Your Ad Here

Wednesday, March 3, 2010

Coco Martin, pinupormahan si Hanna Flores?


Abot-tenga ang ngiti ni Coco Martin dahil sa tagumpay ng Tonyong Bayawak sa ABS CBN 2.


“Grabe, sarap sa pakiramdam po talaga. First time ko po kasing masalang sa timeslot na ganun. Kaya nakakatuwa naman na lubos pa rin po ang suporta ng mga Saturday viewers sa Tonyong Bayawak,” sabi ni Coco.


Anyway, promise ni Coco na sa mga susunod na episode ng TB, mas matitinding labanan pa ang mapapanood. Isang hindi inaasahang insidente nga ang haharapin ni Maring (Alessandra de Rossi) na magtutulak kay Tonyo (Coco) na isumpa na gawin ang lahat mahuli lang ang mga kriminal.


Siyanga pala, totoo kaya ang tsismis na isang baguhang singer ang pinapantasya ngayon ni Coco?

Sabi-sabi na si Hanna Flores ang bagong pinupormahan ngayon ni Coco.


Sabi pa, sa taping daw ng Kung Tayo’y Magkakalayo, na kung saan ay gumaganap si Coco na anak nina Albert Martinez at Jaclyn Jose, at si Hanna na gumaganap naman na kaibigan ni Kim Chiu, madalas na tsikahin ni Coco si Hanna?


Well, binata naman si Coco, kahit sabihin pang may anak na ito. At sure naman na dalaga pa si Hanna.


At hindi naman kataka-takang mahulog ang loob ni Coco kay Hanna, dahil bukod sa bata pa ito, maganda, at mahusay kumanta, bubbly at stylish pa siya.


Si Hanna ang bagong recording artist ng Star Records. At bongga si Hanna, dahil halos lahat ng kanta niya ay napapakinggan sa mga teleserye ng ABS CBN, tulad ng Love Me, Hold Me, Come And Take Me, Munting Hiling, at You Made Life So Beautiful.


Mapapanood na rin si Hanna sa Your Song presents Gimik, a remake of a big and very successful youth-oriented show during the mid-90’s.

0 comments:

Post a Comment