Shaina at John Lloyd, sweet sa isa’t isa

BAGO pa man lumabas ang balita na magkasabay na dumating, at mas naunang dumating sina Shaina Magdayao at John Lloyd Cruz, kesa sa mga kasamahan nila sa ABS CBN, para ASAP XV sa Boracay, una na naming nabalitaan ang diumano ay paggimik ng dalawa sa isang bar sa Katipunan, Quezon City.


Anyway, ilang saksi na nasa Boracay ang nagkuwento sa akin na nakita nila sina Shaina at John Lloyd na magkasamang nagsa-sunbathing. At sabi pa, sobrang sweet ang da­lawa habang nasa ilalim ng sikat ng araw.


Kung tutuusin, hindi na bago sa akin ang kuwentong `yon, dahil bago pa man yon ay nabalitaan na nga namin na sweet na sweet na gumimik sina Shaina at John Lloyd sa Katipunan.


Base sa kuwento ng mga taong nakasaksi, sa isang medyo madilim na lugar sa naturang bar nakapuwesto sina Shaina at John, kasama ang kanilang mga kaibigan. At madaling-araw na raw na umalis ang dalawa sa naturang bar, pero nilinaw ng taong kausap namin na hindi naman sa isang sasakyan sila sumakay.


Well, wala namang masama kung lumabas man o gumimik na magkasama sina Shaina at John Lloyd, lalo na at kasama naman nila ang kanilang mga kaibigan. Pero `yun nga lang, hindi talaga maiiwasan na obserbahan ng mga tao sa paligid nila ang kanilang mga kilos, lalo na at pa­tuloy nilang itinitikom ang kanilang mga bibig sa mga isyu sa kanilang dalawa.