BUONG ningning na inamin ni Enchong Dee na muntik na talaga silang magkaroon ng relasyon ni Erich Gonzales. Pero, naudlot daw `yon, dahil sa kanilang trabaho.
Sa totoo lang, matagal na ngang tsismis ang pagkakaroon ng relasyon nina Enchong at Erich, pero wala silang inamin.
Dugtong na kuwento pa ni Enchong, nu’ng ginagawa pa lang daw nila ang Katorse, nagkaroon na sila ni Erich ng unawaan. Pero, dahil sa trabaho raw nila, naisip nila na baka mauwi rin sa hiwalayan ang samahan nila.
Kaya naisip daw nila na mas maganda kung maging friends na lang muna sila. At hindi raw sila nagkamali sa desisyon nila na pairalin muna ang pagiging friends nila dahil mas masaya raw sila ngayon, at walang pressure.
Anyway, masaya na rin si Enchong dahil finally ay naayos na nang husto ang problema sa pagitan nina Erich at Ejay Falcon. Sa set daw ng Tanging Yaman ay maayos na kung mag-usap ang dalawa. Hindi na raw nagkakailangan, at medyo bumalik na raw sa dati ang samahan ng dalawa.
Siyanga pala, pinaghahandaan ni Enchong ang pelikulang pagsasamahan nila nina Bea Alonzo at Lorna Tolentino, na ididirek ni Laurice Guillen para sa Star Cinema.
0 comments:
Post a Comment