Jennylyn Mercado gives singing career more attention this year

Last year nawalan ng malaking halaga si Jennylyn Mercado at kinasuhan niya ng qualified theft ang dati niyang personal assistant na si Mel Pulmano. Dahil dito ay natuto ang aktres na hawakan ang sarili niyang pera.



"Yes! Hindi tulad noon na panay utos ako, ako ngayon hands-on ako. Tapos once a week nag-te-take time talaga ako na pumunta sa bangko.



"Ako na yung lahat, inaasikaso ko na checks ko, lahat! Na-praning na ako, e. May accountant na ako na nag-aano, nag-aayos lahat, sa BIR [Bureau of Internal Revenue]. Pero sa lahat ng bagay ako na talaga."



Nakapag-move on na raw siya sa karanasang 'yon.



"Ang pera naman, kikitain yun, e, kaya ayoko na lang isipin pa yung mga nawala sa akin."



BLESSINGS. Ang tinitingnan na lang niya ay ang mga blessings na di naman napatid ang pagdating sa kanya.



"Kahit papaano, yung show ko sa GMA 'tsaka yung mga out of town, nakakatulong rin, malaking tulong talaga."



Ang tinutukoy niyang show ay ang Ikaw Sana ng Siyete, kung saan kasama niya si Mark Herras at Pauleen Luna.



Naging cover din siya ng FHM magazine noong November 2009. Hudyat na ba ito ng tuluy-tuloy niyang pagpapaseksi, tulad ng kapwa StarStruck alumna na si Cristine Reyes?



"Hindi naman, wholesome pa din, hindi sobrang sexy," sagot ni Jennylyn.



"Iba naman si Cristine, napakakinis nung tao na yun at napaka-sexy talaga. Ako kahit papaano mommy na ako, e. Naiisip ko pa din yung baby ko."



Ongoing ang season 5 ng StarStruck at pabor si Jennylyn na magkaroon ulit ng mga bagong discoveries ang naturang artista search.



Ang maa-advise si Jennylyn sa mga magiging bagong survivors at avengers ay, "Galingan nila, mahalin nila yung talent nila, matuto silang mag-explore, huwag silang hihintong matuto, at dapat marunong silang makisama sa mga tao, at iwasan ang bisyo."



Pinapayuhan rin ba niya ang mga ito na huwag munang i-prioritize ang lovelife?



"Hindi naman mapipigilan 'yan. Meron akong lovelife nung nasa StarStruck ako pero hindi naging hadlang yun sa trabaho ko."



SINGING CAREER. Napadako naman ang usapan tungkol sa leading man niyang si Mark Herras at agree si Jennylyn sa obserbasyon ng marami na gumuwapo lalo ang dati niya boyfriend.



"Oo naman, tsaka yung katawan niya, nag-improve talaga."



Balita noon na babaero si Mark. Ganyan ba rin ba siya sa tingin ni Jennylyn?



"Hindi ko alam," sagot ng aktres. "Ang tao naman kasi nagbabago, siguro nagbago na siya. Habang nagma-mature naman ang isang tao, nagbabago."



This year, bukod sa pag-aartista ay haharapin rin ni Jennylyn ang pagiging recording artist. Sa end of January ay ire-release ang bago niyang album sa ilalim ng Viva Records.
Bakit nag-decide siyang asikasuhin muli ang kanyang singing career?



"Desisyon naming dalawa ni Tita Becky [Aguila, Jennylyn's manager], kasi parang nakakalimutan na din ng mga tao na kumakanta ako, so makakatulong yung album kong bago para maging active ulit ako as a singer."