Ynna Asistio says her mom already has an agreement with Mark Herras

May bagong segment si John "Sweet" Lapus sa Showbiz Central. Ito ang "Sweet Talk" kung saan may kasama siyang tatlong "echoserang frogs" kung tawagin. At sa unang salvo ng "Sweet Talk" kahapon, February 14, ang young actress na si Ynna Asistio ang kanilang live guest.



Rumor has it that Yna and Mark Herras are already playing sweet music together. Pagkatapos nga raw ng halos dalawang taong panunuyo ni Mark kay Ynna, may balitang "honey" na ang tawagan nila sa isa't isa. Maging sa Facebook accounts daw nila ay "married" na ang mababasang status nina Mark at Yna.



Nanliligaw na nga ba si Mark kay Ynna?



"Yun nga po, wala naman po kasing formal na sinasabi si Mark. So for me po, yung mga ganyang questions, mas maganda kung kay Mark natin tanungin. Ang pangit naman po na ako ang babae, ako ang sasagot nun," pag-iwas ng dalaga.



Sa prangkahang usapan, "mag-syota" na ba sila?



"Hindi po," nakangiting sagot ni Ynna.



Ayon naman sa mga "echoserang frogs" ni Sweet, echosera raw si Ynna sa sagot nito. Kaya hamon naman ng dalaga, may alam daw ba ang mga ito. Dun nga ibinulong ng echoserang frog na si Fred kay Sweet na nakita raw niya sa Facebook account ni Ynna na "married" ang nakalagay nitong status.



Paliwanag naman ni Ynna, "Yes. Di ba, Tita Sweet, naging teenager din kayo? Siguro for me, sana pagbigyan n'yo ako ng chance na i-enjoy ko ang pagiging teenager ko. Yun naman po ay playtime lang naman po. Wala naman pong nakalagay na "married to Mark" or married sa ganyan."



So, pa-sweet lang yun?



"Opo," sagot ng 18-year-old actress. "Hindi naman po porke't naglagay kami ng ganun, e, talagang kasal na kami. Hindi naman po sa ganun."



Ang nanay ba ni Ynna na si Nadia Montenegro ay boto sa pagiging friends nila ni Mark?



"Opo. Kasi si Mark, three years na kaming magkaibigan at bakit naman po hindi boboto ang nanay at tatay ko na tatlong taon nang nakabakod, nakabantay, inaalalayan ka ng tao? Hindi lang po ang mommy at daddy ko, pati ang family ko. Wala namang masamang intensiyon at wala namang masamang ipinapakita sa akin [si Mark]," sabi niya.



Hirit naman ng echoserang frog na si Facunda, sinasabi raw ni Ynna na boto ang parents niya kay Mark, pero sa nakaraang story conference nila for Diva, ayaw raw ng nanay niya na lumapit siya kay Mark. Is this true?



"Hindi po totoo yun," tanggi ni Ynna. "Sabi nga noong storycon ng Diva, nakabantay sa akin si Mommy. E, magkatabi nga po kami ni Mark. At saka bakit naman po gagawin ni Mommy yun, e, araw-araw nasa bahay ang tao at bakit naman pagdating sa trabaho, hindi puwede?"



Sabi naman ng ikatlong echoserang frog na si Francheska, dati pang sinasabi ni Nadia sa interviews nito na malaki ang chance ni Mark, pero may kundisyon. Ano nga ba ang kundisyon na yun?



"Simula pa lang po kasi, may pinag-uusapan na si Mommy at saka si Mark. So ako, wala naman po akong alam dun at nirerespeto ko kung anuman ang pinag-uusapan nila. Actually, nagpupunta si Mark sa bahay nang hindi ko alam. Nagsasama sila ni Mommy. At saka hindi lang naman kasi ako ang kabarkada ni Mark, pati mga kapatid ko," paliwanag ni Ynna.



MARK ON THE PHONE. Since sinabi ni Ynna na si Mark na lang ang tanungin kung nanliligaw na ito sa kanya, via phone patch ay tinanong nga ni Sweet ang young actor kung ngayong 18 na si Ynna ay formal na niyang nililigawan ang dalaga?



"Siguro yung pagdating sa bagay na 'yan, amin na lang 'yan," sagot ni Mark. "At saka importante naman kasi, yung happy ka sa kung ano ang ginagawa mo, di ba? At yun ang pinakaimportante. Happy ako kasi I'm with Ynna at nandun ang support ng family niya sa kanya. At the same time, happy ako kasi tanggap ako ng family niya kung ano ang meron ako."



Kaso, nagseselos ba si Mark dahil may ibang ka-loveteam si Ynna sa SRO Cinemaserye Presents Meet the Fathers na si Joross Gamboa?



"Hindi, kasi sa trabaho namin, mas naiintindihan ko pagdating sa part na 'yan. At saka hindi lang din naman si Joross ang naging first loveteam ni Ynna sa GMA. Nasa showbiz tayo. Nasa mundo tayo ng showbiz," sabi ng young actor.


Tanong naman ni Sweet kay Ynna, ano ang reaksiyon niya na hindi rin siya gusto ng fans ng loveteam nina Mark at Jennylyn Mercado?



"Yun nga po, naiintindihan ko po sila dahil, siyempre, sina Mark at saka si Jen, sila ang original. Ano po, ang gusto ko lang sabihin, ginagawa ko lang naman po ang trabaho ko. Kung ano yung nakikita nila, sana hindi nila seryosohin dahil trabaho lang ito," sagot ni Ynna.



Ano naman ang regalo ni Mark sa kanya ng Valentine's day?



"Binigyan niya ako ng doggie... Maliit lang, yung chihuahua."



Ano naman ang gift niya kay Mark?



"Ginawan ko siya ng cake na Happy Valentine's."



Ano naman ang message niya for Mark?



"Well, yun, Mark, thank you kasi palagi kang nandiyan para sa akin and for being there for my family. And thank you for understanding me, my family and yung situation natin ngayon. Thank you for always being there for me. And I want you to know that the whole family loves you. And we're here for you."

read more "Ynna Asistio says her mom already has an agreement with Mark Herras"

Kim Chiu defends Kung Tayo'y Magkakalayo co-star Kris Aquino against critics

Nakausap ng PEP (Philippine Entertainment Portal) ang young actress na si Kim Chiu tungkol sa lumabas na report na nakiusap daw ang co-star niya sa Kung Tayo'y Magkakalayo na si Coco Martin na patayin na lang ang character niya dahil hindi na raw nito matagalan ang pagtatawa at panlalait sa pananamit niya ng mga kasamahan niya sa soap na sina Kim at Kris Aquino.



Mariin naman itong itinanggi ni Kim nang makapanayam namin siya sa ASAP XV kahapon, February 14.



"Wala 'yan, hindi totoo 'yan," diin niya. "Hindi ko alam kung saang lupalop ng mundo nanggaling 'yan! Kaibigan ko kaya si Coco? Kung lalaitin ko siya, sana nung Tayong Dalawa ko pa siya nilait, hindi dito sa show na ito."



Pinabulaan na rin ng kampo ni Coco ang isyung ito. (CLICK HERE to read related story.)



According to Kim, parang pamilya na ang turingan nila sa set ng Kung Tayo'y Magkakalayo kung kaya't malabo na may lumabas na ganitong mga balita.



"Para na kaming pamilya sa Kung Tayo'y Magkakalayo. Ang tawag ko kay Kuya Albert [Martinez] is Daddy, kay Ms. Jaclyn [Jose] naman is Nanay. Kami naman ni Ate Kris, lagi kaming nagkukuwentuhan pag wala kaming takes. Masaya sa taping namin, magaan yung mga ginagawa namin, magkakasundo ang lahat," kuwento ni Kim.



DEFENDING KRIS. Speaking of Kris, ipinagtanggol naman ni Kim ang gumaganap na ina niya sa Kung Tayo'y Magkakalayo laban sa batikos na wala raw improvement ang acting nito at mas maganda raw kung mag-host na lang ito kesa umarte dahil halos pare-pareho lang daw ang facial expressions na nakikita dito.



"OA naman!" sambit ni Kim. "Definitely hindi totoo 'yan. Siya kaya ang maraming eksena dun? Sobrang talented niya. Hindi lang siya marunong mag-host, magaling din siyang umarte saka ang bilis niyang umiyak. Sasabihan lang siya ng direktor, 'O, iiyak ka dito.' Ang sasabihin naman ni Ate Kris, 'Opo, Direk, kaya ko na 'yan.' Iiyak na yun. Hahanga ka kasi hindi lang hosting ang kaya niyang gawin."



Powerhouse cast na maituturing ang Kung Tayo'y Magkakalayo. Para kay Kim, isang challenge ito sa kanya para huwag mapag-iwanan o masapawan ng mga kasama.



"Wala naman akong fear na baka masapawan ako kasi ginagawa ko lang kung ano ang dapat kong gawin. Hindi ko naman mapi-please lahat ng tao. Alam naman ng tao na magagaling sila [her co-stars], so hahabulin ko na lang yun," sabi niya.



GERALD ANDERSON. Samantala, showing pa rin ngayon sa ilang sinehan ang pelikula nina Kim at Gerald Anderson na Paano na Kaya?. Nagpapasalamat naman si Kim na tinangkilik ng mga manonood ang kanilang tambalan ni Gerald sa pelikula.



"Nakakaiyak na nakakatawa and sana ma-sustain pa rin siya. Alam ko naman na marami pang nanonood. May mga Kimeralds sa sinehan at tinitingnan nila kung kumusta yung showing. Nakakawala ng pagod. Nakaka-inspire na nagbunga lahat ng pinagpaguran at pinagpuyatan mo. Ipinagdasal naming lahat na sana maging big hit siya at ayun naman, maraming nanood at sumuporta."



Kumusta naman ang sinasabing special relationship nila ni Gerald na hanggang ngayon ay ayaw pa rin daw nilang aminin?



"Okey naman kami ni Gerald," sagot ni Kim. "Hindi naman mawawala yung pagiging special namin sa isa't isa, lalo't araw-araw kaming magkasama. Lagi kaming magkatrabaho, siyempre lagi kaming nagkukuwentuhan."



Chanel earrings daw ang regalo ni Gerald kay Kim noong Valentine's day at binigyan naman ni Kim si Gerald ng i-Pod.

read more "Kim Chiu defends Kung Tayo'y Magkakalayo co-star Kris Aquino against critics"

Kris Aquino surprised by her sisters with a song number at her birthday celebration on The Buzz

Espesyal ang naging birthday celebration ng tinaguriang Queen of All Media na si Kris Aquino sa programa nilang The Buzz kahapon, February 14, lalo sa pagdating ng kanyang mga kapatid na sina Ballsy, Pinky at Viel. Kris turned 39 on Valentine's day.



Nakaupo kasama ang mga anak na sina Baby James at Joshua, ikinatuwa ni Kris ang ginawang sorpresa ng kanyang mga kapatid nang kantahan siya ng mga ito ng "I Will Be Here," kasama ang favorite singers ni Kris na sina Jed Madela at Rhap Salazar, gayundin ang mga celebrity friends nitong sina Kim Chiu at Pokwang.



"That was actually the cutest!" bulalas ni Kris after ng song number. "Alam mo, Boy, they keep on telling me last night na, 'Mom will make sure na hindi ka iiyak.' So, na-laugh trip talaga ako because I could see na kayong tatlo nanginginig talaga. But that was the cutest."



Ayon kay Ballsy, "Kasi Krissy, we didn't want you to cry. Talagang sinabi namin, gawin na namin para matawa naman si Kris."



"That's really the cutest. Thank you, thank you. Don't worry next year, 40 na ako, so awat na ang mga celebration. This is the first and last time you ever have to do this," sabi ni Kris, na ipinagpasalamat naman ng mga Aquino sisters.



Hindi rin nakalimutang pasalamatan ni Kris sina Kim at Pokwang na kasamang kumanta ng kanyang mga sisters.



"I just have to say this. Kimmy, alam mo naman yung bonding natin talaga nabubuo sa Kung Tayo'y Magkakalayo. And I'm so proud to know you because you inspire me kasi ang bait-bait mong kapatid talaga. So, dahil sa iyo, gusto ko ring maging mabait din sa kanila. Maraming-maraming salamat talaga for being such a joy to work with. It's my pleasure to be your mom.



"Pokie, mukha kang reyna at mukha kang mayaman na mayaman talaga. Ate and all of us here, we can really say thank you to her. Love, love, love talaga."



Sumunod na pinasalamatan ni Kris sina Rhap at Jed.



"Alam mo, parang hindi talaga kumpleto ang birthday ko kung wala si Rhap at si Jed. Dahil sa iyo ang basehan ko sa magandang boses. Talagang I'm so proud of how far Rhap has come already. We're only looking forward to better things. And Jed, alam mo naman na ako ang number one fan, defender at tagataguyod ng The Voice [tawag kay Jed]."



BIRTHDAY WISHES. Tinanong naman ng co-hosts ni Kris na sina Boy Abunda at Ruffa Gutierrez kung ano ang mga wish ng magkakapatid para sa sister nilang si Kris.



Viel: "I hope you get healthier kasi grabe yung schedule mo, sunud-sunod. So, sana na lang everyone can keep up with your busy schedule. Happy birthday."



Pinky: "Like I said to you last night, kung pagdududahan mo pa na love ka namin, suntukin na kita! For us to sing in public that proves enough we love you. So, I really wish you all the best sa home life and in your career. I love you."



Ballsy: "And sana Krissy, habang buhay mo ipagpatuloy mo pa ang pagpapasaya sa mga tao. Kasi alam naman namin na yun ang number one sa iyo, ang magpasaya ng mga tao."



NOYNOY NO-SHOW. Hindi naman napigilan ni Kris na maging emosyonal dahil sa absence ng kanyang brother na si Noynoy sa birthday celebration niya. Hindi nakapunta si Noynoy dahil na nga sa regulasyon ng Comelec kaugnay ng TV exposures ng mga kandidatong tumatakbo sa May 2010 elections, lalo na nga't nagsimula na ang campaign period.



"Can I just say this...We tried our best po talaga na hindi ako matanggal sa trabaho kaya nakita n'yo naman kung sino lang ang bumati sa akin. So, sana po kung nanonood ho kayo ngayon, ang wish ko lang... I can't broadcast my birthday wish kasi lalo akong matatanggalan ng trabaho. Pero tulungan n'yo na lang po kami. Kasi ang hangarin lang naman po namin, e, lalong mapabuti ang bayan," pahayag ni Kris na umani ng sigawan at palakpakan sa mga tao sa studio.



Ito ang first birthday ni Kris na wala sa piling nila ang kanilang yumaong ina na si dating Pangulong Cory Aquino. Masakit man ay buong tapang na pinaninindigan nina Kris ang pangako nilang magkakapatid sa kanilang ina—ang habambuhay na pagmamahalan, magdamayan at magbigay-lakas sa bawat isa.



"This is for you, Mom," sabi ni Kris. "Kasi nakikita mo naman na how much we love each other talaga. And I think that's the best thing that the four of us can do... the five of us actually is to just really be here kasi wala ka na. No matter how sad it is na wala ka, at least, Mom, alam mo you brought us up well to be here for each other."



JAMES' LOVE MESSAGE. Hindi rin nakadalo sa selebrasyon ang asawa ni Kris na si James Yap dahil nagkataong may basketball game ito sa PBA kahapon. Kaya through VTR na lang nagbigay ng kanyang mensahe si James.



Naging espesyal ang pagbati na ito ni James dahil kamakailan lang ay muling dumaan sa matinding pagsubok ang kanilang samahan bilang mag-asawa. Pero muli silang nagkaayos at nagsama ulit matapos ng sandaling paghihiwalay.

"Sobrang mabait at maalagain. Hindi lang ako, pati sina Josh at Baby James, talagang sobrang mahal na mahal niya," paglalarawan ni James kay Kris.



Ibinuko naman ni James na sa kanilang mag-asawa ay mas sweet siya kaysa kay Kris.



"Ako nga ang parating nangyayakap sa kanya, e. Alam mo na yun, Babe, ha, yakapin mo ako parati. Mas sweet ako, oo, sobra. Siya yung hindi masyado, pakipot effect."



Nagpapasalamat naman si James na sa kabila ng mga problema ay buo pa rin ang samahan nila ni Kris.



"Siyempre I thank God na binigyan kami ng strength mag-asawa. Dahil sa dami-daming trials na napagdaanan namin, wala talagang gumive-up sa amin. Kasama na rin ang Mom [Cory] doon. Hanggang ngayon nagga-guide pa rin sa amin bilang mag-asawa."



Sa huli ay inihayag na ni James ang kanyang pagmamahal sa asawa.



"Babe, pasensiya ka na hindi mo maririnig ngayon yung aking magandang boses dahil alam mo naman pag birthday mo talagang kumakanta ako sa birthday mo. Kasi may game tayo. At saka malaman mo na mahal na mahal kita. Sana love, love, love na. Sana patuloy natin yung love, love, love. God bless sa iyo and happy birthday!"



Narito naman ang naging mesnahe ni Kris kay James:



"I would just say na I cannot do this work kung hindi po ako binibigyan ng 100 percent understanding at support ng asawa ko. That's the biggest gift that he has given me this year. Thank you, Babe. Thank you, James, for allowing me to act, to host, to do SNN, to do The Buzz. Maraming-maraming salamat. And dati inaaway mo ako dahil sa trabaho kong ito. Pero ngayon minahal mo na rin ang trabaho ko kaya maraming-maraming salamat sa iyo."



Bagama't kasama ni Kris sa studio ang mga anak na sina Baby James at Joshua ay bumati rin ang mga ito sa VTR para ipahayag ang pagmamahal nila sa kanilang Mama.



Kabilang din sa mga bumati sa birthday ni Kris through VTR ang iba pang celebrity friends ni Kris na sina Batangas Governor Vilma Santos-Recto, Ai-Ai delas Alas, Claudine Barretto, at Ted Failon.



Nagbigay rin ng birthday message kay Kris ang executives ng Kapamilya Network na kinabibilangan nina ABS-CBN President Charo Santos-Concio, Channel Head Cory Vidanes, former Chairman Freddie Garcia, Business Unit Heads Deo Endrinal, Lui Andrada, at Alou Almaden.



NO POLITICS. Labis na nagpasalamat si Kris sa mga bumati sa kanya sa VTR, lalo na sa kanyang mga bosses sa ABS-CBN dahil sa malaking suporta sa kanyang kaarawan. Iniingatan kasi nila ni Kris na magkaroon ng bahid-pulitika ang selebrasyon ng kanyang kaarawan sa The Buzz matapos magpalabas ng regulasyon ang Comelec na dapat daw mag-leave sa trabaho ang mga celebrities na nag-e-endorso ng mga pulitiko. Lalo pa kay Kris na kapatid ni presidentiable Noynoy Aquino.



"Thank you, kasi importante na nakikita ng mga boss mo at mga nagpapatakbo ng programa mo kung ano ang ibinibigay mo para mabuo ang programa. Gusto ko rin ho sanang pasalamatan kayong lahat kasi nga tama yung sinabi ni Lui na for almost 15 years, you've given me the chance to be with you every day. That is really one of the biggest blessings in my life. Thank you for accepting me for all that I am and all that I'm not.



"So, to my bosses, maraming salamat kasi alam ko what it takes para lumabas kayo on cam. Alam ko na dapat talagang careful tayo na hindi mabahiran ng kahit anumang pulitika. Pero maraming-maraming salamat po at pinahalagahan n'yo po ako bilang Kris at parang isinantabi po natin kung anuman ang nagaganap ngayon at pinahalagahan n'yo po ako. Kaya maraming-maraming salamat po."



Maging sa umpisa pa lang ng The Buzz ay nanawagan na si Kris sa Comelec, lalo na't nagsuot siya ng gown na kulay dilaw, ang official color na ginagamit ni Noynoy.



"Comelec, pagbigyan n'yo na ako. Birthday ko naman, e. Huwag n'yo naman akong ikulong dahil ito po yung isinuot ko," saad niya.



CONTINUING CORY'S LEGACY. Bilang paggunita sa alaala ng kanyang namayapang inang si Cory Aquino, patuloy raw na isinasabuhay ni Kris ang isa sa pinakamakahulugang aral na pamana ng kanyang minamahal na ina, ang pagtulong at pamamahagi ng biyaya sa iba.



Unang nakadama ng taus-pusong pag-reach out ni Kris ang mga batang scholars ng World Vision, isang non-government organization na nagpapaaral sa libu-libong mahihirap na mga bata. Isa itong pagpapatuloy sa mithiin ng kanyang ina na mabigyan ng dekalidad na edukasyon ang mga bawat bata sa bansa.



Sa anim na taong involvement ni Kris sa World Vision, umabot na raw sa 319 kids ang tinutulungan niya para makapag-aral. Dahil dito ay kinilala at binigyan pa ng award si Kris ng World Vision dahil sa pagiging most generous and most number of sponsored children.



Nagpaabot din ng greeting cards na ginawa mismo ng mga batang tinutulungan ni Kris para sa birthday ng aktres.



Na-touch naman si Kris dito at nangakong ipagpapatuloy ang pagtulong at pagsuporta sa World Vision.



Kabilang din sa mga tinutulungan ni Kris ang Boy Scouts na taga-Tondo at ang Philippine National Red Cross.

read more "Kris Aquino surprised by her sisters with a song number at her birthday celebration on The Buzz"

Luis Manzano not discouraged by Angel Locsin's statement

Sa huling interview ng PEP (Philippine Entertainment Portal) kay Angel Locsin ay marami ang nagulat nang sabihin nito na pinahihinto na niya ang ex-boyfriend niyang si Luis Manzano sa sobrang pag-e-effort na manligaw ulit dahil masaya na raw siya bilang single ngayon.



Pinagtakhan ng iba ang biglang pagbabago ng isip ng dalaga. Dati kasi ay sinasabi nitong naa-appreciate niya at ayaw niyang balewalain ang effort ni Luis para magkaayos silang dalawa at hindi siya nagsasara ng pinto for a reconciliation.



Upang makuha ang reaksiyon ni Luis sa sinabi ni Angel ay minabuti ng PEP na kausapin ang TV host-actor sa ASAP XV kahapon, February 14.



"Ang kay Angel lang naman, ang sabi niya, huwag akong sumobra-sobra ng effort and that's perfectly understandable. Basta ako, ang masasabi ko lang, I'm trying to work things out, I'm trying to win her back, and I'm trying to fix things between us," sabi ni Luis.



Hindi ba siya nasaktan o na-discourage sa sinabi ng kanyang ex-girlfriend?



"Pag gusto mo ang ginagawa mo, bakit ka mapapagod?" balik-tanong niya. "If you really want to pursue something, kahit na ano pa humarang sa iyo, you go for it. Basta ako, if I want to do something, gagawin ko."



Sa biglang pagbabago ng isip ni Angel, hindi kaya napagod na ang aktres dahil kahit wala na sila ni Luis ay away-bati pa rin ang nangyayari sa kanila?



"May mga instances na ganun na minsan away-bati kami," pag-amin ni Luis. "Maybe that's one factor kung bakit nagkaganito kami. But for clarity on that issue, siya na lang ang tanungin ninyo coz I can't speak on her behalf."



Sa interview ni Angel ay nagsalita din ito na iniingatan lang daw niya ang kanyang sarili na huwag nang masaktan muli. Aminado naman si Luis na may mga pagkakataon na nasaktan at nagkulang talaga siya kay Angel.



"That's for her to say, siguro it's about how we will understand it. Gaya nga ng sinabi ko, it's really up to her to clarify that issue. But if that's the case, siguro naman kahit papaano, we can't blame her o kahit na sino pa man taking care of one's heart.



"Alam ko na nasaktan ko siya kaya nga sinabi ko sa E-Live, gusto kong bumawi sa mga pagkukulang ko. There were instances na nasaktan ko talaga si Angel, pinagsisihan ko yun at alam niya yun. When you work hard for something and you lose it, you will work harder to get it back. You'll appreciate it so much more than the first time around," saad ni Luis.



Nali-link ngayon si Angel sa vocalist ng Parokya ni Edgar na si Chito Miranda at sa CNN Hero na si Efren Peñaflorida. Ayon kay Luis, hindi siya nakakaramdam ng selos o nate-threaten sa mga ito.



"Hindi," sagot ni Luis. "Kasi kahit nung kami pa ni Angel, nakakasama namin si Chito. And si Efren naman, nakasama na rin siya. Ayokong isipin ang ganung mga bagay because nagiging too cerebral, thinking of so many factors. Nawawala yung purity ng intentions mo."



CAMPAIGN AD. Lumalabas na ngayon sa TV ang campaign ad ng stepfather ni Luis na si Ralph Recto na tumatakbo ulit bilang senador. Dito ay kasama si Luis at ang mommy niyang si Batangas Gov. Vilma Santos at ang half-brother niyang si Ryan Christian Recto. Ang tanong tuloy ng marami, paano na ang ama ni Luis na si Edu Manzano na tumatakbo namang vice president?



"My Dad will come up with his own very soon and naghihintay lang ako ng tawag kung kailan gagawin. Wala namang whim kung willing ako o hindi. Gagawin ko talaga yun as support for my dad," pagtiyak ni Luis.



PILIPINAS GOT TALENT. Bukod sa ASAP XV ay abala rin si Luis sa upcoming talent show ng ABS-CBN na Pilipinas Got Talent. Kasama niya rito si Billy Crawford as co-host.



"Kagagaling lang namin in Batangas for Pilipinas Got Talent," banggit ni Luis. "Napakainit ng pagtanggap ng mga Batangueño. And regarding the audition, lagi naming sinasabi ni Billy na expect the unexepected. When you least expect it, kung sinuman ang taong yun, they will blow you away sa galing nila. At the same time, yung iba talaga, walang ginawa kundi magpatawa lang on stage."

read more "Luis Manzano not discouraged by Angel Locsin's statement"

LJ Reyes defends Paulo Avelino on gay rumor

Ipinagtanggol ni LJ Reyes ang nababalitang manliligaw niya na si Paulo Avelino sa pagkukuwestiyon sa pagkalalake nito.



"Hindi naman, wala naman akong naririnig na ganyan ngayon. Lahat naman siguro ng lalake nasabihan na ng ganyan. Kung meron mang nakakilala kay Pau, ako yun," sabi ni LJ sa panayam sa kanya ng PEP (Philippine Entertainment Portal).



Paano niya napatunayan na lalaking-lalaki nga si Paulo?



"Siyempre kapag nakilala mo naman yung tao, mararamdaman mo naman," sagot niya. "Kapag nagsa-shopping ako, hindi siya yung, 'Uy maganda 'yan, ito suotin mo.' Hindi naman siya ganun."



Ayaw naman lagyan ni LJ ng label kung anuman ang meron sa kanila ni Paulo ngayon.



"I think naman na meron naman kaming understanding, bakit kailangan ng label? Huwag na nating lagyan ng label. Alam n'yo naman kunwari may dalawang tao na taga-showbiz na nagkakaroon ng something, mas maganda kung kunwari silang dalawa na lang muna ang may alam," seryosong sabi niya.



Bukod sa espesyal na closeness nila, magkasama rin sa trabaho sina LJ at Paulo. Pareho silang nasa cast ng Sine Novela Presents Ina, Kasusuklaman Ba Kita? ng GMA-7.



Ano naman ang pinagkaiba ni Paulo sa ibang guys na naging espesyal sa buhay ni LJ noon, tulad nina Mike Tan at Alfred Vargas?



"Ang na-realize ko nung nakilala kong mabuti si Paulo, mature siyang mag-isip para sa age niya. Si Alfred naman kasi sa age niya, dapat talaga mature na siya. Si Mike naman, immature naman siya talaga noon kasi bata pa kami. Ngayon naman, improved na siya. Si Paulo kasi nung time na naging close kami, yung time na pareho na kaming mature," sabi ng dalaga.



Tinanong ng PEP si LJ, susuportahan niya ba si Alfred na tatakbong konsehal sa District 2 sa Quezon City?



"Hindi naman niya ako kinokontak, e," sagot niya. "At ganito naman ang sa akin...ayokong mag-endorse ng kahit na sinong pulitiko unless meron kaming same belief. So, if ever man tatanungin niya ako kung ie-endorse ko siya, siyempre, pag-uusapan muna namin kung ano ba talaga ang gusto niyang mangyari sa Q.C. if kunwari ma-elect man siya. Pero kunwari tulong lang, like kunwari perform ka lang sa mga kampanya niya, e, why not? Okay lang naman."

read more "LJ Reyes defends Paulo Avelino on gay rumor"

Heart Evangelista reveals that her family loves rumored boyfriend Ian Dy "so much"

May bagong look ang "Intriga Crossfire" segment ng Showbiz Central na nagsimula kahapon, February 14. From the clues na ibibigay ng mga hosts, may option ang celebrity guest na mamili ng mga sasagutin niya at may isang tanong na puwede niyang i-pass o hindi sagutin.



Ang unang sumalang sa bagong look ng "Intriga Crossfire" ay ang birthday girl na si Heart Evangelista. Kahapon, Valentine's day, ang actual birthday ni Heart who turned 25 years old.



Wala that day si Mo Twister kung kaya't sina Pia Guanio, John "Sweet"Lapus, Raymond Gutierrez, at Rufa Mae Quinto ang nagtanong sa young actress. Game naman si Heart na sagutin ang lahat ng tanong.



HOUSE IN U.S. Ang unang tanong ay mula kay Pia Guanio. May balita na may plano siyang bumili ng bahay sa U.S. Ano ang totoo at ano ang dahilan ng plano niyang ito?



"Yes, that's true," pag-amin ni Heart. "Pero maraming mga nagbago recently, so maybe I might not anymore. I'll buy something else. So, that's gonna wait, hindi na matutuloy yun. For investment siguro. But that can wait. I still have other things that I need to do.



"Probably, I will help my family with our business, Barrio Fiesta, and maybe change the look and I wanna be involved. Matagal pa naman yun, so humanda kayo lahat!" natatawa niyang sabi.



RICHARD GUTIERREZ. Tanong naman ni Rufa Mae, since aminado sila ng kanyang Full House co-star na si Richard Gutierrez na mas naging malapit sa isa't isa habang ginagawa nila ang naturang primetime series, how does she feel about her leading man?



"Mahal ko si Richard as a friend. Kasi...no, really, siyempre noon sa Asero, bago pa, pa-cute-pa-cute lang kayo sa isa't isa. But eventually, marami na akong pinagdaanan sa buhay, nakatambal ko siya ulit. So, naging close talaga kami at naging friends kami. Hindi lang yung dating friends," paliwanag ni Heart.



Bakit hanggang friends lang?



"Mas maganda yun," sagot niya. "Hindi yung kung sino ang nakatambal mo, mai-in love ka. Parang nalu-lose n'yo yung friendship n'yo, so hindi siya lasting. Mas maganda na yung friends kayo at yun ang lasting. Yun ang kay Richard."



Gaano ba kaimportante si Richard sa puso niya?



"Importante rin naman siya. Kanina nga nasa SOP siya, sobrang saya ko. Sabi nga niya, pupunta siya ng Baguio at nandun siya, na-touch naman ako."



May kuwento si Pia na nang kausap daw niya ang dalawang anak ni Ruffa Gutierrez at pamangkin ni Richard na sina Lorin at Venice, tinanong daw niya ang mga ito kung sino ang gusto nilang makatuluyan ng Tito Richard nila, and in unison ay sinabi nilang si "Tita Heart." Ano ang reaksiyon dito ni Heart?



"Ang cute," nakangiting sabi ng young actress. "Nanonood kasi sila ng Full House. E, nagugustuhan nila si Jesse [Heart] at saka si Justin [Richard] kaya... E, ang cute kasi ng away-bati nila at saka yung rapport nila, so naiintindihan ko naman. Ako rin, kapag nanonood ako, parang ang cute, kinikilig ako."



DENNIS TRILLO. Pagkatapos nito ay pinamili naman si Heart ng tanong mula kay Dennis Trillo o sa ex-boyfriend niya. Ang pinili niya ay yung tanong ni Dennis.



Pero ayon kay Sweet, supposedly ay si Dennis daw talaga ang magbabato ng tanong kay Heart since wala si Mo, pero nag-back out daw si Dennis at the last minute. Kaya ang tanong ni Sweet ay kung may problema ba sila ni Dennis?



"Wala, wala naman!" natatawang sabi ni Heart. "Hindi ko alam. Hindi ko alam kung bakit siya nag-back out. Ayaw ko na! Baka mamaya mag-away-away na naman. Mabuti na yung safe, di ba? Hindi ko alam."



Si Raymond ang nag-follow-up ng tanong about Dennis. Nasa dressing room na raw kasi si Dennis pero biglaan itong umalis. Sa palagay kaya ni Heart ay may kinalaman ang pag-alis ni Dennis kay Cristine Reyes, na sinasabing nakabalikan ng aktor?



"Ha? Nandito ba siya?" gulat naman na tanong ni Heart. "Naku, hindi ko na alam. Natatakot na 'ko...tama na yun...ayoko nang ma-involve. Nag-e-air tayo rito, nag-e-air tayo dun. Tama na yung ganun, nakaka-stress!"



IAN DY. Hindi na pinilit pa ng mga host ng Showbiz Central ang tungkol kay Dennis kaya tinanong na lang ni Raymond si Heart tungkol sa kanyang first boyfriend na si Ian Dy, a young politician from Isabela.

Si Ian daw ang Valentine's date ni Heart. Pero nagkabalikan na ba sila talaga o steady date lang muna sila ngayon?



"Siyempre, hindi pa namin napag-uusapan kung ano talaga ang status namin," sabi ni Heart. "Masaya naman ako sa mga nangyayari. Kung anuman yun, okey na ako, ayoko nang mag-date ng iba. Kung anuman ang tawag dun, parang ano, masaya na ako. Masayang-masaya na ako.



"And you know, like tonight, may dinner ako. Kasama ko ang daddy ko, kasama ko siya [Ian]. Kasama ko ang buong family ko and that doesn't happen sa akin, palagi na lang hindi puwede. Pero sila [her parents], they love him so much and it's nice. So, masayang-masaya ako sa birthday ko and Valentine's Day."

read more "Heart Evangelista reveals that her family loves rumored boyfriend Ian Dy "so much""

Kris Aquino and James Yap turn Valentine's Day into family-and-friends affair

She's been through a lot lately, but Kris Aquino is smiling and glowing as she turns another year older on February 14, which happens to be Valentine's Day and also Chinese New Year, at the Felix restaurant in Greenbelt 5, Makati City.



Unlike most celebrators who prefer making a grand entrance, the famous host-actress chooses to arrive at the venue even before her guests begin to pour in. A few minutes prior to the indicated time in her invite, she's almost done eating; and at around 10:20 p.m., she's more than ready to greet her guests with a wide smile and an oh-so-bubbly hello!



Among the early birds are her sisters—Pinky, Ballsy, and Viel—who all turn scarlet at the mention of their appearance in The Buzz, where they sang Steve Curtis Chapman's "I Will Be Here" for Kris, that afternoon.



Her husband, cager James Yap, who's also celebrating his 28th birthday, shows up at about 10:45 p.m. Most of his teammates in Purefoods Tender Juicy Giants—Kerby Raymundo, Peter June Simon, Paul Artadi, Rico Maierhofer, Roger Yap, Nino Canaleta, among others—head to the venue after their ball game. Marc Pingris and Don Allado arrive with their respective wives, Danica Sotto and Maricar de Mesa.



SCENE STEALERS. The party is at its peak at 11:00 p.m.



Kris is the star of the night, of course. However, some guests unwittingly compete in capturing the small crowd's attention.



There's the gorgeous Gretchen Barretto, who arrives with her partner Tonyboy Cojuangco. Now what's the latest buzz about her? She says she's one lucky lady that day because the gift she received from the billionaire business tycoon was a "brand-new sports car."



There's Sen. Noynoy Aquino, who's accompanied by his girlfriend Shalani Soledad. He's very low-key, yet people keep approaching his table for photo ops.



There's Ai-Ai delas Alas, who finally achieves a small feat that night: a picture with the birthday boy, who used to be her erstwhile enemy. She tells PEP (Philippine Enetrtainment Portal), "Nagbati na kami matagal na, pero kanina lang kami nag-picture. Actually, sa buong buhay namin, ngayon lang kami nagkaroon ng picture!"



And, of course, there's 14-year-old Joshua and his bear hugs, and two-year-old baby James with his very charming smile.



Other hard-to-miss people in showbiz who greet the Chinese New Year with Kris and James are Lily Monteverde and Roselle Monteverde-Teo of Regal Films; Cory Vidanes and Deo Edrinal of ABS-CBN; Wilson Tieng of Solar Entertainment; Ben Chan of Bench; Boy Abunda, the business manager of Kris; Dondon Monteverde, manager of James; Virgie Ramos first talent manager of Kris; and talent managers Girlie Rodis, Veana Fores, Keren Pascual, Biboy Arboleda, and Popoy Caritativo.



Stars who add glitter to the affair are Richard Gomez and Lucy Torres, John Estrada and Priscilla Meirelles, Albert and Liezl Martinez, Ruffa Gutierrez, Jaclyn Jose, Agot Isidro, Phoemela Baranda, Gerald Anderson and Kim Chiu.



Of course, the closest friends of Kris are also present: Bambbi Fuentes, Paul Cabral, JC Buendia, and Anton Mendoza.



BIRTHDAY WISHES. Well-wishers want the couple to have "happiness" and "good life."



But Kris has a somewhat "morbid" wish. "When you hear it, maloloka ka sa wish ko," she goes. "I don't want to die na a long painful death, I wanted something quick. Talaga!!! On my way home, I said, "Mom, kung love mo ako, cardiac arrest ang gusto kong death, ha...'I know the people who loved me most suffer. Pero yun yung winish ko talaga..."



Turning a bit more positive, she continues, "Whatever years remain in my life will really be healthy and productive."



For his part, James's constant prayer also has to do with his health and Kris's.



"Siyempre, pinaka-major concern kasi sa player yung ma-injury ka, di ba, so sana, hindi ako magka-major injury. Para kay Kris, yung health niya. Concern ko yun talaga kasi pag umuuwi sa bahay 'yan—inuubo, sinasabi niya sa akin parang 'I feel sick'—yun yung concern ko sa kanya kasi. Ang dami-dami niyang trabaho ngayon, hopefully, huwag siyang magkasakit. Yun yung gusto ko talaga, yung health niya, kasi alam mo naman, di ba, pag health kasi yung pinag-uusapan, pag nagkasakit ka, ang daming masagasaan na schedule, work, commitment...So yun lang, health lang," he says before adding, "Sana maging smooth na yung samahan namin."



We give him an inquiring look on hearing the word "smooth." The usually-shy James elaborates: "Sa dami-dami ng pinagdaanan, nandun pa rin kami, hindi pa rin kami gumi-give up. Sana talaga, wish ko for this year, yung smooth na yung samahan namin. Walang kumbaga, wala nang mga intriga, kasi hindi naman totoo yung mga yun. And siguro, sana maging mature na kaming dalawa...."



Before finishing the interview, he adds expressively, 'Tsaka, gusto ko lang mag-thank you...."


It's past 1:00 a.m. when Kris finally finds the time to sit comfortably and relax with her kids. She had The Buzz that day, she spent the entire evening standing (in her high-heels), talking, and smiling for the camera—but not an trace of tiredness on her face.



Yeah, she's been through a lot lately, but Kris Aquino has so much to be grateful for and a lot to look forward to in this Year of the Tiger.

read more "Kris Aquino and James Yap turn Valentine's Day into family-and-friends affair"