Geneva at KC, kumpirmadong hiwalay!

UMPIRMADO na ngang hiwalay sina Geneva Cruz at KC Montero.

Matagal na ngang balitang hindi na raw magkasundo ang dalawa kaya nandito sa Pilipinas si Geneva at naiwan sa US si KC.


Pero sa pagbalik nga raw ni KC dito sa Pilipinas, pinag-usapan pa raw nila ni Gen ang kanilang sitwasyon.

Ayon sa aming source ay nais pa raw makipag-ayos ni KC kay Gen dahil ang tagal na nga ng kanilang pagsasama at tinuring na nga ni KC na tunay na anak si Heaven na siyang anak ni Gen sa kanyang ex-husband na si Paco Arespacochaga.


Kinasal nga pala noong January 5, 2004 sina Geneva at KC sa Seattle, Washington, USA. Pero nauwi pa rin sa paghihiwalay ang dalawa at wala na raw magawa ang mga taong malalapit sa kanilang dalawa.


Pareho ngang paalis ng bansa sina Geneva at KC kaya walang makakuha sa kanila ng exclusive na panayam. Papaalis si KC for Texas dahil manonood ito ng laban ni Manny Pacquiao samantalang si Gen ay lilipad for China dahil may show itong gagawin doon.


Malamang sa pagbalik ni Geneva ay makakapagsa­lita na ito sa tunay na situwasyon nila ni KC. As for KC, hindi raw sure kung babalik pa ito ng Pilipinas after ng laban ni Pacquiao.