TINALBUGAN ng mga ‘Hot Mommas’ na sina Jean Garcia, Aubrey Miles, Valerie Concepcion at Eula Valdez ang ibang nakasabayan nila sa 10th year anniversary ng FHM na ginanap sa NBC Tent last Thursday night.
Umani ng nakabibinging sigawan at palakpakan mula sa mga manonood ang mga ‘Hot Mommas’ nang rumampa sila sa entablado.
Sa totoo lang, parang namumukadkad pa lang na mga artista sina Jean, Aubrey, Valerie at Eula, dahil sa mainit na pagtanggap sa kanila ng mga tao. Patunay nga na kahit mga nanay na sila, hot na hot pa rin ang dating nila sa mga kalalakihan, kesa sa ibang mga rumampang dalaga.
Kitang-kita rin na kakaiba at maganda ang taste nila sa pananamit. Si Aubrey ay naka-bustier, habang si Valerie naman ay naka-sexy cocktail dress, samantalang si Jean ay naka-all black sexy dress, at si Eula ay naka-suit na ala-Demi Moore.
Anyway, sa grupo naman ng mga dalagang rumampa, nangunguna pa rin ang alindog ng magkaibigang Katrina Halili at Cristine Reyes. Nakabibingi ang palakpakan at sigawan ng mga tao sa pagrampa ng dalawang sexy actress.
Binanggit pa lang ang pangalan ni Katrina, naghiyawan at nagpalakpakan na ang mga tao. Hindi nga nakabawas sa appeal ni Katrina ang kinasangkutang sex video, kung ang pagbabasehan ay ang mainit na pagtanggap sa kanya ng mga tagahanga niya.
Magkasunod na rumampa sina Katrina at Cristine. Akala nga namin ay si Katrina na ang finale dahil sa malakas na hiyawan, pero matapos itong rumampa ay ipinakikilala na si Cristine bilang Sexiest Woman of the World nu’ng 2009 at nagsigawan din ng bonggang-bongga ang mga manonood.
Tumanggap din ng malakas na hiyawan si Bangs Garcia, pagpapatunay lang na sikat na rin ang bida sa teleseryeng Magkano Ang Iyong Dangal?
Anyway, kahit si Francine Prieto na pinakamalaking babae sa lahat ng mga rumampa, umani rin ito ng palakpakan.
Kung ikukumpara last year, mas mainit ang pagtanggap ng mga tao kay Iwa Moto noon kesa ngayon.
Parang nabantilawan ang pagsikat ng singkit na sexy talent ng GMA 7.
Expected na naming hindi masyadong papalakpakan si Katya Santos dahil hindi na ito visible sa showbiz at tumaba na rin ito. Ang bentahe na lang ng dating Viva Hot Babe ay ang kanyang malulusog na dibdib na umaalog sa paglalakad niya.
Dalawampu’t lima ang napiling Sexiest Women of the Decade sa FHM, pero sampu lang ang dumating sa party.
Ayon sa FHM editor-in-chief na si Allan Madrilejos, abala sa kani-kanilang mga commitments ang mga absent na sina Angel Locsin, Angelica Panganiban, Assunta de Rossi, Bianca King, Dina Bonnevie, Ehra Madrigal, Jackie Rice, Maui Taylor, Maureen Larrazabal, at Rufa Mae Quinto.
Alam naman ng lahat na tumatakbo sa Bohol si Cesar Montano kaya abala rin si Sunshine Cruz sa pagtulong sa kanyang asawa. Wala naman sa ‘Pinas sina Patricia Javier, Joyce Jimenez, Asia Agcaoili at Cindy Kurleto, samantalang gusto munang i-enjoy ni Diana ang kanyang privacy.
Anyway, hindi nagawang talbugan ng katatapos na FHM anniversary party ang nakaraan nilang party.
Sabi nga ni Allan Madrilejos, hindi masyadong maraming tao ang dumalo sa anniversary party nila ngayon.
0 comments:
Post a Comment