Cristine Reyes chooses to count her blessings

Isa si Cristine Reyes sa mga direktang naapektuhan ng hagupit ng bagyong Ondoy noong Setyembre.



Matatandaan na mahigit 12 oras na na-stranded ang nakababatang kapatid ni Ara Mina—kasama ang kanyang ina, 18 taong gulang na kapatid, mga pamangkin, at kasambahay—sa bubungan ng kanilang bahay sa Princeton Street, Provident Village, Marikina City.



Gayunman, nanatili pa ring matatag ang dating Eva Fonda actress at muling ipinagpatuloy ang kanyang mga naiwang trabaho sa showbiz.



Sa maikling panayam ng PEP (Philippine Entertainment Portal) kamakailan, nabanggit ni Cristine na tanging caretaker na lamang ang nasa kanilang bahay sa Marikina at, "balak naming ibenta [ang bahay]." Kasalukuyang naninirahan ang aktres kasama ang kanyang Ate Ara sa Quezon City.



Para kay Cristine, hindi kinakailangang malugmok nang husto dahil sa karanasang ito. Kaya naman sa darating na bagong taon, payo niya sa mga kapwa nasalanta ng bagyo, "Kailangang mag-move on. Huwag na lang masyadong isipin 'yong medyo traumatic na nangyari sa amin dahil hindi naman doon nagtatapos ang buhay, e. Kumbaga, we're safe, buhay pa, so ipagpatuloy lang natin ang mga ginagawa natin para makabawi rin. Huwag na lang nating isipin ang mga nawala kasi hindi 'yon makakatulong sa atin."



LEADING LADY ROLES. Sa kabila ng trahedyang ito, nagpapasalamat naman si Cristine dahil tuluy-tuloy ang kanyang trabaho.



Naging leading lady siya sa ilang proyekto tulad Patient X, ang isa sa Metro Manila Film Festival entries na Ang Darling Kong Aswang, at kamakailan sa bagong music video ng rock artist na si Rico Blanco.



Nakakatuwa raw isipin, ani Cristine, na nakuha siya bilang pangunahing babaeng artista sa mga proyektong ito.



"Masaya ako dahil sa dinami-rami ng mga magagandang babae sa showbiz, ako pa ang napili nila," dagdag pa niya.



Hindi rin daw niya inasahan na kukunin siya ng batikang komedyante na si Vic Sotto sa kanyang pelikulang pambato sa MMFF.



"Siyempre si Vic Sotto 'yon, di ba?" sabi ni Cristine. "Kumbaga, halos lahat ng mga showbiz people gustung-gusto makatrabaho si Vic Sotto, 'tapos ako nabigyan ako ng chance to work with him."



Sa kabuuan, isang magandang taon pa rin para kay Cristine ang 2009. Dahil sa mga proyektong kanyang nagawa, ito ang kanyang tanging nararamdaman, "Happy ako. Lahat naman talaga sobrang happy ako."



Bukod sa kanyang kasalukuyang panghapong television series na Precious Hearts Romances: Cheating Hearts, nagsimula na rin ang kanyang taping para sa Cristine Series. Gayundin, magkakaroon din siya ng isa pang teleserye na Working Girls para sa susunod na taon.

read more "Cristine Reyes chooses to count her blessings"

ASWANG ''NAGHAHABOL" SA PANDAY

Nagpatawag na ng victory party si Sen. Bong Revilla,Jr. para sa Ang Panday na nanguna sa takilya. Pero may pahabol ang kampo ni Vic Sotto ng Ang Darling Kong Aswang.
Mas kumita raw ang Aswang...
Pero base sa unofficial result at sa tatanung-tanong, nasa No.1 ang Ang Panday.
Hindi usually naglalabas ng official result ang MMFF kaya walang puwedeng magconfirm kung natalo nga ang Panday ng Aswang.
As of yesterday afternoon, No.1 Ang Panday; No. 2, Aswang; No. 3, SRR; No.4, I Love you Goodbye; no.5, Nobody; No.6, Mano po 6, and No.7, ang Wapakman.

read more "ASWANG ''NAGHAHABOL" SA PANDAY"

Cristine Reyes admits sending hate text message about Heart Evangelista before

Inamin na ni Cristine Reyes na totoong nagpadala siya ng hate message against Heart Evangelista kaugnay ng pagkaka-link ni Heart sa ex-boyfriend ni Cristine na si Dennis Trillo. Pero nilinaw niya na matagal nang nangyari ito at hindi niya direktang tinext si Heart, bagkus ay ipinadala niya ang text message kay Rufa Mae Quinto.



"Hindi po ako directly nag-text kay Heart. Tinext ko si Rufa Mae. Pero 'eto lang, matagal na po itong nangyari, mga early this year, mga March. So, I don't see the point kung bakit nilalabas pa ngayong December na magtatapos na yung taon," sabi ni Cristine nang makausap siya ng PEP (Philippine Entertainment Portal) at iba pang press sa presscon ng Ang Darling Kong Aswang kahapon, December 17, sa Moomba restaurant, Quezon City.




Kung matagal nang nangyari yun, bakit sa tingin niya naiintriga ulit silang dalawa ni Heart ngayon?



"I think meron yatang nagte-text ulit sa kanya ngayon. So, I don't know kung pinagbibintangan niya ako or something. Sana i-make sure lang natin na ako talaga yun. Ngayon, idine-deny ko kasi hindi naman po talaga. Pero yung before ako, totoo, ako talaga yun. Pero hindi ko nga siya directly tinext. Ang tinext ko si Rufa Mae," paliwanag niya.



So, si Rufa Mae ang nagpadala kay Heart ng hate message niya?



"Oo. Yun totoo talaga yun," sagot ni Cristine. "Hindi ko naman dine-deny yun, e. Pero yung ngayon, hindi porke't nangyari yun before, ako ulit yung ngayon, di ba? So, huwag naman tayong magbintang."



Noong gawin daw ni Cristine ang pagte-text ng hate message para kay Heart ay mag-boyfriend pa sila ni Dennis noon..



"FYI [for your information], nung time na yun kami pa [ni Dennis] noon, di ba? So, may karapatan talaga ako. Pero ngayon wala na kami, wala na akong karapatang gawin yun. Kaya hindi totoong ako yung nagte-text ngayon."



"WALA AKONG PAKIALAM SA BUHAY NIYA." Ayon kay Cristine, ang alam niya ay nagkaayos na sila ni Heart.



"Nagtataka lang ako ang tagal-tagal na nung isyu na yun, bakit ngayon lang nilabas? Okay na kami, e. Nagkita pa nga kami sa birthday ni Tita Annabelle [Rama, Heart's manager]. Ako pa mismo ang nagsabi kay Chard [Richard Gutierrez] noon, kasi kasama ko si Chard. Sabi ko, 'Ipakilala mo ako kay Heart kasi hindi pa kami nai-introduce sa isa't isa.' Tapos ipinakilala ako ni Chard. Ako pa, ako pa ang nagsabi," lahad niya.



So, feeling niya okay na talaga sila noon ni Heart?



"Oo. Kaya nga what's the point kung bakit inilalabas pa yung dating isyu, e, okay na nga kami? So, nagugulat ako ngayon kung bakit sinasabi niya na tine-text ko siya ngayon. Sigurado ba siya na ako yun, di ba? Wala naman siyang proof na ako yun. Bago na ang number ko at wala akong pakialam sa buhay niya," diretsong pahayag ng young actress.



Ano ang pakiramdam niya na dahil sa isyung ito ay lumalabas na tila hindi pa siya nakaka-move on sa breakup nila ni Dennis Trillo?



"Yun na nga, e. Parang pinapalabas tuloy na hindi pa ako nakaka-move on sa isang tao na matagal ko nang nakalimutan. So, parang ang pangit, e. Intindihin naman niya yung side ko. Alam kong galing din siya [Heart] sa breakup. So, intindihin naman niya ako na gusto kong makaalis sa lalakeng yun dahil sa isyu, ganya-ganyan. So, tantanan na ako, puwede ba? Yun lang yun sa akin. Nakakairita kasi!"


CLEARING THE ISSUE. Ilang press naman ang nagbigay-linaw kay Cristine at nagpaabot ng ilang pahayag ni Heart nang makausap nila ito sa isang presscon. Anila, hindi naman si Heart mismo ang naglabas ng isyu. May nagtanong lang daw kay Heart from the press at sinagot niya ito.



Ayon daw kay Heart, isang text lang naman daw talaga ang natanggap niya mula kay Cristine noon. Wala naman daw binanggit si Heart na meron ulit nagpapadala ng hate messages sa kanya ngayon. Ang mensahe nga raw ni Heart para kay Cristine ay sana magkatrabaho silang dalawa at open din daw ito sa pakikipagkaibigan kay Cristine.



"At least klaro," nalinawang sabi ni Cristine. "E, kasi nakakairita yung isyu. Matagal na nga kasi. Ang alam ko, okay kami. Parang ang gusto ng mga tao pag-awayin kami. E, okay na nga kami noong magkita kami sa birthday ni Tita Annabelle. Nag-shake hands kami, nag-smile kami sa isa't isa."



Ano ang magiging reaksiyon niya kapag nagkita sila ni Heart ulit halimbawa sa 2009 Metro Manila Film Festival Parade o sa Awards Night? Pareho kasing may entries sa MMFF sina Cristine at Heart. Si Cristine ang leading lady ni Vic Sotto sa Ang Darling Kong Aswang, samantalang kasama naman si Heart sa Mano Po 6 at sa Nobody, Nobody But Juan.



"Okay naman kami. Wala naman akong galit sa kanya o whatever. Okay lang kung magkita kami. Nasa same business kami kaya hindi maiiwasan na magkita kami. Nakakahiya na ito, sobrang naiisyu kami na wala naman kaming ginagawa sa isa't isa."



Ano na lang ang message niya sa mga nang-iintriga sa kanila ni Heart.



"Huwag niyo naman pong pag-awayin ang mga artista, magpa-Pasko na. Okay naman po kami ni Heart," sabi ni Cristine.

Kasama ba sa New Year's resolution niya sa 2010 na hindi na mang-aaway ng babaeng nali-link sa kanyang boyfriend?



"Siyempre, kung foul na yun, bakit hindi mo aawayin, di ba? Pero kung wala naman dahilan para awayin, bakit ko aawayin? Siyempre, ipaglaban mo rin ang sarili mo. Hindi puwede yung tatahimik ka lang sa isang tabi," sagot ni Cristine.



ANG DARLING KONG ASWANG. Mas gusto ngang pag-usapan ni Cristine ang pelikula niya with Vic Sotto na Ang Darling Kong Aswang, na entry ng M-Zet TV Productions, OctoArts Films at APT Entertainment sa 2009 Metro Manila Film Festival.



Mabait na aswang ang role ni Cristine dito na magiging asawa ni Bossing Vic. Dahil nga mag-asawa sila kaya hindi maiwasang magkaroon ng kissing scene. Nailang ba siya kay Bossing noong kinunan ang eksenang ito?



"Siyempre, kinabahan ako. Kasi bata pa lang ako, pinapanood ko na si Bossing, hinahangaan ko na siya. Nate-tense ako noon, pero hindi ko pinapahalata. Sobrang tahimik lang ako noon. Nakikinig lang ako kay Direk [Tony Y. Reyes]."



Ano ang mga bagay at ugali na hindi niya makakalimutan sa pakikipagtrabaho kay Vic?



"Marami. Kasi first time ko lang siyang nakatrabaho ng ganun katagal and lagi ko pa siyang kaeksena. So, hindi ko makakalimutan yung mga kuwento niya tungkol sa before kung paano sila sa showbiz. Siyempre dahil doon sa mga kuwento niya, may mga matututunan ka rin. Madalas din siyang magbiro. Hindi ko rin makakalimutan kung paano siya makisama sa mga tao."



Nauna nang gumanap si Cristine na aswang sa pelikula niya with Richard Gutierrez na Patient X. Ano ang kaibahan ng pagiging aswang niya sa Ang Darling Kong Aswang?



"Sa Patient X kasi, seryoso siya at saka medyo dark yung story. E, dito naman sa Ang Darling Kong Aswang, asawang ako pero may pagka-comedy. Masaya siyang gawin actually. Hindi nga mahirap gawin dahil wala kaming prosthetics dito, pangil lang. Tapos magga-growl ka lang nang magga-growl. Mahirap nga lang sa boses namin dahil madalas kaming nawawalan ng boses, lalung-lalo na kapag madaling-araw na. Pero at least yun lang, kaysa sa iba na may prosthetics ka na tapos growl ka pa nang growl, ang dumi-dumi mo pa. Ang hirap lang mag-dialogue pag may pangil kasi pag nagsasalita ako, para akong ngongo."



Ito na ba ang pinaka-wholesome movie na nagawa niya?



"Opo, kasi pambata, e. Kailangan wholesome talaga."



Ano ang challenge sa hindi pagiging sexy this time?



"Actually, wala siyang challenge sa akin kasi kung makikilala mo naman ako in real life, makulit ako, e. Mahilig akong magpatawa. Yun ang hindi alam ng karamihan. So, very relaxed and hindi na siya ganung ka-effort gawin," sabi ni Cristine.



So, meron pala siyang kengkoy side?



"Actually, oo. Natatawa nga sina Angel [Locsin] at Anne [Curtis] sa akin pag kasama ko sila, kasi patawa ako nang patawa."



Sa isang interview kay Vic, sinabi nito na posibleng magkaroon ng sequel ang Ang Darling Kong Aswang. Excited ba si Cristine dito?



" Sana, sana. Happy ako kung magkakaroon ng sequel. Sana ako pa rin if ever, di ba?" sagot niya.

read more "Cristine Reyes admits sending hate text message about Heart Evangelista before"

Heart Evangelista looks for happiness and balance in the new year

As far as her lovelife is concerned, it's one aspect of Heart Evangelista's life that she feels she can control. And right now, her choice is to be single and happy. Kahit na open si Dennis Trillo, ang kapareha niya sa Mano Po 6: A Mother's Love, sa pagsasabing crush siya nito, Heart cannot say if she can fall for him, too.



Aniya, "Alam niyo, sa showbiz naman, given na 'yan, lahat sila guwapo. Mabait naman ang iba. Yung iba, hindi. Pero lahat sila guwapo. So, you'll always get attracted to all of them. But it's different kasi kapag may 'something.'



"E, hindi lang basta-basta puwede kang ma-in love. Hindi lang basta-basta puwede kang pumasok sa relasyon dahil kumbaga, alam ko na kung ano ang ibig sabihin ng pag-ibig, kaya hindi na ako puwedeng mag-date.



"Kung makikipagrelasyon ako, alam ko na yun ang pag-ibig na masa-satisfy ako na 'eto yun, magiging kuntento ako."



LOOKING FOR A SIGN. Napagod na siya, nagka-phobia or na-trauma?



"It was good trauma na nagpatuto sa akin. Pero, hindi ko naman puwedeng i-generalize lahat. Ayoko, e... kasi, nasa time ako na nanghihingi ng sign. Sign kung ano ba ang dapat kong gawin. So, nili-lift ko ang life ko one day at a time, ayokong magplano, ayokong magganyan. Kasi nga, kung magpaplano ka, mabibigo ka lalo."



Matatanggap ba ng parents niya kung mai-in love siya uli at magseseryoso sa relasyon?



"They think lang kasi na I should... bata pa kasi ako. May time lang na naudlot yung mga kailangan kong gawin. Na ma-achieve ko lang yun, yung mga dreams ko, yung mga kailangan kong gawin. Kailangan kasing maging whole ako bilang tao para malaman mo kung ano ang gusto mo sa buhay."



Dugtong pa niya, "Kailangan mong mag-mature. Parang wine, habang tumatagal yung wine, kailangan mong ma-reach yung point na yun bago mo malaman kung ano ba talaga ang gusto mo.



"Ang parents ko naman, after lang sila na maging tama ang desisyon ko. Basta ngayon, it's all for my family, it's all for my parents. Ngayon, binabawian ko lang sila nang bonggang-bongga na maging masayang-masaya sila.



"But at the end of it all, alam ng mommy ko na hindi ko naman forever isa-sacrifice ang happiness ko. So, darating at darating din kami sa point na yun," sabi ng aktres na magtu-twenty five years old sa Valentine's Day.



HAPPINESS AND BALANCE. Ang Christmas wish ni Heart para sa sarili niya ay "happiness in all areas of my life. Na maging balance lahat at masaya ako. Na wala akong ibang hinihingi. Contentment with all aspect of my life, in all areas."



Tinuturing niyang isa sa pinakamagandang nangyari sa kanya sa taong ito ay ang pagkapanalo niya ng FAMAS best actress award para sa independent film na Ay Ayeng.



"Kasi, sa lahat ng pinagdaanan ko at pinaghirapan ko, especially at that time, yung ginawa ko yung movie na yun, yun ang time na walang-wala ako.



"So, noong ginawa ko yung movie na yun dahil talagang miss na miss ko nang umarte. So, parang nasuklian yun, yun pa. You know, it wasn't about the fame...kumbaga, talagang na-miss ko lang kaya ko ginawa ang indie film, tapos yun pa ang nanalo ng award. So, sobrang meaningful ng award na yun para sa akin kasi, parang sinuklian ako."



Kaya hindi niya iniintindi na wala siyang lovelife ngayon.



"Kasi, hindi rin naman maganda kung parang blessed na blessed ka, pagkatapos magrereklamo ka pang may kulang. So, hindi ko na lang iniisip," sabi ni Heart.



"Feeling ko, things will be good," ang expectation niya sa darating na taon.



"Siyempre, sa mga magagandang nangyayari, meron din na mga hindi. Kasi, ganun naman yun, e, nababalanse. Kumbaga, sabi nila, baka biglang lumaki ang ulo mo, bigyan kita ng konting problema," natatawa niyang sabi.

read more "Heart Evangelista looks for happiness and balance in the new year"

Kris Aquino and James Yap quarreled on Christmas eve, but immediately kissed and made up

All's well that ends well sa pagitan ng mag-asawang Kris Aquino at James Yap.



May kumalat na balita kasi na nagkaroon ng tampuhan sina Kris at James at umalis daw ng kanilang tahanan ang sikat na basketball player. Upang kumpirmahin ang balita, kinausap ng PEP (Philippine Entertainment Portal) ang isang taong malapit kay Kris.



Ayon sa nakausap namin, totoong nagkaroon ng tampuhan ang mag-asawa noong umaga ng December 24. Totoo rin daw na umalis sa kanilang bahay si James, pero bumalik din ito kinagabihan pagkatapos nilang magkaayos ni Kris. Kaso lang, hindi na nakahabol si James sa noche buena ng pamilya Aquino sa Times Street.



Sa mismong araw naman ng Pasko, December 25, ay naglaro na si James para sa koponan ng Purefoods Tender Juicy kung saan tinalo nila ang Burger King, 85-74.



CAUSE OF THE SPAT. Ang pinag-ugatan daw ng tampuhan ng mag-asawa ay dahil sa trabaho ni Kris. Bukod kasi sa nightly showbiz news program na SNN: Showbiz News Ngayon at weekly showbiz-oriented show na The Buzz, busy rin ngayon si Kris sa halos araw-araw na taping para sa upcoming primetime series ng ABS-CBN na Kung Tayo'y Magkakalayo.



Sa isang panayam nga ng PEP kay Kris ay inamin nitong Sabado na lang ang araw ng pahinga niya. Pero minsan ay nakukuha pa rin ito ng trabaho niya, gaya ng shooting para sa commercial ng kanyang ini-endorse na produkto.



Pakiramdam daw ni James ay hindi na siya naaasikaso ni Kris. Sa parte naman ni Kris, nagtampo rin siya dahil tila hindi naa-appreciate ng kanyang mister ang efforts at sakripisyo niya para sa kanilang pamilya.



Hindi naman kaila sa marami na puspos ang pagtatrabaho ngayon ni Kris upang matulungan financially ang kapatid niyang si Noynoy Aquino sa kandidatura nito bilang presidente sa 2010.



Sa kabila ng tampuhang ito ay nagkaayos rin sa huli sina Kris at James. Sa katunayan, napag-alaman ng PEP na kalilipad lang ngayong araw ng mag-asawa-kasama sina Josh at Baby James pati na ang mga yaya nila-papuntang Bangkok, Thailand.



Pagbalik ni Kris ay magla-live na siya sa SNN.

read more "Kris Aquino and James Yap quarreled on Christmas eve, but immediately kissed and made up"

Marian Rivera: "Kung hindi ka makukuntento sa buhay, walang happiness."

Ang nakaugalian na raw niyang pagdiriwang ng Kapaskuhan ang gagawin ng aktres na si Marian Rivera ngayong taon. Ito ay ang makasama ang kanyang pamilya sa natatanging araw na ito, partikular na ang kanyang lola at ina.



Pero sa kabila nito, hindi itinatanggi ni Marian na mas masaya siya ngayong Pasko kung ikukumpara sa mga nagdaan niyang Pasko.



"Ay, siyempre, mas pasaya siya nang pasaya," nakangiting pahayag niya sa PEP (Philippine Entertainment Portal).



Sa palagay ba niya wala nang kulang sa buhay niya?



"Ay siyempre po, lahat naman may kulang," sagot ni Marian. "Pero di ba nga, sinasabi nga po sa Bibliya, makuntento ka kung ano ang meron ka. Kung hindi ka makukuntento sa buhay, walang happiness. So, kung anuman ang meron dito na happy ka naman, nagagawa mo naman lahat, makuntento ka na lang. Happy rin naman. Although may kulang, pero i-enjoy mo kung ano ang meron ka lang. Ako naman, enjoy ko lang, magpakasaya ako. Mahalin ko ang mga taong mahal ko."



Paano ba niya ia-assess ang taong 2009 para sa kanya?



"Yung 2009, actually umayos nang umayos. Paayos siya nang paayos. Lalo na sa mga press, sa mga fans. Pero yung mga konting intriga na pasulpot-sulpot, hindi talaga nawawala, e."



Naaapektuhan pa rin ba siya ng mga intrigang yun?



"Hindi na, kasi ang dami rin naming nagtatanggol. So, okey lang, magpaka-happy lang, di ba?" nakangiti pa rin niyang sabi.



Pagdating naman sa kanila ng rumored boyfriend niyang si Dingdong Dantes, naniniwala si Marian na kahit ang mga kani-kanilang pamilya ang kasama nila ngayong Pasko, makakahanap pa rin sila ng panahon para makapiling ang isa't isa.



"Siyempre, bahay niya, bahay ko. Pero siguro pupunta siya sa house. Then kung saan kami puwedeng magpunta after, ganun siguro. I'm sure naman we'll have time to be together. Pero siyempre, family muna," saad niya.



ENDORSING NOYNOY. Naitanong din ng PEP kay Marian ang tungkol sa pag-e-endorse niya kay Senator Nonoy Aquino sa pagka-Presidente ng bansa. Ayon kay Marian, sarili niyang desisyon ito.



"Gusto ko talaga si Kuya Noynoy. At mahal ko si ate Kris [Aquino, Noynoy's sister], gagawin ko 'yan. At isa pa, nandun din si Dong na involved din. Parang lahat nagsama-sama, e. Gusto ko si Kuya Noynoy bilang Presidente, mahal ko si ate Kris, susuportahan ko yun. Best friend pa ni Popoy [Caritativo, Marian's manager] si Ate Kris," paliwanag ni Marian.



We told Marian na ayon nga kay Dingdong, hindi siya inimpluwensiyahan nito sa anumang paraan.



"Ay hindi. Parang noong nag-usap kami, 'Sino yung ganito?' 'A Noynoy, ako rin Noynoy,' parang ganun. Ang hirap din naman kasi na magkalaban kaming dalawa, e."



Hindi siya nanghinayang sa offers ng iba na posibleng ilang milyon ang katapat i-endorse niya lang?



"Well, tulad nga ng sinabi ni Ate Kris sa speech niya, baguhin natin ang istilo natin. Hindi kailangang bayaran ka para mag-endorse ka. Kailangan mag-endorse ka kung saan ka naniniwala. Kung ano ang pinaniniwalaan mo, dun ka," sabi ni Marian.



Dagdag niya, "At saka palagi kaming nanonood ng Isang Tanong, Isang Sagot [GMA'7's presidential forum], bilib naman kami sa mga sagot niya [Noynoy]."

read more "Marian Rivera: "Kung hindi ka makukuntento sa buhay, walang happiness.""

Jennylyn Mercado says son with Patrick Garcia will bear the surname of whoever she marries

Parehong visible sa Kapuso network ang dating magkarelasyon na sina Patrick Garcia at Jennylyn Mercado, pero kahit papano ay hindi pa rin sila nagkukrus ng landas. Hindi pa sila nagkakausap at nagkikita simula nang magkaroon ng malaking hidwaan sa pagitan nila, at kahit halos isang taon na ang anak nilang si Alex Jazz or AJ, hindi pa rin ito nasisilayan ni Patrick.



Patuloy lang ang takbo ng buhay ng dalawa na busy sa kani-kanyang career.



Si Jennylyn ay featured sa cover ng FHM magazine ngayong November habang si Patrick naman ay kasama sa bagong series ng GMA-7 na Fullhaus.



Ayon kay Jennylyn, iisa lang daw ang mensahe niya sa pagpo-pose nang sexy sa FHM: "Kahit na mommy ka na, hindi naman ibig sabihin na papabayaan mo na ang katawan mo. Kailangan, di ba, palagi kang fresh, palagi kang maganda, maganda ang skin, yung katawan mo slim. O kahit hindi masyadong payat, kailangan fit ka, di ba?"



Loveless raw si Jennylyn, pero wala raw masama kung mag-date man siya. "Single naman ako. Open ako. Pero, wala pa naman."



CHILD'S LAST NAME. Bukod sa trabaho, priority raw ni Jennylyn ang pag-aasikaso kay Alex Jazz. Pero handa na ba siyang ipakilala ang anak sa ama?



"Darating din naman ang time na yun, pero, ayoko nang isipin. Pinaghahandaan ko naman yun."



Napag-isipan na raw niya na mas gusto niyang ipagamit sa anak ang apelyido ng kung sinumang lalaking pakakasalan niya at hindi ang "Garcia."



"I'm sure darating din yung time na maghahanap si AJ ng father figure. Sasabihin ko ang totoo. Walang reason para magsinungaling."



What if makasalubong nilang mag-ina si Patrick?



"Ano, I'll say... 'Anak, say hi na lang,'" at saka tumawa siya.



PATRICK REMAINS OPTIMISTIC. Positive naman si Patrick na isang araw, makikita rin niya nang personal ang anak.



"I'm optimistic that one day, mari-realize niya na it's not about both of us anymore, it's about our son. I may have failed so many things in my life, pero, in being a father, at least, give me a chance to be a father."



May binili raw siyang birthday gift para sa anak.



"Actually, meron ako sa bahay for him. Pero I'll just give it na lang once na maging okey na. Siguro isipin na lang niya ang anak namin na one day, baka makilala ko rin."



Gumagawa ba siya ng hakbang para makita ang bata?



"Well, I have those thinking... pero, baka masamain pa if I'll do any moves. I might just find it in a news that I'm harassing her, you know... Gusto ko, kusang loob niya, bukal sa puso niya na makilala ko na ang anak namin."



Anong reaksiyon niya sa tinuran ni Jennylyn na hindi apelyido niya ang gagamitin ng anak.



Aniya, "Well, kung yun ang gusto niyang mangyari. Basta sana naman siguro, she won't be... na hindi ipakilala [si AJ] sa tunay niyang ama. Siguro ngayon, pero, I don't know. As of now, I just wanna be quiet about it."



What if makasalubong niya ang mag-ina or si Jennylyn, lalo pa nga't pareho silang Kapuso?

"Ako naman anytime, I'm ready to talk to her. Wala naman akong galit na itinatago."

read more "Jennylyn Mercado says son with Patrick Garcia will bear the surname of whoever she marries"

Marian Rivera says her Christmas this year is more special because of Dingdong Dantes

Nagkaroon ng grand press conference ang second season ng Darna kahapon, November 30. Kasabay nito ay ang pagpapakilala sa mga bagong character na makakalaban ni Darna, na ginagampanan ni Marian Rivera.



Ang mga bagong cast members ng Darna ay sina Katrina Halili bilang Serpina; Rochelle Pangilinan, Babaeng Manananggal; Jackie Rice, Helga; Akihiro Sato, Vladimir, at ang Asia's Songbird na si Regine Velasquez bilang Electra, the Queen of Planet Women.



Nauna nang pumasok ang character ni Dennis Trillo bilang Pancho, ang kababatang pulis ni Narda at makakaribal ni Eduardo (Mark Anthony Fernandez).



REGINE & KATRINA AS DARNA'S VILLAINS. Marami ang nagulat kay Regine na pumayag siyang magkontrabida for the first time. Kaya naman very flattered si Marian nang kuhanan siya ng reaksiyon hinggil sa bagay na ito.



"Oo nga, e, natuwa ako," sabi ni Marian sa PEP (Philippine Entertainment Portal). "Actually, sinabi 'yan sa akin nila Momsie [Popoy Caritativo, Marian's manager], 'Magiging kontrabida mo si Ate Reg mo.' 'Talaga? Si Ate Reg pumayag?' 'Oo, kasi gusto raw niyang makapasok sa Darna.'



"Kaya sabi ko sa kanya, ako mismo, magte-thank you sa kanya [Regine] dahil tinanggap niya. At sa lahat ng kontrabida ko rito, nagpapasalamat ako dahil bilang maging kontrabida ka, di ba, malaking oportunidad para sa akin na magpasalamat sa kanila. Na binigyan nila ng pagkakataon ang Darna at hindi naman magiging successful ang Darna kung walang kontrabida, di ba?"



Dagdag niya, "At saka hindi ko ine-expect na si Ate Reg mismo ang may gustong maging kontrabida ni Darna, so malaking karangalan para sa akin."



Masaya rin daw si Katrina na makakasama niya uli si Katrina, na una niyang nakasama sa Marimar.



"Siyempre, happy ako at saka wala namang isyu sa amin ni Katrina. At nagpapasalamat ako sa lahat ng kontrabida ko. Hindi magiging successful ang Darna kung walang kontrabida, di ba?"



PRIMETIME QUEEN. Sa ngayon, masasabing hawak ni Marian ang titulong Primetime Queen dahil sa consistent rating ng Darna sa Mega Manila (based on AGB Nielsen Phils.). Ano nga ba ang masasabi niya na napapanatili niya ang titulong ito?



"Sa mga bagay na 'yan, e, siyempre nagpapasalamat ako. Nakakataba ng puso. Salamat at ibinigay nila sa akin yun. Pero siyempre, ang mga tao pa rin ang makakapagsabi niyan at thank you sa management kung ganun ang ano nila. Pero pagbubutihin ko pa rin ang trabaho ko."



Hiningan din ng reaksiyon si Marian hinggil sa pagpasok na ni Claudine Barretto sa Kapuso network. Sa palagay kaya ni Marian ay posibleng maging threat sa kanya si Claudine as Primetime Queen?



"Ay, hindi naman," sabi niya. "Parang wala, e, ganoon naman talaga ang artista. At si Ate Claudine naman, nakakausap ko sa phone, kay Kuya Raymart [Santiago, Claudine's husband and Marian's co-star in Darna]. At happy ako na Kapuso na siya. At least, dumarami tayo. At excited ako na makatrabaho siya."



CHRISTMAS GIFTS. Natatawa naman si Marian dahil tila interesado talaga ang entertainment press kung ano ang magiging regalo nila sa isa't isa ng rumored boyfriend niyang si Dingdong Dantes ngayong Pasko. Sinabi na kasi ni Dingdong na may nakaplano na siyang regalo para kay Marian.


"Actually, ngayon ko lang nalaman na may pagdadalhan pala siya," nakangiting sabi ni Marian. "May tatlong gifts pala siya sa akin! Parang nalugi ako dun na parang ngayon pa lang, mag-isip na rin ako. At sisiguraduhin ko na mas espesyal yun kesa sa gagawin niya, di ba?"



Pero excited ba siya sa kung ano ang mga gifts na inihahanda sa kanya ni Dingdong?



"Oo naman! Pero tulad ng sinabi ko, excited talaga 'ko, pero mas excited ako na makasama siya."



Ano naman ang naging reaction niya nang makita niya ang regalong Darna-inspired chair sa kanya ni Dingdong?



"Nagulat ako kasi sabi niya, 'May upuan ka ba sa taping?' Sabi ko, 'Kasi nasira' Tapos, pagpunta ko sa Show Me Da Manny, may nakalagay dun na hindi ko alam sa kanya galing. Sabi ko, 'Wow, ang ganda naman nito, Darna!'



"At may letter siya na sana raw magamit ko para kumportable ako at makapag-rest ako. At least, kumportable ako kasi pagod na ako sa trabaho. At sana raw magustuhan ko. So, ayun, nag-thank you ako sa kanya at sinabi ko na kailangan ko talaga. At halos lahat ng makakita, natutuwa talaga sa chair na yun. Kasi, binusisi talaga. Darna siya na may nakalagay na Darna sa likod at may pangalan pa," lahad niya.

Sinigurado naman ni Marian na ngayong Pasko, magkakasama silang dalawa ni Dingdong.



"Sigurado yun," nakangiti niyang sabi.



Second Christmas na nila ni Dingdong ngayong taon as a couple. Pero bakit nga ba niya nasabing kakaiba this time?



"E, kasi dati, parang wala lang... parang enjoy. Bilang ngayon na inaamin ko sa buong tao, buong Pilipino, na si Dingdong ang pinaka-importanteng lalaki sa buhay ko, aminado ako dun," saad ng aktres.



How would she compare this year since last Christmas ay magkasama na rin sila?



"Siguro, sabihin na lang natin na habang tumatagal ang taon at nagki-Christmas every year, e, mas tumitindi ang saya ko. Mas dumarami siya. Mas dumarami ang blessing."



Ano ba ang plano niya this Christmas?



"Ang balak ko po talaga, siyempre mag-Christmas sa bahay, kasama ang lola ko, pati ang mama ko. If ever sa hapon, kung pumunta siya [Dingdong], pupunta kami kung saan puwede."



What about her dad, wala pa ba siyang planong puntahan ito sa Spain?



"Meron, pero huwag muna nating sabihin. Kasi sabi ko, pupunta ako next year, pero hindi rin ako nakapunta. So, kapag nangyari na lang, 'saka ko na lang sasabihin."



If ever, isasama ba niya si Dingdong?



"Dapat kasama siya!" nakangiti niyang sabi.



STILL INTACT. Masaya rin daw si Marian na maganda rin ang naging resulta sa rating ng Stairway to Heaven, na pinagbibidahan ni Dingdong at ni Rhian Ramos. At magtatapos ito na intact pa rin kung anumang closeness meron silang dalawa ni Dingdong.



"Oo naman at saka trabaho lang naman. Artista rin naman ako at naiintindihan ko naman lahat ng sitwasyon, di ba? Importante, kaming dalawa, maayos kami. At nag-uusap kami. Tuloy-tuloy ang communication namin. Nagkikita pa rin kami at wala namang problema."



Kinabahan ba siya when Dingdong was paired with a new leading lady?



"Never," mabilis niyang sagot. "Wala, e. Mas tumindi pa nga siya ngayon. Kung dati nagkikita kami, mas madalas pa kaming magkita ngayon. Mas madalas pa kaming magtawagan. Mas madalas may moment kami, yung ganun, di ba?


REUNION PROJECT. Hiningan din namin ng reaction si Marian kung ano naman ang masasabi niya sa ipinahayag ni Dingdong na excited na itong makatrabaho siyang muli?



"Siyempre, excited din ako na makasama siya. Sabi ko nga sa kanya, isa yun sa mga pangarap ko ulit sa trabaho. Kasi na-miss ko talaga siya. Kasi, iba naman yung sa trabaho," pagtatapat ni Marian.



Pero kinumpirma na nga ni Marian na magbabalik-tambalan sila ni Dingdong next year.



"Magbabalik-tambalan po kami next year, kami po ulit," nakangiti niyang sabi.



Isa sa Endless Love Koreanovela series ang nakatakdang gawin nina Dingdong at Marian.

read more "Marian Rivera says her Christmas this year is more special because of Dingdong Dantes"

Sarah Geronimo releases 14-track album Music and Me

The Popstar Princess continues to delight her fans with yet another album, this time showcasing her own take on popular foreign and OPM hits.


Titled Music and Me, the all-English album includes themes that Sarah has sung for various box-office movies (like her very own A Very Special Love and You Changed My Life) and more covers of heart tugging love songs.


Sarah has been very hands-on in the selection of tracks to be featured in the album, making this one of her most personal recordings to date. As a bonus, "Record Breaker," an original song used in one of her endorsements, is also included in the album.


Not to be missed is her duet with Christian Bautista for the song "Please Be Careful with My Heart."


TRACKLISTING.

1. Right Here Waiting
2. Lost In Your Eyes
3. Can This Be Love
4. Listen To Your Heart
5. Have You Ever
6. Please Be Careful With My Heart with Christian Bautista
7. Fall For You
8. Could've Been
9. Before I Fall In Love
10. You Changed My Life In A Moment
11. Never Gonna Let You Go
12. Something New In My Life
13. A Very Special Love
14. Record Breaker

read more "Sarah Geronimo releases 14-track album Music and Me"

Marian Rivera calendars, ilalabas na!

Bago matapos ang taon ay maglalabas na ang isang kumpanyang gumagawa ng inuming nakalalasing ng mga kalendaryo kunsaan nakalarawan ang seksing-seksing mga kuha kay Marian Rivera.

Ang chika, matagal na rin daw niligawan ng kumpanya si Marian para mag-pose ng sexy para sa kanilang kalendaryo. This year lang daw nila napapayag si Marian and sa terms pa man din ni Marian.

read more "Marian Rivera calendars, ilalabas na!"

Coco Martin in his first product endorsement

Considered one of the top actors of his generation, Coco Martin is also one of Philippine entertainment’s busiest. Taking up most of his time are shootings for TV projects: his current afternoon TV drama “Nagsimula sa Puso” where he is paired with promising actress, Maja Salvador, and “Agimat: Ang Mga Alamat ni Ramon Revilla presents Tonyong Bayawak” set to air next year where he will play the lead. The talented young actor recently gained recognition playing the role of Ramon, the main antagonist in the highly-acclaimed TV series “Tayong Dalawa,” with Kim Chiu and Gerald Anderson as lead stars.

Coco starts his day early. He wakes up at 5:30 in the morning and heads straight to back-to-back tapings. “Pag may oras sa mga tapings na bakante, natutulog din ako para mag-recharge,” he shares. “Matindi ang pressure kaya kung dati ay matakaw ako, ngayon kailangan ko na ng balanced diet. Basta may dasal, tamang tulog, at tamang pagkain, kaya kong labanan ang stress,” Coco adds.

With such a tight schedule filled with shoots, TV guestings and out-of-town shows, Coco definitely deserves to enjoy filling dishes that fit his on the go lifestyle. Finding his favorite meal at the right time can be tricky. But with the ready-to-eat WOW Ulam, Coco can now have delicious and authentic Filipino dishes every day in between work and play. Introduced by Pacific Meat Company, Inc. (PMCI), the makers of Argentina Corned Beef, WOW Ulam comes in flavors that suit Coco’s Pinoy taste: Adobo, Asado, Afritada, Caldereta, Lechon Paksiw, Mechado and Bicol Express. Each can contains tasty chunks of sausage and luncheon meat in appetizing sauces inspired by regional Filipino cuisine. With all these flavors to choose from, the certified actor will never tire of enjoying the best Pinoy favorites any time of the day, every day of the week, and anywhere!

Asked which among the seven variants is his favorite, the actor replies: “Bicol Express! Napakasarap lalo na pag may mainit na kanin!” Coco counts being part of the WOW Ulam family a blessing – this is not only his first ever major endorsement, but this is also a way for Coco to reach out to fellow Pinoys. Coco adds, “Para sa mga kapwa kong Pilipino, para sa atin ang WOW Ulam! Wow sa laman, Wow sa sarsa, Wow sa sarap It is very affordable at P13.50 per can” Like Coco, savor the taste of authentic Pinoy food without the hassles of preparing and cooking it. WOW Ulam lets you find all the right ingredients for your preferred meals in just one can and without compromising your discriminating taste. Perfect for a busy day, WOW Ulam assures you of a delicious fix, whether it’s for a packed breakfast, on-the-job lunch with co-workers, dinner with the family or even pulutan with the gang! WOW Ulam is available in supermarkets, groceries, convenience stores, sari-sari stores and public market stalls nationwide.

read more "Coco Martin in his first product endorsement"

Marian Rivera denies humiliating a fan in Japan

Tulad noong nakaraang taon, muling nagbigay ng Christmas party sina Marian Rivera at Dennis Trillo at ang manager nilang si Popoy Caritativo para sa ilang miyembro ng entertainment press. Isang paraan ito ng pasasalamat nina Marian at Dennis sa ibinigay na suporta sa kanila sa buong taon at pagbabahagi na rin ng mga blessings na natatanggap nila.



Masayang natagpuan ng PEP (Philippine Entertainment Portal) si Marian sa Annabel's restaurant kunsaan idinaos ang press party kagabi, December 12, dahil kare-renew lang daw ng halos lahat ng endorsements niya. Isa sa binanggit niya ay ang SM Residences.



Ngiti lang ang isinagot ni Marian nang may nagbirong may bago na naman siyang condo unit.



"Siguro wala naman taong wala nang kulang, pero masaya ako, maayos naman lahat. So, masaya ako sa lahat ng nangyayari sa akin at sana sa susunod na taon, magtuloy-tuloy lang," sabi niya.



Posible raw na nasa bahay lang siya sa araw ng Pasko, kasama ang pamilya niya.



"Siyempre, kapag Pasko naman, alam naman nating lahat na 'yan ang time for family na magkasama-sama. So ako, siguradong sa bahay lang, kasama ko lola ko, mama ko, family ko."



ALL SHE WANTS FOR CHRISTMAS. Ayaw nang magbigay ng plano ni Marian kung kailan naman daw sila magkikita ng ama niya.



"Last year sinabi ko rin 'yan, kaso naudlot, e. So kapag nangyari na lang, ise-share ko sa inyo... Pero mas malabo na siya ang makauwi rito, mas may chance na ako ang magpunta sa Spain. Kakatayo lang niya ng bagong restaurant. Hindi niya maiiwan talaga."



At kung sakali ngang makahanap ng time si Marian na mapasyalan ang ama niya, malaki ang posibilidad na kasama raw ang rumored boyfriend niyang si Dingdong Dantes.



"Sabi naman niya, kung pupunta raw ako, gusto raw niyang sumama. Alam niya kasi na yun din ang pinakahihiling ko sa buhay ko, ang magkita kami ng papa ko. So, gusto rin siguro niyang maging bahagi siya nun, na nandun siya."



Naikukuwento raw niya sa papa niya si Dingdong.



"The usual... yung tipong, 'Special siya sa akin, sana ma-meet mo siya. Kasi palagi siyang nandiyan para sa akin. Pinoprotektahan niya 'ko. Happy ako sa kanya.'"



Nagkausap na ba ang dalawang lalaking masasabing malapit sa puso niya ngayon?



"Minsan naririnig niya papa ko [sa telepono], ibinigay ko sa kanya. Kaso, natatawa siya [Dingdong] kasi hindi niya maintindihan. Marunong din namang mag-English si Papa, pero barok-barok talaga. Literally merong Tagalog, me Spanish, mix-mix na siya."



NO GIFT YET FOR DINGDONG. Ilang araw na lang at Christmas na. Nakaisip na ba siya ng Christmas gift para kay Dingdong?



"Wala pa nga! Actually, nagpapatulong nga ako kay Popoy kung ano ang igi-gift ko sa kanya. Sa totoo lang, Monday to Friday ang taping ko ng Darna. May Show Me Da Manny pa. Tapos ngayong Saturday, nag-Eat Bulaga! ako, then itong party sa press. After this, may Christmas party pa for the fans. Bukas [Dec. 13] nasa SOP ako, then Christmas party ulit. Tapos, Monday to Friday, taping ulit ng Darna. Pero, hahanapan ko 'yan!" natatawa niyang sabi.



Tatalbugan ba niya ang planong Christmas gift para sa kanya ni Dingdong?



"Naman!" natatawa niyang sabi.



May idea na raw siya kung ano ang planong iregalo sa kanya ni Dingdong.



"May ideya na ako sa mga sinasabi sa akin. Actually kasi, gusto kong magpagawa... hindi naman rebulto ng Darna. Pero hindi lang Darna, gusto ko ng Marimar, Dyesebel, Hinugot... lahat ng naging character ko, gusto kong i-display siya. Para if ever kung ano yung damit ni Marimar, yung ganun..."
MARK HAS HIS REASONS. Isa sa mga itinanong kay Marian ay ang biglaang pagpapaalam ng leading man niya sa Darna na si Mark Anthony Fernandez.



"Siyempre, nakakalungkot," sabi ni Marian. "Kung anuman ang personal niyang rason kung bakit gusto niyang mag-rest, siyempre, nirerespeto namin yun. Hindi lang ako kung hindi buong cast ng Darna rin.



"Kasi, may mga dahilan din naman siya na pagod na siya, hindi rin siya nabigyan ng break noong Impostora pa. So, naiintindihan ko naman. Tapos ngayon, sinasabi na magpapaopera siya dahil may cyst yata. So, marami siyang reason. Kung anuman yung reason niya talaga, irespeto na lang natin.



"Mahirap din kasing mag-approach baka ma-offend. Mas mabuting silent na lang at ibigay na lang natin sa kanya yun."



Hindi sila nakapag-usap, "pero noong nasa set siya, katulad noong last taping namin, nagpapatawa siya. Makulit siya. Pero hindi namin napag-uusapan."



Hindi daw ito personal na nagsabi sa kanya kaya nagulat daw siya nang malaman. Pero ano naman ang masasabi niya sa intrigang dahil nagbalik-droga si Mark kaya siya iaalis sa show?



"Huwag naman sana... naranasan naman niya kung paano at siguro, madadala na siya, di ba? Huwag naman... at mukhang okay naman siya."



HOT AND COLD. May intrigang kesyo cold daw siya kay Mark unlike with Dennis na pumapayag siyang makipag-kissing scene?



Natatawa na si Marian bago pa man ito sagutin. Aniya, "Okay, sige, sagutin po natin 'yan... Unang-una po, nakapag-kiss na po ako kay Mark. Pangalawa, kay Dennis po, never po kaming nag-kiss ni Dennis. Wala po kaming eksenang nag-kiss kami."



Pero cold nga ba siya kay Mark?



"Hindi!" mabilis na sagot ni Marian. "The usual. Sabihin na lang natin na hindi ako ganun kalapit sa mga lalaki. Kay Dong, oo. Pero hindi naman kasi ako yung, 'Uy, kumain ka na ba?' Hindi naman kasi ako ganun. Kilala niyo naman ang personality ko. One of the boys ako."



Ang palaging idinidikit na intriga sa kanya ay ang pagtataray niya raw sa fans.



"Hindi ko nga alam, e. Katulad niyan, yung sinasabi sa Japan, lahat na ng kasama ko, pati si Tita Aster [Amoyo], nagsalita na siya. Siguro ganun na talaga... hinahanapan talaga kahit wala. Ginagawan talaga."



May mga naulat na noong tumungo ng Japan sina Marian at Mark Anthony noong November 21 to 23, may pinahiya raw si Marian na isang fan. Pero mismo ang kolumnistang si Aster Amoyo na kasama sa promotional tour ng Darna ang nagsabi na wala raw pambabastos na nangyari.



Ayon sa column ni Mario E. Bautista sa isang online journal kahapon, sinabi daw ni Aster, "I was there. The woman actually hosted dinner for us and gave Marian three magazines. She returned to her the magazines she didn't like, but with a smile. Hindi siya nagtaray."



Ayon naman sa isang entertainment blog, dahil daw ang nasa cover ay si Dingdong Dantes at Rhian Ramos na magkatambal sa Stairway to Heaven.



Pero magalang naman daw iniabot—hindi hinagis o tinapon—ni Marian yung magazine sa fan, at nagkatawanan pa nga raw dahil para sa Darna nga naman yung idinadaos na dinner.



"MASAMA ANG NAIINGGIT!" Naaapektuhan pa ba siya ng mga ganitong intriga?



"Wala... trabaho nila yun. Basta ako, katulad niyo, naniniwala kayo sa akin, ang importante sa akin ay yung kayo. Yung iba, given na 'yan. Kasi, hindi naman lahat mapi-please mo. At least ngayon, alam ko, may nagtatanggol sa akin dahil nandun sila mismo sa pangyayari kaya ganun na lang talaga."



Kung dala ng inggit ang mga pang-iintrigang ito, "Naku, masama ang naiinggit!" ang sagot ng dalaga. "Kung gayunman ang dating, hindi ko na problema. At least ako, nakakatulog ako nang mahimbing kapag gabi, masaya 'ko, di ba?"

Bagamat nalungkot daw si Marian na hindi natuloy ang filmfest entry niyang Nieves, looking forward naman daw siya to 2010 kunsaan magaganap ang mga out-of-the-country shows niya with Dingdong, Regine Velasquez at Ogie Alcasid.



At kinumpirma na niya na by April ay magsasama muli sila ni Dingdong sa soap opera na Endless Love.

read more "Marian Rivera denies humiliating a fan in Japan"

Krista Ranillo says intrigues about her are just part of being an artista

Sa unang pagkakataon ay humarap sa media ang controversial actress na si Krista Ranillo nang pumirma siya ng panibagong kontrata para sa beauty clinic na ini-endorse niya.

Ayon sa report ni Lhar Santiago para sa 24 Oras, pumayag ang kampo ni Krista na ma-interview siya ng media sa kundisyong hindi siya tatanungin tungkol sa pagkaka-link niya sa Pambasang Kamao na si Manny Pacquiao.

Sa kabila raw ng mga intrigang kinakaharap niya ay wala raw pagsisisi si Krista.

"I'm happy, I'm busy... No regrets in life," nakangiti niyang sabi.

Naniniwala rin si Krista na bahagi lamang ng pagiging artista niya ang mga pinagdadaanan niyang intriga.

"I guess I just have to accept na yung mga issues, parte 'yan ng buhay-artista talaga. Kahit sino naman dumadaan diyan. I guess it's just how you handle it," saad niya.

Pero aminado naman ang sexy star na naapektuhan din siya sa mga lumabas na balita tungkol sa kanya.

"Siyempre, natural lang na iiyak ka pag may pinagdadaanan ka. But you know, every day, you have to tell yourself, it's a new day and you pray."

Ngayong Kapaskuhan ay babalik daw si Krista at ang kanyang pamilya sa U.S. para doon mag-celebrate.

"I'm going back to the States to spend Christmas with my family as I always do every year. So I'm very excited for that kasi we're all gonna be together," aniya.

Sa palagay ba ni Krista ay natapos na ang mga intriga sa kanya?

"Sana. Magdadasal lang tayo na sana," maikli niyang tugon.

Nang tanungin naman kung ano ang isasagot niya kung saka-sakaling may magtanong sa kanyang lovelife, ito ang natatawa niyang sagot: "Meron ba? Sabihin ko, 'Merry Christmas.' Puwede yun?"

read more "Krista Ranillo says intrigues about her are just part of being an artista"

Annabelle Rama and son Richard Gutierrez consider DOJ decision on case vs. PEP as early Christmas gift

Isang maagang Pamasko para sa mag-inang Annabelle Rama at Richard Gutierrez ang resolution na inilabas ni Justice Secretary Agnes Devanadera, kung saan ni-reverse nito ang pagkaka-dismiss ni Associate Prosecution Attorney Mary Jane Sytat sa libel complaint na isinampa ni Richard laban sa editors at isang writer ng PEP (Philippine Entertainment Portal).

Ang ibig sabihin nito ay maaari nang isampa ng Makati City Prosecutor ang libel case kina PEP Editor-in-Chief Jo-Ann Maglipon, Managing Editor Karen Pagsolingan, at Staff Writer Ferdinand Godinez.

Sa magkahiwalay na panayam kina Richard at Annabelle sa Showbiz Central ay ipinahayag nila ang kanilang kasiyahan sa naging desisyon na ito ng Department of Justice (DOJ).

"EARLY CHRISTMAS GIFT." Sa taped interview kay Richard, sinabi nito: "Finally, nasa tamang lugar na yung kaso and parang early Christmas gift na rin sa akin dahil nga sa dami ng pinagdaanan ko, pati na sa mga kaso against PEP... I've been shoved and pushed around too much. Now, finally, mabibigyan ng tamang daan iyong kaso."



Inaasahan naman daw ni Richard ang pagpa-file ng PEP ng motion for reconsideration sa panibagong desisyon na ito ng DOJ.



"It's not a surprise to us that they're going to try every single move they can to get away from the case," sabi niya. "Pero ngayon, masaya na ako na finally nakita ng DOJ na may probable cause 'yong ginawa ng PEP sa akin. So, I'm very happy and I'm thankful sa DOJ dahil yun nga, nasa tamang lugar na iyong kaso.



"Ngayon kasi, parang biglaan ang decision. Kakarating lang din sa amin 'yong decision, so hindi pa napag-uusapan ang bagay na 'yan. As of now, kung ano ang nangyayari sa court, 'yon muna ang hakbang namin."



"PINAKAMAGANDANG REGALO NG DOJ." Hindi naman mapagsidlan ang kaligayahan ni Annabelle sa live interview sa kanya ni Pia Guanio sa Showbiz Central kaninang hapon, December 13.



"Alam mo, Pia, hindi ako makatulog mula noong Friday [Dec. 11]," simula ng Gutierrez matriarch. "Ang pamilya ko, haping-happy kami. Ito na ang pinakamasaya kong Pasko at ito ang pinakamaganda kong regalo, sa amin, ng DOJ. Maraming-maraming salamat na-review ang aming kaso.

"Talaga naman mananalo kami, alam ko dahil talaga namang iyong istoryang ginawa nila [PEP], imbento naman talaga 'yon. Walang nangyaring tutukan, walang nangyaring gulo, anak ko nakaupo lang sa party. So, talagang puro imbento ang kuwentong iyon at nagso-sorry naman sila, pero sorry nila hindi direct doon sa istorya nila.

"Kasi sabi ko naman sa kanila na mag-public apology lang, sabihin na nagkamali ang writer sa pagsulat, wala talagang demandang mangyayari... Ayos na, walang demandahan na mangyayari, ayos na. Madali akong kausap, 'day. Alam mo naman mga Bisaya, mababait naman kausap, di ba?

"E, hindi nila ginawa 'yon kaya nagalit ang anak ko," patuloy ni Annabelle. "Sabi ni Richard na masyado na naapakan na naman ang kanyang pagkatao niya, iyon talagang sobrang pag-imbento. At besides that, hindi pa sila tumitigil kakasira kay Richard at ang dami nilang kuwentong hindi maganda, ang dami nilang mga kuwentong imbentong kuwento na hindi ko na lang sinasagot para hindi lumaki ang issue. Kaya wala akong sinasagot.

"Ngayon nagpapasalamat ako sa DOJ, sa desisyon na ginagawa nila. Maraming-maraming salamat."

Tinanong ni Pia si Annabelle tungkol sa planong pagpa-file ng motion for reconsideration ng PEP.

"Bahala na lawyer ko diyan, 'day. Mahirap magsalita tungkol sa mga ganyang kaso-kaso. Wala akong alam, mamaya ako pa mala-libel, e," sagot ng ina ni Richard.

ANNABELLE'S "CONSPIRACY THEORY." Ayon kay Pia, marami na raw ang "naka-offend" kay Annabelle at nagkaayos naman sila ng mga ito eventually. Pero bakit raw sa kaso nilang ito sa PEP ay hindi sila nagkaayos?

Sagot ni Annabelle, "Si Jo-Ann Maglipon kasi at saka si Wilma Galvante [SVP for Entertainment TV ng GMA-7] magkabarkada, mag-best friend. Silang dalawa ang may kagagawan pabagsakin si Richard. Kakampi naman ni Richard ang Sto. Niño ko sa Cebu. Kakadasal ko araw-araw, sabi ko na 'wag hayaan si Richard, huwag sana pagbigyan iyong mga tao sa likod na gusto [siyang] pabagsakin, huwag maging successful. Itong regalo ay binigay sa akin ng Diyos ngayon.

"Kaya alam mo, Jo-Ann, nanonood ka sa akin ngayon, magkaibigan tayo. Ako bilib sa iyo, 'day. Mabait ka, maka-Diyos ka. Hindi ko alam bakit nagbago ugali mo bigla. Naging devil ka na rin tulad ni Wilma Galvante, 'day. Kaya sabi ko na, Paskong-Pasko, Jo-Ann, dapat pagsisihan mo lahat ang mga ginagawa mo sa anak ko na hindi totoo. Pati buong pamilya ko, sinisiraan mo sa PEP. Wala kaming kalaban-laban sa inyo, e. Wala kaming kalaban-laban. Hawak mo yung Internet na 'yan!"

Singit ni Pia, "A, Tita, kay Jo-Ann Maglipon lang tayo at sa PEP muna, ha?

Buwelta naman ni Annabelle kay Pia: "Takot ka ba kay Wilma Galvante?"
Sagot ni Pia: "Hindi naman, Tita Annabelle. Nasa GMA naman po tayo."



"Kaya nga sinasabi ko lang ang totoo," sabi naman ni Annabelle.



"PEACEFUL AKONG TAO." Pagkatapos nito ay binanggit ni Pia kay Annabelle ang sinabi ng kakambal ni Richard na si Raymond Gutierrez sa umpisa ng Showbiz Central. Ang wish daw ni Raymond ngayong Pasko ay maging "peaceful" na ang magkabilang kampo, pero kailangang mag-apologize ang PEP.



Tanong ni Pia kay Annabelle: "Maybe you should reiterate kung paano masu-solve ito at magiging peaceful ang lahat ng kampo sa issue na ito."



"Ako, Pia, peaceful akong tao, Pia, e," sagot ni Annabelle. "Ako, hindi ako nag-umpisa ng laban, e, hindi. Never pa sa buong buhay ko na nag-umpisa ako ng away... Ako talaga, wala akong ginawang umpisang kaaway. Sila nag-umpisa sa akin. Ako naman, sumasagot lang naman sa mga binabato nila sa akin.



"Hindi kami magkaaway ni Wilma Galvante, siya nag-umpisa sa akin. Dinemanda niya ako, ako'y sumasagot lang naman, Pia, e. Hindi kami magkaaway ni Jo-Ann Maglipon, siniraan niya anak ko. Talagang sira na below the belt, na talagang anak ko hindi na makaka-accept sa ganoong klaseng paninira kaya siya nag-file ng demanda."



Paano kung mag-public apology ang PEP o si Jo-Ann Maglipon, payag ba silang iurong ang P25-million libel case na isinampa ni Richard?



"Hindi ako makapagdesisyon niyan. Dapat buong pamilya ang tatanungin tungkol diyan dahil damage has been done. Sobrang paninira na below the belt na ang ginagawa nila at wala silang katigil-tigil. Kaya pag-uusapan ng buong pamilya 'yan. At saka si Richard ang magdedesisyon, hindi ako," aniya.

Tinanong ni Pia si Annabelle kung wala bang effort mula sa kampo ng PEP na makipagbati?

"Wala naman din. Kaya as of now, tuloy ang laban," sagot niya.

read more "Annabelle Rama and son Richard Gutierrez consider DOJ decision on case vs. PEP as early Christmas gift"

Vic Sotto goes up against Comedy King Dolphy at this year's MMFF

Matapos ang memorable at first time na pagsasama nina Comedy King Dolphy at Box-Office King Vic Sotto sa pelikulang Dobol Trobol: Get Redi 2 Rambol noong August 2008, ngayong taon naman ay magkalaban ang kanilang mga pelikula sa 2009 Metro Manila Film Festival (MMFF)—Ang Darling Kong Aswang ni Vic at Nobody, Nobody But Juan ni Dolphy.

Nakausap ng PEP (Philippine Entertainment Portal) at ng iba pang press si Bossing Vic sa presscon ng Ang Darling Kong Aswang kahapon, December 15, sa Moomba Restaurant sa Quezon City. Ang tungkol sa tapatan nilang ito ni Dolphy ang agad na tinanong ng PEP kay Bossing.

Nag-usap ba sila ni Dolphy bago pa nila isali sa MMFF ang entries nila?

"Ako, naniniwala na kung anuman ang mangyari, magkatapat man ang pelikula namin, magkasabay ang pelikula namin, hindi na magagalaw ang pagkakaibigan namin. Yung pagmamahalan namin mananaig yun sa kahit anong tapatan o sabayan ng mga pelikula," sabi ni Vic.

Madalas isagot ni Dolphy ang pangalan ni Vic kapag tinanong ito kung sino sa tingin niya ang puwedeng sumunod sa yapak niya sa paghahari sa komedya. Ano ang reaksiyon ni Vic dito?

"Alam mo kami, yung pagsasama namin ni Dolphy... matagal na kaming magkakilala. Nagkikita kami sa mga okasyon dati sa ABS-CBN, noong nandun pa ang Eat Bulaga. Pero ang culmination of it all ay nung magkasama kami sa pelikula. Ilang araw din yun na... araw, gabi na nagkukuwentuhan kami. Pag hindi kami nagti-take, kaming dalawa ang nagkukuwentuhan, e. Marami akong tinatanong sa kanya. Marami akong pinapakuwento sa kanya. E, alam mo naman si Dolphy makuwento yun, e. Naging magkaibigan kami. Doon nabuo yung pagtitinginan namin sa isa't isa. Kaya naniniwala ako na pagka tinanong mo siya ng ganun, ako ang sasabihin niya," saad ng comedian.

WOWOWEE & WILLIE ISSUE. Kasama sa istorya at setting ng pelikula ni Dolphy ang programang Wowowee ni Willie Revillame sa ABS-CBN, na kalaban ng noontime show nina Vic na Eat Bulaga! sa GMA-7. Hindi ba sumama ang loob niya na ang show ng kalaban ang napili ni Dolphy?

"Marami nga ang nagtatanong sa akin kung hindi ba sumama ang loob mo na may pelikula si Pidol, e, ang ginamit na show ay Wowowee? Walang problema doon. Kasama sa istorya yun. Walang problema sa akin yun. Magkakatapat ang pelikula n'yo, ano ang masasabi mo? Wala rin sa akin yun. Nakakatuwa nga si Dolphy kapag nagpo-promote siya, pati pelikula ko pinu-promote niya, e. Ako naman ganun din. Yung pagmamahalan namin, e, yun ang pangunahin na... nasa ibang level yun, e.

"Kung anuman yung intriga na tungkol sa Wowowee, kay Willie, wala yun. Nandito lang yun sa baba [level of importance]. Yung pagtitinginan namin at respeto sa isa't isa ay mataas, lalo na ang aking respeto sa kanya. At ako ay nananatiling sumasaludo sa kanya," paliwanag ni Vic.

Kung magkakaroon ng pagkakataon, papayagan ba niyang mag-promote si Dolphy sa Eat Bulaga!, kahit na nga sa isang interview ay sinabi na ni Dolphy na, "Nakakahiya naman kay Vic"?

"Hindi lang sa akin [nakakahiya] kundi pati dun sa mga taga-Eat Bulaga!, di ba? Alam ni Dolphy yun, e. Masyadong marespeto sa kapwa yun. So, alam niya na magkalaban sa noontime yung dalawang shows. Hindi naman tama yun. Puwede naman siyang mag-promote mismo sa Wowowee, kahit araw-araw pa nga, e. Alam niya yun," sagot ni Vic.

Hindi naman daw makakaapekto sa pagkakaibigan nila ang isyung ito.

"Istorya lang naman yun. Wala naman personalan yun. Nagkataon lang na nasa ABS siya, siguro natural lang na yung Wowowee ang nasa istorya. Pero wala yun. Mababaw na dahilan yun para maapektuhan kami ng mga ganyang isyu."

Kung gagawa ng biopic tungkol sa buhay ni Dolphy, willing ba siyang gampanan ang role bilang Hari ng Komedya?

"Aba , bakit hindi?" sagot ni Vic. "Maganda yun. It will be an honor for me kung ako ang mapipili."

BONG REVILLA & MANNY PACQUIAO. Bukod kay Dolphy, makakatapat din muli ni Vic ngayong taon sa MMFF si Senator Bong Revilla para naman sa pelikula nitong Ang Panday. Matatandaang apat na beses nang nagkatapat ang mga pelikula nina Vic at Bong sa MMFF: Lastikman vs. Agimat noong 2002, Fantastic Man vs. Captain Barbell noong 2003, Enteng Kabisote 2 vs. Exodus noong 2005, at Enteng Kabisote 4 vs. Resiklo noong 2007.

Ano ang masasabi niya sa muli nilang pagtatapat ni Bong sa MMFF?

"Wala namang tapatan," sabi ni Vic. "It's a GMA and Bong co-production. I don't see any tapatan. Ang alam ko, magkakampi kaming lahat dito. At alam ko ganundin ang pakiramdam nila. Kasi iisa lang itong ating gustong mangyari dito ay maging matagumpay ang kabuuan ng film festival. Kasi tayu-tayo rin naman ang makikinabang sakaling maganda ang magiging resulta."

Sa isang interview kay Bong, sinabi ng senador na maiintindihan naman daw niya kung sakaling hindi siya puwedeng mag-promote sa Eat Bulaga! dahil nga sa magkalaban ang kanilang pelikula. Ano ang comment ni Vic dito?

"Si Bong? Wala namang bawal sa Eat Bulaga!, e. Kuwentu-kuwentuhan lang yun. Huwag kayong maniniwala sa kuwento-kuwento."

Nagbigay rin ng pahayag si Vic tungkol naman sa entry ni Manny Pacquiao na Wapakman.

"Kahit si Manny, hindi ko itinuturing na kalaban. Si Manny kakampi natin 'yan. Iisa lang yung industriyang ginagalawan natin. Iisa lang ang adhikain namin. Iisa lang ang gusto naming mangyari para sa kapakanan ng mga manonood ng mga pelikulang Pilipino," saad niya.

ANG DARLING KONG ASWANG. Tinatawag si Vic bilang "Undisputed MMFF Box-Office King" dahil sa nakaraang pitong taon ay pawang topgrosser ang kanyang mga entries sa taunang filmfest, na kinabibilangan ng Lastikman (2002), Fantastic Man (2003), Enteng Kabisote series (2004-2007) at Iskul Bukol: 20 Years After noong isang taon. Muli na namang masusubukan ang lakas sa takilya ni Bossing sa pamamagitan ng Ang Darling Kong Aswang, na produced ng M-Zet TV Productions, OctoArts Films, at APT Entertainment.

Ine-expect niya ba na mag-number one ulit sa MMFF ang Ang Darling Kong Aswang?

"Hindi ko iniisip yun, as usual," ngiti niya. "As always, ang iniisip ko ay kung paano maging matagumpay yung festival sa kabuuan niya. Ito ay para sa ating lahat. Kaya hanggang maaari ay tangkilikin natin lahat ng mga entries sa darating na festival. Iba-iba naman 'yan, merong drama, action, fantasy, may horror, may pang-pamilya, siyempre may comedy."

Nilinaw rin ni Vic na hindi nila ginawang basehan sa paggawa ng Ang Darling Kong Aswang ang hit Hollywod movies na Twilight at New Moon, kung saan bida naman ang mga vampires. Hindi raw komo't may aswang character sa movie nila na katulad ng mga bampira ay nanggaya na sila. Bago pa raw maipalabas ang naunang movie na Twilight ay matagal na nilang konsepto ang aswang.

"Matagal na naming proyekto ito bago pa namin ginawa ang Enteng Kabisote. Hindi lang natuloy. Kasi gusto naming gumawa ng katatawanan na horror, horror-comedy. Pero siniguro ko na yung horror, e, yung hindi naman talaga nakakatakot para sa mga bata. Baka ma-trauma yung mga batang manonood. Alam ko maraming batang nanonood tuwing Kapaskuhan, so siniguro namin na matutuwa at masisiyahan ang mga bata. May konting sigawan, may konting gulat, pero matatakpan lahat yun ng katatawanan na mapapanood nila."

Magkakaroon din ba ng sequel ito gaya ng Enteng Kabisote?

"Kung meron man, baka hindi pelikula. So, surprise. Meron pa kaming planong maganda," sabi niya.

Sa synopsis ng pelikula na naunang naibigay sa mga press, nakalagay rito na magkakaroon sila ng anak ni Cristine Reyes, na gumaganap na asawa ni Vic sa movie. Sinunod pa rin ba nila ito?

"Supposed to be ganun ang ending. Pero binago namin. Kasi ang malaking question mark dun, e, ano kaya ang magiging anak namin? Kung half-half ba o mestisong aswang?" biro ni Bossing.

Directed by Tony Y. Reyes, ang Ang Darling Kong Aswang ay kinatatampukan din nina Jean Garcia, Agot Isidro, Dante Rivero, Rafael Rosell, Denise Laurel, Jackie Rice, Empress Schuck, Richie D' Horsie, Wally Bayola, Allan K., Joonee Gamboa, Luz Fernandez, Jenny Miller, Gian Sotto, Tita Swarding, Mosang, Shalala, Mika dela Cruz, at Barbie Forteza. Meron ding espesyal na partisipasyon sina Pia Guanio, Jacky Woo, Oyo Sotto at Joey de Leon.



ENTENG KABISOTE V. Hindi pa man natatapos ang MMFF ngayong taon ay pinaghahandaan na rin ni Vic ang isasali niya sa MMFF next year. Inamin niya na hindi ang sequel ng Ang Darling Kong Aswang ang balak niyang isali sa 2010, kundi ang ika-limang edisyon ng Enteng Kabisote.



"Pagkatapos nitong MMFF sa January, susunod naman naming paghahandaan ang Enteng Kabisote 5," banggit niya.



Mas malaki ba ito kumpara sa mga nakaraang edisyon?



"Kailangan, e. Dapat mas bonggang-bongga."



Si Kristine Hermosa pa rin ba ang kukunin niyang Faye?



"Depende. Puwede namang magpalit-palit yan e. Nakakailang Faye na ako since nung nag-start ito sa TV."



EAT BULAGA! IS STILL WITH GMA-7. Samantala, matapos ang iba't ibang espekulasyon at usap-usapan na baka lumipat ng ibang istasyon ang Eat Bulaga!, kung saan main host si Vic kasama sina Tito Sotto at Joey de Leon, kamakailan ay pumirma na ng bagong kontrata ang TAPE Inc., producer ng Eat Bulaga!, sa GMA-7. Ano ang masasabi ni Vic dito?



"Kami naman ay mananatiling Kapuso, sa GMA-7," sabi ni Vic. "Marami naman kaming pinagsamahan ng GMA. Kung tutuusin, diyan nagsimula ang Tito, Vic & Joey sa Channel 7, Discorama days, Student Canteen days. Diyan kami nagsimula, e. So, espesyal sa aming puso ang Kapuso."



Bakit sa tingin niya nagkaroon ng isyu na lilipat sa ibang istasyon ang Eat Bulaga?
"Siguro dahil nagkaroon ako ng show sa TV5, iniisip nila na bagong grupo itong nagpapatakbo sa TV5, Media Quest, na alam naman natin ay isang malaking grupo 'yan. Mahusay din at hindi mo matatawaran ang kakayahan ng Media Quest. Kaya siguro nagkaroon ng tsismis-tsismis o espekulasyon na baka kami ay lumipat. Pero pinapatunayan namin na hindi. Nanatili kaming kaibigan ng Kapuso kasi wala naman kaming masamang tinapay. Maganda naman ang pakikitungo sa amin, lalo na sa Eat Bulaga. So, tuloy ang ligaya."



Bagama't nanatili ang Eat Bulaga! sa GMA-7, malaya naman si Vic na gumawa ng show sa ibang istasyon, gaya sa TV5, kung saan isa sa toprater ng istasyon ang show niyang Who Wants To Be A Millionaire?. Bukod dito, kinumpirma rin ni Vic na magkakaroon pa siya ng bagong show sa TV5 sa susunod na taon.



"Meron, simula next year magsisimula na kaming mag-taping next year."

Ano ang format ng show na ito, sitcom din ba gaya ng Full Haus?

"It's a combination of a reality and sitcom. It's a different thing."

Iko-co-produced niya ba ang show na ito with his M-Zet TV Productions?

"Depende pa sa magiging usapan namin. Although pinag-uusapan na lang ay konting detalye na lang at saka yung schedule na lang. Pero tuloy na ito."

CHRISTMAS PLANS. Ano ang plano ni Bossing sa Pasko?

"Dati ring gawi. We'll spend Christmas here, buong family. Siguro we'll go out-of-town after ng Christmas break at ng MMFF."

May regalo na ba siya para sa girlfriend niyang si Pia?

"Wala pa. Araw-araw Pasko sa amin, e," sagot niya.

read more "Vic Sotto goes up against Comedy King Dolphy at this year's MMFF"

Kris Aquino explains acquisition of a mini-coaster bus

Unang ipinakita ni Kris Aquino ang bagong bili niyang 10-seater coaster bus sa SNN (Showbiz News Ngayon). Pero nagulat si Kris nang malaman niya na iniintriga rin pala ang pagbili niya ng bagong sasakyan.



"Why?" nagtatakang tanong ni Kris nang makausap siya ng PEP (Philippine Entertainment Portal) sa launching ng bago niyang endorsement sa SM Makati kamakailan.



Sabi raw kasi siya nang sabi na wala siyang pera, pero bumili siya ng bagong coaster worth millions of pesos?



"No... but I got such a big discount. No, I never said na wala akong pera," pagtutuwid niya. "Dun sa feng shui, you're not supposed to say na wala kang pera... Hyundai yun, supporter ni Noy [Benigno "Noynoy" Aquino III, Kris's brother]. So, super-duper at-cost niya ibinigay sa akin. Tapos yung nag-customize noon, inaanak nung best friend nung brother-in-law ko.



"So, parang yung costing of my coaster, pati yung interior at pagko-customize, cost half what I will be spending on a brand new Roadtrek. Kasi gusto ko talagang magka-Roadtrek, pero ang mahal-mahal. So, nagpa-praktikal ako na yung local na lang. So, yun yun.



"I never said that I don't have money. Katangahan naman yun for me to claim na wala akong pera, e, ang laki ng kontrata ko sa ABS-CBN! Kaya lang, ang dami kong gastusin talaga. Ayun, siyempre you'll end up claiming a lot because marami kang out-of-pocket talaga na pang-eleksiyon. Never-ending yun," paliwanag ni Kris.



NOYNOY'S CAMPAIGN. Speaking of Noynoy, magkakaroon ba ng isang malawakang schedule ng kampanya na gagawin si Kris para sa candidacy ng kanyang kapatid sa 2010? Tatakbong pangulo ng Pilipinas si Noynoy sa 2010.



"I can't, e," sagot ni Kris. "Kasi hindi ko talaga kaya. He goes everywhere and [so do] my sisters. But I can't, e. Kasi yung schedule ko talaga, naka-ano na nga, e, eight taping days, nagkasakit na ako. Kasi talagang maninibago talaga yung katawan mo. And then, yun nga, for the whole week, laging meron akong ginagawa. So, alam mo na yung Saturday lang yung natitira. Pero minsan, like nung December 12, nag-shoot pa ako ng commercial for Downey Antibac. So, hindi talaga ako nag-aano, I really try to rest."



Sinagot din ni Kris ang isyu tungkol sa survey na nagsasabing four out of 10 ng ini-endorse niya na kandidato ay iboboto ng mga Pinoy. Ano ang reaksiyon niya rito?



"No, they said 'the most credible among celebrity.' Di ba, yun ang ano? And I think that comes from a fact na number one, magandang pangalan ang iniwan ng mom [ex-President Cory Aquino]. Pero also, apart from that, kilala ako from being super-duper honest to the point of being taklesa. So, alam mo lang talaga na whatever I'm saying, I'm saying the truth. So, alam mong meron mang akong sinabing ganito, it's not a lie," sabi niya.



KUNG TAYO'Y MAGKAKALAYO. Kailan na ba ipalalabas ang bagong teleserye niya sa ABS-CBN na Kung Tayo'y Magkakalayo?



"Supposed to be, pinagpipilian na date, February 8 or 15, ang choice ni Deo [Endrinal, business unit head]. Chinese New Year is on the 14th kasi. Ang ano lang, Deo wants na at least eight weeks naka-canned para hindi hand-to-mouth. Kasi lahat daw ng overbudget doon, nangyayari kapag hand-to-mouth. So, yun.



"Ngayon kasi, four locations kami nagte-taping. So, it's cost effective. Ang maganda lang so far, sa nakita ko talaga, yung beholden lang yung ten major characters. Ten lang kami talaga in the whole soap. So, lahat talaga may moment."



Kasama na ba sa 10 lead stars ang anak niyang si Baby James?



"Bilangin natin, ha... Kris, Gabby [Concepcion], Albert [Martinez], Gerald [Anderson], Coco [Martin[, Kim [Chiu], Tita Gina Pareño, Jaclyn Jose, Maricar [Reyes], and Pooh. And special participation ni Tita Gloria Romero and Baby James," banggit ni Kris.



Ano ang role ni Baby James sa teleserye?



"Jackson!" bulalas niya. "Siya si Jackson. Kasi lahat kami ang name namin is based on singers. Tapos siya, basta he'll come in to the show pa, end ng first season going to second season.



"Anak ko siya na... Basta yung... kasi parang, magulo kasi yung ano... Siyempre, like a typical soap, maraming back stories. Siya yung parang dumating para magkaroon ng peace ang lahat. Pero siya rin ang magiging instrument para lalo akong maapi-api ni Albert na asawa ko. Kasi parang sa sobrang pagmamahal ko kay Baby James kahit dyinodyombag-dyombag na ako, tino-torture na ako ng asawa ko, hindi ako makaalis kasi mawawala sa akin si Baby James."



Nag-taping na ba si Baby James?



"February pa siya magte-taping."
Magwo-workshop ba si Baby James?



"Basta two to eight ang ano niya... yun ang rule ni Baby James. Yun na yun dahil hindi raw tatangkad kung pupuyatin," sabi ni Kris.

read more "Kris Aquino explains acquisition of a mini-coaster bus"

John Lloyd Cruz reportedly denied entry to Japan

John Lloyd Cruz was reportedly denied entry into Japan last Saturday, December 12 for allegedly giving false information about his trip in the country.



Based on a report by Otto Osorio in Abante today, December 15, the Japanese Immigration officers at the Narita International Airport in Japan denied entry to the actor and his companion, identified as Ms. Montalbo, who was believed to be his road manager. John Lloyd and Ms. Montalbo reportedly went to Japan on a tourist visa.



According to Bureau of Immigration Airport chief Ferdinand Sampol, John Lloyd and Ms. Montalbo left the Ninoy Aquino International Airport (NAIA) Centennial Terminal 2 around 3 p.m. on Dec. 12 boarding Philippine Airlines flight PR 432 going to Narita, Japan.



Upon arriving in Japan, the Kapamilya actor was allegedly brought to Narita airport's immigration office where he was asked about the real reason of his visit to Japan. The 26-year-old actor, however, was not able to convince the Japanese Immigration about his trip, so he was not allowed to leave Narita airport and was deported back to Manila the following day.



John Lloyd and Ms. Montalbo reportedly returned to the country through Philippine Airlines flight PR 431, which arrived at 1:30 p.m. the following day, Dec. 13. The actor was greeted by his fans at the arrival area of NAIA.



While writing the story, PEP (Philippine Entertainment Portal) tried to get the side of John Lloyd through Star Magic, the talent arm of ABS-CBN which handles his showbiz career. However, at press time, PEP has yet to receive a reply from his camp.

read more "John Lloyd Cruz reportedly denied entry to Japan"

KRISTINE HERMOSA ♥ as Atty. Ella Alferos ~ Tagapagtanggol ng mga na-aapi

Name: Anne Kirsten Esmeralde Hermosa Orille

Screen Name: Kristine Hermosa

Nickname: Tin

Height: 5’6”

Weight: 125 lbs

Date of Birth: September 09, 1983

Birth Place: Quezon City, Philippines

Religion: Christian

Church: Victory Fellowship

Father: Maximillian Orille

Mother: Maria Alma Hermosa Orille

Siblings: Kathleen, Maxine and Joshua

Skills: Acting, Dancing, Singing, Modelling and Hosting

Hobbies: motor crossing, swimming

Career: Actress, Commercial Model

Schools: Querino Elementary School, St.Anthony's School, Colegio de San Pedro, ABS-CBN Learning Center, Liberty High School, Robertstown University (Associate Degree in Arts) and continues her studies at the University of the Philippines Open University program taking up Associate in Arts



She Entered showbiz at age 13...
Her age now is 26...
Got in the showbiz circle by sheer physical beauty. Her first TV program was Gimik...
Best known for being Jericho Rosales' then real and reel girlfriend. They starred in top-rating soaps Pangako Sa'Yo and
Sana'y Wala Nang Wakas. But their closeness start in Ang Munting Paraiso.
After the 5 years of separations, the ECHOTIN tandem was back in the newly top-rating soap opera "Dahil May Isang Ikaw".
Best known for playing the role of Louise in All My Life opposite Aga Muhlach, which was the biggest movies of 2004.
Her star quality is her beauty, the kind that can launch a thousand ships.
Her best physical asset is her face. She is considered one of the most beautiful ladies in showbiz. With that beauty outside
she also has a great heart inside that people love her so much.
Could improve career by experiencing the hurts of life, which can add texture to her acting. But she is now extremely improved her acting skill
(Everytime you will see her act....madadala ka talaga sa kanya)
The rumor about her that won't die is she a primadonna.This rumor is so nonsense.

read more "KRISTINE HERMOSA ♥ as Atty. Ella Alferos ~ Tagapagtanggol ng mga na-aapi"

Angel Locsin nangingitim na ang kilikili dahil walang show

Tignan mabuti ang larawan alin alin ang naiba..piliin kung alin ang naiba....

read more "Angel Locsin nangingitim na ang kilikili dahil walang show"

Cristine Reyes to Dennis Trillo: "Sana naman minsan makuha mong ipagtanggol ako kahit wala na tayo."

Nauna nang naisulat dito sa PEP (Philippine Entertainment Portal) ang pag-amin ni Cristine Reyes na totoong nagpadala siya ng hate message sa text against kay Heart Evangelista. Ito ay kaugnay ng pagkaka-link ni Heart sa ex-boyfriend ni Cristine na si Dennis Trillo. At matapos paliwanagan ng ilang kaibigang press ay nalinawan din si Cristine na wala namang intensiyong mang-away ni Heart. Lumalabas na may nananadya lang manira sa kanilang dalawa. (CLICK HERE to read related story.)



THE BREAKUP. Last Sunday, December 20, sa live guesting ni Cristine sa The Buzz para sa promo ng 2009 Metro Manila Film Festival entry niya with Vic Sotto na Ang Darling Kong Aswang, muling nagsalita si Cristine tungkol sa isyung ito sa panayam sa kanya ng host na si Kris Aquino.



"Wala na. Hindi na po kami," kaagad na sagot ni Cristine sa unang tanong ni Kris kung sila pa rin ba ni Dennis hanggang ngayon.



Ayon kay Cristine, June of this year lang daw sila tuluyang nag-break ni Dennis. Pero May pa lang daw ay nagkakalabuan na sila. Itinago raw nila ang kanilang relasyon dahil na rin sa utos ng ilang tao.



"Kasi siyempre, yun po ang utos nila, e, huwag akong umamin. Hindi lang naman sa side niya, pati rin sa side ko. Kasi siyempre, pareho kaming merong career. So, parang hindi siya makakatulong sa career namin kung sasabihin namin na magkarelasyon kami," paliwanag niya.



Tuluyan daw silang naghiwalay dahil sa maraming isyu sa pagitan nilang dalawa. Mahirap daw i-handle ang isang relasyon kung maraming bagay na pumipigil. Sa kanilang halos dalawang taon na relasyon, masasabi ni Cristine na si Dennis ang kanyang first serious love. Naging maligaya naman daw siya sa piling ng Kapuso heartthrob.



JEALOUSY. Nagsimula raw gumulo ang relasyon ng dalawa dahil sa pagseselos ni Dennis sa mga leading men ni Cristine sa mga soap nitong ginawa sa ABS-CBN, gaya ni Jericho Rosales sa Kahit Isang Saglit, Jason Abalos sa Eva Fonda, at Joross Gamboa sa Eva Fonda rin at Your Song.



Ayon kay Cristine, nagseselos daw si Dennis lalo na sa mga matitinding kissing scenes niya sa nabanggit na mga aktor na pawang nagsisimula sa letter J ang pangalan. Tanging si Jake Cuenca lang, na nakasama ni Cristine sa Precious Hearts Romances Presents Bud Brothers at ngayon sa My Cheating Heart, ang hindi pinagselosan ni Dennis dahil magkaibigan daw ang dalawa.



Sino naman sa mga babaeng na-link kay Dennis ang pinagselosan niya?



"Siyempre si ano, si Carlene [Aguilar, kung kanino may anak si Dennis]," tugon ni Cristine. "Kasi siyempre pinupuntahan niya lagi yun sa bahay palagi para dalawin yung baby nila, e. Si Carlene talaga yung pinakapinagselosan ko, sobra."



Pero kaagad bumawi si Cristine sa pagsasabing magkaibigan na sila ni Carlene ngayon.



"Pero friends na kami ni Carlene ha. Magka-BBM [Blackberry Message] pa nga kami, e," banggit niya.



Happy rin daw siya para kay Carlene, lalo na't meron na itong ibang boyfriend ngayon.



"Oo. Masaya ako sobra, happy ako for her. Minsan nag-status ako. Nag-BBM siya sa akin, like kunwari lalabas ako, sasabihin niya, 'Oy, sino ang date mo?' Ganun."



THE HATE MESSAGE. Sumunod naman nilang pinag-usapan ang tungkol sa kontrobersiyal na hate message sa text na ipinadala ni Cristine kay Rufa Mae Quinto at finorward naman ng huli kay Heart.



Pero bago pa pala ang hate message na ito ay inamin din ni Cristine na nagseselos siya at nagiging uncomfortable kapag napapanood niya si Dennis at Heart na magkasama tuwing Linggo sa musical-variety show ng GMA-7 na SOP.



"Kasi siyempre, lagi siyang nasa variety show pag Linggo dun sa kabila. Tapos live sila, lagi silang nagkaka-spiels," sabi ni Cristine.



Nakakapanood daw siya ng SOP dahil wala siyang pasok pag Linggo. Gusto nga rin niya kasing i-monitor si Dennis.



"Kasi wala po akong work every Sunday. Tapos bilang nandito na ako sa Kapamilya na, hindi ko na alam kung anong nangyayari doon [GMA-7]. Napapanood ko lang sila sa TV. So, yun, nung time na yun, siyempre girlfriend niya ako. Siyempre nagseselos ako pag merong mga babaeng dumidikit sa kanya, akbay nang akbay, nagpapa-sweet, ganun. Nagseselos ako. Siya [Heart] lang naman sa lahat ng host ang ganun kay Dennis that time," pag-amin ni Cristine.



Tanong ni Kris, "Hindi mo ba inisip na binabawian ka nga dahil at that time may soap ka with Jericho?"
"Hindi ko alam kasi syempre hindi naman ako medyo close kay Echo noon, e. Mas close ako kay Carmen [Soo]," sagot ng young actress.



After nito ay nag-text na raw si Cristine kay Rufa Mae ng hate message kontra kay Heart. Ano ang nilalaman ng text message na ito?



"Sabi ko nun kay Rufa Mae, 'Oy, pagsabihan mo si Heart na tantanan niya si Dennis. Huwag siyang lumapit-lapit diyan, may girlfriend na yun.' Ayun. Sinabi ko yun that time na kami pa ni Dennis," lahad ni Cristine.



Did you receive a reply after that?



"Hindi po. Kasi hindi ko naman tinext directly si Heart, e. Bale kay Rufa Mae ko tinext. So, yun, ni-relay ni Rufa Mae kay Heart." (Magkasama noon sa SOP sina Heart at Rufa Mae.)



Pinag-awayan daw nila ni Dennis ang ginawang pagte-text na ito ni Cristine.



"Opo, siyempre nag-away kami about doon," pag-amin niya. "Ba't ko raw ginawa yun? Kasi sabi niya that time, hindi naman daw siya yung lapit nang lapit. Yung babae raw ang lapit nang lapit. Kasi that time, nakikita ko siya [Dennis], gumaganun [nagmuwestra si Cristine na tila nanlaki ang mata at naninigas ang hitsura]. Kasi nga, alam niya na nanonood ako. Takot siya sa akin. Kasi alam niya na aawayin ko siya, e. Tapos yung kamay niya, talagang nandiyan [sa side], yung tipong naninigas na. Ayun, siguro talagang malambing itong si Heart. So, yun. Away kami talaga."



Ano ang feelings niya kay Heart ngayon na naka-broadcast na ito sa lahat?



"Ahm... wala naman akong... kasi tapos na yung sa amin ni Dennis, e. Kumbaga, hindi na masama yung loob ko sa kanya, kay Heart," sagot ni Cristine.



CRISTINE'S PLEA TO DENNIS. Naging emosyunal naman si Cristine sa mensahe niya kay Dennis.



"Kay Dennis... sana naman minsan makuha mong ipagtanggol ako kahit wala na tayo, di ba? Kasi lagi na lang ang nega [negative] ng dating ko. Lagi akong masama, e, di ba? Palagi akong nagmumukhang naghahabol sa kanya, na hindi na. Naka-move on na ako. Tama na," pakiusap ni Cristine habang tumutulo ang luha.



Has he made an effort to text or call you since this incident?



"Wala. Pero okay lang hindi naman ako nag-e-expect ng call or text from him," sagot niya.



Kung meron kang gusto na lang sabihin sa kanya ngayon, especially you said you've moved on, anong gusto mong sabihin kay Dennis after the two years? And now after six months of being single?



"Kilala ko kasi si Dennis, e. Mas pinipili niya na tahimik na lang palagi. Ayaw niya ng issues. Ngayon kasi, maawa ka naman, nada-drag yung name ko na mukhang naghahabol sa iyo palagi. Hindi ko alam kung bakit kahit minsan hindi mo man lang ako ipinagtanggol. Di ba, nag-usap na nga tayo? Nagkita nga tayo one time. Tapos para clear na, maging okay na tayo, maging friends. Eto na naman, may issue na naman, tapos nananahimik ka na naman. So, lumalabas na naman na ano, binubulabog ko kung sino man yung nililigawan mo ngayon."



MYSTERY TEXTER. Mula noong time na sinabihan mong tantanan na si Dennis, have you personally texted Heart na ikaw mismo?



"No!" mabilis na sagot ni Cristine.



Hindi mo pinadaan sa ibang tao?



"Hindi. At saka balita ko may nagte-text sa kanya recently. So, in-assume niya na ako yun. Kasi yung text, nakalagay 'Cristine.'"



Ano daw ang sinabi sa kanya?

"Yun ang hindi ko alam kung ano ang laman nung text. Pero kasi katatawag lang ni Bianca [King], nakausap niya raw si Heart. Tapos ganun nga ang laman, tapos nakalagay 'Cristine.' So, si Heart, in-assume niya na ako yun."



May gusto ka bang sabihin kay Heart?



"Kay Heart, wala akong galit sa iyo. Actually, gusto ko pang ma-meet ka para maayos na lahat. Kasi napalaki masyado yung isyu. And sorry din dahil nagkagulo tayo na hindi naman dapat tayo magkagulo, in the first place. Alam ko na alam mo kung sino yung nagte-text na yun," mensahe ni Cristine.



DENNIS'S "CUTE" APPEAL. Ano bang kamandag meron si Dennis Trillo, na kayong napakagagandang babae ay parang pinag-aawayan siya?



"Kasi cute siya," sagot ni Cristine.



Yun lang?



"In the first place, yun naman talaga ang nagustuhan ko sa kanya, cute siya. Until nakilala ko na siya, siyempre nadagdagan na yun. Ewan ko, may thing ako sa chinito guys, e. Pero type ko yung matatangkad. Hindi ko alam kung paano ako napunta sa kanya kasi maliit siya. Pero cute naman si Dennis."



Merry Christmas wish kay Dennis?



"Ano... wala akong maisip, e. Merry Christmas na lang. Tapos yun, good luck sa career mo."



Paano yun sa parade ng MMFF, siyempre magkikita kayo. Siyempre sila Dennis at Heart sa Mano Po 6, ikaw Ang Darling Kong Aswang?



"Kakaway na lang ako sa kanila," sabi ni Cristine. "Ang Christmas wish ko sana magkaayos-ayos na tayong lahat."



Manonood ka ba ng Mano Po 6?



"Nakapangako ako kay Angelica [Panganiban] na manonood ako ng I Love You Goodbye. Uunahin ko muna yung Darling... tapos yun, I Love You Goodbye."



Tapos?



"Mano Po ."



HEART & DENNIS REACT. Samantala, sa SNN (Showbiz News Ngayon) kagabi, December 21, ipinalabas dito ang interview kina Heart at Dennis sa premiere night ng Mano Po 6 bilang sagot sa mga pahayag ni Cristine sa The Buzz.



"Matagal na ho 'yan. It's all over," maikling reaksiyon ni Heart sa message sa kanya ni Cristine.



Si Dennis naman ay pabor daw sa ginawang pagso-sorry ng ex-girlfriend kay Heart.



"Siyempre, para... Magpa-Pasko na tigilan na natin 'yang mga intri-intriga na 'yan," sabi niya.



Ano ang masasabi niya sa hiling ni Cristine na ipinagtanggol naman niya ito minsan?"Oo, gagawin ko yun."



Pagkatapos ng video kina Heart at Dennis ay isiniwalat ni Kris, na isa rin sa host ng SNN, na may sinabi pa sa kanya si Cristine after ng interview niya rito sa The Buzz.



Ayon kay Kris, "Sinabi lang ni Cristine na napagsabihan yata siya ni Dennis na, 'Please lang in your future interviews, tutal matagal na tayong tapos, huwag mo na sana akong binabanggit.' Tapos finorward lang ni Cristine sa akin 'yan. Tapos sinabi ko, 'O di para peace na nga, huwag na lang talaga. Let's all move on."

read more "Cristine Reyes to Dennis Trillo: "Sana naman minsan makuha mong ipagtanggol ako kahit wala na tayo.""