Krista, ayaw makatrabaho ni Ryan Eigenmann!

UNG gaano kataray si Gina Alajar sa kanyang mga naging pahayag noon kaugnay sa pagkakalabas sa The Buzz ng kanyang shout-out sa Facebook tungkol sa pagkaka-link ni Manny Pacquiao kay Krista Ranillo, tinapatan `yon ng tapang ng kanyang panganay na anak na si Ryan Eigenmann.


Ayaw na sanang magsalita pa ni Ryan tungkol sa isyung kinasangkutan ng kanyang ina, pero nu’ng kulitin namin siya ay hindi rin niya napigilan ang magbigay ng maanghang na comment.“Hindi maganda na may sinisisi ka. I mean, tao lang tayo, and we make mistakes. Pero, some people are, nag-start lang naman ito with my Mom’s Facebook status di ba? And her network is her network and her friends. So, kung sinuman ‘yung nangialam ng status niya, could really face criminal justice.

Because what you post on Facebook is your property. And you cannot re-post or publicize it without the consent of the author and that’s what happened,” bungad na sabi ni Ryan.


Deretsahang inamin ni Ryan na nagalit siya nu’ng nabalitaan niyang ginamit ng The Buzz ang shout-out ng kanyang ina.


“Sino ba naman ang hindi magagalit? Kasi kung sa amin mangyari ‘yun, parang ang kapal naman ng mukha noon para gawin ‘yon.”


Edukadung-bobo ang tawag ni Ryan sa na­nguna sa paglalabas ng shout-out ng kanyang ina.


“Wala tayong magagawa. Some people are just… ‘Yun ang masarap tawaging edukadung-bobo. Alam mo namang may mga pinag-aralan, pero ginagawa pa rin ‘yung hindi tama!” mariing sabi ni Ryan.


Anyway, ngayong linggong ito nakatakdang dumating sa Pinas ang tatay ni Ryan na si Michael de Mesa para dumalo sa kasal niya sa February 28. Hindi malayong maungkat na naman ang isyu kina Krista at sa tatay ni Ryan, na sabi-sabing siya umanong rason kung bakit nagkahiwalay noon ang kanyang mga magulang. Doon nga raw nag-ugat ang shout-out ni Gina noon?


Tanong nga namin kay Ryan, baka muling mabuhay ang tsismis kina Krista at sa mga magulang niya?


“Hindi namin palalakihin ‘yan. My mom said her piece na and we said our piece na. Hindi na naman pinag-uusapan ngayon, bakit ko naman palalakihin? Okey na ‘yon. Let them live their lives, let us live our lives,” sey niya.


Nakilala na raw ni Ryan si Krista noon. Katuna­yan, nakagawa na sila ng dalawang project. Pero tahasang sinabi ni Ryan na hindi sila naging magkaibigan ng sexy actress.


Tanong ulit namin kay Ryan, willing ba siyang makatrabaho ulit si Krista ngayon?


“Kung makakatrabaho ko siya and then what?” balik-tanong niya sa akin.


“Kung makakatrabaho ko siya and then what?” muli niyang tanong sa akin.


In-explain namin kay Ryan na maliit lang ang showbiz at siguradong magkikita sila ni Krista.


“It’s not worth it! I wanna work per se, like do good projects. I wanna continue doing good projects, doing good shows. Then, dapat magagaling din ang mga kasama ko,” sarkastikong sabi niya.


Meaning, ayaw makatrabaho ni Ryan si Krista, ha!


Anyway, excited na si Ryan sa wedding nila ni Cathy. Five years na raw ang relasyon nila. Pero, mahigit tatlong taon na raw silang magka-live in.


“It’s about time na ibigay ko na sa kanya, make it right in the eyes of the Lord,” sabi na lang ni Ryan, na gaganap na kontrabida sa Panday Kids ng GMA 7.