Claudine, pinagsabihan ni Raymart na tigilan na si Mark Anthony!

SA Pre-Pageant ng Bb. Pilipinas 2010 ay muli naming hiningi ang reaksiyon ni Claudine Barretto tungkol sa paulit-ulit na paghingi ng sorry ni Mark Anthony Fernandez sa kanya, dahil sa hindi natuloy na movie project nila.

Nu’ng oras na `yon, tila kalmado na si Claudine. At sabi niya, gustuhin man daw niyang mag-react, kailangan na niyang tumigil.
“As much as gusto kong mag-react, pinagsabihan na ako ng asawa ko (Raymart Santiago) na tigilan ko na. Tutal matutuloy na ang movie kaya tama na iyon. Huwag na nating pahabain pa,” nakangiting sabi ni Claudine na isa nga sa mga judges ng Binibining Pilipinas 2010.
Anyway, ibinalita na rin ni Claudine na sisimulan na niya ang kanyang unang show para sa GMA-7, ang SRO Sinemaserye na magiging isang drama anthology, na kung saan ipi-feature siya sa iba’t ibang episodes.

“I just had a pictorial for SRO and it’s going to be a drama anthology na. They already showed me scripts for the episodes na gagawin ko. Excited na ako to act again. Matagal din akong hindi nakaranas ng pag-arte on TV.

“Magaganda ang mga storylines na pinakita nila sa akin and we might start taping na by March. Kaya abangan na lang nila ‘yung SRO kasi iba’t ibang istorya ang mapapanood nila and I will be working with the stars of GMA-7,” kuwento ni Claudine.

Lilipad din for the US si Claudine dahil sisimulan na niya ang shooting para sa kanyang movie sa Viva Films at GMA Films, ang In Your Eyes. Kasama niya sa movie sina Richard Gutierrez at Anne Curtis.

“We might start shooting it in April. Kasi nga this March, we will start muna with the TV drama. Magbabangko muna kami bago ako umalis for the US. May ite-tape rin kasi na pang-SRO episode sa US. Kaya I might stay there for over a month.

“This is my first time to work with Richard Gutierrez. Though matagal ko na siyang kilala at pati na ang family niya like si Ruffa na naging kaibigan ko noon pa, Tita Annabelle Rama and Tito Eddie Gutierrez, nga­yon ko lang talaga siya makakatrabaho.

“With Anne naman, it’s also my first time with her. Kahit na nagkakasalubong kami o nagkakasabay ang guestings namin sa ABS-CBN 2 before, she’s a very nice girl and I am happy to work with her,” lahad pa ni Claudine.

read more "Claudine, pinagsabihan ni Raymart na tigilan na si Mark Anthony!"

Ogie, napa-‘ASUS’ sa ‘pagbubuntis’ ni Regine!

MISMONG ang mga taong malalapit kay Regine Velasquez ang tumanggi at nagsabing walang katotohanan ang kumakalat na isyu ngayon na nagdadalang-tao na ito.

Hindi naman itinatago ni Regine na may nangyayari sa pagitan nila ni Ogie Alcasid at kung sakali ngang mabuntis siya, siguradong ikatutuwa nila ito pareho.
Kailan lang ay lumabas ang balitang buntis na si Regine, at hindi pa lang daw nito magawang aminin ay sa dahilan na may mga endorsement contract daw kasi na puwedeng maapektuhan.

Pero as we all know, walang ginawang announcement of pregnancy si Regine sa SOP kahapon. Instead, ang bagong show pa nila na papalit sa SOP, ang Party Pilipinas ang ini-announce nila.

Nang makarating din sa kapatid ni Regine ang isyung buntis na nga raw ito at may announcement na gagawin, ang mabilis na sagot ni Cacai Mitra sa isyu ay, “Hindi totoo ang isyu.”

Nang tanungin naman ang mismong partner ni Regine at siyempre pa, ang ama ng bata ngang ipinagbubuntis daw ng Songbird na si Ogie, ang bukod-tanging naisagot lang nito ay, “Asus!”

Sa isang banda, kung sakali man ngang mabuntis si Regine, we don’t see any needs na itatago or itatanggi pa nila ito. Malamang na pareho pang magi­ging masaya ang dalawa sa pag-a-announce.

read more "Ogie, napa-‘ASUS’ sa ‘pagbubuntis’ ni Regine!"

Shaina, humagulgol sa harap ni Ruffa

MULA sa isang very reliable source, pinagharap na raw ng Star Magic management sina Ruffa Gutierrez at Shaina Magdayao. Nagsimula nga ang isyu sa dalawa nu’ng may nagpadala kay Ruffa ng mga nasty text messages at ang accused suspect nga niya ay si Shaina.Ang pinag-ugatan nga raw ng isyu sa dalawa ay nu’ng ma-link si Shaina kay John Lloyd Cruz na unang na-link romantically kay Ruffa.

Noong mabalitang naghiwalay na sina Shaina at John Prats, na-link agad sa kanya si John Lloyd na balita namang naka-cool off muna ni Ruffa nu’ng time na `yon. Nakita pa ngang nag-date sina Shaina at John Lloyd noon.

Pero nang mabalita namang nakipagbalikan na si John Lloyd kay Ruffa, doon na raw nagsimula na makatanggap si Ruffa ng mga bastos na text messages. Nagpaimbestiga nga si Ruffa at nakapag-conclude ang kampo niya na may kinalaman si Shaina sa pagpapadala ng mga text messages na iyon.

Sey nga ng aming source na pinagharap na nga sina Ruffa at Shaina sa opisina ng Star Magic. Kinuwento nga raw ni Ruffa ang kanyang side at ang kanyang hinala na may kinalaman si Shaina sa mga bastos na text messages.

Sa panig ni Shaina, ayon pa sa aming source, humagulgol daw nang husto si Shaina sa harap ni Ruffa, at buong ningning na nag-deny sa akusasyon na iyon ni Ruffa sa kanya.

read more "Shaina, humagulgol sa harap ni Ruffa"

Melisa, ‘pinagtaksilan’ ni Jason?

Sa unang linggo ng Melason In Love, na tampok ang magsing-irog na sina Melisa Cantiveros at Jason Francisco ay napanood ang kanilang unang tikim sa showbiz - mula sa mga paglabas sa shows, mga interviews, pati na rin ang pagdumog ng mga fans sa kanila.At ngayong linggo, mapapanood ang pla­nong pagdi-date nina Melai at Jason sa isang mall sa Maynila, at ang kontrobersyal na date ni Jason sa isang tagahangang ohwver-ohwverr sa ganda!

Binigyan kasi ng pagkakataon ang fans ng Melason na maka-date sila ng hiwalay. Paano kaya tatanggapin ni Melisa ang pakikipag-date ni sweetypies Jason kay Lucia, na pinagselosan na niya dati? Taksil nga ba si Jason kay Melai?

Anyway, lingid sa kaalaman ng dalawa ay mga kasabwat lang ang mga taong kanilang nakakasalamuha upang subukin ang tatag ng pagmamahalan nila para sa isa’t isa.

read more "Melisa, ‘pinagtaksilan’ ni Jason?"

Jake Cuenca, ‘binitin’ ang fans!

Naramdaman ni Jake Cuenca at ng mga taga­hanga nito ang pagpapahalaga sa kanya ng Bench sa fashion show na ginanap sa atrium ng Mall of Asia noong Sabado.

Ang mga summer collection ng Bench ang ipinakita ng mga model sa pangunguna ni Jake na sinalubong ng malakas na tili at palakpakan. At dahil may kinalaman sa mga summer wear ang fashion show, may mga nag-akala na magsusuot si Jake ng swimming trunks.

Nagkamali sila dahil mga wholesome fashion show lang ang pinapayagan ng SM management. Nakuntento na lang ang audience sa topless na pag­rampa ng aktor. “Jake Takes Off” ang title ng Bench catalogue ni Jake Cuenca at makikita dito ang kanyang mga sexy pictorial.

read more "Jake Cuenca, ‘binitin’ ang fans!"

Regine, spoiled na spoiled sa GMA!

MASAYANG-MASAYA si Regine Velasquez sa bago niyang kantaserye, ang Diva, sa GMA 7. Unang-una, konsepto raw niya `yon, kaya ganun na lang siya kaligaya ngayong ipalalabas na ito.


“‘Yung basic concept lang ang akin. Because I’ve always wanted to do a musical. Kasi before Totoy Bato, medyo nag-hesitate akong gawin ‘yon, kinausap nila ako to do it. I wanted to do this first.
Matagal na ito. Eh, hindi pa kami ready for it kaya nag-Totoy Bato muna kami. Now that we’re ready sa kantaserye, heto na nga! Ha! Ha! Ha!” pahayag ni Regine.


So, ini-spoil siya ng GMA sa bago niyang series dahil base sa plug, maraming kantahan at production numbers.


“Actually, lagi naman akong binibigyan ng chance to voice out any idea. Always naman akong may idea. Lagi naman nila akong pinagbibigyan, so I’m just happy na given the opportunity to voice out what’s in my head. Minsan din kasi, nakaka-frustrate din ‘yung may gusto kang gawin pero hindi mo nagagawa,” paliwa­nag ng singer-actress.


Spoiled daw siya sa Diva para hindi na siya lumipat sa TV 5?


“Sabi! Ha! Ha! Ha! Parang nabuntis din ‘yon! Eve­ry year, nabubuntis ako! Ang dami ko nang anak! Ha! Ha! Ha!


“Bago matapos ang contract, for some reasons, may nakakaalam pag matatapos na ang kontrata ko! Ha! Ha! Ha! Lilipat na ako agad ang tsismis.


“Pero hindi naman. Mas malaki dito! Loko lang! Ha! Ha! Ha! Ahh, of course, both Ogie and I are staying here. We’re happy naman here. As artists, meron kang minamahal na isang show and you want to improve on it!” deklara ni Regine.


Kung bongga ang ideas niya sa Diva, bakit hindi niya ibahagi ‘yon sa SOP?


“Nabibigyan naman ang ideas ko doon. Doon kasi, hindi lang naman ako ang involved. Lahat naman kami nabibigyan ng pagkakataon to voice out our ideas,” sagot niya.


Malungkot ba siya’t mawawala na ang Sunday show nila?


“It’s sad and at the same time, I’m also excited for the upcoming show. Actually, sa SOP, hindi naman ako original na nandiyan. Mas nararamdaman mo ‘yung lungkot kina Ogie at Janno (Gibbs) kasi sila ang original diyan. Originally, I was asked to do it but I didn’t do it because, I felt I wasn’t ready to do TV that time. It was my sister Cacai who did it. But when she left, I took over. And I loved it. I had fun doing the show and I still have fun doing it. It’s really sad, it’s going to say goodbye already. But, just like everything else, everything has its beginnings and it has to end also. Ganoon lang ‘yon,” rason ng Asia’s Songbird.


Pero itinanggi ni Regine na desisyon niyang palitan na ang SOP ng ibang show.


“It wasn’t my decision to do that. Like I’ve said, SOP is a fun show to do. It’s sad that I’m not always there kasi nga, madami akong raket. Now, they will probably see me more in the new show. Kinakarir talaga namin!” tugon niya.


Party Pilipinas ang magiging kapalit na title ng SOP at sey ni Reg, “Happy ako doon. That’s the title na talaga.”


Same people pa rin ba ang mapapanood?


“It will still be the four of us. Jay-R will still be there and Kyla. La Diva, Vocalistas. May ibang look! Maraming mababago sa show pero alam kong napakalaki ng expectations pero sa akin, mas gusto ko lang mag-enjoy. Pinapanood nila kami dahil nag-e-enjoy kami. Minsan lang kasi, hindi masyadong enjoyable!” katwiran niya.


Hindi na siya magkakasakit?


“Sa albularyo kasi ako nagpupunta! Ha! Ha! Ha!” tugon ni Regine.


Ano na nga pala ang balita sa movie nila ni Aga Muhlach?


“We’re still doing it! Epic na ito! Ha! Ha! Ha! Hindi mo ba alam? We’re really trying our best to finish it.

Kinakasya-kasya namin ‘yung schedule. Na-bu­sy ka­ming lahat!” sabi na lang ni Regine.

read more "Regine, spoiled na spoiled sa GMA!"

Bong, biktima ng audio recording scandal!

ITINANGGI na ni Senator Bong Revilla na boses niya ang naririnig sa 45-second audio recording na ginawan ng video, kalat na kalat sa Internet at mapapanood din sa Youtube.


Sa report ni Jun Lalin ng Abante Tonite, sinabi ni Bong na paninira ang voice clip dahil sa mga kandidatura sa Cavite ng kanyang kapatid na si Strike Revilla at misis na si Lani Mercado. Ang mga nakakakilala raw sa kanya ang makapagsasabi kung boses nga niya ang maririnig sa controversial audio recording.


Napakinggan at napanood na namin sa Youtube ang voice clip. Ipauubaya namin sa mga expert ang pag-iimbestiga sa authenticity ng audio recording pero bilang senador, may kakayahan si Bong na malaman ang pinagmulan ng paninira sa kanya.


May dapat ikatakot ang source ng voice clip dahil kung nagawa niya na ipakalat ‘yon, may kapasidad si Bong na magpaim­bestiga at makilala siya.


Kung na-trace ng FBI sa Pilipinas ang Filipino author ng I Love You virus na nag-paralyze sa mara­ming computer sa buong mundo noong May 2000 at natukoy ng NBI ang nag-upload sa Internet ng sex videos ni Hayden Kho, Jr., capable si Bong na hingin ang tulong ng awtoridad para makilala ang mga naninira sa kanya.


***


Hindi lahat ng tao sa Pilipinas ay computer literate. Hindi lahat ng Pilipino ay pamilyar sa Youtube, lalo na ang mga senior citizen at para sa kapakanan ng aming mga tinutukoy, ang mga sumusunod ang mapapakinggan sa voice clip na ibinibintang kay Bong:


“Kaya itong labanan na ito, siguraduhan. Hindi tayo patatalo dito. Nakataya dito ang pangalang Bong Revilla, ang pangalan ko. Nakataya dito ang 2010 ko. Araw-araw nakatutok na ko sa Bacoor at hindi ko hahayaang matalo ang kapatid ko.


“Atin ang pulis. Hepe ng Bacoor, papalitan na ‘yan. Ang COMELEC, mahirap mang sabihin, kung hindi neutral pero hindi tayo papadaya diyan, malamang tayo pa ang mandaya. Matikman nila na sila’y madaya, putangina nila. Hindi kayo nagkamali ng taya at siguradong panalo ito. Malacañang, nakasuporta din sa atin.


“Kung sino man nangha-harass sa inyo, kunin nyo ‘yung pangalan, taga-saan at kami na ang bahala dun.”


Hindi si Bong ang una at kilalang personalidad na biktima ng audio recording scandal. Malamlam ang mga mata at parang bata na humihingi ng pang-unawa si President Gloria Macapagal-Arroyo nang magsabi ito sa bayan ng “I am sorry” dahil sa involvement niya sa Hello Garci scandal.


Nasangkot din sa ganitong eskandalo si Lolit Solis, ang manager ni Bong. Ipinadala sa mga radio station at newspaper office ang tape ng pakikipag-meeting ni Lolit sa kampo ni Hayden noong kainitan ng sex video scandal ng doktor na binawian ng lisensya.


Ang pagkakaiba lang, hindi nag-deny si Lolit at lalong hindi siya nag-sorry. Nairita pa si Lolit dahil edited ang audio recordings na ikinalat ng kanyang detractors.

read more "Bong, biktima ng audio recording scandal!"