Iza, naabot na raw ang langit!

IPINAGKAKAIT pa rin ni Iza Calzado ang boyfriend niya sa press nang makausap siya sa press launch ng Panday Kids.

Maging ang Valentine’s date nila ng dyowa ay ayaw niyang ikuwento at gusto talaga niyang sa­rilinin, huh!


“Akin na lang ‘yon! Basta happy ako nu’ng Valentine’s Day. Okey na ‘yon, ‘di ba? Tahimik lang ‘yung date namin. Simple lang talaga,” matipid na pahayag ni Iza.


Siyempre, tinanong kay Iza ang tungkol sa pagpapalabas ng bagong book ng Encantadia. Matutuloyba talaga `yon, eh, wala na si Karylle at may gulo pa raw sila ni Sunshine (Dizon)?


“Wala ako sa posis­yong sumagot tungkol diyan. Hindi ko alam sa kanila. Okey lang sa akin na ituloy nila. Hindi kasi ako sure, kasi I have yet to sit down with them about this. Hindi lang natuloy ‘yung pag-sit down ko sa mga GMA executives. Medyo napagod din ako sa Kaya Kong Abutin ang Langit,” pahayag ni Iza.


Speaking of langit, naabot na ba niya ang langit?


“Oo, nakabalik na nga ako sa lupa! Ha! Ha! Ha!” sey niya.


Ilang beses niyang naabot?


“Ay, teka, iba pala ang ibig ninyong sabihin, huh! Ha! Ha! Ha! Kaya pala. Ano ito? Tapos na ‘yon. Sag­lit lang. Preno muna ako! Ha! Ha! Ha!” bawi ni Iza sa una niyang sagot.