Your Ad Here

Wednesday, March 17, 2010

Angel, naglayas at madalas tumambay sa bar?


MUKHANG marami na namang isyu si Angel Locsin na sasagutin kapag nakaharap siya ng press. May kumakalat kasing balita na kesyo naglayas daw ito sa bahay nila, sumakay ng taxi at may isyu pang kesyo madalas daw napagkikita sa mga bar?


Pero, ‘di kaya kamukha lang ng young actress ang nakita nang kung sinumang nagpasimula ng isyu?

Kung may isa man kasing artista na masasabi naming napakaaktibo ng kanyang Twitter account, si Angel na yata ‘yun bukod sa kanyang kaibigang si Anne Curtis.


Updated ni Angel palagi ang kanyang Twitter account kaya kahit paano, may ideya ang mga followers niya kung ano ang pinagkakaabala­han ng young actress.


Nang araw na luma­bas ang balitang kesyo naglayas daw ito sa kanilang taha­nan, may naka-post si Angel sa kanyang Twitter na dahil na pack-up daw ang supposedly workshop niya with Direk Chito Rono, maitutuloy niya ang kanyang pagdye-general cleaning ng bahay. At ika-day 2 na raw niya ‘yun ng paglilinis.


Sey nga ni Angel sa kanyang Twitter status, “Ge­neral cleaning mode. Ang dami palang gamit sa bahay na hindi na nagagamit, sayang naman. Ayoko talaga ng tambak.”


So, kung ibe-based sa kanyang Twitter post, mukhang ni wala man lang ideya si Angel na may isyu na pala sa kanyang naglayas or even tumatambay sa mga bar, huh!


Bukod dito, sinagot na rin niya ang hindi niya pagkakatuloy sa seryeng Kokey sa pamamagitan pa rin ng kanyang Twitter account. Ayon kay Angel, totoo nga raw na nakapag stroycon, trade launch, pictorial na siya for Kokey, pero kinailangan daw siyang i-pull-out ng management dahil kailangan na rin simulan ang mo­vie niya sa Star Cinema and her new soap-opera with John Lloyd Cruz.


Masaya rin daw siya para kay Toni Gonzaga na siyang humalili sa kanya for the role. At naniniwala rin si Angel na bukod daw sa maganda ang team-up nina Toni at Vhong Navarro, mas bagay pa nga raw ang role sa Kokey kay Toni kesa sa kanya.

0 comments:

Post a Comment