TSISMISAN

Marian at Dingdong kinanta ang theme song ng ABS-CBN show

2010-05-06T16:39:00.000-07:00

Hindi naman daw na-call ang attention nina Marian Rivera at Dingdong Dantes sa pagkanta ng theme song ng soap ng ABS-CBN na Kung Tayo’y Magkakalayo dahil nangyari ‘yun sa rally sa San Andres, Manila at kasama nilang kumanta si senatoriable Risa Hontiveros.

Weird lang na kinakanta nina Marian at Dingdong ang theme song ng soap ng ABS-CBN dahil GMA 7 talents sila, pero naintindihan daw ng network na biglaan ang pangyayari.

Anyway, gaya ni Regine Velasquez, pagod din sina Marian at Dingdong sa paga-advance taping ng Endless Love : Autumn In My Heart dahil aalis sila sa May 12 with Regine and Ogie Alcasid at sa first week ng June pa ang balik. Sa kaso ni Marian, dagdag na work load ang taping ng Show Me Da Manny at noong isang araw, nasa Batangas ito.

Noong Monday nag-first taping day sina Marian at Dingdong ng Endless Love at kasama nila si Dennis Trillo. Sina Marian at Dingdong muna ang may mga eksena. Malapit lang ang location, pero bawal isulat at baka sumugod ang fans, ma-stress si direk Mac Alejandre.

Busy ang 2010 ni Marian at pagkatapos ng You To Me Are Everything, gagawin niya sa Regal Films ang Super Inday para sa Metro Manila Film Festival. Tuluy-tuloy din ang dating ng endorsement offers at puwede nang isulat na siya ang bagong Honda motorcycle endorser.

Nag-renew din ang isa pang endorsement na magkasama sila ni Dingdong at magkasunod nitong isu-shoot ang TVC ng dalawang produkto.

Kahapon din ang first day showing ng You To Me Are Everything na graded B ng Cinema Evaluation Board.

Marian,Dingdong more open about relationship

2010-05-04T20:52:00.001-07:00

Opening on Wednesday in theaters nationwide is the much-anticipated second movie team-up of popular loveteam Dingdong Dantes and Marian Rivera. Entitled “You to Me Are Eerything,” the movie is the latest collaboration between GMA Films and Regal Entertainment.

If Mother Lily is so excited about the movie, it’s because she believes in the tandem of Marian and Dingdong, that they are the most loved and most followed loveteam in the country today. Their screen partnership provides the “kilig” factor that fans are looking for, and since they are also real-life sweethearts, such “kilig” factor is doubled. As they say, “what you see (in them) is what you get.”

They no longer hide their feelings, they’re very open and so affectionate to each other and people who see them are moved. In “You to Me Are Everything,” Dingdong and Marian translate the electricity of their romance on screen and surely their fans will be tillilated no end.

Marian portrays Iska, a cheerful and unassuming Igorot maiden whose life suddenly changed when her estranged father dies and leaves her with a multi-million fortune. Being raised in the province, Iska is clueless of how she would live her life in the city – until she meets Raphael (Dingdong Dantes).

Shot partly against the breathtaking mountains of Baguio and the lush landscapes of Benguet, “You to Me Are Everything” also stars Jaclyn Jose, Isabel Oli, Bobby Andrews, Pinky Amador, Roxanne Barcelo, Manilyn Reynes, Fabio Ide, Victor Aliwalas, Chinggoy Alonso, AJ Dee, Andrea Torres, Bella Padilla, Carlo Gonzales and Jai Reyes.

“You to Me Are Everything” is directed by Mark A. Reyes.

Juday, busog na busog sa karanasan

2010-05-04T20:48:00.001-07:00

Kuwento ni Juday, ibang-iba na raw ang tsikahan nila ngayon sa taping ng Gimik 2010, kesa nu’ng mga bagets sila. Siyempre naman, halos lahat sila ay may kanya-kanyang pamilya na, kaya dapat lang na mag-iba na ang tsikahan nila sa taping.

“Iba na, pero nandoon pa rin ‘yung iniisip namin kung sino ba ang madalas na inaasar namin sa set, kung sino ang palaging taya. Syempre si Marvin Agustin ang laging taya noon.

“Nakakatawang isipin na nandun si direk Lauren Dyogi, nandun lahat mga writers, mga naging guests namin. Nakakatuwa na meron pa ring nag-i-exist na magandang samahan after all this time,” sey ni Juday.

Ngayong “Gimik” reunion, gaano na kalaki ang ipinagbago mo in terms of career, lovelife and outlook in life?

“Hayun, pumayat, tumaba, pumayat at tumaba na naman uli. Marami na kasing nagdaan sa akin, marami nang experiences, nandun na ‘yung marami na rin namang achievements, nakapag-produced na ako ng “Ploning”, nakarating sa Hollywood, nagpakasal na rin ako at buntis na ngayon na sa October pa makikita ang baby namin ni Ryan.

“Kumbaga, ang haba na ng tinakbo ng buhay ko! Siguro, mas malaman at masyadong busog sa experience pati ‘yung mga nakasama ko sa “Gimik” dahil colorful din naman ang buhay nila lalo na sa ibang bansa sila.

“All throughout the time na nandito ako sa showbiz hanggang ngayon puwede na akong magtayo ng museum, siguro sa dami ng napakasayang moments ko sa mundong ito,” patuloy na kuwento ni Juday.

Teka, ano naman ang masasabi mo sa mga younger batch na co-stars niyo ngayon sa “Gimik 2010”?

Sino sa tingin mo ang may future sa kanila?

“Bigyan lang sila ng konti pang panahon at atensyon pagdating sa pag-arte, malayo naman siguro ang mararating nila, kung maalagaan sila tulad nu’ng naging pag-aalaga sa akin.

“Sa totoo lang, tamang pag-aalaga at breaks at pag-aralan lang nilang mabuti ang trabahong pinasok nila, may pag-asa sila. Mga bata pa kasi sila, so they have all the time to improve their crafts. May mga times na naglalaro sila, pero ‘pag take na, nakikinig naman sila sa instructions, nauuna lang ang nerbyos.

“Siguro dahil nandun sina Mylene Dizon, kaming mga artistang matatabil, syempre medyo takot sila at naaalangan. Kailangan pa nila ng confidence, but in due time they will improve hopefully.”

Eh sa mga boys ng Gimik ngayon, anong wish mo for them?

“Magkaroon lang sila ng enough confidence sa sarili nila at seryosohin ang ginagawa nila at ilabas nila ang natural nila, alisin ang nerbyos, don’t suppress their emotions, ilabas nila, isigaw nila, let loose, kasi overwhelmed sila sa mga kasama nila sa dami ng mga nakikita nila, maging inspirasyon sana nila na masarap ang buhay artista, mahirap lang talaga magsimula but in due time they will earn their rewards, sana!” payo pa ni Juday sa mga boys ng Gimik.

Daiana, itinanggi ang ‘panliligaw’ ni Chris Tiu!

2010-05-04T20:46:00.001-07:00

IWAS na iwas si Daiana Menezes na ma-link kay Vic Sotto na kapareha niya sa TV 5 show na My Darling Aswang dahil nahihiya siya sa girlfriend ng komedyante na si Pia Guanio.

“Walang link-link. Nakakahiya kay Pia. Guwapo naman si Bossing, pero wala talagang link-link sa kanya! He’s a family. Nakakahiya kay Pia who recommended me sa show! I admire Bossing, pero walang ganoon. Ayoko ng ganoong tsismis!” sabi ni Daiana.Itinanggi rin ni Daiana na si Chris Tiu ang bagong manliligaw niya.

“Ay, walang ganoon. I don’t even know him! Alam naman ninyo kung sino ang lovelife ko! One at time lang ako!” katwiran pa ng Brazilian model.

Lara at Marco, ikinasal sa Canada?

2010-05-04T20:44:00.000-07:00

LANTARAN na nga ang relasyon nina Marco Alcaraz at Precious Lara Quigaman. Kunsabagay, wala naman silang dapat na itago, dahil pareho naman silang single.

Anyway, sa isang awards night nga ay magkasama silang dumating at sa tsikahan sa kanila ay naikuwento nila ang naging bakasyon nila sa Canada, na kung saan ay binisita nga nila ang pamilya ni Lara.Pinakilala na nga ni Lara si Marco sa kanyang buong pamilya. Isang senyales nga na okey na ang relasyon ng dalawa.

Pero hindi raw iyon pamamanhikan, ayon sa former Miss International. At itinanggi rin nila na nagpakasal na sila nang sikreto sa Canada.

Inamin nina Marco at Lara na napag-uusapan na nila ang pagpapakasal. Pero, marami pa raw silang dapat ayusin pa bago nila upuan ang mga plano nila.

Tungkol naman sa dating manager ni Marco na diumano ay nakasagutan daw ni Lara.

“Hindi ko po siya nakilala. I never met him kaya paano kami magkakasagutan?” sabi lang ni Lara.

Nabanggit nga rin ni Marco na hindi pa sila ulit nagkakausap ng kanyang dating manager. At wala na raw siyang balak na bumalik sa management nito dahil may bago na raw siyang manager.

“Hindi ‘bilmoko girl’ si Kim!” -- Gerald

2010-05-04T20:43:00.000-07:00

MASAYA si Gerald Anderson na naimpluwensiyahan niya si Kim Chiu na mag-gym.

Kuwento ni Gerald, ilang araw na raw na nagdyi-gym si Kim, at mas naging conscious na rin daw ito sa kanyang health.

Proud na proud nga si Gerald sa pagsasabi na siya ang nagpayo kay Kim na mag-gym para mas lalo itong maging sexy.
Anyway, iPad at Desktop nga ang iniregalo ni Gerald kay Kim nu’ng birthday nito.

“Nasa States kami nu’ng nalaman ko na gusto niya `yon. Nakita niya sa isang store. Tinuro talaga niya.

Sabi niya, pag nakalipat na siya sa bagong bahay niya, bibili siya ng ganun.

“So, inunahan ko na siyang bilhin ‘yon. Birthday gift ko sa kanya.”

Naku, baka naman nagparinig lang si Kim sa kanya para ibili niya, na nangyari nga? Bilmoko girl nga ba si Kim?

“Hindi siya nagpaparinig. Observant lang talaga ako. Nagkataon lang na magbi-birthday siya at wala pa akong regalo. So, mabuti na lang at nalaman ko kung ano ang gusto niya,” depensa ni Gerald kay Kim.

Juday, inalalayan ni Claudine sa pagbubuntis Ryan, antukin at tulog nang tulog

2010-04-23T23:00:00.000-07:00

SOBRANG happy nga si Juday na nagkasama-sama sila ulit ng mga dati niyang kasamahan sa Gimik, na palabas na bukas. Sabi nga ni Juday, parang biglang bumalik sa alaala niya ang lahat.
Ang dami-rami raw niyang hindi malilimutang karanasan sa Gimik noon.“Every taping noon, hindi talaga makakalimutan, lalo na ‘yung nag-Baguio kami. Kasi first time akong nakasama noon sa trip ng Gimik sa Baguio. I mean, out of town palaging hindi ako nakakasama, kasi palagi akong may trabaho at hindi ako pinapayagan at that time.

“Nu’ng Baguio, nakiusap talaga ko na pasamahin ako. Masaya `yung part na `yon sa akin bilang artista, dahil parang nag-outing lang kami sa Baguio noon, na nagkataon na nagtatrabaho kayo pero most of the time tawanan lang kami nang tawanan. Eh, ang lamig ng panahon, at biglang bubuhos ang ulan at nagtatakbuhan kami sa itaas ng bundok. Nakakatuwang isipin na nu’ng time na ‘yon walang artistang maarte,” say ni Juday.

Siyempre, hindi rin naawat si Juday na magkuwento tungkol sa kanyang pagbubuntis. Tingin daw niya, hanggang ngayon ay naglilihi pa rin si Ryan Agoncillo.

“Ayaw n’yang aminin, pero siya ‘yung naglilihi hanggang ngayon. Kasi siya ‘yung may ayaw ng mga pabango ko, tapos siya ‘yung naghahanap ng siomai, tapos antok na antok siya at tulog nang tulog.

“Ako mas madalas lang ako kumain kasi madalas ako magutom, pero hindi naman malakas ‘yung appetite talaga, pero madalas akong kumain at saka hindi lang ako nakakakain ng mga malalansa noon.

Pero ngayon ok na, unti-unti nakakakain na ko uli ng mga isda, ng mga shellfish.”

Ano ba ang paghahandang ginagawa nila ni Ryan ngayon?

“Sa ngayon todo-basa ako ng mga books tungkol sa pagiging mother, tapos nakikinig sa mga advice ng mga tao. May mga fans na nagpadala ng mga regalo nila for the baby, at tinatanong pa nila ako kung anong gusto ko. Pero, nagsisimula na akong mag-online kung ano ba talaga ‘yung kailangan.

“May mga words of wisdom din sa akin si Claudine na ‘wag daw akong bumili masyado ng mga damit ng new born kasi nga ang bilis lumaki ng bata, at masasayang lang. Na tama naman kung iisipin mo, na gagastos ka ng bonggang-bongga tapos ilang linggo lang magagamit ng bata dahil mabilis ngang lumaki ang mga bata lately.

“So tama lang ding maging praktikal talaga. Ang hirap din naman ng buhay ngayon. Hindi naman porke artista ka eh mabilis na ang pera,” sey pa ni Juday.

Sharon, niligaw-ligawan ni Jinggoy noon!

2010-04-23T22:58:00.000-07:00

SOBRANG naantig ang damdamin ni Sen. Jinggoy Estrada sa suporta ni Mother Lily Monteverde sa kanya. Nagpatawag nga ng presscon si Mother Lily para kay Jinggoy.

At dahil doon, nangako si Jinggoy na willing siyang gumawa ng pelikula sa Regal Films ng libre. Sabi nga ni Jinggoy, hindi niya akalaing mag-aabala si Mother Lily na tulungan siya para sa publicity ng kanyang pagtakbo.

Anyway, noon pa man ay sinasabi na ni Jinggoy na gusto niyang gumawa ng movie sa Regal. Pero, hindi raw `yon matuluy-tuloy dahil sa trabaho niya sa pulitika.

Pero, pagkatapos ng eleksiyon ay puwedeng-puwede na nga `yong matuloy. Sabi nga ni Jinggoy, posibleng lumahok siya sa Metro Manila Film Festival ngayon lalo na at wala na raw sa MMDA si Bayani Fernando.

Giit pa ni Jinggoy, mahal na mahal niya at hinding-hindi niya puwedeng talikuran ang pelikula.

Sa naturang presscon, iginiit pa rin ni Jinggoy ang intensiyon niya na mawala sa kamay ng MMDA ang pamamahala sa MMFF. Gusto nga niya na ibigay ito sa mga taga-showbiz.

Kung mahahalal daw siyang muli, at kung sino raw ang mananalong president, ipakikiusap daw talaga niya rito na i-subsidize ng national government ang movie industry para makaahon sa kahirapan.

“Kung ang ama ko uling si Pangulong Joseph Estrada ang mahahalal, madali ko na lang maibubulong sa kanya ang tungkol dito,” sambit ni Jinggoy.

Hayagan na ring sinasabi ni Jinggoy na para sa kanyang amang si Erap ang ginagawa niyang todo-todong kampanya ngayon, dahil gusto niya itong manalo. Sabi nga ni Jinggoy, ito na raw ang huling pagkakataon para sa ama niya kaya sana raw ay mabigyan uli ito ng chance.

***

Samantala, ikinagulat nang husto ni Jinggoy ang pagsulpot sa naturang presscon ng megastar na si Sharon Cuneta para suportahan ang kanyang kandidatura.

Sa katuwaan, biglang isiniwalat ni Jinggoy ang sikretong matagal na niyang itinatago sa press.

Naikuwento niyang niligawan pala niya si Sharon noon at madalas niya itong bisitahin sa beauty parlor kung saan ito nagpapaayos. Lagi raw niya itong pinasasalubungan ng chicharon bulaklak.

Hanggang sa Broadcast City kung saan ito may show, lagi raw niyang binibisita ang megastar. Umatras na lang daw siya nu’ng pumasok na sa eksena si Gabby Concepcion dahil mas magandang lalake ito sa kanya.

Ibinuking din ni Jinggoy na maging ang bestfriend niyang si Bong Revilla ay nanligaw din kay Sharon noon.

Maliban sa pagiging magkaibigang matalik at pagiging magkumpare, ang paniniwala sa kakayahan ni Sen. Jinggoy na maglingkod sa bayan ang isa sa mga rason ni Sharon kung bakit siya dumating sa presscon nito.

Sabi nga ni Sharon, hindi lang mabait na kaibigan si Jinggoy kundi isa itong mahusay at maasahan sa paglilingkod sa tao. Forever friends ang paniniguro ni Sharon sa samahan nila ni Jinggoy.

Sey pa nga ng megastar, kahit galing pa siya sa Laguna at nag-aayos para sa gagawing out of town nila, dinayo niya ang presscon ni Jinggoy para ipakita ang kanyang suporta.

Siyanga pala, hindi na nagawa pang interbyuhin ng press si Sharon pagkatapos ng presscon dahil magalang naman itong nakiusap na bawal sa kanya ang mag-endorse ng kahit na sinong politician.

Nakalagay raw sa kontrata niya na hindi siya puwedeng mag-endorse ng kahit na sinong pulitiko.

Sabi nga sa amin ni Sharon, kahit gustung-gusto niyang itaas ang kamay ng kanyang pinakamamahal na si Sen. Tito Sotto ay hindi niya magawa dahil sa kontratang `yon sa isang produktong ini-endorse niya. Pero, suportado raw niya ang kandidatura ni Tito Sen, sa abot ng kanyang makakakaya.

Anyway, tinanong namin kay Shawie kung alam ba niya ang poster na nagkalat sa Pasay, na kung saan ay kasama niya sa larawan ang isang kumakandidato doon na kaapelyido niya.

Sagot ni Sharon, kamag-anak niya ang nasabing kandidato at nakunan na ang naturang larawan bago pa siya pumirma ng kontrata sa ini-endorse niyang produkto.

Anyway, dahil mahal ng media si Sharon, pinagbigyan ito na hindi siya makapanayam. Matapos ngang magpakuha ng larawan si Sharon na kasama sina Jinggoy, Mother Lily, Lorna at anak ni Jinggoy na si Jolo, umalis na ang megastar.

“Hindi ko winasak ang relasyon nina Rayver at Sarah!” -- Cristine

2010-04-23T22:57:00.000-07:00

GULAT na gulat si Cristine Reyes nang bigla siyang ma-link kay Rayver Cruz. Si Cristine din nga ang sinisisi kung bakit naghiwalay daw bigla sina Rayver at Sarah Geronimo.

Isang dahilan daw iyon kung bakit sinugod ng ama ni Sarah si Rayver dahil nga nabalitaan daw nito na tinu-two time nito ang kanyang anak.Sey nga ni Cristine, wala raw siyang kinalaman sa anumang relasyon na namamagitan kina Rayver at Sarah. At kung magkarelasyon man daw sina Sarah at Rayver, hindi raw niya winasak ang relasyon ng dalawa.

Inamin ni Cristine na magkakilala sila ni Rayver, pero paulit-ulit niyang iginiit na wala raw namamagitang relasyon sa kanilang dalawa.

“Lahat na lang ba ili-link nila sa akin?” natatawang pahayag ni Cristine.

“Kaibigan ko lang ‘yung tao. Ano ba ang masama roon? Hindi na ba ako puwedeng makipagkaibigan?” dugtong na sambit pa ni Cristine.

Nag-umpisa nga raw ang tsismis kina Rayver at Cristine nang makita silang dalawang magkasama noong magkaroon ng show ang ASAP sa Boracay. Hindi nga raw kasi nagkahiwalay ang dalawa at balitang ginaguwardiyahan daw ni Cristine si Rayver habang nagda-dance rehearsal ito.

“Ano ba ‘yon? Marami kaya kaming nandoon. At saka, rehearsal din namin iyon for the show. Natural na hindi kami aalis hanggang hindi natatapos ang unang nagre-rehearse.

“Nakakaloka naman ang mga balitang ‘yan. Mabuti na lang at sanay na ako sa ganyan,” diin pa ni Cristine.

Nagsalita na rin nga si Rayver Cruz at pinasinungalingan niya ang pagkaka-link niya kay Cristine.

Nahihiya nga raw siya kay Cristine dahil nadadamay ito sa nangyari sa kanila ni Sarah.

Panganganak ni LJ sa Tate, posibleng harangin ng US Immigration!

2010-04-18T03:57:00.000-07:00

Nagbakasyon pala sa Taiwan si LJ Reyes noong Holy Week at nang bumalik siya sa Pilipinas, biglang lumaki ang kanyang tiyan kaya hindi na niya maitago ang pagbubuntis.

Six months pregnant si LJ at ngayong hapon, lalabas sila ni Paulo Avelino sa Showbiz Central para pag-usapan ang kanilang love story.

All over the papers ang plano ni LJ na isilang sa New York ang lovechild nila ni Paulo pero kung kami ang tatanungin, mas makabubuti na huwag nang ipangalandakan ang balak niya na pagpunta sa ibang bansa.

Huwag bigyan ni LJ ng rason ang US immigration para maging alerto sa kanyang pagdating at baka ito pa ang maging dahilan para hindi siya makapasok sa Amerika. Mahigpit ang US immigration official sa pagpapapasok ng mga buntis sa kanilang bansa, unless US citizen si LJ.

Marian-Dingdong, pawis, luha at dugo ang puhunan sa showbiz!

2010-04-18T03:55:00.000-07:00

Trailer pa lang ng pelikulang “You To Me Are Everything” nina Marian Rivera at Dingdong Dantes na prodyus ng Regal Films at GMA Films, ang lakas ng come-on nito sa moviegoers kaya tiyak na patok na naman ito sa takilya tulad ng mga nagdaan nilang tambalan.

Sa nakaraan nilang presscon sa Imperial Palace Suites ay namudmod ng mga bote-boteng Gran Matador brandy na parehong iniendorso ng magkapareha.Maganda ang ginawang press release ng Matador dahil palaban at akala mo eh ako mismo ang sumulat, huh!

Ang dalawang bituin ng GMA7 ay itinuturing na huwaran sa pagiging artista dahil pawis, luha at dugo ang kanilang ipinuhunan upang maging sikat na artista.

Simula nu’ng gawin silang endorser ng Gran Matador brandy, mga ilang taon na ang nakakaraan, namayagpag na sa bentahan ang naturang produkto hanggang umabot sa pagiging number 1 brandy, ayon na rin sa kasalukuyang research ng The Nielsen Company Philippines, Inc.

Tulad ng Matador sa Espanya, sina Dingdong at Marian ay lumalaban sa mga pagsubok araw-araw maging sa kanilang propesyon at personal na buhay.

Dala nila ang mga katangian tulad ng pagiging maabilidad, tutok sa trabaho, may paninindigan at swabe. Ito ang nilalaman ng commercial nina Dingdong at Marian kasama na ang iba pang nagpunyagi upang maging numero uno o number one sa kanilang propesyon.

Nagsimula sina Marian at Dingdong bilang TV loveteam and catapulted to instant fame via GMA7’s telenovela, “Marimar”, the Tagalized version of the Mexican series.

He was a shoo-in as the dashing Sergio, while she played the lead, stepping into the role earlier essayed by Mexican actress Thalia.

“Marimar” posted phenomenal ratings and toppled all competition on primetime TV and made an instant star of Marian Rivera. The success of the Dingdong-Marian partnership prompted the network to immediately give the young loveteam another project together.

Thus came the fantaserye, “Dyesebel”, an adaptation of a Mars Ravelo classic. He was Fredo, while she was the mermaid who fell in love with him.

Their third series was Carlo J. Caparas “Ang Babaing Hinugot Sa Aking Tadyang”, an adaptation of the 1981 komiks-to-movie drama of the same title. Dingdong played Homer and Marian was Proserphine.

Theirs is undoubtedly a beautiful chemistry on the small screen. They didn’t go unnoticed even by film producers.

Regal matriarch Lily Monteverde in partnership with GMA Films producer Annette Gozon-Abrogar, gave Dingdong and Marian their launching flick Mac Alejandre’s romance-drama, “One True Love”.

What many didn’t probably expect was that the reel romance of Dingdong and Marian would turn to real, much to the delight of their fans. They became the banner loveteam of the network, one of the most sought after and most bankable too. As a pair, they also clinched several product endorsements.

While they have yet to be seen in another TV series, Dingdong and Marian are out to excite their fans as they bring romance anew to the big screen in their forthcoming film, “You To Me Are Everything”, a joint production venture of GMA Films and Regal Entertainment, the movie is directed by Mark Reyes, pamangkin ni direk Jose Javier Reyes!

Sa movie, ang tiyak na aagaw ng pansin ay ang cute na pink baboy na ala-“babe” na alaga at binebeybi ni Marian sa movie!

Alfred, mamamanhikan na kay Yasmine sa Italy!

2010-04-18T03:54:00.001-07:00

Hindi na nagulat si Alfred Vargas na buntis na ang ex-girlfriend niyang si LJ Reyes, sa boyfriend nito ngayon na si Paulo Avelino.

“Hindi na ako nagulat, pero hindi ko ini-expect,” say ni Alfred.

Kuwento ni Alfred, sa kasamahan naming kolumnista rito sa Abante na si Jojo Gabinete niya nalaman ang pagbubuntis ni LJ. Reaksiyon daw ni Alfred, nasa tamang edad na si LJ.

“Nasa wastong edad naman na siya at tapos na siya sa pag-aaral. So, okey lang naman kung mabuntis siya. Wala namang masama roon,” sambit pa ni Alfred na suportado nga ang pagbubuntis ni LJ.

Anyway, hindi masyadong updated si Alfred sa mga showbiz happenings ngayon dahil abala siya sa kampanya bilang konsehal ng distrito 2 sa Quezon City. At Masaya raw siya na maganda ang pagtanggap sa kanya ng mga tao sa mga lugar na pinupuntahan niya.

Kung marami ang nanghihinayang sa maagang pagbubuntis ni LJ, natutuwa naman si Alfred sa kalagayan ng dating kasintahan. Tawa nang tawa si Alfred sa biro namin na hindi niya “napuruhan” si LJ nu’ng sila pa ang magkasintahan.

Sabi lang niya, iginalang niya nang husto si LJ nu’ng sila pang dalawa.

“Ganun naman talaga ako sa mga babae, nirerepesto ko sila at minamahal,” sabi pa niya.

Anyway, inamin ni Alfred na napag-uusapan na rin nila ng kanyang girlfriend na si Yasmine Espiritu ang tungkol sa kasal.

“Pero, kulang na lang ‘yung formal na plano. ‘Yung proposal na lang para matuloy, at `yung date. Basta, kung ibibigay sa amin ‘yung pinaplano namin at maayos, baka matuloy na,” pagtatapat niya.

Desidido si Alfred na pakasalan ang kasintahan. Aniya, ngayon lang siya nakatagpo ng babaeng halos perfect na para sa kanya.

Tuwang-tuwa nga ang aktor nu’ng sabihin naming huwag na niyang pakawalan pa ang kasintahan at pakasalan na niya dahil baka “lumamig” pa ang kanilang relasyon.

“Hindi ko talaga pakakawalan! Itutuloy ko na ito!” sey ng actor.

Pagkatapos na pagkatapos ng eleksyon, magbabakasyon daw muna si Alfred kasama ang kanyang kasintahan sa bayan nito sa Italy. Hindi man sabihin ni Alfred, baka isabay na rin niya ang pamamanhikan sa mga magulang ni Yasmine sa Italy.

Siyanga pala, nominado si Alfred bilang Best Single Performance by an Actor para sa indie film niyang “Colorum” sa Golden Screen Awards for Movies, na gaganapin sa May 5, 2010 sa Teatrino Greenhills.

Paulo, kulang sa paninindigan kay LJ Reyes!

2010-04-18T03:51:00.000-07:00

Last Sunday pa namin nalaman na buntis na si LJ Reyes kaya ito pupunta sa Tate. That time, nagti-taping kami ng Juicy, kasama ang mga host na sina Cristy Fermin, IC Mendoza at Alex Gonsaga, nu’ng ibalita sa akin ng isang staff ng show na buntis nga si LJ. Actually, ang kumpirmasyon na buntis si LJ ay galing mismo sa isa mga insider ng GMA 7.

Si Paulo Avelino nga ang ama ng ipinagbubuntis ni LJ. At aaminin ko, nayamot lang kami sa kanya dahil parang hindi siya lalake, na kulang sa paninindigan, na nu’ng mga panahong ini-interview namin siya tungkol sa relasyon nila ni LJ ay hindi niya makumpirma ang tungkol sa relasyon nila. Palaging si LJ ang itinuturo niya.

At hanggang sa interview sa kanya ng Showbiz Central tungkol sa pagbubuntis ni LJ, ay si LJ pa rin ang itinuturo niya para magsalita.

Kaya kung sakaling nanganak na si LJ at tanungin si Paolo kung nanganak na nga ang kasintahan, hindi na kami magtataka kung ituro niya uli ang aktres para ito ang tanungin ng media.

Dapat ay matutong manindigan si Paulo, no!

Trono nina Juday at Claudine, ‘di kayang abutin ni Empress!

2010-04-18T03:50:00.000-07:00

‘Yang bagong inilulunsad na bituin sa “Rosalka” na Empress ang pangalan ay malayong maging mayordoma man lang. Sampung taon pala ang pinaghintay ng babaing ito bago siya binigyan ng break ng ABS-CBN.

At masyadong mapangarapin ang aim niya. Puntirya niya kaagad ang trono nina Juday, Claudine, at Anne.

Ganoon lang ba kadali ‘yun? Mas lalo siyang hindi magku-qualify, noh!

Dahil ang taas ng puntirya niya, eh launching pa lang niya itong tila pinagsamang- “Kampanerang Kuba” at “Bakekang” na hitsura niya! It took her 10 years daw waiting for this big break.

Eh sina Juday at Claudine, they already spent those 10 years endearing themselves to the public kaya hanggang ngayon nand’yan pa sila, kasi malalim na ang pagkakatanim sa kanila!

Bakit hindi kina Erich, Melissa, Carla, Mariel, at Bianca muna ikumpara si Empress para mas madali siyang maka-impress?

Piolo, ugat ng away nina Zanjoe at Mariel?

2010-04-18T03:49:00.000-07:00

Ikinaloka ni Mariel Rodriguez ang tanong ng isang manunulat na kung totoo ba na si Piolo Pascual ang dahilan kung bakit muntik na silang magkahiwalay ni Zanjoe Marudo.

Sabi kasi sa tsismis, nawalan daw ng time si Zanjoe kay Mariel dahil sa pakikipag-bonding ni Zanjoe sa kaibigang si Piolo?

Anyway, agad ngang itinanggi ni Mariel na nagkaroon sila ng problema ni Zanjoe. Katunayan, isang madiing ‘NO’ ang sagot niya sa naturang tanong.

“Never! Never! May gagawin silang soap opera noon kaya magkasama sila dati. Pero, hindi talaga!

When it comes to work, it’s work. And when they work, they work. Not naman na they play badminton together. I think it’s unfair to say because there’s no basis at all. Kasi they don’t hang-out. Saka, they have to be friends kasi magkasama sila sa work noon,” say pa ni Mariel.

Pero ngayon raw, hindi na masyadong nagkakasama sina Zanjoe at Piolo, dahil hindi na nga sila magkasama sa trabaho.

Iginiit nga ni Mariel na hindi isyu sa kanila ni Zanjoe ang pagiging malapit sa kanya-kanyang kaibigan.

Binanggit nga ni Mariel si Luis Manzano na kaibigan daw niya, at madalas ka-text. Ni minsan daw ay hindi naging isyu si Luis sa relasyon nila ni Zanjoe.

Anyway, kung may nakakaapekto man kay Mariel na tsismis, `yun ay ang tsismis na kesyo binigyan ng isang mayamang bading ng mamahaling kotse si Zanjoe.

“Naawa ako sa kanya, kasi nagtatrabaho naman talaga siya. Hindi naman siya `yung walang ginagawang show. Hindi rin naman siya ‘yung hampaslupa or something, na walang ginagawa. He’s working naman! I mean, kaya naman niyang bumili ng mamahaling sasakyan,” pagtatanggol pa ni Mariel kay Zanjoe.

Sigurado si Mariel na galing sa sariling bulsa ni Zanjoe ang bago nitong car dahil kasama pa siya sa pagbili nito. Tanda pa niya kung saan binili ang car at ang pagpirma nito ng mga tseke.

“Nandoon pa ako nu’ng kasama pa niya ‘yung mga tao mula sa banco. Installment `yon. Tama!” sabi na lang ni Mariel.

Barbie, inaabangan ng manliligaw!

2010-04-18T03:48:00.001-07:00

Hindi pa man natatapos ang drama series na First Time ay may kasunod na show agad sina Barbie Forteza, Joshua Dionisio at Jake Vargas na Pilyang Kerubin. Kung si Barbie ang tatanungin, ayaw niyang matapos agad ang First Time dahil marami pa raw silang puwedeng ituro na magaganda sa mga televiewers nila.

“Medyo telefantasya naman po ang kasunod na gagawin namin nina Joshua at Jake. Matutuwa sila sa akin sa Pilyang Kerubin kasi ulo ko lang ang una nilang makikita tapos may pakpak.

“At tulad sa First Time, may mga important lessons in life kami na ise-share sa mga kaedad namin at sa buong pamilya nila,” kuwento ni Barbie.

Sa July pa magti-13 years old si Barbie pero marami ang nakapansin na tumatangkad na ito at lalo itong gumaganda ngayon. Kuwento nga sa akin ay marami na ang gustong manligaw kay Barbie ngayon. Pero say nga ni Barbie, bawal pa siyang ligawan.

“Mabuti naman po at napapansin ninyo na tumatangkad ako at gumaganda. Kapag may chance po na makatulog sa set, ginagawa po naming matulog. Lagi kong sinasabihan ‘yung dalawa na kailangang matulog sila para lalo silang tumangkad. Minsan kasi ang gugulo nila sa set. Ayaw magpahinga kaya tinatakot ko na hindi sila lalaki kapag hindi sila magpahinga,” ngiti pa ni Barbie.

Nagpapasalamat nga si Barbie na kahit naging busy ang schedules niya ay nakapag-attend pa siya ng kanyang classes sa school sa Biñan, Laguna. Sa susunod na pasukan daw ay baka mag-home study na lang siya dahil nahirapan din daw siyang bumiyahe mula sa taping location nila.

Coco Martin, aminadong walang karapatang manligaw kay Karylle! “Hindi kami magka-level. Feeling ko hindi kami bagay. Parang mas mataas siya sa akin!”

2010-04-18T03:45:00.000-07:00

Wala raw girlfriend ngayon si Coco Martin, kahit masasabing habulin siya ng mga babae. Sabi ni Coco, mas gusto niyang samantalahin ang magandang takbo ng kanyang career, kesa magpakabaliw sa mga babae.

Ilan sa mga na-link kay Coco noon ay sina Maja Salvador, Alessandra de Rossi at Karylle. At lumalabas nga na gimik lang ang mga `yon para mas mapag-usapan siya.

“Hindi naman publicity ‘yon. Si Maja, sabi ko nga, everytime na nakakatrabaho mo, lalo na at medyo madikit ang character ninyo sa isa’t isa, nagkakaroon ng isyu. Pero when it comes to ligawan, never ko naman sinabing nililigawan ko ang kahit sino. Nagkakaroon lang ng matinding bonding sa set.

“Si Alessandra naman, bestfriend ko ‘yon. Kahit hindi na kami magkasama sa soap, kami-kami pa rin ang magkakasama.“’Yung kay Kaye (Karylle) hindi pa kami nagkakatrabaho. Pero, once tinukso kami. Nu’ng time na nanood siya ng Kinatay, yung indie film na ginawa ko noon. Tuwang-tuwa ako nu’ng nalaman ko `yon. Tapos, naikuwento ko kina Gerald (Anderson) at Jake (Cuenca), tinukso na nila ako,” natatawang kuwento ni Coco.

Inamin ni Coco na natorpe siya kay Karylle. Inisip daw niya na hindi sila magka-level.

“Sinabi ko nga `yon, na hindi kami magka-level. Kasi, sinasabi nila sa akin na ligawan ko raw siya. Sabi ko, marunong naman akong lumugar. Feeling ko hindi kami bagay. Parang mas mataas siya sa akin. Hindi ko rin alam. Hindi ko naman minamaliit ang sarili ko, pero feeling ko masyado siyang mataas para sa akin.

“Nanggaling kasi ako sa indie, eh. Kahit ngayon kapag nakakakita ako ng mga artistang sikat, para pa rin akong fan.”

Pero, sabi nila, may secret lover daw si Coco na nagbabawal sa kanyang manligaw sa kahit na sinong babae? Ang natuturo ngang diumano ay secret lover ni Coco ay isang director?

Agad namang pinasinungalingan ni Coco ang tsismis, kasunod ang pagsasabi na malapit na kaibigan lang niya ang naturang director.

Kinumusta rin namin kay Coco si Kris Aquino na kasama niya sa teleserye na Kung Tayo’y Magkakalayo.

“Sobrang okey!” sagot ni Coco.

Lumabas kasi ang tsismis na kesyo nasaktan si Coco kay Kris, dahil palagi raw nitong pinupuna o pinipintasan ang mga sinusuot niyang damit?

“Actually, wala naman talagang issue sa amin. May nagpalala lang naman ng issue. Sabi ko nga, sobrang okey kami ni Ms. Kris ngayon dahil nakikita niya na kung ano ang maitutulong ko para kay Noynoy, ginagawa ko. Naniniwala ako kay Noynoy. At dahil sa suportang ibinibigay ko kay Noynoy, mas lalo akong napapalapit kay Ms. Kris.

“Wala naman talagang pamimintas, dahil feeling ko naman hindi niya gagawin ‘yun kasi lagi rin lang akong tahimik sa isang tabi. Walang chance para punahin niya ako,” pahayag ni Coco.

“HIndi ko talaga alam kung saan nagmula ang issue. Nu’ng sinagot na nga ni Ms. Kris ‘yung issue na parang wala namang ganung nangyari, ako naman nagtatanong kung saan nanggaling? Ako mismo nagulat,” dugtong na pahayag pa ni Coco.

Anyway, tungkol naman sa anak ni Coco kay Katherine Luna, inamin niya na hanggang ngayon ay hindi pa rin niya nakikita at nahahawakan ang bata. Sabi lang ni Coco, inuunti-unti na niyang ayusin ang tungkol dito. Umaasa siya na darating ang araw na magkakausap din sila ni Katherine.

Aminado si Coco na sabik na sabik na siyang makita ang kanyang anak.

Anyway, masisimulan na rin ni Coco ang pagpapatayo ng bahay sa QC bago matapos ang taon. Ang kinita raw niya bilang endorser ng Cossak Blue Vodka at Wow Ulam ang gagamitin niya para sa bahay.

Sabi nga ni Coco, malaking bagay sa kanya ang mga grasyang natatanggap sa showbiz para ayusin ang kanyang buhay. Nakabili na raw siya ng lupa at pinaplano na nga niyang patayuan ito ng bahay.

Cristine, ayaw makaharap si Jennylyn!

2010-04-16T08:11:00.000-07:00

HINDI ulit sinipot ni Cristine Reyes ang second presscon kahapon ng Working Girls 2010. Walang masabi na dahilan ang manager ni Cristine sa hindi nito pagsipot dahil hindi sinasagot ng sexy actress ang mga tawag sa kanyang cellphone.

Ang duda ng press, umiiwas si Cristine na pagpistahan sila ni Jennylyn Mercado dahil sa relasyon nito kay Dennis Trillo. O puwede ring ayaw nitong makasama si Jennylyn sa isang event na tulad ng presscon?Hindi man siya dumating sa presscon, hindi na-miss ng press si Cristine dahil sa mga maaanghang na pahayag ni Ma. Isabel Lopez laban kay Stella Marquez de Araneta.

Twenty-five years ago, nanalo si Isabel ng Bb.Pilipinas-Universe crown pero pinag-resign ito ng BPCI dahil sexy model siya ng Girard Peter.

Ginanap ang presscon ng Working Girls sa Gateway Mall na pag-aari ng mga Araneta pero walang takot na binanatan ni Isabel si Stella.

“Ang BPCI under the leadership of Stella Marquez- Araneta, alam naman natin na napaka-elitista at napaka-matapobre niya.

“Kagaya ko, galing ako sa ranggo ng Girard Peter models na minamata-mata nila at ‘di accepted.

“Dapat talaga ang BPCI, dapat talagang hawakan ng Pilipino at hindi ng elitistang banyaga. Hinihintay ko lang na mag-rest in peace si Stella Marquez –Araneta,” matapang na pahayag ni Isabel.

Matapang, mataray at palaban ang mga statements ni Isabel, pero paano kung siya ang maunang mag-rest in peace?

Mark, respetado ang relasyon nina Jennylyn at Dennis!

2010-04-16T08:10:00.000-07:00

NAGULAT din pala si Mark Herras nang biglang malaman niyang nagkakamabutihan na sina Jennylyn Mercado at Dennis Trillo.

Hindi pa raw kasi niya nakakausap si Jennylyn o maging si Dennis, pero ang gusto niyang sabihin sa dalawa ay sana maging masaya ang dalawa at huwag na nilang alalahanin ang sasabihin ng ibang tao.

“Wala talaga akong alam tungkol sa kanilang dalawa. Si Jen kasi, tuwing may work lang naman kami nagkakausap. Hindi kami madalas magkumustahan. Si Dennis naman, close rin kami niyan pero kapag may trabaho lang kami sa GMA nagkakausap.

“Marami nga ang nagsasabi na bagay sila. Totoo naman iyon. Bagay silang dalawa at siguro nga sila ang pinagsama talaga. Kaya maging masaya tayo para sa kanilang dalawa,” nakangiting sabi pa ni Mark.

May mga fans nga sina Mark at Jennylyn na hindi pabor kay Dennis. Gusto pa rin kasi nila na si Mark ang makatuluyan ni Jennylyn.

“Ang mga fans naman namin ni Jen, nagpapasalamat ako at nandiyan pa rin sila. Kahit na noong kami pa at hanggang sa magkahiwalay kami, very loyal sila sa amin at tuwing may project kami, nandiyan sila para sumuporta.

“Pero sinasabi naman namin sa kanila na hindi naman forever ay magiging kami ni Jen. Darating ang time na may ibang ipapareha sa amin at ibang tao rin ang makakatuluyan namin sa totoong buhay.

Kaya dapat tanggapin nila ‘yon.

“Basta ang hiling lang namin ni Jen sa kanila ay huwag silang magsawa na suportahan kami. Maging kami man in the future o hindi, ipagpapasalamat namin na nandiyan pa rin sila.”

Wala raw balak na tanungin ni Mark sina Jen at Dennis tungkol sa kanilang relasyon ngayon. Tama na raw ‘yung alam niyang may relasyon sila at hindi na niya kailangan pang mag-usisa pa.

“Personal na bagay na iyon, eh. Ayokong sabihin nila na tsismoso ako! Ha! Ha! Ha! Ha! Tama ba naman iyon? Na ako pa ang magtanong sa kanila, ‘di ba? Hindi bagay! Ha! Ha! Ha! Ha!

“Kung magkuwento man si Jen or si Dennis sa akin, makikinig ako. Nirerespeto ko ang personal na buhay nila. Pero tulad nang sabi ko, masaya ako para sa kanilang dalawa,” pagtatapos pa ni Mark Herras.

Richard at Anne, napasabak sa matinding halikan!

2010-04-16T08:08:00.000-07:00

NAPASABAK agad sa matinding halikan sina Richard Gutierrez at Anne Curtis sa unang syuting nila para sa pelikulang So It’s You, na prodyus ng GMA Films at Viva Films.

Kuwento ni Chard, pagdating nila sa set ay agad silang inutusan ni direk Mac Alejandre na maghanda sa halikan. Sa simula ay parang ayaw raw nilang maniwala ni Anne, dahil first shooting day nga naman `yon, tapos ay halikan agad ang kukunan.

Pero, seryoso pala si direk Mac, kaya wala silang nagawa kundi ang sundin ang utos ng director. At sa tingin ni Chard, naging magandang ice breaker `yon sa kanila ni Anne, dahil after ng halikan nila, tawanan na lang daw sila nang tawanan ni Anne.

Habang katsika ng mga manunulat si Chard, biglang bumalik sa isipan ng lahat ang kumalat na video nila ni Anne noon, na kung saan ay naglaplapan sila nang todo at tawanan nang tawanan.

Ganun ba ang ginawa nila ni Anne sa harap ni direk Mac ngayon?

“Parang ganu`n! Ha! Ha! Ha! Ha!” natatawang sagot niya.

Limang araw na raw silang nakapagsusyuting ni Anne, at hindi pa raw sila nagkakasama ni Claudine Barretto.

Anyway, alam ni Chard na marami ang hindi naniniwala sa kakayahan niya na mag-host ng Survivor Philippines, na unang hinahawakan ni Paolo Bediones. Sabi nga, baka raw hindi kayanin ni Chard ang manirahan ng isang buwan sa bundok o kagubatan o tabing-dagat.

“Ang mga nagsasabi lang noon ay `yung mga hindi ako kilala,” sambit ni Chard.

At dugtong pa niya, dahil daw sa mga taong hindi naniniwala na kakayanin niya ang hamon bilang host ng Survivor Philippines, mas lalo raw lumalakas ang loob niya, at mas lalo siyang natsa-challenge.

Kuwento ni Chard, para sa kaalaman ng lahat, bago pa man siya pumasok sa showbiz ay naranasan na niya ang maglibot sa mga probinsiya sa Luzon, kasama ang dalawa pang kaeskuwela. Natutulog daw sila sa kung saan sila abutan, at kumakain ng kung ano ang available.

Kaya hindi raw totoo na hindi niya kakayanin ang mabuhay sa bundok ng isang buwan.

“Pagdating sa pagkain, hindi ako namimili. Naranasan ko nang kumain ng live octopus, `yung maliit lang. Naranasan ko na ring kumain ng frog,” say niya.

Siyanga pala, masaya si Richard Gutierrez na parami nang parami ang nakikisali sa adhikain niya na turuan ang mas nakararaming Pinoy na iligtas ang kalikasan. Katunayan, parami raw nang parami ang sasali para mag-perform sa gaganaping one night commemoration ng 40th Earth Day Celebration, ang One Earth, One Journey, An Earth Day Concert, ngayong gabi sa SMX Convention Center (MOA), at ipalalabas sa GMA’s SNBO.

Sabi ni Chard, sa nangyayari sa mundo ngayon, mas lalo siyang dapat na maging aktibo bilang miyembro ng Green Peace Philippines’ advocacies for Mother Nature.

Ilan sa magpi-perform ay sina Kyla, Jay-R, Mark Bautista, Rachel Ann Go, Cooky Chua, Gloc9, Frencheska Farr, Noel Cabangon, Buboy Villar, at ang mga bandang Pupil, Freestyle, Hale, Spongecola, Callalily, Urbandub, Nyco and Maca at Playground.

Joross Gamboa, solb na solb kay Jackie Rice!

2010-04-16T08:07:00.000-07:00

AFTER na matupad ang isa sa wish niyang makapareha ang Kapuso young star na si Jackie Rice, natatawang hirit ni Joross sa press conference ng Dear Friend Presents Tisay na gusto pa raw niya ng extra rice.

“Eh, kasi tinatanong ako kung ano nga raw ang masasabi ko na naka-partner ko na rin finally si Jackie. Kaya sabi ko, solb na solb na, pero, siyempre, gusto ko pa rin ng extra rice. Ha! Ha! Ha!”Ang ibig sabihin ni Joross sa extra rice ay ang maka-partner raw itong muli after ng kanilang Dear Friend. Eh, kumusta naman ang kissing scene nila?

“Siyempre, okey naman. Medyo minamali ko talaga para ilang takes. Ha! Ha! Ha!

“Joke lang! Ilang takes talaga siya kasi siyempre, iba’t ibang anggulo ang kinukuhanan.

“Actually si Jackie, okey naman kasi, mabait, propesyunal at saka, masarap katrabaho. ‘Yung buong cast, lahat, masaya naman.”

Kagagaling lang ni Joross sa Thailand kunsaan, may isang linggo siyang nagbakasyon kasama ang non-showbiz model girlfriend. Teka, hindi ba nagseselos ang girlfriend niya sa open admiration niya kay Jackie?

“Hindi naman. Wala namang selos kasi, hindi rin naman selosa ‘yun. MInsan nga kapag may kissing scene ako, siya pa ‘yung gusto niyang mapanood talaga. Ako pa ‘yung parang nahihiya at nagtatakip ng mata niya.”

Naiisip din ba niya na sana pala, pareho pa silang single ni Jackie since may non-showbiz boyfriend din ang huli?

“Oo, siyempre dahil maganda naman talaga si Jackie. Kaya lang, renewed na ko ngayon. Ha! Ha! Ha!

Nag-mellow na ko kaya nga hindi ko na rin kinuha ang cellphone number niya kasi alam ko, may boyfriend na siya, may girlfriend na ko.

“Pero sana, magkaroon pa ulit kami ng chance na magkatrabaho hindi lang ngayon sa Dear Friend,” say na lang ni Joross.

Katrina, sa mundo ng Mystiko!

2010-04-16T08:06:00.000-07:00

SI Katrina Halili, bilang Wenoa na taga-Mystiko, ang naatasan para tulungan ang Panday Kids. Ngayong gabi, tila sumabay ang kuwento ng Panday Kids sa kasalukuyang sitwasyon sa Pinas, na heto nga at naubusan na rin ng tubig ang mga bata sa disyerto, at hindi nila alam na nahi-heatstroke na sila.

Mawawalan na ng malay pareho sina Charlie at Hadji habang si Oliver naman ay nanghihina na rin. Ano ang maitutulong sa kanila ni Wenoa?

Kamag-anak nabisto, Sarah pinaliligawan kay Rayver dahil sikat

2010-04-15T02:20:00.000-07:00

Seen : Ang blog ni Yasmien Kurdi.Maiintindihan ang blog ni Yasmien kung isusulat niya ito sa Pilipino. Huwag mag-Ingles kung hindi confident sa grammar.

Scene : Ang presscon kahapon ni Bernardita Inocencio, ang ex-maid ni Korina Sanchez. Kasama ni Bernardita sa presscon ang kanyang lawyer na si Atty. Junel Ama.

Seen : May ibang aktres na nililigawan si Rayver Cruz at hindi siya si Sarah Geronimo.

Scene : Narinig ng nanay ni Sarah Geronimo ang sinabi ng kamag-anak ni Rayver Cruz : “Siguraduhin mo na magiging girlfriend mo si Sarah. Malaki ang kita niyan.” Hindi kilala ng kamag-anak ni Rayver ang nanay ni Sarah na nasa tabi lamang niya.

Seen : Nahihirapan si Gladys Reyes sa paglilihi sa pangatlong anak nila ni Christopher Roxas.

Scene : Hindi na click sa tao ang antics ni Rufa Mae Quinto. Hindi na siya dapat gayahin ni Rufa Mi. Nakakapagod panoorin si Rufa Mi sa PO5. Nakaka-inspire siya upang maglipat ng TV channel.

Seen : Kinunan sa Ninoy Aquino monument sa kanto ng Ayala Avenue at Paseo de Roxas ang bagong campaign TV ad ni Senator Noynoy Aquino.

Scene : Hindi komportable si Jay-R bilang guest VJ sa isang music channel. Halata ang pagbabasa niya sa teleprompter.

Hindi si Piolo Pascual... KC hindi taga-showbiz ang inspirasyon!

2010-04-15T02:15:00.000-07:00

May nagkuwento sa akin na walang koneksiyon sa showbiz ang current inspiration ni KC Concepcion.

Sa presscon kahapon ng kanyang pangalawang album sa Sony Records, inamin ni KC na may inspirasyon siya pero hindi niya sinabi ang name ng mhin.

Kahit hindi nagbigay ng clue si KC, tiyak na malalaman ng mga reporters ang kanyang mystery inspiration. Magaling sa hanapan ang showbiz press. Mag-uunahan sila sa pagdiskubre kung sino ang lucky guy.

Bigyan natin ng isa hanggang dalawang linggo ang mga showbiz reporters para mapangalanan nila ang lalaki na nagpapasaya ngayon kay KC.

'Dingdong is more than everything in my life' - Marian

2010-04-15T02:12:00.000-07:00

Talaga sigurong mahal na mahal na ni Dingdong Dantes si Marian Rivera dahil nasasaktan na siya ngayon sa mga paninira rito ng kanyang mga detractors. Dati, hindi ganito, hindi na lamang pinapansin ang mga naririnig niya. Katuwiran niya, hindi na ito bago sa trabaho nila. Lahat naman ng artista ay pinagdaraanan at nalalampasan ito. Pero si Marian, parang hindi matapus-tapos ang ganitong paninira. At napipikon na siya dahil alam niya kung ano ang totoo.

Inaamin ng dalawa sa presscon ng kanilang pelikulang You To Me Are Everything na ginawa nila para sa GMA at Regal Films na tumaas na ang level ng kanilang pagmamahal sa isa’t isa. Kung dati wala silang pakialam sa isa’t isa, ngayon they see to it, lalo na kapag nagtatrabaho sila ng magkasama na komportable ang isa’t isa. Antukin dati si Marian pero sa halip na matulog sa set, nagkukulitan na lang silang dalawa.

“Maraming pagbabago sa amin ni Dingdong. Ako, iminulat niya sa katotohanang hindi ko mapi-please ang lahat ng tao at anuman ang mangyari, palagi siyang nasa likod ko. Aaminin ko, he’s more than everything in my life,” ani Marian.

Ani Dingdong naman : “Natuto na akong mag-relax, pati pananaw ko sa buhay nagbago, alam ko na kung paano maging totoo sa buhay.”

Habang naghihintay ang dalawa na magsimula sa TV ang bago nilang serye na Endless Love, tinapos nila ang You To Me Are Everything, isang love story ng isang Igorota at ng isang mayamang anak ng pulitiko. First time ng dalawa na lumabas sa isang romantic comedy na kinunan sa Benguet, sa isang strawberry farm na kung saan inamin nila na mas maraming beses silang kumain ng strawberry kesa mag-date.

Jackie, katakam-takam ang alindog!

2010-04-15T01:46:00.000-07:00

TEASER pa lang ng Dear Friend Presents Tisay, siguradong mag-iiba na ang pakiramdam ng mga kalalakihan kay Jackie Rice. Kasi naman, may eksena na gumigiling-giling siya na bikini at bra na kulay pula o pink lang na natatakpan lang ng manipis na kamison ang suot niya.

Eh, bonggang-bongga pa ang paggiling niya, at pati ang ekpresyon ng kanyang mukha ay kakaiba na rin. Sabi nga, mistula talaga siyang sexy dancer na ang husay-husay mang-akit ng lalaking kostumer.

At sa presscon nga ng Tisay, lahat ng kalalakihan sa paligid ay tila natulala ng ilang minuto habang pinagmamasdan ang medyo hubad na alindog ni Jackie. Talaga raw katakam-takam ang alindog ni Jackie ngayon, na kahit sinong lalaki ay hindi siya kayang talikuran o isnabin.

At talaga naman na habang tumatagal ay mas lalo siyang gumanda at sumeksi. ‘Yun nga siguro ang lamang ni Jackie sa mga baguhang artista ngayon, na hindi lang talaga siya makinis, bagkus ay sobrang ganda pa ng mukha, at alam na alam mong fresh na fresh ang kaseksihan at walang retoke.

Ang Tisay ay tumatalakay sa kuwento ng isang estudyanteng babae na napilitang magtrabaho bilang sexy dancer sa isang club para matustusan ang pag-aaral.

Kuwento ni Jackie, sa set ng Tisay na siya mismo tinuruan sa kung paano ba gumiling-giling o mang-akit habang nagsasayaw sa stage.

“May nagturo sa akin sa set. Pero, hindi naman siya sobrang sexy. At kung sa tingin ng iba ay sobrang sexy na ito, I guess, okey lang naman dahil nag-mature na rin ako.

“Kumbaga, hindi na ako pa-tweetums, na kung kaya ko namang gawin, gagawin ko. Hindi na rin ako nagpaalam sa parents ko, dahil alam naman nila na trabaho lang ito, at TV naman ito, kaya hindi ako mabababoy.

“Kahit sa boyfriend, hindi rin dapat magpaalam. Kumbaga, kanya-kanya kami, na pagdating sa career, walang pakialaman,” sambit ni Jackie.

Hangang-hanga naman si direk Jun Lana kay Jackie, na hindi lang daw itsura ang nag-improve, na pati sa pag-arte ay puwedeng-puwede na talagang isabak o ilaban sa mga mahuhusay at sikat na aktres ngayon.

“She’s a revelation,” say pa ni direk Jun.

Marian, patuloy na kinikilig kay Dingdong!

2010-04-15T01:45:00.001-07:00

HINDI lang everything, kundi more than everything para kay Marian Rivera ang boyfriend na si Dingdong Dantes. ‘Yun nga ang ipinahayag ng aktres sa press conference ng GMA at Regal Films movie nila na You To Me Are Everything.

“Wala eh, salita lang ‘yun. Kasi kung makikita mo siya the way na nakikita ko siya, talagang sasabihin mo na kulang ang everything na salita para i-describe mo siya,” sabi ni Marian.Ginamit pa ni Marian ang salitang “suwabe” kaya tama lang daw na sila rin ang nag-eendorse ng Gran Matador dahil ‘yun daw ang isa sa katangian ni Dingdong na nagugutuhan niya, bukod pa sa may paninindigan daw ito.

Aminado si Marian na hanggang ngayon, nakakaramdam pa rin siya ng kilig kay Dingdong. Saan nanggagaling ang kilig?

“Kasi po, sa bawat pagkikita namin, palagi lang may espesyal akong nakikita sa kanya. Siguro ano…hmmm baka lumaki ulo, eh,” natatawang sabi ni Marian.

“Siguro ano, lalong tumatagal, mas lalo akong naguguwapuhan sa kanya.”

May pagka-antukin din daw si Marian pero nakakabuti raw sa kanya kapag kasama si Dingdong sa set dahil nawawala raw ang pagiging antukin niya.

“Kapag kasama ko siya sa eksena, hindi ako inaantok. So, maganda ang resulta sa akin. At saka, madaldal pa ‘to (Dingdong) sa akin kaya hayun, wala kaming ginawa kundi kumain, magdaldalan, magkulitan.

“Kahit na nagba-blocking na si Direk (Mark Reyes), eh, wala, makulit pa rin kaming dalawa.”

Ano naman ang mga nabago sa kanya ni Dingdong?

“Marami eh. Kasi, minulat niya ang mata ko na hindi lahat ng tao sa paligid ko, eh, mapi-please mo talaga. As long as alam mo na tama ka at ang importante na palagi niyang sinasabi, na ‘yung mga nakapaligid na nagmamahal sa ‘yo, nandyan sila para suportahan ka at wala kang dapat ipag-alala.

“At palagi niyang sinasabi na isa siya sa nasa likod ko kahit na ano pa man ang mangyari.”

Ayaw namang pag-usapan pa at palakihin pa ni Marian ang tungkol sa “anak” issue na pilit ikinakabit sa kanya. Katwiran niya, nagsalita na rin naman ang mga taong ‘di-hamak na mas nakakakilala sa kanya at nasagot na rin daw niya ang isyung ‘yun sa naging guesting niya sa Showbiz Central noong Linggo.

“Dinededma ko na lang. Dyino-joke ko na lang dahil baka mamya, sabihin nga nila uy, bakla ako. Baka mamya ‘yun na ang isyu. So, dedma na. Wala namang saysay.”

Pero naapektuhan ba siya sa ikinakalat na isyung ‘yun sa kanya?

“Wala na, relax na ‘ko. Kumbaga, nagsalita na ang mga mahal ko sa buhay. So, wala na akong pakialam. Nandun na ang mga mahal ko at nagsalita na.”

“Artista lang ako, nagtatrabaho ako at mahal ko ang trabaho ko kaya tawanan na lang natin, dedma!” say na lang ni Marian.

Endorsement ni Angel balak sulutin ni Anne? “Hello, hindi ako manunulot!” -- Anne

2010-04-15T01:44:00.001-07:00

SI Anne Curtis ang napiling celebrity endorser ng bagong scent ng Folded & Hung na A Series. At dahil bagong pasok si Anne sa F&H, iniintriga na nga ang friendship nila ni Angel Locsin.

Si Angel ay matagal na ngang endorser ng F&H. At pangiintriga ng iba, baka raw masulot ni Anne kay Angel ang project na ito dahil siya ang bagong kinuhang endorser.“Kami pa ba ni Angel ang maapektuhan? That will never happen kasi kilala namin ang isa’t isa. Tsaka, ano ba naman yan? Ang babaw naman nang pag-aawayan namin if ever, ‘di ba?

“I know that Angel is the face of F&H. And she still is. Ako naman, yung scent line lang ng F&H ang sa akin. Sa clothes, kay Angel pa rin. Kaya hindi magiging problema at walang friendship na maapektuhan,” sabi ni Anne.

So hindi niya susulutin ang pagiging endorser ni Angel ng F&H?

“Hello, hindi ako manunulot, huh! Never! Ha! Ha! Ha! Ha!

“Never has been and never will be a sulutera! Nakakatawa naman ‘yan. Imagine, pati ang pagpasok ko sa F&H ay nagawan ng istorya! Ha! Ha! Ha! Ha!”

Malayo raw talaga na masira ang friendship nina Anne at Angel dahil magkasama sila sa iisang negosyo, ang Shop and Share.

“Huwag na silang mag-attempt na sirain ang friendship namin ni Angel because wala namang maniniwala. Kami pa ni Angel, eh we have so many things in common. Aside nga sa business namin, we always communicate. Kahit pareho kaming busy, we have good communication. Kaya our friendship is solid,” say na lang ni Anne.

Claudine, pinagsaluhan nina TJ at Wendell

2010-04-15T01:43:00.001-07:00

PURING-PURI ng mga manonood ang unang episode ng Claudine noong nakaraang Sabado, matapos magbigay ng makabagbag-damdaming pagtatanghal sina Claudine Barretto at Raymart Santiago na siyang unang guest ng programa.

Sa susunod na episode, makakasama naman ni Claudine sina TJ Trinidad at Wendell Ramos sa isang madamdaming kwento ng pag-ibig at pagkakaibigan.

Sa episode na pinamagatang “Kahapon, Ngayon at Bukas”, biglang nagbago ang buhay ni Elena (Claudine) dahil sa pagkamatay ng asawa niyang si Lemuel (TJ Trinidad) habang nagtatrabaho ito sa ibang bansa. Sa tulong ng bestfriend ng asawa niyang si Daniel (Wendell Ramos), unti-unti siyang makakabangon at makakalimutan ang lungkot dahil sa pagkamatay ng kanyang asawa. Sa paglipas ng panahon, di-maiiwasang mahulog ang loob nina Elena at Daniel sa isa’t isa, at sila ay magpapakasal.

Subalit isang araw ay biglang babalik si Lemuel at madaratnan niyang pinagbubuntis ni Elena ang anak ng pinakamatalik niyang kaibigan. Sa pagbabalik ng lalaking una niyang minahal, magawa kayang iwan ni Elena ang lalaking nagbigay muli ng kulay sa kanyang buhay?

Oh, di ba, pabongga nang pabongga ang mga kuwento ng Claudine. Heto nga at dalawang lalaki naman ang nagsalo sa pag-ibig niya. Tutukan `yan sa Claudine ngayong Sabado pagkatapos ng Pinoy Records sa GMA-7.

Cristine sinasawaan ng lalaki

2010-04-14T08:20:00.000-07:00

Mabuti na lamang at maganda si Cristine Reyes at umaarangkada ang career kundi mai-insecure ito sa pangyayaring lahat nang nawawala sa kanyang boyfriend ay napupunta kay Jennylyn Mercado. Una si Mark Herras at ngayon si Dennis Trillo. Ibig sabihin ba nito ay may common characteristic sila ni Jennylyn na ikinagugusto ng mga lalaki?

Pero sigurado na ba sina Jennylyn at Dennis? Sabi nila hindi pa raw. Yun ba ang tinatawag na mutual understanding? Wala nang ligawan, relasyon agad? Di kaya nagkakasundo lang sila dahil may one thing in common sila, pareho silang single parent at may common topic to discuss?

ABS-CBN ipinamukha kay Claudine ang mataas na rating ng MMK

2010-04-14T08:14:00.000-07:00

Seen : Gamit na gamit si Sarah Geronimo sa presscon ni Bongbong Marcos. Lumang isyu tungkol kina Sarah at Bongbong ang topic sa presscon.

Scene : Marami ang naniniwala na nasa interesting stage si LJ Reyes at hindi pananakit ng likod ang dahilan ng kanyang indefinite leave sa showbiz.

Seen : Ipinamukha ng ABS-CBN kay Claudine Barretto na tinalo ng Maalaala Mo Kaya ang pilot telecast ng kanyang drama anthology. Headline ng news program ng ABS-CBN ang mataas na ratings sa TNS, Mega Manila at Metro ng guesting ni Gretchen Barretto sa Maalaala Mo Kaya.

Scene : Bluffing with Paolo and Bodie ang title ng show nina Paolo Paraiso at Bodie Cruz sa QTV 11. Maigsi ang participation nina Paolo at Bodie dahil mas mahaba ang mga video na ipinakikita sa kanilang show.

Seen : Buntis si Vicky Morales sa kanyang third baby. Halata na sa TV ang kanyang lumalaking tiyan.

Scene : Diretsahang sinasabi ni Winnie Monsod ang mga kandidato na iboboto niya. Hindi siya credible na host ng Timbangan, ang programa ng TV5 na tumitimbang sa mga kuwalipikasyon ng mga kandidato.

Seen : Ang Youtube videos ang ebidensiya na pamilyar ang televiewers kay PBB Teen Clash housemate Ivan Dorschner dahil napanood na siya noon sa Wowowee at Showtime.

Scene : Ang SM Prime Holdings ang sponsor ng pagbisita ni former US Vice-President Al Gore sa Pilipinas sa April 30.Magsasalita si Gore tungkol sa Asian version ng An Inconvenient Truth. Champion ng global climate change si Gore.

Aljur isinugod sa hospital

2010-04-14T08:12:00.001-07:00

Nakatanggap kami ng balitang isinugod sa ospital si Aljur Abrenica kahapon dahil nawalan ng boses habang nasa taping ng The Last Prince. Walang boses ang aktor, kaya no choice ang director kundi kanselahin ang taping. Ang hirap kung ida-dub ang boses niya, hindi magtutugma at baka maging Korean novela ang labas.

Viral infection ang dumale kay Aljur kaya nawalan ito ng boses at sa mga ganitong kaso, complete rest ang ipapayo ng doctor.

Sa nangyari, pati music video shoot at scheduled presscon on Thursday ng aktor ay nakansela. Hihintayin na lang na gumaling siya.

Bago pa pala na-announce sa trade launch ng GMA Network, nabalitaan na ni Aljur na si Rhian Ramos ang next niyang makakapareha at mangyayari ito sa Odessa: The Legend of the Swan Princess. Excited ito sa next project niya, pero aminadong maninibago na hindi muna si Kris Bernal ang kanyang kapareha.

Sheena, epektib na kontrabida!

2010-04-14T08:09:00.001-07:00

Lumabas na kagabi ang karakter ni Katrina Halili bilang Wenoa, babaeng taga-mundo ng Mystiko, na tutulong sa tatlong bata para makarating sa kuweba ng Talim, kung saan masusubok ang kanilang lakas.Kung dati-rati ay kaibigan ng bida ang role ni Sheena Halili sa mga soap opera, sa Panday Kids ay pumayag naman siya na maging kontrabida. Makakasama niya ang mga bata na sina Rob Sy at Miguel Tanfelix, bilang mga alagad ni Andreas, ang kalaban nga ng Panday Kids.

Oh, ‘di ba, nagpalit ng kapalaran sa mga roles sina Katrina at Sheena. Ang dating mabait ay ginawang kontrabida, at ang dating kontrabida ay ginawang kakampi ng mga bida. At in fairness, epektib na kontrabida rin naman si Sheena!

Bea, mahilig magpatikim ng masarap!

2010-04-14T08:08:00.001-07:00

LINGID sa kaalaman ng lahat, bukod sa pagiging mahusay na aktres, magaling ding magluto si Bea Alonzo. Sabi nga, mahilig magpatikim ng masarap na pagkain si Bea sa pamilya at mga kaibigan niya.Kapag wala nga siyang shooting o taping, ang kusina ang madalas niyang tambayan. Wala raw siyang ginawa kundi ang mag-imbento ng luto, na nakagagayuma, na hahabul-habulin mo talaga.
Nagsimula raw ang interes ni Bea sa pagluluto nu’ng bata pa siya. Mahilig daw niyang panoorin ang lola niya habang nagluluto ng iba’t ibang malinamnam na putahe.

At `yun daw ang naging inspirasyon niya para mag-aral magluto. Na kahit abala na siya bilang artista, gumagawa siya ng paraan para mag-aral magluto.

Kuwento ni Bea, madalas siyang manood ng mga cooking shows at nagtse-check ng mga recipes online, na sa paglaon ay ginagawan niya ng sariling version at lalo pa niyang pinapasarap.

Kaya para kay Bea, isang malaking tulong na kunin siyang ambassador ng Angel Canned Milk. Alam daw niya na hahayaan siya nito na makagawa ng mga lutuing naiiba ang sarap. Binibigyan siya ng kalayaan na mas maging creative at original pagdating sa pagluluto.

“Garantisadong ang luto ay creamier, richer, at mas satisfying. At syempre, hindi mawawala ang pinakamatamis na ingredients para sa mga panghimagas tulad ng fruit salads, leche flan at iba pang paborito ng pamilya,” sabi ni Bea.

Dingdong, ‘di apektado sa ‘dalagang ina’ isyu ni Marian!

2010-04-14T08:07:00.001-07:00

NAAPEKTUHAN daw si Marian Rivera sa isyung may anak na siya, ayon mismo sa boyfriend niyang si Dingdong Dantes.

“Tao rin naman siya. Tumutulong na nga lang siya, gumagawa na nga ng mabuti, eh, nami-misinterpret pa. I’m not saying na hindi maganda ang pagiging image na may anak. Hindi naman ibig sabihin pangit ‘yun.“Pero siyempre, may ibang nanay ang bata at hindi natin tinatanggal ang recognition na ‘yun,” sambit ni Dingdong.

Pero, sa relasyon nilang dalawa, ni katiting daw ay hindi nakaapekto sa kanila ‘yung isyu na dalagang ina si Marian. Alam naman daw nila ang katotohanan.

At sa tanong na kung sakali ba na may anak na nga si Marian, sagot lang ni Dong, wala pa rin daw magbabago sa pagtingin niya rito.

Anyway, very open naman si Dingdong sa pagbibigay ng kanyang buong suporta sa presidentiable na si Senator Noynoy Aquino. In fact, sa AYOS NA (Advocacy for Youth and Students for Noynoy Aquino), pinangungunahan nga niya ang kampanyang Prinsipyo Ko, Walang Presyo.

Ayon sa aktor, magkakaroon ng big event sa May 1 kung saan inaasahan niyang dadalo rin ang iba pang celebrities na naniniwala sa kanilang advocacy.

Pero, totoo nga ba na siya pa ang gumagastos sa kampanya ni Sen. Noynoy?
“Minsan, pero okey lang naman. Alam ko naman na kailangan at ‘yung perang ‘yun, alam ko naman na kahit ibigay ko, hindi naman ako mababalda pa,” natatawa niyang sabi.

May milyones na ba ang nailalabas niya?
“Wala! Hindi pa naman tayo umaabot sa ganun,” nakangiting sabi na lang ni Dingdong.

Kim, ‘no-no’ sa pre-marital sex!

2010-04-14T08:05:00.000-07:00

HINDI pa rin mapilit ng entertainment press si Kim Chiu na aminin ang tunay na namamagitan sa kanila ni Gerald Anderson.

Sa birthday presscon nga na bigay ng Star Magic kay Kim, panay lang ang sabi ni Kim na ganun pa rin ang sitwasyon nila ni Gerald.

Sa tanong kung papayag ba siya na manligaw pa ng ibang babae si Gerald, oo ang sagot ni Kim.
“Freedom niya `yon,” sabi pa ni Kim.Dugtong pa ni Kim, hindi raw siya nagseselos sa mga babaeng nauugnay kay Gerald. Unang-una, ang mga salita raw ni Gerald ang pinaniniwalaan niya.

Hirit ng isang manunulat, ganun talaga ang babaeng in love, na nagiging bulag, pipi at bingi sa mga bagay-bagay. Ngiti lang ang sagot ni Kim.

Para kay Kim, sa edad na 20 ay hindi pa siya handa sa isang seryosong relasyon. At tulad ng ibang artista, ang career pa rin ang focus nila.

Tinanong si Kim sa reaksyon niya sa agarang pag-amin nina Melai at Jason sa relasyon nila.
“Ang cute nga nila, eh,” sagot lang niya.

Anyway, may isang manunulat na nagtanong kay Kim tungkol sa pre-marital sex. Twenty years old na nga raw si Kim ngayon, kaya walang masama kung usisain man siya sa stand niya sa pre-marital sex.

“Ayoko po nu’n!” say niya, na hindi mo mawari kung ayaw niyang pag-usapan ang pre-marital sex, o ayaw niya ang pre-marital sex.

Naiintindihan namin ang pagtanggi ni Kim sa usapin na may kinalaman sa sex. Sobrang wholesome talaga kasi ng image ni Kim at isa nga siya sa mga iniidolo ng mga kabataan ngayon at isa rin siya sa pinakamabenta sa pag-e-endorse ng mga produkto. Ilan nga sa mga endorsements ni Kim ay ang Payless Pancit Shanghai, Rejoice, Enervon, at Unisilver,.

Siyanga pala, sa Sunday ay may bonggang-bonggang selebrasyon si Kim sa ASAP XV.

“Wala akong inagaw na lalaki kay Arci!” -- Rachelle

2010-04-14T08:04:00.000-07:00

SA live show ng Party Pilipinas sa Dagupan City, Pangasinan unang lalabas ang bagong Kapuso na si Rachelle Ann Go.

Ngayon pa lang ay inaalam na ni Rachelle ang kanyang magiging production numbers dahil first time niyang makakasama sa isang show sina Ogie Alcasid, Janno Gibbs, Jaya at Regine Velasquez.

“God has plans for us at alam ko na kasama ito sa mga plano Niya para sa career ko. What excites me is the chance to really work with the best singers sa bansa natin. Kaya sino ba naman ang hindi matutuwa na kasama mo sa isang show sina Kuya Ogie, Ate Reg, Miss Jaya and Kuya Janno. Parang nandito na lahat,” nakangiting sabi ni Rachelle.Posible ngang magkita sina Rachelle at Starstruck Avenger na si Arci Muñoz. Napagbintangan kasi si Rachelle na inagaw diumano nito ang boyfriend ni Arci na si Kean Cipriano.

Natawa na lang si Rachelle at sinabi nitong wala raw siyang inaagaw na lalake sa kahit kanino dahil hindi niya gawain iyon.

“Nagulat nga ako sa balitang iyon. Clueless ako sa mga inaakusa sa akin that time. Si Kean, matagal ko na siyang kaibigan. ‘Yung family niya at family ko ay matagal nang magkaibigan. Kaya nagulat ako sa paratang na inagawan ko raw ng boyfriend si Arci.

“I haven’t met Arci and ready naman akong makilala siya. Just to prove na wala akong tinatago o ginawang masama sa kanya. At saka, matagal ko na ring hindi nakakausap or nakikita si Kean. May sarili na rin kasi siyang career kaya wala na rin kaming masyadong communication.”

May sarili na ngang career si Kean at nasa bakuran siya ng TV5 bilang isa sa mga bida ng series na BFGF.

KC nagtatalon!

2010-04-13T03:56:00.000-07:00

Nagtatalon si KC Concepcion sa stage ng bagong set ng The Buzz nang ipakilala nina Kris Aquino at Boy Abunda na bagong host ng show. Bago gawin ’yun, nagpaalam muna si KC sa dalawang hosts kung puwede siyang tumalon at saka nagtatalon.

Excited si KC na maging part ng show dahil marami siyang makikilang tao at kahit every Sunday makita ang peklat niya sa left knee dahil sa motorsiklo when she was 11 years old. Hindi halata ang peklat at kundi pa nito sinabi, hindi namin malalaman.

Sa pagpasok sa The Buzz na-realize ni KC na sa talk show siya nagsimula at hindi sa singing at acting at gusto niya ang segment niyang KCX o KC Exclusive na fresher at younger ang approach at profile ng guest ang ipakikita.

Bilang paghahanda sa pagsalang niya sa show, binigyan ni Boy si KC ng DVDs ng shows nina Oprah Winfrey at Barbara Walters. Si Kris naman hindi nagbigay ng advice dahil smart at palabasa na si KC. Ang payo lang niya rito’y to always wear colorful clothes dahil siya’y always in black till August pa.

For her first appearance sa show, nakakulay salmon na D&G dress si KC and shoes by Chutz. Si KC din ang nakikita ni Kris na ipadadala nila sa mga press junkets to interview foreign stars at nanghinayang ito na ’di sila nakapunta ni Boy sa press junket for Twilight.

Dennis ayaw ipa-adopt ang anak sa asawa ni Carlene

2010-04-13T03:54:00.000-07:00

SEEN : Sina Marra Lanot at Mario O’Hara ang mga bagong miyembro ng Cinema Evaluation Board.

SCENE : Namatay kahapon sa Philippine General Hospital sa edad na 76 dahil sa lung cancer ang veteran comedian na si Palito. Ang makita nang personal si Joseph Estrada ang isa sa mga huling kahilingan ni Palito.

SEEN : Si LA Lopez sa PO5. Magaling kumembot habang sumasayaw ang dating child star.

Taglay pa rin ni LA ang trademark na palaging nakabuka ang kanyang bibig.

SCENE : Ang statement ni Marian Rivera sa Showbiz Central na “business family” ang mga apartments na ipinatayo niya sa Cavite. Na-confuse si Marian dahil “family business” ang kanyang ibig sabihin.

SEEN : Hindi payag si Dennis Trillo sa legal adoption na binabalak ni Yo Ocampo sa anak nila ni Carlene Aguilar.

Ipaglalaban ni Dennis ang kanyang karapatan bilang biological father ni Calix.

SCENE : Miscast si KC Montero sa Juicy. Hindi maka-relate si KC sa mga pinag-uusapan ng kanyang mga co-hosts.

SEEN : Mali at luma ang blind item ng Juicy tungkol sa hunk actor na nakikipaglandian sa kapwa lalaki sa loob ng eroplano.

Hindi flight steward ang kalandian ng aktor na pinagdududahan ang gender.

SCENE : Fortunate men sa showbiz sina Jed Madela, Enchong Dee, at Paolo Ballesteros dahil hindi sila nawawalan ng mga TV projects at exposure.

Aljur-Kris tandem, minamaliit?!

2010-04-13T03:53:00.000-07:00

May nakapagsabi lang sa akin na minamaliit sa isang programa sa telebisyon ang tambalan nina Aljur Abrenica at Kris Bernal, isa sa mga pambatong tambalan ng GMA 7. Anuman ang kinahinatnan ng isa nilang ginawang pelikula na ang pagpapalabas ay nasabay sa isang malaking kalamidad, hindi mapasusubalian na tanggap sila ng mga manonood sa TV, at sinusubaybayan ang kanilang mga serye. Kaya nga nagri-rate ang mga ito.

Maaaring hindi pa nila talunin sa kasikatan ang tambalan nina Kim Chiu at Gerald Anderson pero mas nauna namang hindi hamak ang dalawa sa kanila. Suffice it to say na mayroon na silang sariling hukbo ng tagahanga at kung maaalagaan sila ng husto sa mga projects, they can be bigger stars.

Huwag naman masyadong mayabang sa pagmamaltrato sa dalawa. Both are trying to be the pair na inaasahan ng mga tagahanga, but they can not fake a romance. Makuntento na lamang tayo na sa punto na ito ay honest sila.

'Di pala anak, Marian pinag-aaral ang apo

2010-04-13T03:51:00.000-07:00

Apo at hindi anak ni Marian Rivera ang bagets na iniintriga na anak niya. Jan-Jan ang name ng bata at pinag-aaral ito ni Marian.

Ikinuwento ni Marian sa guesting niya sa Showbiz Central noong Linggo ang kaugnayan niya kay Jan-Jan at sapat na ito para tuluyang matsugi ang mga tsismis na meron siyang anak na itinatago.

Katulad ng aking madalas sabihin, walang lihim na hindi nabubunyag. Kung totoo na may anak si Marian, noon pa sana ito nabulgar dahil walang puwedeng isikreto sa showbiz.
You to Me are Everything ang pamagat ng pelikula nina Marian at Dingdong Dantes.

Ang GMA Films at Regal Entertainment, Inc. ang producer ng pelikula.

Malapit na ang showing ng You to Me are Everything kaya nagpatawag na ng presscon ang GMA Films at ang Regal.

Excited na ang mga fans nina Marian at Dingdong na mapanood uli sa big screen ang kanilang mga idolo dahil 2008 pa nang ipalabas sa mga sinehan ang kanilang huling pelikula, ang One True Love.

Masyado nang matagal ’yon para sa mga tagahanga na hindi bumibitiw sa suporta nila sa loveteam nina Dingdong at Marian.

Juday, hindi takot lumobo!

2010-04-13T03:44:00.000-07:00

HINDI natatakot si Judy Ann Santos na muling lumobo ang katawan niya dahil nga nagdadalang-tao siya. Na-enjoy naman daw niya ng ilang taon ang pagiging sexy kaya this time ay ang baby na dinadala niya ang importante.

Nagbiro pa nga si Juday na nami-miss na raw niya ang dating katawan niya noong panahon na nagbibida siya sa soap drama na Esperanza. Kung noon daw ay tinanggap siya ng marami sa katawan niyang iyon, what more ngayon at buntis siya?

“May rason naman para tumaba talaga ulit ako. Hindi ko gugutumin ang sarili ko o ang baby para lang magmukha akong payat. Buntis ako at importante sa akin ang health ng baby namin ni Ryan (Agoncillo). Kahit ano ang gusto kong kainin, kakainin ko. Pabayaan naman nila akong mag-enjoy sa pagbubuntis ko,” ngiti pa ni Juday.

Kelan lang nga ay nag-last taping na si Juday para sa drama series niya na Habang May Buhay.

Kailangan na raw kasing ipahinga ni Juday ang kanyang katawan para maging maayos ang pagbubuntis niya.

“Nalungkot nga ako kasi matatapos na ang Habang May Buhay. Parang kelan lang nagsimula kami after ng ilang years na tinatapos namin ‘yan.

“Mami-miss ko ang lahat na involve sa show. Kasi sila rin ang unang natuwa nang malaman nilang buntis ako at sila na rin ang nagsabi na I need to rest para ma-enjoy ko ang pagbubuntis ko.”

Kinatuwa nga ni Juday na pareho pa sila ng co-star niyang si Gladys Reyes na nabuntis habang ginagawa nila ang Habang May Buhay.

“Kaya nga tawag namin sa mga anak namin ay mga Habang May Buhay Babes. Kasi nga sabay kami sa lahat ng bagay ni Gladys. Mula pa noong Mara Clara na sabay kaming nagbida hanggang sa pagbubuntis ko. At least siya, may dalawang anak na. Ako una pa lang ito. Kaya magandang sign nga ang pagbubuntis namin. Blessing para sa aming dalawa ang taong ito.”

Tinatapos na lang nga ni Juday ang ilang eksena pa niya sa pelikula nila ni Sarah Geronimo na Hating Kapatid. Pagkatapos noon ay diretso na sa pagpapahinga si Juday hanggang sa manganak ito. And due date nga ni Juday ay sa October 2010.

Siyangapala, sa April 28 ay ise-celebrate nina Juday at Ryan ang first year wedding anniversary nila.

Gretchen-Claudine gulo, huwag isisi sa entertainment press!

2010-04-13T03:41:00.000-07:00

LUMABAS din ang katotohanan na may gap uli ang magkapatid na Gretchen at Claudine Barretto bago pa man sila nagkaroon ng mga presscon, si Claudine para sa kanyang drama anthology at si Gretchen sa product endorsement nito.

Ikinuwento ni Gretchen sa isang TV interview na hindi na sinasagot ni Claudine ang kanyang mga tawag at text message mula pa noong nakaraang buwan.

Hindi man sinabi ni Gretchen ang dahilan ng tampuhan nila ni Claudine, kinumpirma niya na may misunderstanding uli sila. Binanggit din ni Gretchen na hindi siya nakatanggap ng birthday greetings mula sa kanyang bunsong kapatid noong March 6.

Judge si Claudine sa Bb. Pilipinas Contest noong March 6 pero hindi niya nakaligtaan na batiin ng happy birthday si Gretchen. Naka-post (March 6, 11:50 p.m.) sa Twitter account ni Claudine ang pagbati nito sa kanyang kapatid. Ang entertainment press ang madalas na sinisisi sa tuwing may hidwaan ang mga artista. Sila ang pinagbibintangan na nagpapalaki ng isyu.

Sa kaso nina Gretchen at Claudine, ang entertainment press ang biktima dahil sila ang inakusahan na pinagsasabong ang magkapatid.

Dahil sa interbyu ni Gretchen, lumabas nga ang katotohanan na may gap uli sila ni Claudine kaya hindi dapat sinisisi ang entertainment press. Kung talagang matatag at maganda ang relasyon ng magkapatid, hindi sila maaapektuhan at magpaghihiwalay ng mga intriga, kahit ano pa ang tindi nito.

Sarah, pinag-aagawan nina Mark at Guji!

2010-04-13T03:38:00.000-07:00

Sina Mark Bautista at Guji Lorenzana ang mga binatang nag-aagawan kay Sarah Geronimo ngayon.

Sila nga ang love triangle sa teleserye na pinagbibidahan ni Sarah.

Ang chika nga ay nagpapatalbugan sina Mark at Guji sa pagbibigay ng regalo kay Sarah. Sabi pa, tinamaan talaga ang dalawang binata sa husay sa pagkanta ni Sarah, kaya ganu’n na lang ang pagsisikap nila na maabot ang tamang nota sa kanya.

Ano ang masasabi ni Sarah na pinag-aagawan siya nina Mark at Guji?

“Ay, hindi po totoo `yan. Hindi naman talaga ako ang pinagtatalunan nina Mark at Guji kundi ‘yung karakter ko sa Hair is Your Moment ng Sunsilk. On-screen lang po ang sinasabing love triangle. Off-screen, friends kaming lahat,” say ni Sarah.

“Excited talaga kami sa microseryeng ito. Because it’s the first time that a microserye is being done where viewers influence the direction of the story. We’re particularly excited sa magiging ending nito at kung sino kay Paco at Jason ang mapipili ni Jenny – and everything is in the viewer’s hands,” dagdag pa Jem Perez ng Sunsilk.

Ang mga fans ang magde-decide kung sino sa dalawa ang magiging Mr Right para kay Jenny. Para makaboto, kailangan hanapin ng viewers ang promo code sa loob ng Sunsilk Damage Repair shampoo or conditioner package na merong pink puzzle piece. I-type ang 10Days at ipadala sa 2600.

Anne, napuyat sa bagong boyfriend!

2010-04-13T03:36:00.000-07:00

SABI ni Anne Curtis sa kanyang Twitter account, napuyat daw siya dahil sa kanyang bagong boyfriend. Pero, bago pa man magtanong ang lahat kung sino ang bagong boyfriend ni Anne, nilinaw na niya na I-pad ang tinutukoy niyang boyfriend.

Regalo raw ni Sam Milby ang I-pad na `yon kay Anne, na naging dahilan para mapuyat siya. Excited nga kasi si Anne na gamitin ang I-pad na usung-uso ngayon, lalo na sa mga mahihilig sa mga sosyal at mamahaling gadgets.

Anyway, bukod sa I-pad, tutok na tutok din si Anne bilang endorser ng bagong perfumery line ng Folded & Hung, ang A Series. Kuwento ni Anne, siya mismo ang pumili ng bawat scent na nagpapakita ng kanyang mga katangian.

Kasama sa A Series ang mga scents na tulad ng Innocence na banayad ang amoy, Muse na may kaaya-ayang bango, at Stargaze na pinaghalong sexy citrus at floral powdery na tiyak na mapapalingon ang sinumang makaamoy nito.

Jennica at Alwyn, super-sweet sa Baler!

2010-04-13T03:34:00.000-07:00

CONTRARY sa lumabas noong isang araw na kumpirmasyon mismo ni Jennica Garcia hinggil sa napapabalitang ang Kapamilya young actor na si Alwyn Uytingco ang bago nitong boyfriend or special someone, gusto naming i-correct na hindi mismong si Jennica ang nag-confirm na sila na nga ni Alwyn kundi isang mapagkakatiwalaang source na malapit kay Jennica.

Very sure kasi ito habang nagkukuwento na sina Jennica at Alwyn na nga at mukhang recently pa lang din ang diumano’y relasyon ng dalawa.

Anyway, mukhang nagsasabi nga ng totoo ang source namin dahil sa mismong Facebook account ni Alwyn, nakita namin ang mga pictures nila ni Jennica kasama ang ilang group of friends nila na sa aming palagay, recent vacation nila sa Baler.

Super sweet sina Alwyn at Jennica sa mga pictures kung kaya’t kung dito namin ibe-base, puwede na nga siguro naming sabihin na finally, nakahanap na nga ang young actress ng bagong pag-ibig.

Kunsabagay, matagal na rin naman nang mag-break ito at ang dating boyfriend na si Mart Escudero.

Base rin sa mga comments na nai-post nila sa isa’t isa, tila ang term of endearment na “Mahal” ang tawagan pa nila sa isa’t isa.

Dennis, madaling mainlove sa mga nakakapareha niya!

2010-04-12T07:28:00.001-07:00

Agree ako sa obserbasyon na madaling ma-in love si Dennis Trillo sa mga girl na nakakatrabaho niya.

Nag-umpisa ang love affair nila ni Cristine Reyes nang magkasama sila sa isang teleserye ng GMA 7.

Nanligaw si Dennis kay Pauleen Luna nang magkatrabaho rin sila sa another teleserye ng Kapuso network. Nauwi sa wala ang panunuyo ni Dennis dahil umayaw si Pauleen.

At ngayon, exclusively dating sina Dennis at Jennylyn na nagkalapit sa set ng Gumapang Ka Sa Lusak. Halatang-halata na kinikilig si Jennylyn kapag si Dennis ang pinag-uusapan. Hindi niya puwedeng i-deny na in love siya sa kanyang kapareha sa Gumapang Ka Sa Lusak.

Juday nakalagare sa GMA 7 at TV5

2010-04-12T07:26:00.000-07:00

Masuwerte ang TV5 kay Judy Ann Santos. Itsurang buntis, umapir si Juday sa birthday celebration kahapon ni Ryan Agoncillo sa PO5. Nanood din siya ng taping birthday celebration ni Ryan sa Talentadong Pinoy na ipinalabas kagabi.

Contract star si Juday ng ABS-CBN pero siya lang ang artista na can afford na lumabas sa mga rival network. Pinuntahan din ni Juday ang birthday celebration ni Ryan sa Eat Bulaga noong Sabado. She’s enjoying the best of both worlds ‘huh!

Sige Gretchen, talbugan mo ang akting ni Claudine!

2010-04-12T07:22:00.000-07:00

TINUTUKAN namin ang premiere telecast ng Claudine ni Claudine Barretto last Saturday at mas nauna itong umere kesa sa episode ni sister Gretchen sa Maalaala Mo Kaya?

Gayundin ang paglabas ng teen housemates sa bagong edisyon ng Pinoy Big Brother. For lack of better things to do on a Saturday night dahil maaga ang lakad namin kahapon, Linggo.

Sa eksenang nanliligaw na si Jomari Yllana sa role niyang pari na na-in love sa may dalawa nang anak na ginampanan ni La Greta ang inabutan namin sa MMK nang maglipat kami. Sa kabuuan, mas mahaba ang MMK kumpara sa Claudine na mahigit isang oras lang tumagal.

Aling drama ang mas maganda? Sino ang mas magaling sa Barretto sisters? Hmmm… Hindi kami critic pero kahit paano, may mas angat sa dalawang shows pero pagdating sa aktingan, magkaiba ng atake ang sisters, huh!Pagdating sa production values, obvious ang angat ng MMK. Hindi tinipid pagdating sa locations. Marami ring supporting cast at kahit kay Greta nakasentro ang kuwento, may nga conflicts pa rin in between kaya kahit luma na ang kuwento tungkol sa babaeng na-in love sa isang pari, nabigyan naman ito ng bagong twist nang i-harass ni Jom ang anak na bagets ni Gretchen na sa bandang huli, pinatawad ng huli upang magkaroon ng katahimikan ang anak na nilapastangan.

Hindi man ipinakitang nagbigti si Jom, naloka lang kami sa eksenang ‘yon dahil parang paa ng babae ang nakabitin, huh! Hindi naman si Gretchen ‘yon dahil siya ang nagbasa ng iniwang sulat ng nag-suicide na asawa, huh!

Sa part na ‘yon nakulangan kami sa Claudine. Kokonti lang kasi ang cast kaya iilang tao ang nakikita sa bawat eksena. Kung hindi sina Claudine at Raymart, sina Isabel at Raymart o Isabel at Claudine ang nasa frame. Eh, si Matet de Leon na friend ni Claudine, ang role ay pasulput-sulpot lang!

Pagdating sa kuwento, very predictable dahil tungkol sa minahal na asawang nagkaroon ng sakit na Alzheimer ang kuwento! So ganoon lang ‘yon. Tumatak lang sa amin ang dayalog ni Claudine sa mother in law niyang si Isabel na, “Siya (Raymart) lang ang nakalimot, ako hindi!”

Limitado nga lang ang kuwento at konti lang ang conflicts. Ang naging feeling lang namin after watching it, ginawang drama ang version ng 50 First Dates nina Adam Sandler at Drew Barrymore! Sa halip kasi na gawing komedi ‘yung mga eksena, drinama ito at sa halip na videos ang ginamit ni Claudine sa pagpapaalala kay Raymart ng happy moments nila, mga pictures ng masasayang araw nila!

Pagdating sa aktingan, mas suwabe ang atake ni Claudine sa role. Kumbaga, restrained ang acting niya na very Nora Aunor, huh! Hindi naman kasi kailangan ng hysteria dahil limitado ang role niya.

Hindi kagaya ni La Greta na demanding ang role niya. Hysterical at restrained acting ang ipinamalas niya at may moments din siyang epektibo, huh! Hirap nga lang siya sa ilang Tagalog dayalog dahil hindi niya ito nasasabi nang tuwid.

Unlike Claudine na effortless sa madadramang dayalog, huh! Mas madali nga lang matandaan ang acting ni Gretchen dahil binigyan talaga siya ng maraming eksena na kailangan ng aktingan. Para bang gustong iparating ng nasa likod ng MMK na, “Sige, Gretchen, talbugan mo ang acting ng iyong younger sister! Last chance mo na itong MMK! ” Ha! Ha! Ha!

Hayan, hindi talaga napigilan ang sabong ng Barretto sisters nu’ng Sabado pero patikim pa lang ang nangyari nu’ng Sabado. Mas lamang nga lang si Claudine dahil 26 weeks tatakbo ang anthology niya habang si Gretchen, hindi pa alam kung kelan ipalalabas ang kanyang teleserye!

Claudine, mas mahusay umarte kay Gretchen

2010-04-11T23:02:00.000-07:00

INDI man sabay na umere ang Claudine ni Claudine Barretto at Maalaala Mo Kaya ni Gretchen Barretto, nag-abot pa rin ang mga show ng dalawa nu’ng Sabado nang gabi.

Mas maagang pumasok sa ere ang kay Claudine, at makalipas ang 30 minutes ay pumasok na ang show ni Gretchen. Sa totoo lang, nahirapan kami na ilipat nang ilipat ang TV namin para lang matutukan ang performance ng magkapatid.

In fairness, parehong nagbigay ng intense acting sina Claudine at Gretchen sa kani-kanilang mga dramatic scenes. Mas lamang nga lang si Claudine sa kanyang ate pagdating sa husay sa pag-arte, dala na rin marahil nang pagiging mas matagal na niya sa circulation bilang talent ng Kapamilya Network at sunud-sunod na pagbibida sa mga series sa loob ng pitong taon.

Mas kontralado ni Claudine ang kanyang acting. Na-master na nito kung saang pagkakataon siya iiyak nang todo at kung saang moment lang tutulo ang kanyang luha na hindi niya kinakailangang humagulgol.Samantalang luhaan ng bonggang-bongga si Gretchen sa mga dramatic highlights niya pero kailangan naman ‘yun sa sitwasyong pinagdaanan ng kanyang pamilya.

Nakatulong marahil ang problema sa pamilya ni Gretchen dahil feel na feel nito ang eksena nila ni Dexter Doria na gumanap na ina niya. Ito ‘yung sinasabi ni Gretchen kay Dexter ang pagpupumilit niyang maging independent pero sa tuwing nadadapa ito ay laging nakaagapay ang kanyang pamilya sa kanya.

Maliban sa acting, kapuna-puna na mas lutang ang ganda ni Claudine kesa sa kanyang ate. Hindi namin alam kung dahil sa character ni Claudine na hindi poor sa kuwento kumpara kay Gretchen na ang character na ginagampanan ay mahirap.

May mga eksena si Gretchen na maganda siya kahit walang make-up, pero may eksena siyang hindi talaga bagay ang pagkaka-pouty ng lips niya.

Well, in any case parehong pinatunayan ng Barretto sisters na may ibubuga sila sa acting at aminin man nila o hindi nakatulong ang isyu sa kanilang dalawa para panoorin ang kani-kanilang mga show.
Magkakaalaman na nga lang kung kaninong programa ang mas pinanood ng TV viewers, kung ang kay Claudine o kung kay Gretchen.

Dennis, bagong karibal ni Dingdong kay Marian!

2010-04-11T23:00:00.001-07:00

NAGKAROON na ng story conference para sa bagong primetime series ng GMA-7, ang Endless Love noong Sabado ng gabi sa GMA mismo. Noon nga lang masasabing nagkaalaman kung sinu-sino talaga ang mga kasama sa ika-apat na primetime series and as we heard, posibleng huling soap opera na raw talaga na pagtatambalan nina Dingdong Dantes at Marian Rivera.

Nakumpirma na nga na si Dennis Trillo ang magiging ka-triangle for the first time nina Dingdong at Marian dahil sa presence nito sa naturang storycon. In fairness, excited ang ilang nakausap namin about the said series dahil at least, bagong triangle naman daw ang tatlo kahit pa ilang beses na rin naging magkatambal sina Dennis at Marian.

Bukod sa tatlo, makakasama rin sa Endless Love sina Sandy Andolong, Jana Dominguez, Marc Acueza at Janice de Belen.

Wala pang kasiguraduhan kung makakapag-start na ng taping sina Dingdong at Marian bago umalis ang dalawa papuntang US this May for their series of concerts kasama sina Ogie Alcasid at Regine Velasquez or pagdating na lang nila magte-taping at uunahin muna raw ang mga bata na gaganap bilang mga batang Dingdong, Marian at Dennis.

By June naka-sched na ipalabas ang Tagalog adaptation ng Korean series na Endless Love.

“Ang sarap pala na binabastos-bastos ka!” -- Eugene Domingo

2010-04-11T22:58:00.000-07:00

GRABE sa sunud-sunod or rather, sabay-sabay na shows meron si Eugene Domingo ngayon. Sa GMA-7 na lang, bukod sa pang-teen show na First Time at Comedy Bar, heto at reunited muli sila ng director na si Joyce Bernal para sa kiddie show na Wachamakulit.
First time raw ni Uge na mag-host ng game show na pambata.

“So, talagang pigil ako sa mga words, sa mga sasabihin ko dahil mga bata ang kasama ko, eh. Iba-iba rin ang moods nila, may kanya-kanyang drama pero nakakatuwa. Kapag nakita na nila ko, para na silang nakakita ng Santa Claus.“Pero maganda kasi, parang napaka-fresh naman this time ng ginagawa ko. Kumbaga, mga bagets-bagets naman,” sabi ni Uge.

Tawa nang tawa si Uge dahil puro bagets daw talaga ang nakapaligid sa kanya. Mula sa totoong “batang” bagets, mga “binatang” bagets naman ang kasama niya sa Comedy Bar, tulad nina Wendell Ramos at Brazilian Hunk na si Fabio Idel.

“Nakakahaba talaga ng hair! Kumukulot nang kumukulot ang buhok ko. Hindi lang sila mga guwapo, may sense of humor pa.”

Teka, ‘yung Hot Mama na show niya, sa lakas daw nito, parang gusto pang i-extend ng management, anong sey niya?

“Oo nga! Natutuwa nga ako. Parang dumami ang mga fans kong lalaki at masama ang tingin nila sa akin. ‘Yung tingin nila sa akin ngayon, Hot Mama! Ang sarap pala na paminsan-minsan, nababastos ka,” natatawa niyang sabi.

So, nararamdaman niyang may pagnanasa na sa kanya ang mga kalalakihan ngayon?
“Nararamdaman ko! Ang mga karpintero ngayon, iba na ang tingin sa akin. ‘Yung mga set man, panay na ang alalay sa akin. Ha! Ha! Ha!”

Sa sobrang busy raw ni Uge ngayon, wala na raw siya lalong time na asikasuhin ang lovelife niya. Hirit niya, ang schedule na raw niya ngayon ay trabaho, tulog, bangko.

“Trabaho, tulog, bangko and then, pautang, ah hindi, pamigay! Ha! Ha! Ha!”
So, paano na nga ang lovelife niya?

“Alam ng Diyos ang pangangailangan ng bawat isa at alam din niya kung kalian ibibigay. Siguro ngayon, ang pangangailangan ko talaga ay ibigay ang pangangailangan ng mga naghihintay ng entertainment at ng susunod kong ipapakita. So, doon tayo mag-focus. Tutal, binigyan naman tayo ng pagkakataon na aliwin ang manonood. Aaliwin ko po kayo. Doon na lang muna,” say na lang ni Uge.

Carla-Geoff fans, dismayado sa GMA!

2010-04-11T22:57:00.001-07:00

DISMAYADO ang mga fans nina Carla Abellana at Geoff Eigenmann, dahil mula sa primetime ay malalagay sa afternoon drama ang dalawa.Matapos magbida ang tandem nina Carla at Geoff sa Rosalinda, ginawa silang suporta sa The Last Prince, at ngayon ay nilagay sila sa isang afternoon soap drama para gawin ang TV remake ng pelikulang Basahang Ginto.

Ang Basahang Ginto ay isa sa mga komiks material ni Mars Ravelo at pinagbidahan ito nina Pancho Magalona at Alicia Vergel sa big screen version nito na ginawa ng Sampaguita Pictures noong 1952.

Nagtataka nga ang mga tagahanga nina Carla at Geoff kung bakit hindi sila gawing bida sa isang primetime series. Magagaling namang umarte ang dalawa at marami ang nag-aabang sa kanilang tambalan.

May nagsabi naman na ite-test daw ang tambalan nina Carla at Geoff sa isang afternoon drama series. Hindi raw kasi ganu’n natanggap agad sa primetime ang kanilang love team. Proof daw ang hindi masyadong bonggang ratings ng Rosalinda. Baka raw sa afternoon drama ay makabawi ang tambalan nila.

Gusto lang namang alagaan ng GMA-7 ang loveteam nila kaya nilalagay sila sa iba’t ibang oras. It doesn’t mean na hindi na sila puwedeng mag-primetime. Marami naman ang mula sa primetime ay pinagbida rin sa panghapon na programa ng GMA-7. Nandiyan sina Iza Calzado, Dennis Trillo, Nadine Samonte, Jennylyn Mercado, Mark Herras, Yasmien Kurdi at Heart Evangelista.

Melisa, problemado sa ama!

2010-04-11T22:55:00.000-07:00

MALAKING dagok ang hinaharap ngayon ni Melisa Cantiveros. Ilang araw pa lamang simula nang tuluyan niyang lisanin ang bahay at pangangalaga ni Kuya kasama ang nobyong si Jason Francisco, kinailangan niyang tugunan ang pagkakasakit ng ama sa lalamunan.Napag-alaman ng Prinsesa ng Masa na malaking halaga raw ang aabutin para malunasan ang sakit ng amang si Mang Dionisio. Matulungan kaya siya ng Prinsipe ng Masa na si Jason sa problema niyang ito?

Sa pag-alis nina Melai at Jason sa PBB house, inaasahang sari-saring pagsubok ang darating sa buhay nila sa kanilang pag-abot sa kanilang mga pangarap. Una na rito ang paghahanap ng tirahan at pakikibagay sa sandamakmak na kapitbahay.

Samahan ang Melason sa kanilang nakakatuwang paglilipat sa kani-kaniyang tirahan at pakikisalamuha sa kanilang mga bagong kapitbahay sa “Melason In Da City,” na mapapanood tuwing Lunes hanggang Biyernes ng 10a.m. sa ABS-CBN at 6:30p.m. naman sa Studio 23.

'Di kilala ng stage director Dennis nag-walkout din!

2010-04-11T04:05:00.001-07:00

Uso talaga sa showbiz ang pagwu-walkout at hindi nagtapos kay Gretchen Barretto ang season ng walkout dahil ang latest na nag-walkout ay si Dennis Trillo. Nangyari ang pagwu-walkout ng aktor sa trade launch ng GMA 7 na may telecast, ang Party Pilipinas at kung saan, semi-regular ang aktor.

Ang tsika sa amin, maagang dumating sa SMX Convention Center si Dennis dahil ‘yun ang advice sa kanila, pero malalim na ang gabi, hindi pa ito tinatawag. Kung saan-saan din ito pinauupo at ang the height, noong tinatawag na si Dennis, nag-dialogue raw ang stage director ng “sino ba si Dennis Trillo?” at “nasaan ba siya?”

Nainsulto si Dennis dahil katabi lang niya ang naghahanap sa kanya, feeling nito, sinadya siyang bastusin kaya sa halip na magalit, nag-decide na lang itong umalis at ‘di na bumalik. In fairness, hindi staff ng Party Pilipinas ang stage director, pero siguro naman kilala niya si Dennis at nakikita niya ito. Ganahan pa kayang bumalik sa Party Pilipinas si Dennis?

Samantala, kumpirmado ng si Dennis ang gaganap na Andrew sa Endless Love: Autumn In My Heart na balik-tambalan nina Marian Rivera at Dingdong Dantes. Kagabi ang storycon ng Pinoy adaptation ng Korean novela at ang hiningi lang ng aktor at manager nitong si Popoy Caritativo ay hindi lumabas na kontrabida si Dennis at hindi madedehado sa publicity.

Dennis parang si Robin kung ma-in love

2010-04-11T04:03:00.000-07:00

Seen : Pareho ang ugali nina Robin Padilla at Dennis Trillo. Madaling ma-in love sina Robin at Dennis sa mga babae na nakakapareha nila.

Scene : Hindi natuloy ang commercial shoot ni Heart Evangelista sa Bangkok dahil under state of emergency ito.

Seen : Malaki na ang tiyan ni Judy Ann Santos. Tumataba na rin siya dahil sa kanyang pagbubuntis.

Scene : Ibinalik ng Bb. Pilipinas Charities Inc. kay Maria Venus Raj ang Bb. Pilipinas-Universe crown na kanilang binawi. Ang mag-apply ng Philippine passport ang kundisyon na hiningi ng BPCI kay Venus.

Seen : Pilit at hilaw na hilaw ang loveteam nina Erich Gonzales at Enchong Dee. Hindi believable na may mutual understanding sina Enchong at Erich na may twang ang pagsasalita ng Tagalog.

Scene : Watchamakalit ang title ng pambata at bagong show ni Eugene Domingo sa GMA 7.

Scene : Sa April 18 ang premiere night sa SM Megamall Cinema 10 ng Working Girls.

Kalaguyo ng sikat na personalidad, aktres nangongolekta na rin ng mamahaling bag

2010-04-11T04:01:00.000-07:00

Itago na lang natin ang aktres na ito sa alias na Ms. Tress.

Tsika ito ng aking source whose tipster ay mismong pinsan ni Ms. Tress. Kahit pala consistently out of touch pa rin ang hitad, marami ang mga kuwentong nagpapatunay ng kanyang illicit affair with a famous personality.

Kinumpirma sa aking source ang pagkakaroon talaga ni Ms. Tress ng boutique sa ibang bansa, na ang ipinagpagawa’t ipinuhunan dito’y katas ng mga nahaharbat niya mula sa kanyang may-sabit na nobyo.

Lately rin daw ay nahihilig si Ms. Tress sa isang brand ng mamahaling bag, the same signature item na ginagastusan ng milyun-milyon ng misis ng kanyang kalaguyo. At nagbanta pa raw si Ms. Tress na tatalbugan niya ang kanyang karibal sa pangongolekta ng mga ito, nang sa gayun daw ay wala na itong mahinging perang pambili mula sa asawa.

In English, the word “tress” means “lock of hair.” Ang haba talaga ng buhok ni Ms. Tress.

Billy mukhang pera?!

2010-04-11T04:00:00.001-07:00

Parang hindi magandang pakinggan ‘yung tsismis na gustong pagbabalik ni Billy Crawford sa GMA kung magkakasundo sila sa presyo? Ganito na ba siya ka-materyoso para bigyan ng bigat sa kanyang trabaho ang pera? Kung kumikita siya ng P20M bilang Kapamilya bakit niya ito iiwan? Malaking pera ito saan mo mang anggulo tingnan. No, I don’t think iiwan pa ni Billy ang ABS-CBN. Maganda na ang exposure niya rito, marami siyang programa. But above all these, kasama niya sa network ang kanyang mahal.

Jennylyn at Dennis may unawaan na!

2010-04-11T03:57:00.000-07:00

Halata sa mga kilos at salita nina Dennis Trillo at Jennylyn Mercado na may unawaan na sila.

Kung walang understanding ang dalawa, hindi aaminin ni Dennis na exclusively dating sila ni Jennylyn.

Ewan ko lang kung totoo ang balita na hurt na hurt daw si Andrei Felix nang malaman nito na exclusively dating sina Jennylyn at Dennis.

The who si Andrei? Siya ang dating VJ ng MYX na rumored boyfriend ni Jennylyn. Ang tsismis, si Andrei ang ipinalit ni Jennylyn kay Patrick Garcia. Nahihirapan daw si Andrei na tanggapin ang katotohanan na ipinagpalit siya ni Jennylyn kay Dennis kahit matagal na silang hindi nagkikita ni Jennylyn.

Marian tinatawanan ang 'tinatagong' anak

2010-04-11T03:56:00.001-07:00

Knowing Marian Rivera, pinagtawanan lang niya ang balita na meron na siyang anak.

Walang katotohanan ang balita dahil kung totoo na may anak na si Marian, noon pa sana ito nabulgar.

Walang lihim sa showbiz na hindi nabubunyag. Mahihilig ang mga Pinoy sa mga intriga at kontrobersiya. Kung totoo na may itinatagong anak si Marian, tiyak na alam na ito ng buong mundo!

Claudine pinipigilang iyakan ang away nila ni Gretchen

2010-04-11T03:54:00.000-07:00

Pigil na pigil ang pag-iyak ni Claudine Barretto nang mag-guest siya kahapon sa Startalk para i-promote ang kanyang drama anthology sa GMA 7 na nag-umpisa kagabi.

Muntik nang mapaluha si Claudine dahil napag-usapan ang tampuhan nila ng kanyang Ate Gretchen.

Tama ang kutob ng mga tao na may hidwaan ang magkapatid kaya naging emosyonal sila sa pagtatapat kagabi ng kanilang mga show.

‘Yun nga lang, hindi natin malalaman ang dahilan ng tampuhan nina Claudine at Greta dahil tumanggi ang una na magkuwento. Bago siya nagpunta sa Startalk, nakatanggap si Claudine ng text message mula sa kanyang mga magulang na nagbilin na huwag na siyang magsalita tungkol sa isyu.

Mahal ni Claudine ang kanyang ama at ina. Mahal din niya si Gretchen kaya hindi na nagsalita si Claudine para hindi na humaba ang isyu.

LJ Reyes, goodbye muna sa showbiz

2010-04-11T00:03:00.000-07:00

Pansamantalang mawawala sa showbiz scene si LJ Reyes dahil pupunta siya sa ibang bansa para ipagamot ang kanyang likod na matagal nang sumasakit.
Ang Party Pilipinas at Ina, Kasusuklaman Ba Kita? ang mga regular show ni LJ sa GMA 7.

“Indefinite leave” ang paalam ni LJ sa production staff.

Richard, sobrang nag-enjoy kina Rhian, Lovi, Jennylyn at Sarah!

2010-04-11T00:01:00.000-07:00

Bilang bahagi ng 60th anniversary celebration ng GMA7, isang matagumpay at bonggang-bonggang trade party ang naganap noong Huwbes ng gabi upang ipakilala ang mga bagong programa nila na patuloy na pupukaw sa puso ng maraming mga Pinoy.

Ang trade launch na ginawa sa SMX Convention Center ay pinangunahan ng pinakabago, pinakaengrande at pinaka-hip na party event sa telebisyon at mapapanood ngayong Linggo sa Party Pilipinas.

Ang espesyal na selebrasyon na ito ay pinangunahan ng mga top executives ng GMA 7 na sina GMA Chairman, President and CEO Felipe L. Gozon,Executive Vice President & Chief Operating Officer Gilberto R. Duavit, Jr., GMA Films President Annette Gozon-Abrogar, GMA Marketing and Productions, Inc. President and COO Lizelle G. Maralag, Senior Vice President for Entertainment TV Wilma V. Galvante at Senior Vice President for News and Public Affairs Marissa L. Flores.

Ang bonggang trade party ay sinimulan ng magagandang mga production numbers hatid ng Party Pilipinas members na sina Kyla at Jay-R, Mark Bautista, Aljur Abrenica, Frencheska Farr, Geoff Taylor, Kris Lawrence, Mark Herras, Sarah Labahti, Steven Silva, Joshua Dionisio, Jake Vargas, Julie Ann San Jose, Barbie Forteza, Bea Binene at ang pinakabatang rapper ngayon na si Elmo Magalona, ang anak ng namayapang Master Rapper Francis M.

Mas lalong naging makulay ang kasiyahan sa pagdating ng cast ng top-rating at first-ever reality sitcom na Pepito Manaloto sa pangunguna ni Michael V kasama sina Carmina Villarroel, Manilyn Reynes at Joshua Pineda.

Humataw rin sa stage ang ace comedians na sina Allan K at Eugene Domingo na mga hosts ng pinakabagong late-night Saturday program na Comedy Bar. Nagkaroon naman ng dating game sa trade party sa pangunguna ni Jay-R para sa bagong programa niyang Take Me Out.

At matapos ang pamamayagpag ng mga primetime shows ng GMA7 sa unang bahagi ng taon, ipinakilala naman ang mga bagong de-kalidad na programang tututukan ng milyun-milyong manonood kabilang na ang Pinoy adaptation ng Korean series na Endless Love starring Marian Rivera at Dingdong Dantes.

Ang iba pang bagong programa na dapat abangan sa GMA Telebabad ay ang Pilyang Kerubin, Langit Sa Piling Mo at Odessa, The Legend of the Swan Princess.

First time dumalo ni Claudine sa trade launch ng GMA, at mukha namang kumportable na ito sa mga taga-Siyete.Samantala, ipinakilala naman ng News and Public Affairs ang kanilang mga bagong programa tulad ng Aha! hosted by Drew Arellano at ang pinakaaabangang pagbabalik ng reality-based Survivor Philippines na pangungunahan ng Kapuso primetime actor na si Richard Gutierrez. At speaking of Richard, aba, abot-tenga ang ngiti niya sa production number niya dahil pinaligiran siya ng mga seksing girls na sina Jennylyn Mercado, Lovi Poe, Rhian Ramos at Sarah Lahbati. Kitang-kita nga sa smile ni Chard na nag-enjoy siya sa apat na girls, ha!

Idinagdag pa ng News and Public Affairs ang kanilang patuloy na paghahatid ng serbisyong totoo lalo na sa darating na presidential election sa pamamagitan ng Eleksyon 2010.

Ang Q Channel 11 naman na sister station ng GMA Network, ay nagpakilala rin ng kanilang mga pinakabagong programa tulad ng I Laugh Sabado, Sus Naman! May Solusyon Yan! at Tonight with Arnold Clavio.

Lalo pang nagpatingkad sa trade party ang production number na ginawa nina Marian at Dingdong na bukod sa pagkakaroon ng bagong primetime show ay bida rin sa pinakabagong offering ng GMA Films, ang You To Me Are Everything.

Mas lalong nadagdagan ang saya ng mga dumalo sa nasabing trade show dahil sa mga raffle prizes kabilang na ang IPADs, PSPs, iba pang electronic gadgets at ang dalawang brand new Mistubish Lancer na napanalunan nila Christina de Guzman-Lao ng Golden Arches Development Corporation at Rommel Pentinio of Starcom Mediavest Group.

Naging makulay rin ang buong SMX Convention Center dahil sa mga magagarang booths na punung-puno ng mga activities at mga artista hatid ng iba’t ibang programa.

Sharon, todo-gastos para kay Tito Sotto!

2010-04-11T00:00:00.001-07:00

Aminado si Tito Sotto na malaking tulong ang Eat Bulaga sa muling pagkakaroon ng interest ng tao sa kanya ngayong eleksiyon, kaya nasa Top 12 siya sa mga surveys na ibobotong senador.

“Tremendous ang tulong ng show sa akin. Nang ma-elect ako sa Senate, tumigil ako sa Bulaga ng 12 years. Attend lang ako pag special events. That time, my awareness was lower than 1992. Nu’ng 2004-2007, hindi ako napagkikita sa Bulaga. Sa 2007 ako pumasok kaya nag-peak ‘yung awareness sa akin. MKahit wala siya ngayon sa EB, pasok pa rin siya sa utak ng tao dahil binabanggit ang Sotto dahil kay Vic.

“Malaking factor kapag meron ka pang kapatid na sikat! Ha! Ha! Ha! Wala kang magagawa. Kahit ayaw nila, technically o legally, walang bawal doon! Hindi nila puwedeng pagbawalan,” paliwanag pa ni Tito Sen.

Bukod kay Vic, siyempre kasama rin sa campaign ang asawa niyang si Helen Gamboa.

“Helen has a campaign of her own and in key areas, sumasama siya sa akin. Halos lahat din ng lugar, kasama ko siya. Sa mahihirap na areas o malayo by land, doon siya hindi sumasama. Ang lakas din niya,” sey niya.

Teka, saan galing ang tsismis na hiwalay sila?

“Hindi ko alam ‘yon! It was a rehash of a question in my… ‘yung kay Karen Davila. Sa ANC ‘yon. May questions at isa sa phone in at internet question, ‘yung totoo bang hiwalay kami ni Helen. Sabi ko, completely untrue. It has never happened even before noong 2007, kasama sa black propaganda ko ‘yon. In fact, we have never fought up to now. May diskusyon lang in our 40 years. Not even attempt. ‘Yon ang napick-up ng Yahoo. Nagdeny ako. Forty years na kaming kasal,” paliwanag ni Tito.

Na-involved pa nga si Zsa Zsa Padilla sa isyung ‘yon, huh!

“Hiyang-hiya nga ako kay Zsa Zsa. Kami ni Dolphy, close at si Zsa Zsa, close kina Ciara at Sharon. Ha! Ha! Ha! Kasi that time, biglang pumunta sa Las Vegas si Helen kaya hindi nakatulong sa kampanya ko. Hindi naesplika. Pipirma ng kontrata si Ciara sa show niya sa Las Vegas. Si Helen ang pumunta dahil importante ang career ng anak ko. Hindi ko akalain na gagamiting isyu ‘yon,” sambit pa niya.

Sa parte naman ni Sharon, ang pagsasaayos ng mga campaign materials niya ang tulong niya kay Tito.

“Alam mo naman pagdating sa ganyang campaign materials, ang galing-galing ni Sharon diyan! Siya ang nagpapagawa! Siya ang gumagastos. She’s very supportive. Hindi lang siya puwedeng gumawa ng commercial dahil sa mga ilang kontrata niya sa commercial.” balita niya.

Maging sina Boy Abunda at Kris Aquino ay pumayag gumawa ng infomercial niyang napapanood sa TV na patterned sa Pinoy Henyo ng Bulaga.

“Obvious kasing masyado sina Vic and Joey na ie-endorse ako. Given na ‘yon. Eh, itong si Mr. Tuviera at Boy Abunda were talking about projects. Binanggit ni Boy kay Tony na gusto nilang tumulong ni Kris. Alam nilang tinulungan ko sila in the past. Alam nila ang misyon ko. Sinabi sa akin ni Tony at umokey ako pati na ‘yung paggawa ng commercial.

“In fact, si Boy nag-isip nu’ng commercial na Pinoy Henyo ang gamitin. ‘Yung kay Kris, personal thing. It doesn’t have to do with political parties. Personal ang dating niya,” say ni Tito.

Teka, sa presidentiable, obvious na Noynoy Aquino sila nina Vic at Joey.

“Hindi naman obvious! Halata lang! Ha! Ha! Ha! We just don’t admit it publicly! Ha! Ha! Ha!” deklara ni Tito Sotto.alaking bagay ‘yon sa akin,” pahayag niya.

Maxene at JC relasyon, pangit ang ending!

2010-04-10T23:58:00.000-07:00

May dalawang buwan na palang hindi nagkakausap sina Maxene Magalona at JC Tiuseco. Kaya nu’ng tanungin namin siya sa suportang ibinibigay ni Maxene sa kanya sa pagsali niya sa Medicol Advance Winners’ Race To A Million, walang maisagot si JC, at ngumiti lang.

Nanatiling tikom nga ang bibig ni JC sa tunay na rason nang paglamlam ng relasyon nila ni Maxene. Ni hindi rin nito maamin hanggang ngayon na naging sila ng aktres, at totoo ang balitang nag-break sila nu’ng January pa.

Hindi rin masagot ni JC ang tanong namin sa kanya na bakit kahit sa text ay hindi sila nag-uusap ni Maxene.

Suspetsa ng marami, hindi naging maganda ang ending ng relasyon nina JC at Maxene. Ang isang pruweba nga ay ang interview muna ni Maxene na ayaw nitong makasama sa kahit na anong project si JC.

Nang tanungin namin si JC tungkol sa sinabing `yon ni Maxene, ang sagot lang niya ay okey lang daw sa kanya kung ‘yun ang gusto ni Maxene. Sabi pa niya, karapatan daw nitong pumili kung sino ang gusto niyang makasama sa trabaho.

Hindi talaga namin mapiga si JC sa nangyari sa kanila ni Maxene, kaya pahapyaw namin siyang tinarayan, at sinabi na ang damot niyang magbigay ng komento sa press tungkol sa kanila ni Maxene, gayung alam naman ng lahat na naging sila nito.

“Hindi naman! Siyempre, ang inaano ko ‘yung kapakanan ng ibang tao hindi lang ‘yung sa akin. Parang ayaw ko ring makasakit ng ibang tao. Kailangang maging gentleman ka sa lahat ng sinasabi mo. I mean, oo pero kailangan siyempre, kailangang ibigay ko sa press ‘yung kailangan nila pero kung ako lang, okey lang sa akin. Pero may ibang tao na mai-involve kaya kailangang isipin ko rin,” sey niya.

Akala namin ay magsasalita na si JC nang tuluy-tuloy, pero nu’ng uriratin uli namin siya kung may masama bang nangyari sa kanila ni Maxene at bigla silang nag-iwasang dalawa, sumagot itong “wala naman”.

“Siguro baka iba na ang set of friends niya. Kasi ako madalas lang ako sa bahay, hindi ako lumalabas,” dugtong niya.

Kuntento na raw si JC sa sitwasyon nila ni Maxene na hindi na sila nag-uusap. Naintriga lang kami sa sumunod na pahayag niya, dahil sey niya, mas gusto na raw niyang in good terms sila ni Maxene at wala siyang nasasaktan.

Anyway, tutok nga si JC ngayon sa Medicol Advance Winners’ Race To A Million. At kung mananalo raw siya, sa Gawad Kalinga niya ibibigay ang isang milyong piso na premyo.

Paglayas ni Rachelle sa Dos, ikinatuwa ni Mark Bautista!

2010-04-10T23:57:00.000-07:00

Masayang-masaya si Mark Bautista at nasa bakuran na rin ng GMA-7 si Rachelle Ann Go.

Pumirma na nga ng kontrata si Rachelle bilang isang certified Kapuso.

Sey nga ni Mark, hindi raw niya inaasahan na makakasunod si Rachelle Ann sa kanya dahil ang alam niya ay may kontrata pa ito sa ASAP. Pero nag-expire na pala last April 4 ang kontrata ni Rachelle at agad nga siyang dinala ng Viva Artist Agency sa GMA-7.

“Actually noong tinanong ko si Rachelle about that, hindi siya sumasagot ng maayos. Sinasabi lang niya na may inaayos pa. Kaya all the while, I thought may kontrata pa siya na hindi pa nag-expire.

Tapos nalaman ko nga na pumirma na siya,” nakangiting kuwento ni Mark.

Hindi lang daw sa Party Pilipinas magsasama ang dalawa dahil meron din silang mga gagawing pelikula at drama shows sa GMA-7.

“I heard nga na si Rachelle, may mga acting siyang gagawin sa GMA-7. That’s good kasi ‘yun din naman ang gusto rin niya noon pa. She wants to be a versatile performer.

“Ako naman, ‘yun din naman ang sinabi sa akin. Wala pa ngang sinasabi sa akin kung ano pang mga shows ang gagawin ko, pero may kasama ngang acting sa movies and TV.”

Jennica at Alwyn, magkarelasyon!

2010-04-10T23:56:00.001-07:00

SA mga past interviews ni Jennica Garcia, hindi nito itinatanggi na kapag may chance, lumalabas siya with other guys or friends, mostly nga raw ay group dates naman. Matagal na rin kasi, simula nang mag-break sina Jennica at Mart Escudero. Last year pa nang mag-break ang dalawa.

May kumalat na balita noon na kesyo nagkakamabutihan sina Jennica at Rayver Cruz, but obviously, hindi nga totoo, dahil pareho rin nilang itinanggi ‘yon agad. As we all know, si Rayver ay matunog naman na nali-link kay Sarah Geronimo for the longest time.

Anyway, ang latest na nakarating sa amin at kung totoo nga, may bagong special someone raw si Jennica ngayon. Pero mukhang after Mart, mas nali-link si Jennica sa ilang Kapamilya stars.
Heto’t ang latest nga na nakarating sa amin, kung may maituturing man daw na special kay Jennica ngayon, ito ay ang Kapamilya star na si Alwyn Uytingco.

Hindi pa namin makonek kung paano sila naging close. Posibleng through a common friend din.

Habang isinusulat namin ang artikulong ito ay tinanong namin si Jennica for confirmation kung si Alwyn nga ang tinutukoy niyang special someone niya, at walang malisyang sagot nito sa amin ay, “Yes.”

Well, pareho namang single and unattached sina Jennica at Alwyn, kaya walang masama.

Kris, aagawin ni Carl kay Aljur

2010-04-10T23:54:00.000-07:00

Pantasya na raw ng mga bading at babae ngayon si Carl Guevara, lalo na at nalantad na ang makisig na katawan niya sa April issue ng Men’s Health Magazine. At lalo raw pagpapantasyahan si Carl ng mga bading at babae kapag lumabas na ang billboard niya para sa Bench jeans.

Inamin ni Carl na pinaghahandaan na rin niya ang underwear fashion show ng Bench sa July 2 sa Araneta Coliseum.

“Tungkol sa pantasya ng mga bading at babae, kung mangyayari man ‘yun, I’ll be flattered dahil kung nagugustuhan nila at humahanga sila, ibig sabihin, maganda naman ang nagawa ko. And natuwa rin ako kasi sa sinabi ng editor-in-chief ng Men’s Health Magazine na nagandahan din sila sa story ko,” bungad na pahayag ni Carl.

Anyway, wala namang magagalit kung pagpantasyahan man si Carl ng mga babae at bading ngayon, dahil single raw siya mula nang mag-break sila ni Daiana Meneses.

At dahil naka-move on na siya sa nangyari sa kanila ni Daiana, happy raw siya kung happy daw si Daiana ngayon sa rumored boyfriend nitong si Sam YG.

“Okey naman kami. Ilang beses na rin kaming nagkita sa GMA and noong unang umere ‘yung Dear Friend, natuwa naman ako when he texted me at nag-congrats siya sa akin.

“Pero ngayon, mas na-realize ko na tama ‘yung naging desisyon namin dahil mas okey ako ngayon na ang focus ko lang talaga career ko.”

Wala raw siyang nililigawan at hindi rin naman daw niya nami-miss ang magka-girlfriend.

“Pero, marami akong nagugustuhan na magaganda, like sa GMA na lang, ang daming magaganda.

Sina Heart Evangelista, Rhian Ramos, Kris Bernal, ang dami nilang magaganda! Pero hanggang paghanga lang naman.”

Hindi naman kami magtataka kung mali-link din siya kay Kris dahil isa siya sa mga bagong pasok sa The Last Prince at magiging ka-triangle nina Kris at Aljur. Aagawin ba ni Carl si Kris kay Aljur?

“Sana huwag namang lumabas na kontrabida ako, kasi trabaho lang naman po. At saka, wala po akong planong agawin si Kris kay Aljur.

“Kung nasabi ko man na maganda si Kris, natural lang naman po siguro ‘yun dahil maganda naman siyang talaga. Hindi naman siguro magagalit si Aljur at kaibigan ko rin naman po si Aljur,” sey na lang niya.

Young actor buking ang panunulsol sa nililigawang young actress

2010-04-09T05:13:00.000-07:00

May pagkabastos pala ang isang young actor. Nakatsikahan ko ang isang taong malapit sa young actress na balitang-balitang nililigawan ng nasabing young actor.

As in hindi pala alam ng young actor ang salitang respeto.

At ang the height, sinusulsulan pa nitong lumaban sa magulang ang kanyang nililigawan.

Mabuti na lang daw at naagapan ng magulang ang young actress bago tuluyang na-impluwensiyahan ng young actor.

Bukod sa bad influence ang nasabing young actor sa nililigawang young actress, nadiskubre nilang plano lang nitong paglaruan ang young actress dahil nanliligaw pa ito sa isa pang young actress.

Pasalamat sila na maagang nagkabukingan or else, baka napahamak pa ang dalawang young actresses na plinaplano sanang paglaruan lang ng young actor na nag-uumpisa pa lang sanang sumikat.

Alam ng lahat ang panliligaw ng young actor kay young actress dahil parati niya itong ginagamit sa lahat ng interview na parang pure and sincere ang kanyang intention.

Jewel dedma pa rin ng GMAAC?

2010-04-09T05:11:00.000-07:00

Nakaabot na kay Ms. Ida Henares ng GMA Artist Center (GMAAC) ang na-tweet ni Jewel Mische na kung wala pang project na ibibigay sa kanya ang GMA7, kinu-consider niyang magtrabaho sa ibang network. Ipinabasa umano kay Ms. Ida ang kopya ng column namin dito sa PSN kung saan inilabas namin ang message ni Jewel at hintayin natin ang aksyon ng GMAAC.

Sa comment ng isang follower ni Jewel na may Captain Barbell siya, ang sagot nito sa Twitter pa rin ay “CB is pushed till later this year. If in case am goin’ to be part of it will I have to remain jobless until then? What about the present?”

Nauna rito, nag-react na rin si Shirley Pizarro ng GMAAC kay Jewel at tinanong ito sa Twitter, “So, have you talked to GMAAC about this possibility? I should hope so, because you are already making this public.”

Ang sagot ni Jewel dito, “Hi, Ms. Shirley! I have already availed my side to the person upstairs. And I trust for a graceful resolution in this regard.”

Nabanggit din ni Jewel na “I have reached out to the management to tell them I want to work. I have an existing contract with GMA which means my station is bound to that occurring responsibility to give me a job.”

Gretchen hindi nagpatalbog, nag-walk out din

2010-04-09T05:10:00.000-07:00

SEEN : Marami ang nagbibigay ng tulong sa veteran comedian na si Palito.

Naka-confine si Palito sa Philippine General Hospital dahil sa kanyang karamdaman sa baga.

SCENE : Hindi nakakatawa ang mga gags ng Lokomoko U, ang gag show ng TV 5.

SEEN : Ang pagluha at walk out drama ni Gretchen Barretto nang tanungin ito tungkol sa tampuhan nila ni Claudine. Hindi nagpatalbog si Ate...

SCENE : Pinapanood ni Cheryl Cosim ang Salamat Dok kapag nagigising siya ng maaga.

Si Bernadette Sembrano ang bagong host ng Salamat Dok dahil lumipat si Cheryl sa TV 5.

SEEN : Sina Pokwang at Sam Milby sa Ninoy Aquino International Airport noong Miyerkules ng gabi.

Galing sina Sam at Pokwang mula sa US concert tour ng Heartthrobs & Friends.

SCENE : Insensitive ang pagpapakita sa telebisyon ng video ni Philip Medel na hirap na hirap sa paghinga habang naka-confine sa ospital.

Si Philip ang suspect sa pagpatay kay Nida Blanca noong November 2001.

Namatay si Philip noong Miyerkules ng gabi.

SEEN : May tamang scripted ang mga eksena sa Melason in the City.

SCENE : May kulang sa teaser ng Working Girls 2010. Dapat idagdag sa trailer ang mga wackier scene ng pelikula.

Claudine mas dapat isipin ang timbang kesa kay Greta

2010-04-09T05:08:00.000-07:00

Worried si Claudine Barretto dahil pagtatapatin sila ng kanyang Ate Gretchen Barretto na hindi pa niya nakakabati ay malamang makagalit niyang muli. Wish niya na sana hindi magamit ang kapatid niya laban sa kanya. Kung magagawa niyang iatras ang Claudine, sana ginawa na niya. Ang kaso, can’t affrord na itong ma-postpone muli.

Pero kung ako silang magkapatid, hindi ko na bibigyang bigat ang pagiging magkapatid, basta I will do my best para mapaganda ang trabaho ko. Kahit sino pa ang makakatapat ko, trabaho lang ’yun, walang personalan.

Ang maipapayo ko kay Claudine, she should lose some weight. Sayang ang galing at ang mukha kung sa halip na mag-compliment ang katawan at talento ay mag-clash pa ito.

Marian, feeling nanay sa alagang baboy!

2010-04-09T05:07:00.000-07:00

PUSPUSAN ang ginagawang pagsu-shooting nina Dingdong Dantes at Marian Rivera para sa kanilang comeback movie na rom-com ang tema, ang You To Me Are Everything kung saan, last Holy Week nga ay nag-shooting pa sila sa Benguet at dumiretso sa Baguio para mag-shooting.

Sa trailer ng movie nila ni Dingdong, kapansin-pansin ang maliit na baboy na palaging bitbit ni Marian. Kaloka dahil maliit na baboy o biik talaga ang pet ni Marian sa pelikula at tila naaliw na ito sa alagang biik, at gayundin ang biik sa kanya, dahil sa kanya lang din daw ito sumasama. Kasi naman, feeling nanay talaga si Marian sa alagang baboy, na madalas nga niya itong kargahin, at parang baby talaga ang turing niya.

By second week of May ay mawawala sa bansa ang dalawa kasama sina Ogie Alcasid at Regine Velasquez para sa kanilang US at Canada tour na tatagal hanggang June. Kasabay rin halos ng pagtatapos nila ng shooting ng movie ay ang pagsisimula naman ng taping for their 4th primetime series, ang Endless Love.

Hindi na kami magtataka kung sa pagkakataong makakausap na ng press people si Marian, isa sa siguradong itatanong at papagreakin ito ay sa titulong Drama Queen na ibinigay ng GMA-7 kay Claudine Barretto.

May naglalabasan na rin kasi at nagsasabing kesyo sa pagpasok daw ni Claudine sa GMA, hindi na si Marian ang reyna. Pero kung pakasusuriin naman, tama lang din ang title bilang si Claudine ay drama naman talaga ang linya while Marian can do anything mapa-drama or comedy.

Feeling namin, posible pang magkaisyu kung sakali’t primetime series na ang ginawa ni Claudine at ang pagiging Primetime Queen ang ibinansag dito dahil sa ngayon, ang naturang title ay maia-apply pa lang nga ng Kapuso network kay Marian.

Kris Aquino, gustong bumalik sa GMA 7?

2010-04-09T05:06:00.000-07:00

Naku, dahil daw sa paulit-ulit na pagpapalabas ng ABS CBN sa video footage na kung saan ay binanggit ni Baby James ang pangalan ni Villar o Vilyay sa kampaniya ni Noynoy, habang karga-karga ito ni Kris Aquino, nagbabalak na raw si Kris na layasan ang Dos?

Tsika lang ito na kesyo may tinawagan na si Kris na isang tao na puwedeng maging tulay para makabalik siya sa Siyete, at sinabi nga raw ni Kris sa taong `yon na “Ibalik mo na ako sa GMA”!

Pero, papayag naman ba ang Papa Gabby ko na umalis sa kanila si Kris?

Oh siya, wait na lang tayo sa mga susunod na chapter, ha!

Sarah, biktima ng magulong producer sa Japan!

2010-04-09T05:05:00.001-07:00

NAGPALIWANAG si Sarah Geronimo tungkol sa hindi niya pagdating sa ginanap na Philippine Fiesta 2010 concert sa Tokyo, Japan.

Sabi ni Sarah, hindi dahil sa hindi sila nabigyan ng working visa kung kaya hindi sila nakapunta sa Japan, kundi dahil na rin sa producer na kumuha sa kanya at sa ibang performers.

Dapat pala ay kasama ni Sarah sina Jed Madela, Dra. Vicki Belo, Louie Ocampo at Rowell Santiago sa Exhibit Hall 3 ng Tokyo Big Sight. Pero pare-pareho nga silang hindi nabigyan ng working visa ng Japan Embassy.

Ayon sa singer-actress, naguguluhan daw sila sa producer na kumuha sa kanila. Hindi raw ito klaro sa mga dapat nilang gagawin sa show. Pero nakapag-submit naman daw sila ng mga requirements sa embassy.

“Lahat naman po naibigay namin. Hindi po kami nagkulang. Nasa producer po ‘yung problema. Sila na siguro ang dapat mag-explain kasi on our part, ginawa namin ang mga hinihiling nila,” sey ni Sarah.

Nalungkot lang si Sarah dahil napag-alaman niya na maraming mga Pinoy sa Tokyo ang bumili ng tickets dahil sinabi ngang darating siya kasama ang ibang celebrities mula sa Pilipinas. Noong mag-start na raw ang show, doon daw sinabi na hindi na sila makararating.

“Marami nga raw nadismaya kasi sinabi sa kanila na darating kami. Eh hindi pa nga maayos ang mga papers namin dito. Sana hindi nila pinaasa ang mga tao roon kasi alam kong may mga nagbiyahe at gumastos ng malaki para lang mapanood kami.

“Ayokong isipin ng mga tao roon na nambitin kami or inindyan namin ang show. Hindi namin gagawin iyon. Kung naayos lang ng maaga ang papers namin, makakarating kami roon para sa kanila.

“Hindi lang namin nagustuhan ‘yung pinaasa ang marami nating kababayan doon. Hindi maganda ‘yang ginawa nilang ‘yan.”

Kung mabibigyan daw ng pagkakataon si Sarah ay magsu-show siya sa Japan para sa mga Pinoy doon. Aayusin lang daw ang schedules niya dahil sobrang puno na raw ito hanggang kalagitnaan ng 2010.

PBB Teen Clash of 2010, mag-aapoy sa tag-init!

2010-04-09T05:03:00.000-07:00

LALONG mag-aapoy ang tag-init sa pinakabagong edisyon ng Pinoy Big Brother (PBB). Bukas (Abril 10) ay magsisimula na ang PBB Teen Clash of 2010 pero excited na ang marami sa mga bagong sorpresa at pasabog ni Kuya.

Siyempre, hindi nagpahuli sa kasiyahan sina Toni Gonzaga, Mariel Rodriguez at Bianca Gonzales.

“Kapag kasama ko sina Mariel at Bianca, parang di kami nagtratrabaho,” say ni Toni.

“It doesn’t feel like work at all kung kasama mo ‘yung mga bestfriends mo na halos sisters mo na talaga,” sambit naman ni Mariel.

“Iba yung bonding namin pag nasa PBB kami!” say naman ni Bianca.

Maliban sa mga hosts, siguradong maiintriga ang lahat sa kung ano ba talaga ang ibig sabihin ng “Clash” sa Teen Clash of 2010. May mga hula na ang “Clash” ay ang pagbabalik-bahay ng mga ex-teen housemates, at may nagsabi rin na may iba’t ibang challengers ang mga makikipag-clash sa mga teen housemates every week.

“When you say clash, pagbabanggain. Siguro, pagsasama-samahin ‘yung mga pareho ang ugali,” hula ni Toni.

Well, malalaman ang ibig sabihin ng “clash” at makikilala na rin ang higit sa 12 teen housemates sa espesyal na kick-off na tinatawag na “Let the Clash Begin.”

Karylle swimsuit malfunction!!!

2010-04-08T21:23:00.001-07:00

Kung noon nauso ang s*x video scandal. Ano naman itong pinapauso ngayon? Wardrobe malfunction? Nipple slip?

After the much talked about and incredibly high internet hits of Anne Curtis' swimsuit malfunction in ASAP XV's Boracay show last March 21, si Karylle naman ngayon ang target sa mga online networking sites. Why, because she has an alleged scandalous nipple slip on the same event during a song number with Yeng Constantino and Vina Morales.
It really turns out that ASAP XV's Boracay show was a disaster. Publicity or not, fault man ng wardrobe assistant or not, artist should better be careful or else... sorry.

But just 6 hours ago, TV journalist Marie Lozano clarified via her Twitter account that Karylle was wearing a nipple tape during the said incident, so wala talagang makikita. Her statement was seconded by model-host Phoemela Baranda also on her twitter account.

I decided to post the shaded copy of the alleged Karylle nip-slip picture and keep the original copy to myself. Why? we better leave Karylle alone. Besides, who would want your pic, with your right boob popping out of its comfort zone, being the feast of public eye.

Nora ayaw nang umuwi ng 'Pinas

2010-04-07T23:01:00.000-07:00

Patagal nang patagal ang inaasahang pagbabalik ni Nora Aunor sa Pilipinas para sa promosyon ng kumpanya na nagbigay sa kanya ng make-over. Napakalaki ng pagbabago na naibigay ng make-over sa superstar. Talagang nagmukha siyang 10 years younger na hinihinala ng marami na siyang dahilan kaya na-boost ang confidence ni Nora. All of a sudden, kaliwa’t kanan ang tinatanggap niyang shows, at hindi lamang sa US at Canada. May mga pinag-aaralan pa siyang offers from other countries. Dahil dito, na-move na naman ang nakatakda niyang pag-uwi sa buwan ng Mayo na birthday month niya. Kung hindi June ay baka sa July na siya makapunta rito. Kailangang tapusin pa muna niya ang mga shows na tinanggap niya.

Naririnig ko ba ang buntong hininga ng mga Noranians? Matagal na silang naghihintay. Simula pa nung mga panahong naghahanap pa ng paraan ang mga anak niya kung paano siya mako-contact.

Bago pa naganap ang make-over at bago pa ito plinano, narinig na nila ang gagawing pag-uwi ng kanilang idolo mula sa mga taong tinawagan nito ng personal sa telepono, para lamang sabihin na nagbabalak siyang umuwi. Narinig din nila ito kay Kuya Germs (German Moreno) who said he met the superstar in the US and she expressed a desire to come home. Ganito rin humigi’t kumulang ang sinabi ni Lotlot de Leon who stayed with her in the US nang pumunta ito run para ma-meet ang kanyang biological father.

Now, here comes her son, Ian de Leon na sinamahan ang kanyang ina sa kanyang pagpapaganda sa Japan. Sinabi nitong di pa makakauwi ang kanyang “mama.” Marami raw itong commitments na dapat unahin. Baka mga isa o dalawang buwan pa bago ito makauwi.

Di ba obvious na parang ayaw umuwi ni Nora? Puwede naman siyang pumunta rito at pagkatapos ay umalis kaagad. Kung mga dalawa o tatlong araw ay maaari na niyang matantiya kung meron siyang makukuhang proyekto rito, bukod pa sa gagawin niyang pagdalo sa pormal na pasinaya ng Japanese aesthetic center. Eh ‘di umalis siya agad para hindi maipit sa kanyang mga commitments. Saka na lamang siya bumalik kapag na-fulfill na niya ang mga concerts na natanguan niya sa US at Canada.

Nag-breakdown sa pag-eere ng Villar campaign ni Baby James, Kris nag-walkout sa taping

2010-04-07T22:59:00.000-07:00

Breaking news : “Nag-walkout si Kris Aquino sa taping ng Kung Tayo’y Magkakalayo. Dumating siya ng 9:00 a.m. pero umalis din ng 10:30 a.m.,” simula ng kausap ko sa kabilang linya.

“Hindi niya matanggap ang paulit-ulit na pagpapalabas ng video tungkol kay Baby James,” dagdag ng source sa kabilang linya.

“Nagtatampo siya. Pagtalikod niya, nag-breakdown. Hindi nila alam kung nasaan si Kris.

“Ayun hanggang kahapon ng hapon, nakatengga sila (production ng Kung Tayo’y Magkakalayo) pero itutuloy ang taping nila,” dagdag na kuwento ng isang witness sa pagwa-walkout ni Kris sa taping ng kanyang soap opera sa ABS-CBN kahapon.

Actually, ang hindi lang daw kapata-patawad at katanggap-tanggap na ang isang channel na akala ng madla ay pro-Noynoy Aquino ay ipinalalabas ang video ni Baby James na umiral ang pagkapilyo sa isang campaign rally na nang tanungin siya kung sino ang iboboto, Villar ang isinagot ng batang magtatatlong taon pa lang naman.

But on the other hand, nakabuti rin naman dahil kahit inaakusahan ng mga tao ang pagiging pro-Noynoy ng Dos, napatunayan nilang pagdating sa balita, wala silang pinatatawad.

Well, makikinabang na naman dito si Sen. Manny Villar na nagpa-planong padalhan ng tatlong relos si Baby James bilang pasasalamat sa ginawa nitong pagbanggit sa kanyang pangalan sa kampanya sa Bacolod bago nag-Semana Santa.

Joke tuloy ni Tito Alfie Lorenzo, naniniguro lang si Baby James noh. Na hindi sila dapat lahat maka-Noynoy dahil baka raw manalo si Villar eh ‘di puwede rin siyang makitira sa Malacañang as guest.

Hahaha. Kaloka na ang kuwentong ito.

Anyway here pala ang buong tweet ni Kris last Monday :

“Nag-sorry ako to Noy & my sisters right away & they told me siempre he’s 2 yrs old- terrible 2s. Moral of the story- we let him be 2 while guiding him to be a good boy.

“Hay naku, ang ka naughty-han ni Bimby! Talagang heaven’s way of making me feel all I did before to stress Mom. True, he said “Veeyar” in Bacolod rally. Nag naughty siya kasi 10th event namin that day- pagod na. Bimby is sikat so nasa news.”

Aktres biglang ayaw nang maka-partner ang BF

2010-04-07T22:55:00.000-07:00

Kumpirmadong break na ang magandang aktres na anak ng itinuturing na music icon at BF nitong produkto at winner ng reality search turned actor dahil bonggang-bongga nitong tinanggihan na makapareha ang binata sa pagbibidahan niyang afternoon soap.

Dapat ay ang actor ang kapareha ng aktres sa soap dahil klik ang huli nilang pinagtambalan at tanggap ng viewers ang loveteam nila. Pero laking gulat ng staff ng show dahil ayaw ng aktres na makapareha ang binata at ‘di na nag-explain kung bakit.

No choice ngayon ang staff kundi maghanap ng aktor na itatambal sa aktres. Nakarating na sa binata ang pagtanggi ng aktres na siya’y makapareha at ang alibi na lang nito’y may ibang project na hinihintay ang management niya para sa kanya.

Hindi inamin ng magandang aktres at aktor ang kanilang relasyon, pero obvious na naging sila’t laging binabanggit ng aktres ang pangalan ng aktor sa kanyang Twitter account, pati kung saan sila pumupunta, kaya nalalamang lagi silang magkasama.

Napansin ng followers ng aktres sa Twitter na after Valentine’s Day, she stopped mentioning the guy’s name at ‘di na rin sila nakikitang magkasama. Walang nagkukumpirma sa tsikang break na sila, hanggang lumabas ang balitang ayaw makatrabaho ng aktres ang baguhang aktor at winner ng isang reality show.

Juday at Claudine, tuloy ang bombahan!

2010-04-07T22:53:00.000-07:00

Initial telecast ng dramaserye ni Claudine Barretto sa GMA7 sa Sabado na ang unang kapareha niya sa tapusang episodes ay mismong mister niyang si Raymart Santiago. Pero dahil sa pagmamahal ni Gretchen Barretto sa sister niya ay sasabayan niya ito ng MMK naman niyang kabit ng isang pari ang role niya.

Well, magtapatan man ang magkapatid na Barretto, sigurado namang isang victory for the Barretto clan ito dahil na-conquer ng magkapatid ang dalawang magkalabang network na GMA7 at ABS-CBN.

Na bihirang mangyari at ngayon lang mangyayari sa year 2010.

Marami naman ang nagtaka at nagulat kung bakit nanduon daw kami sa presscon ng Claudine? Bakit naman hindi? Eh suki naman ako ng lahat ng GMA presscons. Bakit maiiba pa ang kay Claudine? In fact, alas-kuwatro pa lang ng hapon ay nanduon na ako sa I-Republik where I had a meeting with Dindo Fernando’s widow Cory na sabik na akong makita uli after almost ten years na ‘di kami nagkita.

Doon namin pinalipas ang oras hanggang sa umabot kami ng 7:00 pm at naglakad na lang ako patungo sa Events 55 place kung saan idinaos ang solo presscon ni Claudine.

Nu’ng araw na ‘yun ay lumabas sa mga pahinang ito ang tungkol sa magkapatid na Barretto at ang hiyaw ng isang Juday fan na tantanan na ng mga Barretto si Juday. Akala pala ni Claudine ang presence ko doon ay may war freak stand. Ninerbyos daw si Claudine nu’ng makita ako. I was out smoking nu’ng pasalamatan daw ako ni Claudine over the microphone kaya ‘di ko nadinig ang mga sinabi niya.

Well, my presence sa presscon ni Claudine was nothing special except to prove to our colleagues in the writing field that nothing is ever personal sa mga birada namin sa mga artista kundi isang paalala ‘yun na its up to them kung pakikinggan nila o hindi.

Sundin man nila ang mga payo namin o hindi, it does serve others na ‘di namin pinatutungkulan pero nakagawa ng katulad na pagkakamali and thus repent and mend their ways.

Nu’ng mainterbyu naman ako with cameras na nakatutok sa amin ni Claudine, ipinaliwanag ko namang alaga ko noon ang sister niyang si Gretchen nu’ng maliliit pa sina Claudine at Marjorie Barretto.

Kami ng mommy Inday nila at daddy Mike ang magkatsika.

Binanggit ko pa nga na nakasabay ko sa airport sina Inday at Mike Barretto nu’ng papunta kami ng London at madalas kaming magkita ni Mike sa Subic Bay International Hotel during the time na may business pa siya doon till 2007.

When I saw Claudine’s dad ay masigla na ito and healthy mula sa pagkakasakit niya.

Kahit ang mga fans ni Claudine desires to fight with Juday’s fans, I know na natural lang ‘yun sa mga fans, ang ipagtanggol ang idolo nila at ipagyabang. Nangyayari din ‘yan sa tunay na buhay sa mga lalaking may kanya-kanyang syota na gusto eh mas maganda ang isa kesa doon sa syota ng bespren.

Ako naman ay tumanda na sa piling ng nagbabangayang mga fans mula pa kina Nida Blanca vs. Gloria Romero, Amalia vs. Susan, Nora vs. Vilma, Maricel vs. Sharon, hanggang kay Juday.

Natural lang sa local showbiz na dapat may katapat o kalaban ang isang artista para pag-usapan, pagtalunan, pag-awayan para mas sumikat at manatili sa public attention. The more na pinag-uusapan at pinagtsismisan ay lalong nananatili sa public eye. Kundi na pinag-uusapan at pinagkukumpara, ‘yun ang panahong nakakatakot na dahil araw ng paglubog na ng buwan!

Nanduon si Raymart Santiago na sorpresa pala ang presence dahil nang tanungin ko si Claudine kung nasan si Raymart eh sinagot niyang nasa bahay raw at nagbebeybi sit. ‘Yun pala eh may surprise appearance si mister kasama ng mga anak nilang sina Sabina at Santino.

Nilapitan kami ni Raymart na komo laking-showbiz ay hindi namersonal sa anumang isinulat namin laban sa misis niya. Raymart also grew under our very eyes dahil kaibigan namin ang ama niyang si direk Pablo Santiago at ka-mahjong namin ang mother niyang si Celing (Cielito Legaspi na dating artista ng Larry Santiago Productions, Larry being the brother of Pablo), so may malalim na pinagsamahan din kami ng mga Santiago.

Si Randy Santiago nu’ng nag-aaral pa ay nainterbyu din ako sa first talk show kong “Star Ka!” nu’ng 1980 na kailangan daw sa isang subject niya in school. At si Rowell naman ay naging alaga rin namin during his romance with Sharon Cuneta sa Viva Films. So what is there to fight about? I know where Juday stands at kung saan ang lugar naman ni Claudine.

Sorpresa rin pala ang message ni Juday for Claudine, eh nabanggit ko agad kay Claudine kaya ‘di na ito nagulat, pero inabangan niya ang sinabi ni Juday. So, all is well that ends well ba? Hindi pa. Active pa sina Juday at Claudine kaya wala pang katahimikan sa paligid at magpapatuloy pa rin ang bombahan.

Sa lahat ng mga presscons na dinaluhan ko, that was the only time na kami na lang nina Claudine at mga bossing ng GMA7 ang naiwan sa venue. Kahit na presscons pa ni Juday ay maaga akong tumatakas. First time lang ako hindi kinati ang mga paa para tumakas na. I even told Claudine na ‘yung mga floral arrangements na iniuwi ko ay iaalay ko sa altar ni Sto. Niño at Nazareno para ang dramaserye niya ay maging toprater ng GMA. It will only happen kung susuportahan din ni Claudine ng dasal ‘yun para mas maging epektibo ang alay namin sa ating Panginoong Diyos!

Oh ano, mas epektibo ba ang drama namin kesa Claudine dramaserye ng gabing ‘yun? Kaya abangan sa Sabado ng gabi ang pagsisimula ng bagong kabanata sa buhay-artista ni Claudine Barretto sa GMA.

Okay ba kai?

Rochelle, lalayasan na si Joy Cancio?

2010-04-07T22:51:00.001-07:00

PINABULAANAN ni Rochelle Pangilinan ang balitang aalis na siya sa poder ng kanyang manager na si Joy Cancio at magpapa-manage na siya sa isang TV executive ng GMA-7.

Pero sabi ni Rochelle, masaya siya sa pagma-manage sa kanya ng Focus E ni Joy Cancio.“Para naman yatang hindi mangyayaring iwan ko si Ate Joy,” say ni Rochelle.

“Marami na kaming pinagdaanan ni Ate Joy at ng Sexbomb. Sa simula pa lang, kami na ang magkakasama. Noong mawala kami before sa Eat Bulaga, magkakasama pa rin kami at walang iwanan.

Kumbaga, tried and tested na ang samahan naming lahat.

“So bakit pa ako mag-iisip na iwan si Ate Joy? Unang-una masaya ako sa mga nangyayari sa career ko. Hindi ako nawawalan ng trabaho. At kapag may request ako kay Ate Joy tulad noong gusto kong gumawa naman ng primetime na show, nagawa naman niya.

“Kaya walang rason at walang dahilan para iwan ko siya. Para ko nang pangalawang ina si Ate Joy. Lola na nga ang tawag namin sa kanya, eh.

“Kung ano man ang narating ko ngayon, utang na loob ko ‘yan kay Ate Joy at sa Focus E. Kaya mali ang nasulat na ‘yan. Obvious na hindi niya alam ang magandang samahan namin ni Ate Joy.”

Binalita rin nga ni Rochelle na magpipirmahan na nga ulit sila ng kontrata sa Focus E.

“Yung kontrata kasi, parang formality lang naman since may opisina nga si Ate Joy at business iyon, eh. Kailangan ng mga papers talaga. Pero kung sa akin lang, wala nang ganyang kontrata dahil alam naman niyang hindi ko siya iiwan.”

Bida nga pala si Rochelle sa Daisy Siete: Season 26 (Adam Or Eve).

Christopher, naiyak sa pagbubuntis ni Gladys!

2010-04-07T22:48:00.000-07:00

SIX weeks na nga ang ipinagbubuntis ni Gladys Reyes ngayon na ikatlong anak nila ng asawang si Christopher Roxas.

“Unexpected siya kasi akala ko, matatagalan bago ako magbuntis ulit dahil after kong ipanganak si Aquisha, naging polycystic ang right ovary ko. ‘Pag ganu’n, medyo mahihirapang magbuntis.

“Kaya ‘yung O.B. Gyne ko, niloloko si Christopher na matindi nga raw ang kamandag, parang may itak, considering na may polycystic ako, nakabuo pa rin,” kuwento ni Gladys.

Unexpected man, masaya ang mag-asawa dahil sa blessing na natanggap nila. Magtu-2 years na rin kasi ang pangalawa nila kaya tamang-tama lang ang pagbubuntis niya.

Pareho ng O.B. sina Gladys at Judy Ann Santos, si Dra. Florendo. Siya raw ang nag-refer kay Juday kay Dra. Florendo.

“Siguro, mauuna lang si Juday sa akin ng one month, parang October yata ang due date niya. Ako, hindi ko pa alam dahil hindi pa ako nagpapa-ultrasound, pero, posibleng November.

“Mas marami kaming napagkukuwentuhan ni Juday ngayon dahil comparing notes talaga kami. ‘Yun nga lang, kahit first pregnancy pa lang ni Juday ngayon, parang mas lumalabas, mas maselan pa yata ako sa kanya. Mas ang dami kong nararamdaman na kakaiba, nahihilo, nasusuka. Eh, si Juday, ang gaan niyang maglihi.”

Hirit pa ni Gladys, napagkuwentuhan na rin daw nila ni Juday na kung sakaling parehong girl ang ipinagbubuntis nila, puwede nilang pangalanan na Mara at Clara ito. Hango sa kanilang first soap-opera na masasabing nagsimula ng pareho nilang pagsikat.

Anyway, naging emosyunal pa rin daw si Christopher nang malamang buntis siya.

“Umiyak siya. Parang first time dad. Siguro, hindi lang niya sinasabi, baka nag-iisip din siya na nang maging polycystic ako, hindi na ako mabubuntis. Siyempre, ayaw rin namin ng dalawang anak lang.”

Timing din daw na nag-last taping day na sila for Habang May Buhay.

Claudine, nagpa-lipo ng mukha?

2010-04-06T03:55:00.000-07:00

NAMAMAGA nang husto ang mukha ni Claudine Barretto sa guesting nito sa Showbiz Central noong Linggo. Si Raymond Gutierrez ang nag-interbyu kay Claudine at allergy ang paliwanag niya tungkol sa pamamaga ng mukha ng aktres pero may mga nagdududa na thermage procedure at face liposuction ang dahilan.

Allergy, face liposuction o thermage procedure man ang rason, pinabilib kami ni Claudine sa professionalism na ipinakita niya dahil may sapat na dahilan para i-cancel ang kanyang live guesting sa Showbiz Central.Imbes na mag-back out, pumunta pa rin si Claudine sa studio para i-promote ang kanyang self-titled drama anthology sa GMA 7 na mag-uumpisa sa darating na Sabado.

Inalagaan ni Rico Gutierrez (Showbiz Central) si Claudine dahil puro long camera shot ang kanyang ginawa. No close up shot, isang rare chance na hindi nagsabi ang isang artista ng “I’m ready for my close up”.

Jennylyn at Dennis, nag-Holy Week sa HK?

2010-04-06T03:53:00.000-07:00

MUKHANG flop ang Boracay nitong nakalipas na Holy Week? Wala tayong narinig na iskandalo na nangyari sa Boracay na involved ang mga artista natin.

Siguro, kinapos ng budget ang mga starlets kaya mas ginusto nilang manahimik na lang sa kani-kanilang bahay.

Well, ang Hong Kong yata ang mas dinayo ng mga artistang may pera. Kunsabagay, ang init na nga naman ng panahon ngayon, pupunta pa ba sila sa lugar na mas mainit? Eh, heto nga at ang lamig daw ngayon sa Hong Kong kaya mas enjoy sila.

Heto naman ang email ng isang reader ng Abante na kagagaling lang din sa Hong Kong. Hala, read niyo na lang ang email ni Elvira A., at medyo nakakaintriga ito.

“Dear Tito Alfie,

“Sa Hong Kong po kami nag-Holy Week kasama ang family ko. At no regrets, dahil kahit first time namin, at hindi kami masyadong nakapag-shopping, nag-enjoy talaga kami ng mga anak ko dahil napasyalan namin ang Hong Kong Disneyland. Plano naming bumalik before Christmas, para makapag-shopping naman.

“Anyway, enjoy rin kami dahil may mga stars kaming nakita sa Hong Kong. Nakita namin si Aljur Abrenica, na kasama nga ang family niya. At mukhang ang saya-saya nila, ha!

“Pero, ang ikinagulat ko, nakita ko rin si Dennis Trillo, at feeling ko, parang namalik-mata ako, dahil hindi si Cristine Reyes ang kasama niya, at bagkus ay si Jennylyn Mercado?

“Sabi ng mga friends ko, hindi raw ako dapat magtaka na magkasama sa Hong Kong sina Jennylyn at Dennis, dahil magkasama sila sa teleserye sa GMA. Baka raw sobrang close ng dalawa ngayon, kaya hanggang sa bakasyon sa Hong Kong ay magkasama sila.

“Sige po, Tito Alfie, hintayin ko na lang ang reaction ng dalawa kapag may nagtanong na sa kanila sa pagbabakasyon nila sa Hong Kong.”

Kyla, mas okey ka-duet ni Mark kesa sa La Diva!

2010-04-06T03:50:00.000-07:00

HINDI pa rin masyadong impressive para sa amin ang second episode ng Party Pilipinas. Nakulangan pa rin kami sa mga production numbers at pati na sa mga bagong kantang nadinig!

Pilit din ang pagsasayaw ng main hosts. Hayaan na lang silang kumanta at bumirit nang bumirit, huh!

‘Yun naman ang malaking asset nila kaya pasok pa rin sila sa programa. Hindi rin namin keri ‘yung pagpa-falsetto sa number ni Kris Lawrence. Nakakasawang pakinggan.

Mas bongga kung normal na boses ang iparinig ng ex boyfriend ni Katrina Halili. Saka, iwasan sana ng kamera na makunan ‘yung parte ng ulo niyang may peklat! Ang sagwang tingnan dahil very prominent!

Mabuti naman at pinag-duet sina Mark Bautista at Kyla. At least, hindi na sa mga pinagpipilitang La Diva gaya nu’ng pilot episode ipinapareha si Mark. Nakakasawa na ang La Diva, kahit sabihin nilang may boses naman. Aba, hindi lang boses ang labanan sa telebisyon ngayon, ‘no?

Wish namin, sa mga next episodes ng PP, mas bago ang mga kanta at party talaga ang ambience na masaya at masiglang lahat ang napapanood sa show!

Regine, pinalagan ang panlalait sa Party Pilipinas!

2010-04-06T03:48:00.000-07:00

PINALAGAN ni Regine Velasquez ang sinasabi ng iba na kesyo wala namang bago sa Party Pilipinas, at mukha pa rin itong SOP.

Panglalait ng iba, wala naman talagang nabago sa show nila, at hindi pa rin daw ito puwedeng ipantapat sa ASAP XV ng ABS CBN.

“Siyempre, musical show, ‘di ba? So, ganun talaga. Pero, nakita n’yo naman, mas maganda talaga in-terms of production value,” bungad na hirit ni Regine.

Sa tingin nga ni Regine, marami ang natuwa at nag-enjoy sa Party Pilipinas. At naniniwala nga siya na kayang-kaya nitong makipagsabayan sa kalabang show.

Kuwento ni Regine, ang boyfriend niyang si Ogie Alcasid ang mas hands-on sa Party Pilipinas. Mas focus daw kasi siya sa primetime series niyang Diva.

“Hindi naman sa hindi ako involved sa Party Pilipinas. I’m also excited for Party Pilipinas kasi nga, maingay siya. And when you do a soap, it’s nice that you have a musical show dahil doon mo nailalabas ang pagiging singer. Good thing nga lang ngayon, ‘yung soap ko na Diva, nagla-live talaga ako.”

Sa Amanpulo nga nagdaos ng Holy Week sina Regine at Ogie. Abut-abot nga ang pasasalamat ni Regine kay Mr. Tony Tuviera ng TAPE, Inc.

“Ang bait-bait kasi niya. Ganun talaga siya. Minsan, sasabihin na lang niya sa amin ni Ogie na magpunta kami ng Hong Kong!

“Ang hirap tumanggi sa kanya. Siyempre, alam mong mahal na mahal ka, at mahal na mahal din namin siya,” say na lang ni Regine.

Jackie, pantasya ni Joross!

2010-04-06T03:46:00.000-07:00

SA Phuket, Thailand nga nagdaos ng Holy Week si Joross Gamboa, kasama ang girlfriend niyang si Katz Saga. First time raw nilang mag-bonding `yon sa labas ng bansa.

Very open nga si Joross about his girlfriend. Pero, walang-wala pa raw sa isip o plano nila ang magpakasal. Pero, aminado siya na si Katz na ang gusto niyang makatuluyan.

Siyanga pala, itinanggi ni Joross na live-in na sila ni Katz. Sa bahay pa rin daw niya sa Parañaque siya umuuwi at ang girlfriend naman niya ay nagri-rent din ng townhouse sa Parañaque also. Madalas daw wala sa Pinas si Katz dahil sa mga modeling assignment nito.

Anyway, feeling blessed si Joross ngayon dahil okey ang kanyang love life, at pati na ang kanyang career. Si Jackie Rice nga ang susunod niyang magiging leading lady sa susunod na episode ng Dear Friend.

Inamin ni Joross na pantasya niyang maging leading lady si Jackie, at natupad nga `yon.

“Marami pa akong gustong makasama, pero nu’ng tinanong ako kung sino sa mga Kapuso ang gusto ko, si Jackie agad ang isinagot ko,” sabi niya.

“Binasa ko talaga ang FHM magazine na siya ang cover. Gusto ko kasi na may alam ako sa kanya kapag nagkaharap kami,” dugtong na kuwento pa ni Joross.

Bakit importanteng may alam siya kay Jackie?

“Siyempre, para mas maganda ang working relationship namin,” nangingiting sambit lang ni Joross.

Shaina-John Lloyd, pinagtatawanan na lang ni John Prats!

2010-04-06T03:44:00.000-07:00

DINADAAN na lang sa biro ngayon ni John Prats ang nangyari sa relasyon nila ni Shaina Magdayao.

Ngayon kasi na mukhang out in the open na ang tungkol kina Shaina at John Lloyd Cruz, tanggap na ito ni John at puwede na raw niya itong pagtawanan na lang.

“Nobody can say naman that I didn’t try to save our relationship,” sabi ni John.

“Alam ‘yan ng mga pamilya at mga kaibigan namin. I did my best and now, no regrets sa nangyari sa amin ni Shaina. Puwede ko na siyang pag-usapan at ngitian,” dugtong na sambit pa ni John.

Kung noon daw ay nasasaktan si John tuwing nababanggit ang pangalan ni John Lloyd sa usapan tungkol sa nasira nilang relasyon ni Shaina. Ngayon daw ay kaya na niya itong tanggapin at gawan pa ng joke.

“Akala mo nga na fairy tale ang ending naming dalawa. ‘Yung happily ever after. Hindi pala totoo sa lahat iyon. May binabagayan pala iyon. At hindi para sa amin ni Shaina iyon.

“Yung tungkol naman sa kanila ni John Lloyd, accepted ko na iyon. Like what I said, I can laugh at it na lang at gawan ko ng biro.

“May nagtanong nga sa akin na if ever aksidente kaming magkita ni John Lloyd, ano ang gagawin ko?

Ang sagot ko, ‘Magpapa-picture ako sa kanya at hihingi ng autograph!’ Ha! Ha! Ha! Ha!” malakas na tawa ni John.

Inamin nga ni John na kahit na iisang network sila ni John Lloyd ay never daw silang naging close.

“Nagkikita lang kami sa studio at sa ilang guestings pero we were never close. In short, hindi naman kami friends. Hindi kami chika! Ha! Ha! Ha! Ha!” tawa niya ulit.

“May nabasa nga ako na sasapakin ko raw si John Lloyd kapag nagkita kami. Naku, hindi ako bayolenteng tao. Hindi ako magre-resort sa ganu’ng kilos lalo na kung alam ko na ako ang lalabas na masama.

“Maganda na ang pakiramdam ko because I’ve move on na. Kumbaga, harapin na natin ang bagong buhay. Kakatapos lang ng Easter kaya it’s a new life kaya tanggapin na natin ‘yan.”

Noong mag-show nga ang ASAP sa Boracay ay nahuli raw si Shaina na tumitingin-tingin kay John habang nagre-rehearse ito ng sayaw. ‘Yung para raw gusto siyang lapitan pero nagdadalawang-isip daw si Shaina.

“Talaga? Baka nagustuhan niya ang tan ko! Ha! Ha! Ha! Ha!

“Hindi ko alam ‘yan kasi noong nasa Bora kami, trabaho ang inasikaso ko. Wala akong time na mag-emote sa beach. Tsaka hindi rin naman kami nagkausap kaya it’s okay.

Isa na nga sa mga non-exclusive stars ng TV5 si John at kabilang siya sa tatlong prinsipe ng primetime ng Kapatid network. Bukod sa sitcom na Moomoo and Me, kasama rin si John sa Lokomoko U at sa PO5: Party On 50.

Angelu, inspirado kay Efren Peñaflorida!

2010-04-06T03:42:00.000-07:00

PUMASOK na nga si Angelu de Leon sa ibang career path. This time, mas seryoso at mas ibang-iba na siya, kumpara sa pagiging artista.

Aminado si Angelu na simula nu’ng maging Born-Again Christian siya, nag-iba ang mga pananaw niya sa buhay.

Anyway, tinanggap ni Angelu ang hamon bilang Presidente ng JCI Ortigas Chapter. Isang international non-partisan and non-profit oriented group kunsaan ay nagbibigay sila ng charity sa lahat ng klase ng pangangailangan.

Na-induct nga si Angelu as President at mismong siya raw ang personal na kumontak kay Efren Peñaflorida para maging guest speaker nila. Sobrang na-touched daw siya kay Efren dahil kahit hindi raw sila personal na magkakilala, pero isang tawag lang niya ay hindi siya pinahindian nito.

“Pareho kasi kami ng goal. At sobrang nai-inspire ako sa kanya. Hindi kami magkakilala ng personal kaya nagulat at na-touched ako na sa isang invitation ko lang sa kanya, umoo agad siya,” masayang pahayag nga ni Angelu.

Feeling naman ni Angelu, hindi raw niya kailangang i-compromise ang pagiging artista niya sa bago niyang endeavor. At present, The Last Prince pa lang daw ang ginagawa niya sa GMA-7. Wala rin daw siyang lovelife na kino-consider.

“Wala! ‘Yung last na alam mo, wala rin, hindi rin nag-work-out. Feeling ko, ganun yata talaga. Siguro, it goes din na mula ng maging Christian ako, kung sinuman ang magiging karelasyon ko, it’s different na talaga from before.” (ROSE GARCIA)

Daiana, hinuhubaran sa titig ni Shivaker!

2010-04-05T03:55:00.000-07:00

NASAKSIHAN namin ang kaswitan nina Daiana Meneses at Shivaker/Sam YG nang magkasunod silang pumasyal sa Wednesday Club sa Imperial Hotel bago ang Holy Week. Unang dumating ang Brazilian model at after ilang minutes, heto at dumating ang Pinoy-Indian na naka-shorts lang!
Consistent naman ang dalawa sa pagsasabing friends lang sila. Pero hindi kapani-paniwala ang sinasabi nila sa kanilang ginagawa that night.

Kasi naman, si Daiana mistulang aliping sagigilid, dahil siya pa ang tagabuhos ng beers sa baso ni Shivaker, at super-asikaso talaga siya, huh! Tapos ang lalaki, kung makatitig sa babae, kulang na lang ay hubaran niya ito sa tingin! At sa totoo lang, feeling nina Sam at Daiana, silang dalawa lang ang nanduon. Istorbohin man namin sila, sandali silang mamamansin pero after that, balik na naman sila sa kanilang bulungan, huh!
Sa kaso nina Daiana at Shivaker, action speaks louder than words nang gabing makasama namin sila.

Pero, dahil ayaw nilang umamin kung may relasyon sila, nirerespeto namin ‘yon. What you see is what you get na lang ang drama namin!

Lalo na at sabay umalis ang dalawa sa Imperial habang nakatunganga lang kami sa kanila, huh!

Jon Avila, 3-taong tigang!

2010-04-05T03:45:00.000-07:00

TATLONG taon nang walang girlfriend si Jon Avila. Pero, inamin niya na lumalabas din siya na kasama ang iba’t-ibang babae.

Sabi ni Jon, focus daw siya ngayon sa kanyang career. Hirap daw kasi siyang pagsabayin ang love life at career, lalo na ngayong tatlo ang show niya sa TV 5, ang Shall We Dance, PO5 at Everybody Happy, at kasama rin daw siya sa Impostor ng ABS CBN.

Giit pa ni Jon, wala rin daw siyang sex life, na mahirap talagang paniwalaan.

Tanong namin kay Jon, wala ba siyang sex-mates, ‘yung tipong harot lang at walang halong love?
“Wala akong sex-mates!” mariing sambit ni Jon. Hindi ba niya nami-miss?

“I stayed in PBB for 3 months, as in wala talaga. Nakaya ko naman. Nakontrol ko naman,” sagot niya.

Pero, hindi talaga kapani-paniwala na sa loob ng tatlong taon ay tigang siya. At dahil parang nakukulitan na sa amin si John, itinaas niya ang kanyang kanang kamay at sabay sabing… “Ito ang sex-mate ko!”

Imposible raw siyang magkaroon ng sex-mate dahil hindi siya mahilig gumimik, at mas gusto raw niyang mag-stay na lang sa bahay.

Samantala, non-exclusive ang kontratang pinirmahan ni Jon sa TV5. Pinayagan daw siya ng Star Magic na siyang humahawak ng career niya, dahil non-exclusive din daw siya sa Kapamilya Network.

Valerie at Dondon, hiwalay na?

2010-04-05T03:41:00.000-07:00

HIWALAY raw si Valerie Concepcion kay PBA cager Dondon Hontiveros? Nali-link kasi ngayon si Valerie kay PBB Double Up ex-housemate na si Tom Rodriguez.

“Hindi kami nagkahiwalay ni Dondon dahil hindi naman talaga kami. Lay low kami ngayon sa paglabas-labas dahil busy ako sa trabaho,” iglap na paglilinaw ni Valerie. Pero, bakit nagseselos daw si Dondon kay Tom?
“Hindi namin napag-uusapan `yon. In fact, Dondon is more of happy for me with this new project, ang PHR presents Love Me Again.”
Anyway, excited si Valerie dahil ngayon lang daw siya ulit aarte sa harap ng kamera. Mas madalas nga siyang mag-host kesa umarte.

“For the longest time, I’ve been waiting for a drama show like this. Ever since lumipat kasi ako ng ABS-CBN, naging busy na ako with Wowowee. Kaya happy ako ngayon na balik-drama ako. It’s something na matagal ko nang hinihintay,” say niya.

Siyanga pala, love story of second chances ang tema ng pinakabagong offering ng Precious Heart Romances (PHR) na magsisimula na ngayong Lunes, April 5. Ikalawang paglabas na ito ni Valerie sa PHR matapos ang PHR presents Bud Brothers. First daily drama series naman ito ng mga dating housemates ni Kuya.

Hango sa pocketbook na sinulat ni Heart Yngrid, ang Love Me Again ay kwento ng magkapatid na sina Precy (Valerie) at Donnie (Johan) na masusubok ang samahan dahil sa pag-ibig.

Kasama rin sina Archie Alemania at iba pang PBB Double Up ex-housemates na sina JM Lagumbay, Kenny Santos at Toffi Santos, ang Love Me Again ay dinirek nina Ruel S. Bayani at Jojo Saguin.

Maja, tagung-tago ang relasyon kay Rambo!

2010-04-05T03:39:00.000-07:00

MAY nakapagsabi sa amin na boyfriend na raw ni Maja Salvador si Rambo Nuñez, ang anak ng assistant ni Richard Gomez na si Marilen Nuñez. Sey ng aming source ay pinapakilala niya ng lihim ang kanyang non-showbiz boyfriend sa kanyang mga kaibigan. Proud nga raw si Maja sa kanyang karelasyon pero hindi raw niya ito puwede pang ilabas sa publiko dahil may iba raw na ipa-partner sa kanya sa ABS-CBN 2.

Na-link nga sa iba’t ibang showbiz guys si Maja noong magsimula itong mag-artista. Na-link siya kina John Prats, Carlo Aquino at Coco Martin. Pero sa isang hindi taga-showbiz pala siya bumagsak.

Dagdag pa ng source namin na nangako nga raw si Maja na balang araw ay ia-announce niya sa TV na siya ay in-love sa isang hindi taga-showbiz. Pero kailangan pa raw nito ng permiso mula sa maraming tao dahil baka raw makaapekto ang pag-amin niya sa kanyang showbiz career.

Marvin, todo-ensayo para sa Asian Games

2010-04-05T03:37:00.000-07:00

MAS pinili ni Marvin Agustin na mag-stay sa Manila nu’ng Holy Week, kasama ang kanyang kambal na sina Sebastian at Santiago. Para kay Marvin, nu’ng binata pa siya ay gawain niya ang mawala sa Maynila tuwing Holy Week, at nabago raw `yon ngayong may anak na siya. “Noong araw na wala pa tayong mga responsibilidad na mabigat, puwede tayong mawala kahit na ilang araw. Kunsaan-saan ako nakakarating noon.

“Ngayon kasi, may mga anak na ako, iba na ang takbo ng buhay ko. Mas nakatutok ako sa mga anak ko. Kesa lumayo pa kami, sa bahay na lang kami ng mga anak ko.

“Makakaiwas pa kami sa mga gastos. Kung makakaipon ka ng malaki, gawin mo. Lahat naman ng pinag-iipunan ko ay para sa mga anak ko,” bungad na kuwento ni Marvin.

Sunud-sunod nga ang biyayang dumarating kay Marvin. Bukod sa mga regular shows niya sa GMA-7 na Panday Kids, Dear Friend at Party Pilipinas, todo ang ensayo niya ngayong April para sa isang archery event.

Makikipag-compete si Marvin sa Cebu ngayong April para maka-qualify siya sa 16th Asian Games na magaganap sa China in November. Halos araw-araw raw ay nag-eensayo siya sa UP Diliman kasama ang kanyang coach.

“Matagal ko nang pangarap ang makasali sa isang malaking archery event at itong Asian Games nga ang puntirya ko. I pray na sa mga nagiging ensayo ko ngayon ay mabiyayaan ng maganda. Maging part ka lang ng Philippine team ay malaking bagay na para sa akin,” pagtatapos pa ni Marvin

Jericho suwertihin na kaya sa pagbuhay ng banda?

2010-04-03T21:41:00.000-07:00

Kung gaano ka-intense bilang isang artista si Jericho Rosales, ganoon din o baka mas intense pa siya bilang isang singer/songwriter. Marami ang hindi nakababatid na nakapag-launch na ng isang album sa Malaysia si Jericho kasama ang dating banda niyang Jeans. Matagumpay ang ginawang paglulunsad pero natabunan ito at mas nabigyan ng importansya ang nakasabay nitong malaking problema at kontrobersiya sa buhay ni Jericho. Maaga itong nabuwag pero kasabay ng kanyang pagtatagumpay sa pag-arte, gusto ni Jericho na buhayin muli ang kanyang music career. Maging matagumpay kaya siya? Baka naman muli nito siyang hilahin pababa? Darating kaya sa punto na kailangan niyang pumili between his acting and his music?

Diva Montelaba malaki na ang ipinagbago!

2010-04-03T21:37:00.000-07:00

Malaki na ang ipinagbago ni Diva Montelaba nang makausap namin sandali. Tinanong namin siya kung ano ang malaking pagbabagong nagawa sa kanya ng Starstruck V.

“Masaya po ako dahil kilala na ako ng mga tao. Marunong na po akong makisalamuha sa iba’t ibang klase ng tao. Unti-unti ko nang nakakamit ang tagumpay kaya dito na po muna ako sa Maynila titira kasama ang aking mommy at lola,” sagot ng baguhang singer.

Speaking of Party Pilipinas, mapapanood ang pagyanig ng Araneta Coliseum ngayong Linggo dahil mag-e-enjoy ang mga manonood sa Kapuso primetime stars, mga sumisikat na singing groups, at bagong dance crews sa pagdiriwang ng Easter Sunday. Ia-announce na rin ang mga nanalo sa Diva songwriting contest. Panauhin din ang mga sikat na banda ng bansa na Kamikazee, Chicosci, at Bamboo.

Marvin puspusan ang ensayo ng archery

2010-04-03T21:35:00.000-07:00

Nakausap namin si Marvin Agustin sa launching ng Party Pilipinas at excited na ito sa pagkukuwento tungkol sa pinagkakaabalahan niya ngayon — ang archery.

“Nagagamit ko ang sports na ito sa aking career at negosyo kung saan natutunan ko na magkaroon ng focus at balance. Balak ko ngang sumali sa international competition kaya puspusan din ang pagsasanay ko,” sabi ng aktor na may Korean trainor.

Inamin nito na wala siyang lovelife ngayon at nakasentro ang kanyang pag-iisip sa career at negosyo. Kasama si Marvin sa Panday Kids at Dear Friend.

Rachelle Ann Go Lilipat na rin sa Kapuso!

2010-04-03T21:33:00.000-07:00

Si Rachelle Ann Go ang next na nababalitang lilipat sa GMA Network at papasok sa Party Pilipinas after Mark Bautista. May nagkumpirma na sa tsikang ito at pati sa Internet, balita na rin ang tungkol sa pag-alis diumano niya sa ASAP ng ABS-CBN para lumipat sa katapat na show ng Channel 7.

’Kaloka lang dahil si Rachelle Ann na lang yata ang ’di nakakaalam na lilipat siya sa Channel 7 at papasok sa Party Pilipinas. Binisita namin ang Twitter account nito thinking na baka dun niya unang i-announce ang tungkol sa paglipat niya, pero wala siyang sinabi.

Sinagot lang ni Rachelle ang mga nagtatanong kung talagang lilipat na siya.

Sabi nito: “Sa lahat po nang nagtatanong, hindi ko pa po alam sa Viva kung anung kaganapan… mangyayari ang dapat mangyari…let’s not worry.”

Unang araw pa lang ni Mark sa Channel 7, ang pagsunod sa kanya ni Rachelle Ann na ang itinatanong at walang maisagot si Mark dahil hindi siya nagtatanong, pero matutuwa aniya siya kung totoong ililipat din ng Viva si Rachelle.

May kinalaman sa hiwalayan: Aktres plastic sa actress-GF ng kapatid na aktor

2010-04-03T21:31:00.000-07:00

Ang plastic ng dating sa amin sa comment ng isang aktres na hindi niya sure kung naging BF ng isa pang aktres ang kapatid niyang aktor dahil never ipinakilala ng kapatid niyang aktor ang aktres sa kanila. Hindi rin nito dinala sa bahay nila ang aktres ’pag may family affair sila na karaniwang ginagawa ng kapatid ’pag may karelasyon.

Paanong hindi alam ni Actress A na GF ng kapatid niya si Actress B gayung siya ang rason sa tuluyang paghihiwalay ng dalawa? Tinawagan ni Actress A ang kapatid niyang aktor, isinumbong ang diumano’y paninira sa kapatid ng mga relatives ni Actress B.

Kinompronta ng aktor ang GF na nauwi sa away at sobrang naapektuhan si Actress B at para matigil na lang ang kaguluhan, nakipaghiwalay na lang siya sa aktor. Masaya pa nga si Actress A nang maghiwalay ang dalawa kasi hindi niya gusto si Actress B para sa kapatid, tapos, sasabihin niyang hindi niya alam kung nagkarelasyon ang kapatid niyang aktor at si Actress B? Ang plastic ng hitad, kaya pala never itong sumikat!