SI Kristine Hermosa ay katulad din ng ibang ordinaryong babae na nangangarap ng isang fairytale romance at naghihintay sa pagdating ng kanyang prince charming.
“Laging sinasabi sa akin ng lolo ko na one day mami-meet ko rin ang prince charming ko. So, umaasa ako na parang fairytale din ang buhay ko,” say ni Kristine.
Hindi raw nalalayo kay Kristine ang gagampanan niyang karakter sa Precious Hearts Romances (PHR) ng ABS-CBN na magsisimulang ipalabas sa Lunes, na kung saan ay kasama nila for the first time ang kanyang real-life sweetheart na si Oyo Sotto.
Sa pictorial at promo shoot ng PHR presents Quikilig “Lumang Piso para sa Puso”, sinagot nina Kristine at Oyo ang kumalat na tsismis na plano na nilang pakasal. “If ever na dumating ‘yung time na ikakasal kami, everyone will know. Pero kung anuman ang meron kami ngayon, I just want it to be private.
Pero hindi totoo yun na nagpakasal na kami ni Tin sa Amerika,” sabi ni Oyo.
Sa naturang pictorial, ikinuwento rin ni Oyo na sobrang naa-appreciate niya ang pagiging maalaga sa kanya ni Kristine. Ramdam daw niya ang pagmamahal sa kanya ni Kristine.
Na siyempre ay ikinakilig naman ni Kristine, dahil naa-appreciate raw pala ng dyowa niya ang mga ginagawa niya. Oo nga, prinsipe talaga ang turing niya kay Oyo, at magandang senyales `yon.
Siyanga pala, huling nagkasama ang dalawa sa telenovela noong 2008 na Prinsesa ng Banyera. At matapos ang dalawang taon, muling pakikiligin ng mag-sweethearts ang mga fans nila, dahil sa kakaibang ‘onscreen chemistry’ nila.
0 comments:
Post a Comment