ako sa kanila, walang ano sa akin. Magpapaganda lang ako nang magpapaganda, pero wala naman akong pera," sunud-sunod na litanya ni Rich.



Sa March 7 ay may bago na namang batch ng candidates na makikipag-compete para sa tatlong titles ng Bb. Pilipinas—Bb. Pilipinas-Universe, Bb. Pilipinas-World, at Bb. Pilipinas-International.



"Meron na silang mga bagong bibigyan ng prize, malapit na, di ba?," sabi ni Rich. "Pati si Bianca [Pamela Bianca Manalo, Bb. Pilipinas-Universe 2009] kakabigay lang... Pati yung Universe, yung Natasha niya, kakabigay lang last week. So, di ba? Sakit sa ulo! Lagi akong nagpa-follow-up, laging sinasabi, 'Sige next week...ganun-ganun, sige.' Hanggang umabot na ngayon."



May mensahe ba si Rich sa mga taga-Binibining Pilipinas Charities?



"Ang sasabihin ko lang sa kanila, I have to get my prize because I deserve it. Di ba?"



Umabot ba siya sa punto na inisip niyang magdemanda?



"Well, pumasok na rin 'yan sa isip ko, pero masyado nang mabigat. Parang hassle na naman, di ba? Pero one year na, e. Pero hopeful pa rin ako na sana ibigay na nila," sabi niya.



Kaugnay ng hinaing ni Rich, isang talent scout ng mga sumasali sa Bb. Pilipinas ang nakausap ng PEP. Ayon sa kanya, hindi raw talaga ibinibigay nang buo ang cash prize na napapanalunan ng winners at maging ng runners-up. Kailangan din daw talagang um-attend sila ng activities ng Bb. Pilipinas.



ALJUR ABRENICA. Dumako naman ang usapan namin sa hindi pa rin mamatay-matay na isyu sa kanila ng ka-batch niya sa StarStruck na si Aljur Abrenica. Diretsahang tinanong ng PEP si Rich kung totoong break na sila ni Aljur.



"Ako, ayoko na lang magsabit-sabit ng ibang tao. Basta ako po ngayon, single ako at okay na po akong makipag-date. Dati? Hindi, hindi ako nakikipag-date dati," sagot niya.



Kailan siya naging single at puwede nang makipag-date ulit?



"Pagpasok ng Bagong Taon."



Nagkaroon ba sila ng relasyon ni Aljur?



"Hindi!" bulalas niya.



So, walang dahilan para magkaselosan sila? May intriga kasing may selosan sa pagitan nila ng ka-love team ni Aljur na si Kris Bernal.



"Wala."Bakit sila na-link ni Aljur?



"Ewan ko sa kanila!" tawa niya. "Ewan ko sa inyo. Hindi naging kami."



Hindi rin daw siya niligawan ni Aljur.



"Wala, as in wala."



So, hindi totoong kapag nagkikita sila ni Kris sa SOP ay nag-iisnaban sila?



"Nagbebeso kami, e. Dyusko!" sambit ni Rich.



Pero aminado si Rich na naapektuhan siya ng mga intriga sa kanilang tatlo nina Aljur at Kris. Inaakusahan kasi siyang naninira ng love team.



"Naapektuhan in a sense na ayokong nasasabit sa, alam ninyo yun, sa mga...yung pag-angat nila na parang yung feeling ko, ako yung nagpapababa o humihila. E, hindi naman, kasi ang bait-bait ko nga. Parang ganun, e. Wala naman akong ginagawa. Nasasaktan ako na dinadamay ang pangalan ko sa ganyan," saad niya.



Kasama si Rich sa upcoming telefantasya ng GMA-7 na Panday Kids, na magsisimula nang mapanood sa February 22.

read more "Rich Asuncion has yet to get her cash prize as last year's Bb. Pilipinas 1st runner-up"