“Wala silang puso!” -- Anne

FINALLY, Anne Curtis broke her silence sa naganap na wardrobe malfunction, habang nagsasayaw siya sa isang number sa ASAP XV sa Boracay. Insidente ngang nag-hello ang kanang boobs ni Anne roon.


Bagama’t hindi ito mapapanood sa episode ng ASAP on Sunday, hindi pa rin na-kontrol ang paglabas ng video or picture ng halos 10 seconds exposure ng right boobs ni Anne bago pa maging to the rescue ang ex-boyfriend ni Anne na si Sam Milby.


Nauna nang nagpadala ng letter ang management ni Anne sa Viva kunsaan nga ay nakikiusap sila na kung sinuman ang nakapag-picture through their camera or cellphone, not to post it anymore in any internet site. Especially aksidente naman talaga ang naganap at kawawa naman si Anne.


Napanood namin ang interview ni Anne ka­tabi si Sam na leading man naman niya sa Babe, I Love You.

Ayon kay Anne, “Nakakalungkot ang ginagawa nila. Sana nakakatulog sila ng maayos. Sana masaya sila sa ginagawa nila na alam nilang meron silang nasasaktan na tao.”


“‘Walang puso,” ang term na ginamit ni Anne sa pagde-describe sa mga taong nag-post sa mga blogs nila or Facebook account ng natu­rang picture. Para kay Anne, kung may appropriate nga raw na batas or legal actions na puwedeng gawin, gagawin daw niya hindi lang para sa kanyang sarili kung hindi maging sa ibang babae na nalagay sa ganitong situwasyon.


“Ako ‘yun, eh, sarili ko ‘yun, katawan ko. Hindi ko naman sinadya ang nangyari,” sabi pa ni Anne.


May punto si Anne sa bagay na ‘yun dahil aksidente talaga ang naganap at hindi kusang loob niyang ibinuyangyang ang private part niya. Kaya bilang respeto sa pagkababae na rin nga naman ang hinihiling niya na huwag nang mag-upload or pagbubura sana nito sa sinumang nakapag-take ng picture or video.


Hindi itinanggi ni Anne na galit at pagkabastos ang nararamdaman niya sa mga naglabas o nag-take advantage sa naturang aksidente. Gusto na lang din isipin ng aktres na lilipas din ang nangyari.


“All I can do now is to move on, to deal with it and to hope that it will pass already. Sana sa lahat ng may picture, sana tigilan na ang pag-upload or kumbaga, mga nag-upload sa mga blogs nila, please, stop it na,” sabi na lang ni Anne.