MAGDIRIWANG si Aljur Abrenica ng 20th birthday sa March 24 at kahapon, dumating sa kanya ang isang early birthday gift, ang dismissal ng Department of Justice sa child abuse case na isinampa laban sa kanya ng aspiring actress na si Michelle Saludo.June 2009 nang magsampa ng reklamo sa NBI si Michelle at ang ina nito. Inihayag ni Michelle sa kanyang sworn affidavit na nagkita at nagkakilala sila ni Aljur sa Puerto Galera noong April 2009 at dito raw nangyari ang pang-aabuso sa kanya.
Sa rekomendasyon ng NBI, dinala sa DOJ ang kaso noong August 2009 at kahapon, inilabas ng DOJ ang desisyon na i-dismiss ang reklamo laban kay Aljur, for lack of probable cause.
Iniyakan ng nanay ni Aljur ang magandang balita na natanggap nila kahapon. Naiyak si Amor Abrenica sa sobrang tuwa, katulad ng pag-iyak niya noon dahil sa matinding kalungkutan nang akusahan ni Michelle ang kanyang anak.
Ipinagdasal ni Amor ang kaso ni Aljur dahil alam niya na inosente ito sa ibinintang na kasalanan.
0 comments:
Post a Comment