ILANG nanay na ang nagsabi sa akin na naiinis sila kay Angelica Panganiban sa Rubi. Hindi raw nila type ang pagiging bastos ni Angelica sa teleserye ng ABS CBN.
Well, sa simula pa lang naman ay ganun na ang karakter ni Angelica sa Rubi, na kontrabidang-bida. At sa simula pa lang ay ipinakita naman ang pinagdaanan ng karakter ni Angelica, na dumanas na lupit at hirap, kaya naging mapaghiganti, at naghangad na yumaman.
Pero sa mga episodes ng Rubi nitong nakalipas na araw, ipinakita na siya kung paano magmahal sa kanyang ina, na puwede siyang pumatay para sa kapakanan ng kanyang ina.
Anyway, ipinagmamalaki ng Dos na bidang-bida sa ratings ang Rubi. Alam nila na marami ang natutuwa, naiinis, nahuhumaling at nagmamahal sa karakter ni Rubi, kaya naman lubos ang pasasalamat ni Angelica sa mga taong walang humpay na sumusubaybay sa serye niya.
“Sobrang thankful ako sa mga nanonood kaya binibigay ko talaga ang 100 percent ko para naman worth it ang panonood nila,” say ni Angelica.
Kuwento pa ni Angelica, mas maraming maiinit na tagpo pa ang matutunghayan sa Rubi. Ilan daw sa mga dapat abangan ay ang mga eksena na ipakukulong na sana ni Sylvana (Cherie Gil) si Rosana (Cherrie Pie) sa kasong kidnapping ngunit sinabi nitong napulot niya lang si Rubi.
Titira si Rubi kasama nina Sylvana, Arturo (Gardo Versoza) at Maribel (Shaina Magdayao) sa kanilang mansyon ngunit hindi naman masaya si Rubi sa pilit na pagkukumpara sa kanya ni Sylvana sa ampon nitong si Maribel.
Ano na ang mangyayari sa pakikipagtunggali ni Rubi sa mga kontrabida sa kanyang buhay?
0 comments:
Post a Comment