Bong, biktima ng audio recording scandal!

ITINANGGI na ni Senator Bong Revilla na boses niya ang naririnig sa 45-second audio recording na ginawan ng video, kalat na kalat sa Internet at mapapanood din sa Youtube.


Sa report ni Jun Lalin ng Abante Tonite, sinabi ni Bong na paninira ang voice clip dahil sa mga kandidatura sa Cavite ng kanyang kapatid na si Strike Revilla at misis na si Lani Mercado. Ang mga nakakakilala raw sa kanya ang makapagsasabi kung boses nga niya ang maririnig sa controversial audio recording.


Napakinggan at napanood na namin sa Youtube ang voice clip. Ipauubaya namin sa mga expert ang pag-iimbestiga sa authenticity ng audio recording pero bilang senador, may kakayahan si Bong na malaman ang pinagmulan ng paninira sa kanya.


May dapat ikatakot ang source ng voice clip dahil kung nagawa niya na ipakalat ‘yon, may kapasidad si Bong na magpaim­bestiga at makilala siya.


Kung na-trace ng FBI sa Pilipinas ang Filipino author ng I Love You virus na nag-paralyze sa mara­ming computer sa buong mundo noong May 2000 at natukoy ng NBI ang nag-upload sa Internet ng sex videos ni Hayden Kho, Jr., capable si Bong na hingin ang tulong ng awtoridad para makilala ang mga naninira sa kanya.


***


Hindi lahat ng tao sa Pilipinas ay computer literate. Hindi lahat ng Pilipino ay pamilyar sa Youtube, lalo na ang mga senior citizen at para sa kapakanan ng aming mga tinutukoy, ang mga sumusunod ang mapapakinggan sa voice clip na ibinibintang kay Bong:


“Kaya itong labanan na ito, siguraduhan. Hindi tayo patatalo dito. Nakataya dito ang pangalang Bong Revilla, ang pangalan ko. Nakataya dito ang 2010 ko. Araw-araw nakatutok na ko sa Bacoor at hindi ko hahayaang matalo ang kapatid ko.


“Atin ang pulis. Hepe ng Bacoor, papalitan na ‘yan. Ang COMELEC, mahirap mang sabihin, kung hindi neutral pero hindi tayo papadaya diyan, malamang tayo pa ang mandaya. Matikman nila na sila’y madaya, putangina nila. Hindi kayo nagkamali ng taya at siguradong panalo ito. Malacañang, nakasuporta din sa atin.


“Kung sino man nangha-harass sa inyo, kunin nyo ‘yung pangalan, taga-saan at kami na ang bahala dun.”


Hindi si Bong ang una at kilalang personalidad na biktima ng audio recording scandal. Malamlam ang mga mata at parang bata na humihingi ng pang-unawa si President Gloria Macapagal-Arroyo nang magsabi ito sa bayan ng “I am sorry” dahil sa involvement niya sa Hello Garci scandal.


Nasangkot din sa ganitong eskandalo si Lolit Solis, ang manager ni Bong. Ipinadala sa mga radio station at newspaper office ang tape ng pakikipag-meeting ni Lolit sa kampo ni Hayden noong kainitan ng sex video scandal ng doktor na binawian ng lisensya.


Ang pagkakaiba lang, hindi nag-deny si Lolit at lalong hindi siya nag-sorry. Nairita pa si Lolit dahil edited ang audio recordings na ikinalat ng kanyang detractors.

read more "Bong, biktima ng audio recording scandal!"

Mark, paulit-ulit na nag-sorry kay Claudine!

HINDI naiwasan ni Mark Anthony Fernandez ang mga tanong ng entertainment press tungkol sa muling pagsabog ng galit sa kanya ni Claudine Barretto.

Ayaw na sanang sagutin pa ni Mark ang issue na ‘yan dahil sinagot na raw niya ‘yan sa Showbiz Central at Startalk, at ayaw na raw niyang pahabain pa ang lahat dahil maraming tao na raw ang nadadamay.


Pero dahil sa kakakulit sa kanya ng press ay napilitan si Mark na muling i-explain ang side niya at kung bakit hindi na matutuloy ang movie project nila ni Claudine sa ilalim ng Viva Films.


Para kay Mark, misunderstanding lang ang lahat at hindi raw nanggaling sa kanya ang balitang ayaw niyang makatrabaho muna si Claudine.


“That’s not true. Wala akong sinabing ayoko siyang makatrabaho muna. Sa totoo lang, excited nga ako noong sabihin sa akin na magkakaroon kami ng movie. I said that ilang beses sa mga interviews sa akin. Natuwa talaga ako kasi it means na okey na kay Claudine iyon.


“Nagkataon lang na sumabay na iyon sa pagpasok ng bagong series na Diva. Alam naman nila dito sa GMA-7 na hindi ko kayang maglagare sa dalawang trabaho. Kapag may show ako, doon lahat ang concentration ko. Ayoko kasing may iba pang trabaho na kasabay,” sambit ni Mark.


Pero sa kabila ng lahat, nag-sorry pa rin si Mark kay Claudine.


“Dapat lang naman na mag-sorry ako. Nobody wants na maging ganito ito kagulo at ayaw ko rin na may iba pang tao na nadadamay. Kaya I’m really sorry sa nangyari and sana nga ay magkaroon talaga kami ng chance na magkatrabaho ulit.”

read more "Mark, paulit-ulit na nag-sorry kay Claudine!"

Gretchen, ‘di natatakot kay Bea!

PAGLABAS ng item na ito ay nakapag-workshop na sina Gretchen Barretto at Bea Alonzo para sa pro­ject na pagsasamahan nila sa ABS CBN 2. Sa 10th year anniversary celebration ng Yes magazine sa NBC Tent, last Tuesday, masa­yang ibinalita ni Greta ang tungkol sa workshop nila ni Bea. Excited si Greta, dahil ‘yun daw ang unang pagkakataon na magkakaharap sila ni Bea.


Kuwento pa ni Gret­chen, pinanood din niya ang movie nina Bea at John Lloyd Cruz, ang Miss You Like Crazy. Bilib na bilib daw siya sa husay umarte ni Bea, pero ipinagdiinan niyang hindi siya nati-threaten sa husay sa pag-arte ni Bea.


Ipinagdiinan din niyang hindi siya nai-intimidate sa husay ni Bea, bagkus mas nai-inspire daw siya at na­tsa-challenge na makasama ito sa project. Nilinaw ni Gretchen na sa halip na magpatalbugan silang dalawa ni Bea, gusto niyang kaibiganin ito para may mapulot siyang tip at maturuan siya nito sa acting.


Ganun daw ang ginagawa ni Gretchen pag may nakakasama siyang mas mahusay sa kanya, na hindi niya itinuturing na kaaway kundi kinakaibigan niya ito para may matutunan siya.


Wala pang ideya si Gretchen kung kailan ilalabas ang serye nilang dalawa ni Bea. Uunahin daw muna ang launching niya ngayong March 7 sa ABS CBN bilang official na Kapamilya talent. Isasabay na rin ang birthday celebration niya sa March 6, na gagawin daw sa ASAP at The Buzz.


Anyway, gustong masurpresa ni Gretchen sa kung anuman ang ireregalo sa kanya ng longtime live-in partner niyang si Tony Boy Cojuangco. Nitong nakaraang Valentine’s Day, isang brand new Jaguar Sports Car ang iniregalo nito sa kanya na ikinaloka niya.


Sa tanong kung paano niya nakumbinse si Tony Boy na balikan uli ang showbiz, masayang ikinuwento ni Gretchen na ito lang ang sinabi niya sa kasintahan, “Hey lover, I have a career. I’ll become rich and have my own money!”


Kung seseryosohin daw niya ang pagpapaalam sa kasintahan, malamang hindi siya pinayagan nito kaya idinaan niya sa pagpapa-kikay.


Salaysay pa ng controversial fashion icon, nag-dialogue raw si Tony Boy sa kanya na mabuti nga raw ito para meron siyang pinagkakaabalahan at malaman nito ang value ng pagtatrabaho.


Pumayag si Gretchen na mag-taping ng 24 hours straight na malayo sa dating cut off time niya na hanggang 12 midnight lang.


“For a few months lang naman, I understand na ganun talaga ang mga bida. Ha! Ha! Ha! Ha!” humahalakhak na sabi pa ni Gretchen.


Naiintindihan naman daw ni Tony Boy kung sakali mang hindi siya makita ng madalas sa kanilang bahay at hindi makatabi sa higaan.


Samantala, nalungkot at nanghinayang si Gretchen sa ginawang paglipat ng younger sister niyang si Claudine Barretto sa GMA 7 mula sa ABS CBN 2. Pero, para sa ikagaganda ng career, kailangan daw magdesisyon ang isang artista at nirerespeto niya ang desisyon ng kanyang kapatid.


Alam ni Gretchen na posible pa rin silang magsama ni Claudine sa project sa ibang pagkakataon lalo’t balik showbiz na siya.

read more "Gretchen, ‘di natatakot kay Bea!"

Annabelle, nanghinayang sa mukha ni Gretchen!

SINADYA raw talaga ni Tita Annabelle Rama na mag-walkout sa presscon ng GMA Kantaserye na Diva last Wednesday nu’ng tawagin na si Ma’am Wilma Galvante upang magbigay ng message na nataong birthday din niya sa araw na ‘yon.


“Ayokong makipag-celebrate ng birthday sa kanya kaya umalis talaga ako!” katwiran ni Tita Annabelle, ang ma­nager nina TJ Trinidad at Ynna Asistio na bahagi rin ng Diva.


Isa kasi si Ma’am Wilma sa nakaaway ni Bisaya bukod kay Jo-Ann Maglipon, editor in-chief ng Philippine Entertainment Portal (PEP), na nakabati na niya. Kaya naman marami ang nagsasabing next na niyang makakasundo ang GMA executive, huh!


“Hindi! Hindi! Wala akong balak!” mariing sabi ng ina ng Gutierrez family.


May kinalaman ang away ng dating magkaibigan kay JC de Vera na nasa Panday Kids ngayon. Pero wala pang tiyak na sagot si Tita Annabelle kung magri-renew pa sa GMA ang alaga niya na pagka-expire ng contract nito next month.


Pagdating naman sa leading ladies ng anak na si Richard sa Captain Barbell, wala pa siyang definite na sagot kung sino. Ayaw pa naman daw kasing pumayag ni Georgina Wilson, ex-girlfriend ni Chard, kung papasukin nito ang showbiz. Pero mukhang payag ang ina na masama sa cast si Jewel Mische.


May kinu-consider ngang baguhang aktres pero si Bisaya na rin mismo ang umayaw dahil baka kapag kinuha nila ito, magkaroon ng negative effect sa programa. Kasi nga, taga-Channel 2 ang baguhang aktres, huh!


Tuloy na rin daw ang movie ni Chard with Claudine Barretto at Anne Curtis at ayon kay Bisaya, ang ganda raw ng story ng movie kaya nila tinanggap ang project.


Anyway, nasa anniversary party rin ng Yes! magazine si Tita Annabelle at kung natuwa siya sa rami ng artista at bisitang dumating, lubha talaga siyang nagulat nang sinabi sa kanyang nandoon din si Gretchen Barretto.


“’Day, hindi ko talaga nakilala si Gretchen! Parang may nabago sa mukha niya! Bakit ganoon ang nangyari sa kanya?” takang-taka na tila nanghihinayang na bulalas ni Tita Annabelle na katsikahan namin sa Wed Club sa Imperial Hotel.


Anyway, magtatagal pa sana si Bisaya sa Wednesday Club pero antuk na antok na raw siya dahil kumain siya ng matamis. Biniro siya ni Tito Alfie Lorenzo na siguro, waiting na sa kanya si Tito Eddie Gutierrez na nakahiga na sa kama.


Out of the blue, tinanong namin siya kung nagsi-sex pa ba sila ni Tito Eddie. Pa-girl at mababa ang boses na sumagot ng, “Oo naman, siyempre naman, Dong! Ha! Ha! Ha! Ha!”

read more "Annabelle, nanghinayang sa mukha ni Gretchen!"

Nipple ni Rufa Mae, sumungaw sa harap ng media!

KASABAY ng presscon ng Diva ang kumpirmasyon na totoo ang balita na last airing na ng SOP sa darating na Linggo dahil papalitan ito, pero mga host pa rin sina Regine Velasquez, Ogie Alcasid, Janno Gibbs at Jaya.


Cast member ng Diva si Rufa Mae Quinto na dating co-host ng SOP. Sa presscon ng Diva, nagpahayag ng kalungkutan si Rufa Mae sa nalalapit na pamamaalam ng Sunday noontime show ng GMA 7.


Malaki ang naging bahagi ng SOP sa buhay ni Rufa Mae dahil walong taon ang itinagal niya sa show bago siya namaalam noong nakaraang taon.


Sa Linggo, muling babalik si Rufa Mae sa SOP para sa grand promo ng Diva at nagkataon din na farewell episode ng programa.
Late man na nag-umpisa ang presscon ng Diva, nabawi ng magandang presentation ang aming pagkainip. Pang-Diva ang grand entrance ni Regine Velasquez sa Studio 7. Kumanta ang buong cast mula kay Gloria Diaz hanggang kina TJ Trinidad at Mark Anthony Fernandez, ang leading men ni Regine.


Hindi makapaniwala si Rufa Mae sa sinabi ng entertainment press na lumitaw ang kanyang nipple habang kumakanta at sumasayaw siya. Masyadong revealing ang red gown na suot ni Rufa Mae at dahil bigay na bigay siya sa pagkanta at pagsayaw, hindi niya namalayan na lumitaw ang maselang parte ng kanyang dibdib.

read more "Nipple ni Rufa Mae, sumungaw sa harap ng media!"

Professional gaka, umeksena sa ‘Yes’ party!

May guest list ang event, mahigpit ang security pero nakalusot pa rin ang mga gatecrasher. Isang lalake na malakas ang loob ang lumapit sa media registration table at nagpakilala na member siya ng media.


Nang magtanong kami kung saan siya konektado, buong ningning na sinabi ng lalake na empleyado siya ng GMA 7. Sinabi namin sa mystery gatecrasher na hindi namin siya kilala at wala kaming natatandaan na inimbitahan namin siya.


Nanindigan ang lalake. Taga-GMA 7 siya at empleyado ng Artist Center, sabay pakita sa amin ng kanyang Artist Center ID.


“Hindi kita kilala. Hindi kita nakikita sa Artist Center,” ang aming sagot.


Nagkataon na malapit sa aming puwesto si Gen Magno, isa sa mga senior staff member ng Artist Center. Tinawag namin si Gen at ipinaalam sa kanya ang sitwasyon.


“Taga-Artist Center po ako pero hindi ko kayo kilala,” ang sabi ni Gen sa makulit na unwanted guest.


Muling ipinakita ng lalake ang kanyang ID at dahil ayaw niya na magpaawat, tinawag na ang security people para palabasin siya. Kinuha rin ng security men ang fake Ar­tist Center ID ng lalake.


Ayon sa mga photographer na nakiusyoso sa insidente, professional gatecrasher ang lalake na nagngangalang Manny at sa tuwing nakakalusot ito sa mga showbiz event, nagbabalot siya ng mga pagkain mula sa buffet table. Ang mga litrato ng gatecrasher na kuha ng mga photographer ang ebidensya.


Hindi si Manny ang u­nang tao na nagpanggap na empleyado ng Artist Center. Several months back, ipinakita sa Imbestigador ang kaso ng isang talent scout na nagpanggap na empleyado ng Artist Center at nambiktima ng mga aspiring star. Hiningan ng pera at laptop ng impostor na talent scout ang mga applicant at dahil sa rami ng reklamo laban sa kanya, sinampahan siya ng mga kaso at ikinulong.

read more "Professional gaka, umeksena sa ‘Yes’ party!"

Jake, ‘di nakaiwas sa ‘kasal-buntis’ isyu ni Roxanne!

HINDI nakaiwas si Jake Cuenca sa mga tanong ng press sa kanya during the Yes! 10th year anniversary celebration sa NBC Tent. Iisa nga lang ang naiisip na itanong halos ng mga press kay Jake nang makita siyang dumating.


May kaugnayan pa rin ito sa kanyang ex-girlfriend na si Roxanne Guinoo na ngayon nga ay nagpaplano na raw magpakasal at nababalitang on the family way na raw.


Ano nga ba ang reaction niya sa balitang magpapakasal na ito sa non-showbiz boyfriend?


“Well, congratulation and I’m very happy for her,” say lang ni Jake.Nagulat ba siya nang malaman niya?


“Well, ako, I’m very happy for her. Kung anuman ang makakapagpasaya kay Roxanne, masaya na rin ako roon at saka, congratulation.”


Napapabalitang buntis na ito, pero, nangiti si Jake sabay sabi nang, “wala na akong alam sa ganyan.”


Nagkikita pa rin daw sila minsan kapag nagkakasabay or nagkakasalubong sila sa ABS-CBN at para sa kanya, okey naman daw silang dalawa.


“Sa nakikita ko naman sa kanya, mukha naman siyang masaya at kilala ko naman siya kapag masaya siya.”


May nagtanong kung hindi raw ba siya nanghihinayang na hindi na tala­ga sila nagkatuluyan?


“Well, paulit-ulit na lang din ako, pero, tulad nga nang sinabi ko, kung ano ang makakapagpasaya sa kanya, doon ako. Ang sa akin naman, matagal nang natapos kung anuman ang me­ron sa amin.


“Dapat lang na hayaan siyang mag-move-on to better things in life. So, congratulation to her and to her future husband.”


On his part, wala pa naman daw sa isipan niya ang lumagay sa tahimik.


“Naku, wala pa! Ha! Ha! Ha! Bata pa naman tayo. Trabaho muna. Mara­ming blessing na pumapasok.

So, doon muna ko. At masaya ako na mataas ang rating ng Rubi at gayundin ang ginawa namin ni Angel Locsin na MMK, bukod sa mataas din ang na­ging rating, natutuwa ako na marami ang nagsabi na nagustuhan ang ginawa namin ni Angel,” say na lang ni Jake.

read more "Jake, ‘di nakaiwas sa ‘kasal-buntis’ isyu ni Roxanne!"