Nancy Castiglione, umaming retokada!

Sina Rhian Ramos, Nancy Castiglione, ang drift champ na si Alex Perez at ang newest PLDT myDSL endorser na si Ton Vergel de Dios ang humarap sa entertainment press sa Watchpad Crew Search launch.

Dahil noon lamang siya muling nakausap ng entertainment press, ang pagbabago ng kanyang mukha ang itinanong kay Nancy ng mga reporter.

Bago nag-umpisa ang open forum, sinagot na ni Nancy ang tanong ng press people, na wala siyang ipinaretoke sa kanyang mukha.

Pero iba ang sagot ni Nancy nang nakaupo na sila nina Rhian, Ton at Alex sa presidential table.

Apparently, hindi inaasahan ni Nancy na muling tatanungin ang tungkol sa kanyang mukha. Nagsa­lita muna si Nancy ng “Hindi pa ba tapos (ang isyu) ‘yan?” bago siya umamin na ang kanyang ilong lang ang ipinaayos niya.

Nagkatinginan ang mga reporter na kausap ni Nancy dahil hindi nila akalain ang mabilis na pagbabago ng statement ng nagbabalik-showbiz na aktres.

Ayon kay Nancy, bukod sa ilong na ipinaayos, nagbago ang kanyang mukha dahil dalawang anak ang inaalagaan niya. Natural daw na mangarag ang kanyang itsura.

read more "Nancy Castiglione, umaming retokada!"

Nancy, mistulang katulong sa Canada

SEKSING-SEKSI at parang hindi nanganak sa kambal na lalake si Nancy Castiglione. Isa nga si Nancy sa naging special host ng Starstruck V: The Final Judgment last Sunday sa Araneta Colisuem.


Si Nancy kasi ang original host ng unang season ng Starstruck kunsaan kasama niya si Dingdong Dantes.


Magwa-one year old na nga this year ang kanyang twin boys na sina Matteo at Joaquin. Malilikot na raw sila at tuwang-tuwa si Nancy pati na ang kanyang mister na si Nacho Dominguez.


“It’s so fun to be a pa­rent, lalo if your kids are so cute and very bibo. My twins, they run around a lot. Nakakatuwa silang habulin. Kaya siguro hindi ako tumaba kasi I have no time to eat at hands-on ako sa pag-alaga sa kanila.


“Wala kaming maids or yayas sa Canada kaya I do lots of chores like cooking, doing the laundry, cleaning the house and taking care of twin boys na sobrang cute at makukulit.


“But no regrets, this is the life that I chose and I am enjoying motherhood so much. Akala ko noong una mahirap, oo mahirap pero masarap siyang gawin kasi you see your kids growing up and learning so many things,” kuwento ni Nancy.


Matagal na palang nasa Pilipinas si Nancy at ang kanyang pamilya at dito na nga sila naka-base. Kaya naman unti-unti raw siyang magbabalik sa showbiz.


“But of course, priority ko pa rin ang aking mga babies. Kapag kailangan nila ako, sila ang uunahin ko.”


Nagkita na ba sila ng ex-boyfriend niyang si Paolo Contis na magkakaroon na rin ng sarili niyang pamilya?


“Hindi pa nga kami nagkikita or accidentally na nagkakasalubong. But I am happy for the news na magkakaroon na siya ng baby niya and I heard it’s a baby girl.


“I know that Paolo will be a good father. Mabait siyang tao and I know na he will be okay as a dad and husband.


“Siguro kapag nagkita kami, ang pag-uusapan na lang namin ay tungkol sa mga anak namin. And I want our kids to be good friends kasi halos magkakasing-edad lang sila, ‘di ba? That would be so nice!” say na lang ni Nancy.

read more "Nancy, mistulang katulong sa Canada"